組長日式放題 (已結業)

這間日式放題，佈置也頗有新式的日本風味，我說新式是因為有些傳統的是要跪著來吃的，對於我們不慣跪的是頗為辛苦，較為新式的可以坐著吃就當然舒服多了。店內環境也整齊潔淨，擺位也不會太擠迫。現時好些日式放題都用平板電腦落單，而這間仍然是用點菜紙來落單，可能是他們的傳統做法吧。店內服務員不多，但亦總算足以應付眾多的客人。適逢是新春期間，店內攪攪新意思，拿出魚蝦蟹骰盅來玩遊戲，每枱有三次搖骰機會，有機會獲得一客有別於點菜紙之食品，最高更可獲贈一千元現金大獎，而我們就得到一客金箔壽司。其餘所點的食品也很快到來。刺身方面我們要了三文魚、鯛魚、劍魚腩、希靈魚、鮑魚片、白象拔蚌片、帶子、馬刀貝及甘蝦，也算有很多選擇。值得一提是他們的醬油不像有些店的那麼鹹。刺身都很新鮮，魚味不錯，貝類也很爽脆鮮甜。除了刺身外，我們也要了花之戀、三文魚牛油果軍艦及黃金明太子軍艦，都是三文魚系列，但各有特色：花之戀有大片三文魚及三文魚子；三文魚牛油果軍艦則有三文魚粒及牛油果碎粒，那又是另一種甜味；而黃金明太子軍艦也很特別，是將三文魚子壓實切粒，口感不錯。壽司方面我們就選了些在刺身菜單內沒有的，如左口魚邊、組長蝦及吞拿魚，而火灸

初五放工後同朋友出了旺角，行左一陣就去搵食，朋友話食組長放題，呢度算係放題界始祖黎，有左好幾年啦。新春價$188一位，七半前離座或九半後入座有八折，價錢大眾化。飲品自助，款式不算多，不想飲甜的，有熱茶提供。韓式飲品太受歡迎，好快清櫃，又試下其他野先。麻醬菠菜，鍾意食麻醬就梗係要試下啦。冷豆腐好滑呀。蟹籽沙律，青瓜絲爽脆，沙律醬下得夠多。刺身，雖然冰底欠奉，但都好新鮮，食快啲唔好比佢暖左先。甜蝦好鮮甜，三文魚肥美厚切，其他不過不失。軍艦系列，細細件，紫菜好脆，好食喎。串燒叫左雞腎同雞軟骨，喔喔脆很香口。羊肉串勁正，即叫即燒熱辣辣，肉嫩多汁，少少羊酥味恰到好處，正所謂有羊味吖嘛。燒茄子，大量蒜泥同辣椒，唔比專食串燒舖差喎。三文魚頭燒得甘香，加少少檸檬汁就夠正了。一口牛略鹹，但咬落無渣都ok。食物其實幾好食，款式選擇都多，可惜上菜很慢，而且黎嘅數量同落單不一樣。開頭早來不是太多客人時還好，後來全店滿座後就真的等很久都無野食，不知是否新春期間人手不足，希望店家增加一下廚房的人手，食物出快一點就更好了。

一入到去就被告知可以玩下game 抽下獎!獎品上面有齊啦~ 係現金獎比較難拿haha食物種類算係偏多嫁啦都係,食物方面, 牛味道幾濃, 好食既, 但濃得黎有小小不太自然既感覺,有小小似落得多味精~ 不過蒜有時有小小阻住, 因為有d硬硬地,搞到我中意既牛粒口感差緊d! 但係味道係好食.腸仔呢, 就有小燶燶地啦, 但係幾香既, 味道也不錯, 唯燶位唔太喜歡only因為個人比較注重健康, 外皮小脆,幾爽口, 肉汁味多喜鍋呢, 全部已經放晒入去嫁啦, 不過比較奇怪係蛋都放左入去,因為正常蛋係出面撈黎食, 而不是放鍋, 不過食完都幾飽, 大家要注意小心食完就試唔到其他野啦!sushi , 刺身都幾新鮮, 基本上係主力黎嫁啦,如果唔新鮮就難吸引人嫁啦, 因為多數放題都係食刺身多!三文魚唔錯既, 幾新鮮, 可以一試~!我地既抽獎中左蟹, 不過自己開比較麻煩d啦, 但係就好味過人做蟹柳啦,蟹味都重d! 有得食有得玩, 整體黎講都算唔錯既,價錢不算貴, 正正常常啦~mk區既話!

同朋友去到旺角諗住食日本嘢，本身諗住食嘅壽司，但係有排等2046都未到太肚餓喇， 咁我哋就去咗一間放題， 原因梗係多人食啦， 本身仲好擔心會唔會有排等， 好彩唔使。食物種類都幾豐富 我就是左其中幾樣 生芥末八爪魚軍艦， 三文魚牛油果軍艦， 花之戀。 軍艦最緊要就係紫菜， 紫菜嘅脆口，配合埋飯嘅咬感，再加上各種著衫獨特嘅口感， 幾樣嘢嘅組合，形成 千變萬化嘅配搭， 每一種配搭都有佢獨特嘅驚喜。三文魚刺身 ，劍魚腩刺身， 鯛魚刺身 ，甘蝦刺身， 刺身最緊要梗係夠新鮮，其實我覺得每間放題都做得到 ，因為流量就快自然就新鮮， 但係講鮮味唔係間間有， 今次嘅都唔錯。芥末炸雞拳， 松葉蟹柳天婦羅，大蝦天婦， 日本南瓜天婦羅， 三文魚天婦羅， 最出色嘅就係個芥末， 芥末醬配合埋炸雞 ，雞汁鮮嫩嫩滑。蟹柳壽司， 甘蝦壽司， 油甘魚壽司 ，左口魚邊壽司， 人人都知食手握壽司，就要睇佢幾多手， 我就真係睇唔到幾多手， 不過就返嚟都唔熱， ok啦。火灼蟹棒壽司 ，火焰左口魚裙邊壽司， 火灼壽司睇住佢咁燒都幾得意，因為佢個open kitchen都幾開放下。當然野飲任飲甜品任食啦，呢啲例牌嘢都唔特別寫。但一

最近天氣比較凍，正因為咁放題唔似打邊爐咁多人，星期日晚上7 點, BOOK左枱, 唔駛等就入得，每位HK$198，比平時平左，座位坐得很舒適，因為就新年，店鋪都有推廣，可以玩魚蝦蟹，見到側邊果枱有蟹腳做禮物，我都好想試下，第一次玩，賺到額外金箔壽司一客，好開心！金箔壽司, 賣相好好, 好奢華，共有兩件，好大件，包住炸蝦、青瓜、蟹柳，食落好香脆，好滿足。食物種類齊全，壽司，燒物，炸物，熱食應有盡。最開心係有熱飲，因為之前去既放題大多都係有好多凍飲選擇，但忽略左熱飲，不過呢到好細心有熱飲，西洋菜蜜呀～壽司方面，壽司飯握得適中, 飯粒唔會散開. 飯Size偏細, 不會好快飽肚。而刺身，三文魚剌身，甘蝦刺身，帶子，希靈魚都好新鮮，必需再落單。炸天婦羅，唔會好厚粉，唔錯。生燒鮮菠蘿, 日本蕃薯仔，燒雞腎，雞翼，火喉岩岩好，微脆白酒煮蜆蜆肉好大隻，夠鮮味。甜品有泡芙，糯米糍朱古力，水準都好好，糯米糍朱古力好有口感。

行過見到呢間放題的廣告,見價錢唔貴,而網上的評價都唔錯,所以膽粗粗去試下.我地一坐低,侍應就攞住個骰盅過黎,原來係佢地攪左個新年遊戲,魚蝦蟹骰盅搖到雙同的公仔就中獎,唔同的組合有唔同的獎品,獎品都係menu上無的菜式,如拖羅壽司,牡丹蝦,金箔壽司等.而每枱有3次機會,但就算搖三次都中獎,獎品都係只可以三揀一.我地就抽中左金箔壽司.金箔比想像的大片,壽司面金光閃閃好靚.入面係包吉列蝦同埋蟹柳咁多款刺身中三文魚最好食,三文魚的油脂味好香好濃,仲要係厚切,咬落好有口感.劍魚腩都唔錯,幾甜幾彈牙,但係雪得有啲太凍,食落中間部分有啲冰.希靈魚都好食,魚籽醃得鹹中帶甜,食落爽口.只係魚籽比魚肉多,比例有少少失衡.火炙三文魚壽司係我的最愛,半生熟的三文魚刺身食落有微微的焦香味,好正加上壽司的size啱啱係一口,唔係好大舊,食多幾舊都無問題朋友就好鍾意食火炙松葉蟹棒壽司,覺得蟹棒好juicy,味道鮮甜熟食方面,我地都覺得蒜香鐵板一口牛同埋汁燒十勝牛舌好有水準.一口牛好嫩,無渣,有牛味.而牛舌食落係juicy同QQ的天婦羅炸得香脆唔油膩,但蝦天婦羅的粉漿略為厚左少少.蜆好大隻,蜆肉彈牙但唔太入味.反而蘿

呢度既放題價錢好平，冇抱太多期望之下去試。去到原來有得玩魚蝦蟹，送食物甚至現金券！幸運地有三粒同款，換到兩件金箔壽司，壽司好大件，包住炸蝦、青瓜、蟹柳等，食落好香脆，唔錯喎！呢度有少見既甜蝦刺身同象拔蚌刺身，當然要食，甜蝦軟滑鮮味，象拔蚌爽脆，唔錯。呢度既壽司選擇唔少，鰻魚壽司好香好惹味，燒玉子夠滑蛋香重，好食！手卷飯粒微酸粒粒分明。白酒煮蜆蜆肉好大隻，夠鮮味。呢個前菜好好食，冰凍既菠菜加埋芝麻醬同木魚碎，正！燒物都唔錯，唔會好乾，粟米夠甜。炸物粉漿略厚，但炸雞裏面幾juicy!燒鯖魚好惹味，肉唔會太嚡。甜品選擇都唔少，除左雪糕雪條之外，仲有泡芙，草餅同朱古力糯米糍，味道仲幾好！尤其鍾意朱古力糯米糍，朱古力味濃，唔太甜又煙韌！一餐選擇多質素好既放題每人唔洗200蚊，食完呢餐先發現，食野唔系愈貴愈好。

如果要同一個鍾意食日本嘢嘅人 慶祝生日， 我會選擇日式放題。 唔使「就住食/， 仲有好多選擇。 今次就 近近哋去旺角嘅「組長」同朋友慶生🎂咦~ 做咩一入座 就有侍應拎個骰盅過嚟? 原來係餐廳嘅新年活動， 搖骰盅中獎品！ 而我地今日就中左- 牡丹蝦四件刺身同最近天氣一樣，夠哂凍！個人最愛三文魚，夠厚夠凍！ 不過如果怕膩 的話就唔好手快快 order太多呀， 因為真係「厚切」。熟食方面同大家推介辣酒煮蜆!  唔好以為只係個殼大呀，蜆肉都大大隻。 味道都唔錯唔會太辣， 少少辣味吊出蜆肉嘅鮮味。炸物有天婦羅做代表。餐廳冇用到 過多嘅粉去炸， 脆卜卜 ..所以 不用擔心會食膩了。甜品方面， 有雪糕 ，雪條和泡芙等選擇。 眼闊肚窄， 戰鬥到最後已經冇quota 試曬所有甜品。 最後選擇咗充滿 童年回憶嘅 朱古力雪條為晚餐畫上完美嘅句號。

今日係閒日去左呢間組長日式放題！佢門口唔同其他放題一樣 但佢勝在有驚喜俾年地。首先，我地就叫左個刺身拼盤，三文魚係我至愛，佢入口即融，好正。而其他既刺身，例如螺片，希靈魚等等全部都好新鮮，好爽口。雖然佢冇煙個啲裝飾，但真係好正！一啲都唔輸蝕！魚肝油大家就聽得多，魚肝壽司我就真係冇食過！今次係第一次，原來佢都係入口即融，有啲似鵝肝。配著隔離既三文魚沙律，出奇地夾！正呀作為一壽司控，我其中一個最鍾意既壽司就係腐皮卷！佢呢個皮好甜，入面有少少醋味，令人有少少開胃既感覺完全唔會話入面係飯而好濟不嬲去親元氣都會嗌三文魚餃既我，黎到有得食硬係叫啦！佢好多魚油，好多嫩既三文魚肉同肉汁，好正！完全係女性恩物，好多骨膠原！本人都係一個海鮮控，所以我就即刻叫咗一個清酒煮蜆肉，佢啲蜆肉好大隻肉汁有多清酒完全融入晒，正食放題點可以唔叫天婦羅，佢呢度嘅天婦羅款式多外脆內軟，炸嗰時亦都唔會炸到黑晒！全部都係金黃色。呢啲就係我都好鍾意嘅小食，有好多唔同款式嘅甜品，仲有我最鍾意嘅鯖魚同埋火灸三文魚壽司！ 總括來講，大家如果想試吓身啲嘅日式放題，都可以黎呢間組長日式放題，佢個場好細但係員工都照顧得好好！

今晚約了一位喜歡吃日式放題的朋友食晚飯。我第一時間便想帶他到旺角的組長日式放題試試。這店面積不太，交通方便，裝飾簡潔，設有2至4人坐位，亦可拼出超過8人的枱，座位舒適。這裡的自助吧設有雪櫃內有各式飲品及雪糕，更有各式甜品，特飲及茶等供客人自取。侍應招呼我哋坐抵後便和我哋玩骰盅遊戲獎了一碟蟹腳，玩味十足。這店的點餐紙提供有百多種食物，大部份是即點即做的，啱哂我哋呢班為食的人士。我哋先點了個三文魚剌身及甘蝦刺身。甘蝦新鮮粘口，三文魚新鮮美味，籍得encore。火炙帶子壽司，帶子鮮甜加上飯的焦香，十分惹味。鹽燒三文魚頭，入口即化，香而不膩。牛油燒粟米，焦香加上甜粟米，食到停唔到。孜然羊肉串，小茴香辟了羶味，香味濃郁，不可不試。試過了汁燒鯖魚，濃郁香甜燒汁，魚脂丰富香口，可以encore。安康魚肝軍艦，魚肝低脂營養豐富美味，籍得一試。最後試了4款手卷，紫菜鬆脆，材料新鮮十足，更覺滿足。

今日學校運動日，一早就放學了 和女女出旺角行個街，食個放題等佢開心下 一早六點去到，人地都係剛開門~HAHA 佔成層，位置幾寬闊~ 呢度係任飲任食，除左有凍野飲外，仲有熱菜蜜飲 咁凍既天氣有杯熱野飲幾窩心，而且味道仲幾好添。 日式放題，都係差唔多個D ，呢度都有齊哂 食放題，第一食刺身是正常的~ 因為刺身味淡， 食左其他濃味野再食刺身就食到唔咩味 呢度既刺身都係第一道上~ 非常好~ 鯛魚片，白象拔蚌，帶子，甜蝦, 鮑魚片 鮑片同白象拔蚌幾爽口，甜蝦黎左好多 其他都幾凍下 (可能天氣凍) ，整體黎講OK 壽司方面都點左不少貝類，壽司飯唔算好大件，啱啱好 飯粒都幾實，唔會鬆散~ 但感覺飯略硬~ 整體賣相同味道都不錯 火炙壽司係最近的至愛 尤其係左口魚邊，經火炙後更美味~ 呢度既火炙壽司亦不錯，少少熱，帶子熟中帶鮮 蒜香鐵板一口牛 牛肉好嫩，味道調得唔錯，有濃濃的烘烤蒜香味~ 串燒則比較乾身，兩款串燒都很乾~ 送多了一個炒雜菇來，幸好味道不賴~ 入口清新爽甜 章丸小丸子，女女 KO 了，入口有大大一粒章魚粒~ 但我比較愛食這2個 年糕很煙韌，紅豆流心小丸子，雖然無流心，但

今日又去食放題啊，我哋好早就去到食第一輪，佢五點半開始嘅話就＄148每位再加一。佢哋嘅選擇都叫做多，第一輪梗係食咗刺身先啦，佢哋嘅刺身選擇都唔少喎，而且夠新鮮，三文魚大大嚿，仲要厚切架，老公話佢哋嘅刺身都幾好食我自己就主攻火炙壽司，都等左一陣，但係睇嗰陣見到燒得勁靚，三文魚燒到啲魚油出咗嚟，咬落去都可以叫做入口即化，係啲飯大嚿左少少，哈哈之後再攻熟食，牛肉鍋好好食，啱晒咁凍嘅天氣食，有不少嘅肥牛，仲有啲菜添另外佢嘅一口牛勁好食，好重味道，我哋又叫咗金菇肥牛同埋牛舌，其實呢間野嘅牛肉真係幾好食炸物即叫即炸，熱辣辣，但油左少少 佢哋飲品嘅選擇都可以啦，有凍有熱，老公就飲啤酒，我就飲菜蜜食完之後梗係食返個甜品啦，老公就食左個泡芙，佢覺得唔會太甜，味道啱啱好同埋我哋玩佢哋嘅新春抽獎贏咗個金箔壽司，仲可以每位減＄10添

嚟到旺角食放題，今次搵咗間唔係大型連鎖嘅雖然舖頭細細哋，規模都較細，但係好鐘意佢玩gimmick，玩魚蝦蟹之後有得抽奬我同朋友一坐底，店員就拎嚟一個骰盅同我哋玩魚蝦蟹佢解釋咗話有兩粒或以上一樣嘅骰就有獎，我哋搖完出嚟有3粒錢，所以就有金箔壽司隔離檯都搖都有金箔壽司，仲有檯有拖羅壽司，睇嚟都幾易中獎金箔一上檯就金光閃閃上次食已經唔記得係幾時，雖然冇咩味道，但係就令到兩件壽司變得好高級，用嚟打卡一流，而且食放題有金箔都令到成餐飯心情好愉快壽司係炸蝦卷，有兩隻炸得香脆嘅炸蝦係入面，食嘅時候仲係熱嘅外面舖上少許海苔，幾香同搭，配埋蛋黃醬同蟹籽，整體感覺好豐富刺身好新鮮夠凍同平時放題唔一樣，唔係用一大盤冰裝住，反而係用啲菜墊底雖然睇落冇咁豪華，但係喜歡佢嘅樸實，而且啲刺身真係好正呀三文魚厚切，三塊都肥美滿滿油脂甜蝦係冇頭個種，食起嚟好方便，而且好甜幾特別嘅係有白象拔蚌同 貝，兩種食落都好鮮味爽口天婦羅新鮮炸好，金黃色好靚，所以有再encore炸雞軟骨都幾特別，因為佢呢度嘅做法係話係外面包一層粉醬，可以保持原汁原味如果俾一小塊檸檬就perfect啦另外串燒我哋都有叫雞軟骨，個個就燒得比較乾身牛柳粒

是日跟sis吃放題, 來到組長. 週日晚上七時正到達, 訂了枱, 不用等候便可人座 (HK$198每位). 店內地方不大, 但座位不會編排至密密麻麻, 坐得很舒適, 真的意想不到. 新春期間, 店內有個魚蝦蟹遊戲, 筆者獲得額外金箔壽司一客, 哈哈, 真有趣. 玩過遊戲, 已急不及待點選食物. 食物種類也算齊全, 筆者覺得它的火炙壽司最出色. 尤其火炙左口魚邊壽司, 輕輕燒過令魚香更加特出, 美味非常! 火炙玻璃蝦壽司, 口感亦很好. 那種柔軟感加上少許焦的脆感, 再配上沙律醬, 也是很滋味. 整體壽司飯握得不錯, 飯粒不會散開. 飯Size偏小, 不會很快飽肚, 食客可有quota試更多款其他食物. 刺身方面, 筆者特別想評甘蝦刺身. 其size小小的, 但不要看少它, 其味道也很鮮甜. Wow. Sis最愛蟹籽沙律和味付螺肉, 味道也ok的. 汁燒雞肉串也很高水準. 筆者還是第一次在放題中吃到會冒煙的串燒, 果然是即叫即整, 雞肉口感嫩滑, 也很juicy, 是必點項目. 還有生燒鮮菠蘿, 日本蕃薯仔, 芝士蝦卷, 蒜香鐵板一口牛, 大蝦天婦羅, 脆炸芝士蝦球…實在很full呢!