經典古早味蛋糕

营业中

休息中

懷孕晚期了 其實這幾天已經滿腦子係古早味蛋糕的畫面非常掛住咸蛋黃芝士蛋糕 晚上7點幾，真的好想食！！無奈實在抽不到時間去買靈機一觸， 用了gogovan 的代買服務買了半件朱古力，半件肉鬆一件經典鹹蛋黃流心拉絲芝士折後共$116 Gogovan service $110 無計真係太想食好想多謝2個店員，和我通左幾次電話知我好想食， 又要幫我聯絡車手車手取左貨後仲專程打多一次電話話我知真係好肯幫忙，又親切，完全無唔耐煩收到蛋糕後，真係食得好開心每啖都係人情味，雖然我家樓下都有一間古早味但係經典是我食過最好味的特別推介鹹蛋黃芝士超正

呢間好耐之前經常幫襯呢間 但係一搬左就唔順路 所以都有好幾個月冇買過 然後屋企附近又有呢d蛋糕賣 以前買排隊條龍都幾誇張 假期仲誇張 所以以前我都係 OpenRice落單然後去自取 但係今日去黃金買野 順路望下 居然冇人排隊 莫非換左人唔好食 入去望下都係個d姐姐 佢地話冇換過 不過係深水埗最近有疫情 所以小左人 咁嘅時勢香港地搵區冇疫情都難 吹左幾句 跟住買半件原味 半件芝士 點知原來生意難做到佢地做埋大四即係四種不同口味切片拼一盒 呢d啱晒我樣樣想食d但又唔多人食嘅人 重點係返到屋企一食 真係好食過屋企樓下個間 樓下嗰間仲要台灣古早味 唔通係我唔識欣賞？經典嘅原味 真係鬆軟 宜且總係漲卜卜流心芝士 未食到流心位都有芝士香味一間咁出色蛋糕店 居然都不敵疫情 希望佢地撐住

佢好好啊，可以半個咁樣買，所以一次過試唔同嘅口味，本身糾結緊究竟是流心芝士定係經典芝士好，但係最終兩個都試咗。我聽人講經典芝士，係有鹹蛋黃喺入面，所以就好想試頭先就試咗啦，經典芝士就冇流心芝士咁鬆軟，同埋濕潤，但係都好香芝士，同埋鹹蛋黃味，我屋企人好鍾意❤️我鍾意流心芝士，超級鬆軟，超級濕潤，好似日本輕芝士蛋糕咁，唔使叮熱，都有留心芝士，真係超好味呢一間價錢仲要唔貴，又可以半舊咁樣買，用OpenRice外賣自取仲有優惠PS，唔係廣告，全部自費，真心推介我自己試過太子好出名嗰間山田XX, 但係真心冇呢個咁好味而且呢一間服務態度比嗰間好我仲試咗佢嘅綠茶味🍵，佢都係好似日本輕芝士蛋糕咁，好鬆軟，買半盒有咁大舊，真心值得本身心諗佢唔係好出名，費事試呢一間，但係好彩試咗，冇諗過咁好味會再回購呢一間

今日天氣🧣凍凍地, 前排已經食左幾次暖笠笠糖水, 今日想轉下口味, 決定搵間未試過既古早味蛋糕幫襯下。貪佢可以拎返屋企叮熱黎食。經典古早味蛋糕既蛋糕口味選擇不多也比較是基本款, 不過都有我好鍾意既鹹蛋黃口味, 但就無齋鹹蛋黃呢個選擇, 一定要跟埋芝士一齊叫。食過咁多次古早味蛋糕都未試過芝士味, 今次不妨買黎試下(我本身好鍾意食芝士, 無買過只係因為芝士蛋糕成日食到, 所以見到有新奇口味就會優先選擇)。鹹蛋黃芝士古早蛋糕 - 鹹蛋黃同芝士夾左係蛋糕中間嗰層。我覺得咁樣幾好, 可以揀食一啖重口味D, 又食一啖古早蛋糕既原味蛋香。呢間店家既做法係將芝士同鹹蛋黃融合埋一齊, 唔係食到一粒粒鹹蛋黃嗰種(食過一間係入口一粒粒既, 好似中秋月餅入面個鹹蛋黃咁, 好好味, 有機會再介紹)。而蛋糕既口感就好似食緊日式芝士蛋糕咁, 鬆軟幼滑。發覺自己好鍾意食加入左鹹味元素既甜品, 例如:海鹽, 芝士, 鹹蛋黃。鹹鹹甜甜的味道帶來味覺上既衝激, 令層次更豐富, 亦有入口甜而不膩既效果。經典古早味蛋糕用料新鮮實在, 餡料同蛋糕味道也配合得好好。                           

妹妹的朋友請吃古早味蛋糕，送來了兩款口味，分別是流心芝士及咖啡軟心。這是我第4間試的古早蛋糕店，只有流心芝士味有在其他店試過，可以做一個對比！！就先試試流心芝士味，蛋糕面層灑上了一些芝士粉，這可與原味的作些區別吧？對味道方面的影響則不大。切開蛋糕後，見到蛋糕焗得好靚，質感鬆軟綿密，濕潤度恰好！隔天將蛋糕帶到外出時吃，不能將蛋糕叮熱，芝士仍處於流心狀態！！芝士的量看似不多，但對比上次試的另一家店，這家的芝士夾層算厚身了～～～流心芝士又好香！好味！！咖啡軟心，切開一片後，不太見到軟心夾層，再將蛋糕掰開一半，才發現咖啡軟心夾層比起流心芝士更厚！！！整體的咖啡味香濃而不甜，即使那厚厚的咖啡軟心醬也不會過甜，蛋糕的質感亦夠綿密！！蛋糕的面層賣相看似乾身，但實際上完全不會，好吃啊！！兩款口味都值得一試呢～～

自從兩年前喺台灣食過之後，一直對古早味蛋糕念念不忘，今年喺香港越開越多成行成市！ 我唔知道邊間先比較好食，加上屋企附近冇開到，今日難得出到嚟深水埗，不過呢一度係古早味蛋糕嘅集中地❤️😱 就咁喺Google搵，發現有三間古早味蛋糕店，當然要搵最高分嗰間試一試啦☺️嚟到呢一間我哋發現不停有街坊排隊，不停有街坊喺門口望來望去。我諗我哋揀啱店舖。 正值芝士流心蛋糕做緊優惠，我哋一於試一試☺️ 我見舖頭入邊有客人係買半分半分，係話你俾一個價錢呢就可以試到兩隻味😆幾好喎！下次一於試吓先！晒一啲心大心細嘅女人同埋發現佢有好多新口味喎，見到有款雲石蛋糕，仲有綠茶味蛋糕好吸引，決定下次嚟試吓先🥺

有時驚啲蛋糕太乾，好容易食到喉嚨唔舒服！ 呢度嘅古早味蛋糕好似比出邊嘅更加濕潤，最重要佢係好足料，嗰日我哋叫咗一個流心芝士蛋糕🍰 嗰日因為做緊特價原本$75，特價係$60，佢仲送咗張$10優惠券俾我哋下次再嚟買，不過因為我哋擔心下次唔知幾時會再嚟過深水埗，太浪費，我哋即時送咗比下一位客人，佢就可以即時使用啦😊店員都好好，冇阻止我哋，仲解釋比個婆婆知可以即時使用。返到嚟屋企個蛋糕仲係暖的，唔需要額外加熱👍🏻 而且中間嗰層流心芝士好濃郁👍🏻蛋糕面仲會有一層芝士碎 ！食落真係好滋味，亦都好「芝」味。

最近見d朋友成日食古早味蛋糕，攪到我都心思思好想試下。上網揾下屋企附近有冇好推介，俾我見到呢間係深水埗福榮街的經典古早味蛋糕，一行近店舖已經聞到陣陣香味，咁啱有新鮮出爐的原味古早味蛋糕，咁當然要即刻買黎試吓啦！原味古早味蛋糕新鮮出爐漲卜卜，香滑柔軟，都真係幾好味！我另外再買左流心朱古力古早味蛋糕，蛋糕上仲有粒粒朱古力，啱哂屋企的小朋友食。我仲見到有海苔肉鬆和經典芝士，都好似好吸引，下次要再試下。而家買滿2件古早味蛋糕，仲會送環保購物袋，好抵！

睇見咁多好評， 零負評都係唔多信， 食過先知 ，買左半件原味半件芝士蛋糕 ，果然好食 件流心芝士 ，我冇加熱 都仲識流心 唔知係乜芝士 件原味就蛋糕 係食鬆軟口感 唔係有咩特別 外觀漲卜卜咁 50蚊一件又幾吸引嘅 但我得2個人 都係每樣半件試多d口味， 而家仲有現金券送 睇怕最近d早餐同宵夜都係佢

呢一個年頭大家都注重衛生，唔會再好像以往般 一出街就買杯珍珠奶茶 隨街飲 ， 取而代之的是 ，古早蛋糕鋪就好似 便利店般轉角梗有一間 。 預正蛋糕出爐時間， 在街口索一索聞一聞，蛋糕芳香飄進鼻， 買番一件兩件，做早餐，做下午茶，做生日蛋糕 ， 悉隨專便。經典古早蛋糕在 黃金電腦商場後面， 人流多流量大，蛋糕出爐很快便賣去， 肯定新鮮。原味簡單的雞蛋和麵粉香， 蛋香味濃， 而蛋糕體質地軟綿， 挺實有彈性， 拿上手還好重手，唔會剩係食空氣，感覺好抵食。肉鬆味食咸蛋糕 有時比食甜蛋糕還要好吃， 因為吃得出蛋糕的貨真價實, 透過咸肉鬆，吊出蛋糕的味道，不會淨係得個甜字。經典芝士味把芝士融入 麵糊之中一起焗， 不會太膩，不會過鹹有淡淡的芝士香氣，好食。

最近好流行嘅古早味蛋糕，雖然自己都識得整，不過都想試吓出面鋪頭整嘅，到底有幾咁吸引。今日行過深水埗，見出爐好多款、忍唔住去望下，望下望下就買咗兩款味道，返屋企慢慢嘆😋抽住返屋企時，隔住包裝都聞到香味，而且仲暖暖的。返到屋企第一時間試食，朱古力味，用刀切開四份，超鬆軟嘅感覺，表面鋪滿朱古力粒粒，中間是超濃朱古力醬內餡，入口超軟熟，綿密濕潤唔乾身，食過之後完全會上癮❤️

係深水埗棋子燒鵝 🦆食完晚飯，行去飲食街福榮街逛逛。好多店鋪已關門，福榮街旺段仍熱鬧！9：38pm去到，第一間好吸睛的又係古早味蛋糕🍞🤣😋呢間叫經典古早味蛋糕 ，有多款味道選擇真好！選雙拼滿足多心的我據說流心朱古力 🍫好好味，非朱古力控的我都忍唔住今次買了流心朱古力及我至愛流心芝士 🧀回家食🤭古早味蛋糕三食：1. 回家後室溫即食2. 放在雪櫃凍食3. 整熱食，流心更爆漿好味👍😋推介流心朱古力味🍫，濃濃爆漿朱古力又唔會好甜，食落竟有心太軟嘅味道🥰另外，流心芝士味🧀是中間有一層芝士，咸咸地，我地覺得較遜色，覺得麥蛋糕嘅流心芝士蛋糕較好味👍#飲食情侶👫#EatTravelCouple#MagicCherry攻美食🍽️#MagicRaymond食好野😋#Cherry攻商鋪 🍒

自從買左唔同嘅古早味蛋糕番屋企食，屋企人都大愛，好快秒殺🤪今次食嘅呢間古早味蛋糕同之前食過嘅有少少唔同，佢地係用左北海道3.6牛奶製作，口感非常濕潤綿密！今次試左3款蛋糕甜度都啱啱好，所以食多舊都唔覺膩！次次經過呢啲新鮮出爐嘅古早味蛋糕店都被香噴噴嘅蛋糕香味吸引🤭◾️流心芝士 $75蛋糕超厚實，蛋糕🍰冇過多嘅空氣，十分濕潤，中間有一層流心芝士，蛋糕面亦有芝士碎，芝士味鹹香濃郁，就算雪凍左黎食都唔乾，口感有啲似食口式芝士蛋糕，我都上過叮番熱黎食，就好似啱啱出爐嘅蛋糕咁🤤🤤真係會食上癮！◾️流心朱古力 $65嘩，呢款真係不得了！啲流心朱古力就好似蛋糕嘅中間加左層濃厚嘅朱古力醬咁，再加上大量朱古力粒，邪惡得黎又忍唔住係咁食🙈🙈🙈◾️綠茶味 $60綠茶味道非常清新零負擔，甜度適中，啱晒冇咁重口味嘅早餐食😆真係大愛呢種濕潤嘅口感！😊

再次被古早味蛋糕既氣味誘惑到🤣，外帶左幾件番屋企同屋企人分享😊。蛋糕體軟綿綿得來又冇油膩感覺，濕潤度適中，拎上手同食落都感覺輕盈，食多幾件都唔怕滯🤤。.流心朱古力古早味蛋糕💲65未食過咁流心得咁勁既古早味蛋糕🤩，雖然買唔到新鮮出爐的，但佢流心既程度足以驚艷到我，加熱後朱古力有如瀑布湧出嚟💯。.肉鬆古早味蛋糕💲65不是甜點，是咸味既蛋糕😊，有少少咸香既肉鬆配埋紫菜真係好perfect💯，肉鬆舖滿了頂部，非常足料。.綠茶古早味蛋糕💲60未食已經聞到茶味好香濃，入囗甘香😋。————————————————味道：😋😋😋😋😋環境：✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸等待：0 mins (6:20pm)回頭率：75％📌 可以半件購買👍🏼

古早蛋糕🍰店越開越多，但係小編自己食過幾間出名的小店都唔對心水🙈見到foodie介紹，今次就同大家一齊來再試這間新開的小店（可半份半份買）💁🏻‍♀️👉 流心芝士新鮮出爐的蛋糕🍰微暖，蛋糕質地鬆軟濕潤帶有香濃的芝士🧀味， 有些像兒時常見的伊x家芝士蛋糕😋表面的乾芝士碎與中間的流心芝士配合得相得益彰👍🏻 值得一提的是，小店並非用一般的車打芝士， 而係類似brie cheese的香濃奶香十足的芝士🤤，令成個蛋糕提升到另一層次， 非常推薦😍👉 流心朱古力朱古力🍫味道亦非常濃厚唔算甜，有少少似Nutella 醬的少甜版🤣 表面亦鋪滿朱古力粒粒，非常足料， 鐘意食冇咁甜朱古力的您一定要試下🙆🏻‍♀️