紫荊江南擔擔麵菜飯專門店 (已結業)

係公司OT為咗籌備1月31日嘅annual dinner，做到成21:00先放工，放工返到元朗區都已經22:00，諗住是但搵啲嘢醫肚，行經呢間食店記起之前食過一次菜飯及其他小食，覺得幾好食，就諗住再去幫襯！今次諗住試新野，我叫咗個酸辣湯雲吞，另一半就同上次一樣食炸排骨菜飯！炸排骨菜飯水準不變，而酸辣湯雲吞就好大碗，但食第一啖覺得唔夠熱，而且味道怪怪，同我之前食過有分別，但我太肚餓，冇繼續考究，以為係每間食店嘅味道會有分別，所以我最終食咗三分之二就埋單啦！…查看更多

見門口以為有小籠包鍋貼 點知原來 專賣 擔擔麵 排骨 擔擔麵 排骨鬆吧不過唔知點解有少少甜味， 不過都好好味醉雞酒味唔係好重不過好味 三個餐三唔都只是 150蚊 晚餐全部都是四十幾蚊 可惜門口寫住轉讓， 唔知下次嚟仲喺唔喺度…查看更多

紫荊江南搬了位置之後我第一次再光顧。餐牌的食物基本上都沒有變。我照舊點了炸排骨擔擔麵。擔擔麵有濃郁的花生香湯底，配上上海麵，份量很多，我基本上吃不完。想味道清一點的話另外也可以選擇配菜飯。排骨炸得熱辣辣上枱，連香蔥一起炸，啖啖肉好滿足。朋友點的是江南醉拿手，亦即是醉豬手。聽說挺入味，有淡淡的酒香，味道也不錯。跟餐還有熱湯和一杯飲品，以四十多元的午餐來說質素相當不錯。有時候某些午餐還有再特價，好抵食。…查看更多

初三行完大運在元朗落腳找吃的，下午四點，沒什麼選擇，日本料理都要加二服務費，原本想隨意去茶記，但看到這路邊小店在營業，豎立在門前的食物牌有午巿套餐及下午茶，本以為新春期間，應該會加價，又或者不設下午茶，點知原來一元也沒有加，還是平日收費，在這個在搵錢至上的社會，已經是稀有到極點。坐下來六個人點了六個茶餐，醉拿手菜飯、香酥排骨擔擔麵、菜肉雲吞，全部新鮮炮製，絕不欺場，誠意十足，還要味道好，女士一人也吃不完的份量，店家已說是小份的了，菜色味道並非連鎖店貨色。醉豬手食出花雕、當歸、𣏌子不同層次的味道，立即加單半份例牌。這些小店如此誠意經營，在香港買少見少，一定要推薦大家支持一下。…查看更多

個次去元朗揾野食，揾到依間低調既上海菜，入到去食見到個餐牌好平，叫左糖醋排骨，菜飯，魚同杯豆漿。當d餸上到黎個陣以依個咁平既價錢真係有驚喜，拍得住大集團既質素，但差唔多平成一半有多，個日我都見坐滿哂客仔。元朗抵食既野都算比較多。對食評出名嚴格既我都忍唔住俾個好食俾紫荆江南以示對抵食小店既支持，希望可以keep住依個水準評分:食物:7/10態度:8/10環境:6/10性價比:9/10總分: 30/40 (良好) …查看更多

近年好多人山長水遠去元朗都係試最出名既幾間食店，但其實元朗仲有好多低調但好味既地道小店😘今次就介紹呢間上海菜小店！食過佢既擔擔麵絕對會返轉頭🤗.呢間既擔擔麵湯底無得輸！一食就食得出佢係濃縮左唔知幾多花生精華熬製而成，花生味超濃郁，仲要係好稠身😆同埋有好多花生粒！加埋香蔥、酸菜成碗麵好入味😍但同時亦覺得好邪惡，每啖都好似食緊濃濃既花生醬，熱量熱量啊～～.餸方面我就無咩講究，通常都係揀醉雞/鎮江骨如果你鍾意食好重酒味既野，會推介你叫醉雞，都幾入味鎮江骨味就夠啦，但肉就略微唔夠嫩😗…查看更多

是咁的~上海菜都係我其中一樣鐘意食嘅菜式之一 呢間紫荊以前成日食 不過自從佢搬左之後都冇食到 今次一於同女朋友仔再黎懷念下 紫荊嘅Lunch set好抵 d野食大大碗 絕對夠飽今次我地都係叫番平時食開嘅set 醉拿手擔擔麵同豬扒菜飯 醉拿手質素冇變到 花雕酒味好香亦好入味 豬手爽脆唔肥膩 正呀（份量仲好似俾舊店多d tim）炸豬扒都一樣咁高質 即叫即炸熱辣辣 我成日都講 炸野只要即叫即炸熱辣辣就一定冇死 呢到嘅豬扒唔係好瘦嘅部位 有舊骨痴住仲有一舊肥肉 呢個位做豬扒就最香最淋喇 正:)不過個擔擔麵就俾以前稀左 冇咁香嘅花生醬味 我覺得而家咁雖然冇咁香 但健康好多 始終我覺得佢以前落太多花生醬去個湯到 食落好唔健康 而家咁樣幾好呀菜飯唔係就咁切d菜一齊同白飯蒸 係食得出用過高湯去煮 有油香亦有高湯味 而且份量都冇變 一樣係好多成日覺得呢間店質素唔差 好多想食下菜飯、醉豬手就一定諗起佢 但唔知點解硬係唔多人幫襯佢 聽女朋友仔講話晚市情況更加嚴重 所以希望值住呢篇食評等大家多多支持下呢間小店啦 近期佢已經出通告好似話想招人頂左間鋪 以佢嘅質素絕對可以多d人去食…查看更多

以前經常係元朗西巴士總站果間紫荊食飯, 結業後很久沒吃担担麵, 過去教育路依間試下, 食物賣相OK, 不過担担麵湯底淡了很多, 沒有了之前濃郁花生味, 反而老火湯喜出望外, 味道甘香, +$6 物有所值. …查看更多

又是跟嫲嫲出外吃早餐的日子，問到她想吃甚麼時，她也不知道吃甚麼才好，剛巧經過「紫荊江南擔擔麵飯專門店」，這時我們都被這全紫色的餐廳吸引了，所以不說二話我們便到此吃早餐。熱自家制豆漿除了一般茶餐廳提供的凍熱飲外，他們也有熱的自家製豆漿，剛巧我們二人都喜歡喝豆漿，所以我們都各點了一杯。熱豆漿的豆味不算是特別濃郁，但到豆香味仍算不錯，甜度適中，我們也挺喜歡。煎雞扒通粉配雙火腿牛油方包嫲嫲暫時不可以吃雞蛋，同時她亦不喜歡吃牛油，點餐時我特意將火腿煎蛋轉成雙火腿，牛油方包轉成淨方包，他們也非常樂意為嫲嫲改變食物的組合。淨方包口感鬆軟，雙火腿煎得香口，只是油了一點。而煎雞扒通粉方面，雞扒煎得香口，肉質嫩滑，肉味亦相當濃郁，雞扒又醃得入味，口感和味道也非常不錯! 通粉同樣不錯，不會煮得過腍之餘，又吸收了湯底的清甜味，整個通粉都令我們有喜出望外的感覺。芝士火腿三文治 (烘底)雖然三文治已經烘底，但只屬微脆然而，如果三文治能夠再脆身多一點則更為理想。至於芝士方面比較理想，呈半滆狀態，配上火腿一起吃也不錯。今次吃過早餐後，我們都認為通粉較三文治出色，不過這裡坐得也頗舒服，加上服務也不錯，價錢又相宜，所以我們仍會再來用膳。…查看更多

抵食！先來一客醉雞，走胸。老板冇咋形大家姐要酸辣湯麵夠酸夠辣，啱晒味。我叫咗碗担担麵，口味偏淡，不過不失。平均$60/人，算是平宜。點完之後發現原來有晚餐，$46/位真係抵！…查看更多

星期六放假！訓到晏一晏出黎食過tea又唔想食西多士又唔食炒粉麵果d靈機一閃！不如就食上海野啦上網搵一搵原來開咗新分店喺附近即管去試一試入到去坐低左無咩人🙄好快就睇一睇有咩食我就揀咗醉雞擔擔面$45個人覺得整體都唔錯最佳凍凍地雞好爽滑而擔擔面就好濃郁👏🏻👏🏻👏🏻而男友人就選擇了鎮江骨菜飯$35味道係唔錯嘅鎮江骨已經好淋....略嫌太多汁太少肉😂但係下午茶來講都足夠架啦😂埋單$8x坐得幾舒服又唔多人來講....真係唔錯嘅選擇如果我想食上海野我會選擇再來而間…查看更多

元朗新店開張當然要黎試下, 豬手用人手去骨, 再選用塔牌花彫酒制成, 外面脆口, 裡面好軟, 酒味好香, 那擔擔面D湯底好濃, 好似食緊花生醬一樣, 大廚曾任職翠園, 所有調味品都選用一級貨品, 真的是無可抓剔, 再加上那碗無味精靚湯, 食飽飽, 正!…查看更多