素年 (三陂坊)

营业中

休息中

上次去過黃埔素年食素食覺得唔錯， 上網搜搜原來荃灣都有一間喺三陂坊， 近近哋又想去 食返個lunch順便試下其他菜式💨 冬蔭野菜手抓餅藜麥飯冬陰功唔算辣， 醬汁偏稀唔會太飽， 泰式茄子和矮瓜焗過很香， 內裏juicy✨ 手抓餅很鬆脆🥰 西非花生醬意大利粉有少少墨西哥芝士醬嘅味道混合花生醬， 配搭又幾夾， 又新又獨特嘅口味， 很切合素年創新素食嘅概念👍 搭配素雞肉和意粉， 成件事好和諧， 惹味又開胃😍 素年食物水準平均， 口味獨特又創新， 好適合鍾意食fusion菜或者素食嘅朋友😋

三陂坊一向熱鬧非常，成條街都是大排檔式小菜館，殊不知，素年開在這裡，更是在街的中央部份。主調白色裝修，記憶中多年前去過他們的深水埗總店，那時還記得要排隊入座⋯⋯簡單的餐牌，有前菜及主食，還有甜品。飲品也算多選擇香橙黎麥沙律~套餐另加30, 外貌吸引，筆者喜歡那點點的石榴。蘋果苦瓜梳打(左), 熱情果西柚梳打(右):蘋果青甜，苦瓜比例恰當，筆者喜歡那清新的感覺，至於愛人點那杯熱情果西柚梳打，味道比前者那杯甜，唔覺有西柚味，反而覺得似香橙味道更多。芫茜青醬意大利粉$88~濃濃的青醬，掛滿意粉，喜歡㕑子將芫茜切成一段段，芫茜控大喜，𡁻得芫茜意粉很起勁，豐香滿足。日式咖哩吉列豬扒意大利飯$118~豬扒是由新豬肉造成，濃濃的咖哩意大利飯真的很飽肚，幸好加入露荀、蘋果和番茄仔，中和減低咗那份飽滿感。整體來說:在三陂坊中央有如此一間小店，為這條街帶來文青及寧靜。

值得回訪的素食餐廳！！你能想像到嗎？這裡全部都是素😋素肉醬意粉吃了幾次都覺得他好好食😛完全跟肉醬沒分別柚子吉烈素豬扒漢堡炸得很蘇脆（肉）超級厚😍朋友點了 牛油果xxxx漢堡因為不是我吃所以我連名字都忘了🤣另外我們吃了小食 素蝦／芋泥球飲品忘了拍照但這家飲品我好喜歡飲下去就是健康的味道😛😛餐廳份量偏大整體食物質素高環境舒適值得一試3人點了3份主食2份小食3杯加錢轉特飲$450左右價格不算貴🥰會再回訪的店😛😛裝潢整潔指數：🌕🌕🌕🌕🌗食物美味指數：🌕🌕🌕🌕🌑JC推薦指數：🌕🌕🌕🌕🌑

本身約咗friend去尖沙咀食飯，點知一出公司門口落狗屎，等咗成大半個鐘，到佢辦完事之後，決定改地點，費事大家等，於是乎千里迢迢搭車去荃灣會合！叫我諗食乜嘢上網search最吸引到我就係素年，雖然我都有啲猶豫，可以食齋唔係好啱我朋友！就勉為其難試一次啦，原來呢個位都幾格攝同埋好複雜🥶不過有好多人嚟喎我哋分別叫咗一個肉醬意粉，同一個burger！肉醬意粉，簡直係冇諗過佢係用仿真肉，意粉質地又好好👍🏻不過個burger就有啲分別啦，始終做唔到食緊burger嘅口感。個麵包都係一樣，好明顯係麥包，比較粗嚡！佢有配埋炸番薯條，呢個反而幾好味！嘢飲我個杯係黑芝麻燕麥奶，另外一杯就係話梅Espresso ToNick。兩杯都好飲嘅。唔知我朋友仲會唔會再嚟食呢？其實紅磡都有一間近近地😜

逢初一十五都會食素，今日就揀左間好多朋友介紹的素食餐廳-素年。呢間餐廳位於荃灣內街較隱蔽的位置，環境舒適寧靜，好適合慢下來慢活一下。叫了純素漢堡包套餐，下單後約10分鐘就上枱。墨西哥牛油果豆腐扒包，用了生油生菜、紅椒絲、墨西哥辣椒和拉差蛋黃醬，豆腐扒煎脆了挺香，有少許豆腐渣口感媲美真肉類漢堡扒，若不說還真以為是肉類漢堡扒呢。套餐食物分量較大，細食的朋友落單時可選擇減少份量。另外，追加$28 香芋番薯波波，香芋味道幾出，煙煙韌韌，口感十足！飲品方面，叫了燕麥咖啡，杯上的拉花不錯。

🍽️食物方面：🍔照燒柚子蛋黃醬吉列豬扒漢堡包💲128話唔食熱氣嘢但狂食蕃薯條🍟曾經食過啲新豬肉好油 今次個醬➕椰菜解膩都🆗🍄黑松露野菌意大利飯💲88重味share食無咁滯 有蘆筍➕雞髀菇片🥑夏日牛油果藜麥飯碗💲108🚨唔食芫荽嘅人注意🌿多過藜麥撈埋啲🍚➕淋咗嘅墨西哥脆片 芒果莎莎 豆腐 酸忌廉🌽🥬🌶️ 有啲辣 唔知想點咁 唔好食🥲🆓熱京都宇治玄米茶/凍斯里蘭卡伯爵茶🥛奇異果蘋果羽衣甘藍燕麥奶💲50📷打卡方面：訂咗位坐角落頭個主席位都方便影相🤳食物colourful襯淨色嘅器皿🥣望落舒服🔈環境方面：鍾意牆身句”WE GON’ BE ALRIGHT”同賣字嘅poster🥹冷氣有啲大🤧💬其他資訊：素年 📍荃灣三陂坊20號地舖

很有名的素食西餐廳，幾家店的menu 都不一樣的，很有heart 呢！第一次來到三陂坊的分店，餐廳環境簡約舒服☺️食物很有質素！很多時候食完素食，隔一陣又會肚餓，在這裡用饍絕對不會有這個感覺。首先點了黑松露野菌意大利飯，香濃的黑松露味道，很好吃呢！至於西非花生醬意大利粉，味道夠惹味！花生醬味道不重，反而有點辣辣的，喜歡！然後還點了不可能漢堡，這個應該是很多人的必點菜式，吃起來真的很像肉的質感。自己很喜歡吃蕃薯條和薯條之類，所以另外點了黑松露蛋黃醬番薯條😍 好香口！香芋蕃薯波波也很好吃！覺得更適合被歸類為甜品。烤野菜串燒有驚喜啊！食材夠新鮮，醬汁配搭恰到好處飲品方面點了木瓜雪梨燕麥奶，甜度適中，好喝。整體樣樣都很好吃，會再來的客人蠻多的，建議可以先訂位。

今日去左荃灣一個朋友屋企，而佢又推薦佢附近呢間素食餐廳，所以黎試一試。素年呢間三陂坊分店開係暗巷，位置有D難揾。朋友話素年左右兩邊都係大排檔，夜晚超多人同好嘈。但因為我地係食中午，隔離左右都未開，體驗唔到夜晚情況。但我諗夜晚去都應該無問題，因為鋪頭隔音都得幾好，入面完全聽唔到街道既聲。今日我地嘗試了三款主食：不可能肉醬意粉：入口細滑，肉醬口感超似真係肉，唔鍾意素食既朋友都可以一試~墨西哥牛油果豆腐扒包：炸皮酥脆飽滿，餡料豐富滋味四射。香橙藜麥薯仔沙律：新鮮天然，組合出淡雅清新口感。價位公道，豐富營養均衡。總體而言，素年用心烹調各款無肉又有肉口感佳食，環境優美性價比高，真正可持續素食生活。下次會再去試下其他菜式~

之前已經食過荃灣同埋深水埗素年分店，今次再嚟荃灣分店，發現佢個menu更新咗！🤩全部食物都已經變咗純素選擇，但係好味程度依然不減！🥰我哋去嗰日係平日夜晚， 5:00打去book兩位食7:00晚餐時間都好彩仲有位！🥳我哋嗰日Walk in入去已經冇晒其他位置🥹素年嘅分店全部都好光猛同埋好舒服。餐廳嘅食物份量全部都好足料，就算我哋一男一女去食，都十分夠飽😊我哋叫咗兩份主食，一份係日式咖喱吉列豬扒意大利飯。素豬扒炸得好好味，質感亦都好像真。另外意大利飯做得好好，好入味！😋另外一份主食我哋叫咗Impossible cheese burger配番薯條。番薯條外脆內軟，呢間餐廳嘅炸物真係一流！👍🏻👍🏻👍🏻另外個漢堡包都好好味，第一次食impossible burger嘅朋友都話味道驚為天人🤣以上兩個套餐都係免費配送熱茶又或者凍茶，如果大家唔想飲茶嘅話亦可以加錢搭配其他飲品。總結：大件夾抵食❤️就算唔係色素嘅朋友都可以一戰，絕對唔遜色與其他文青餐廳🙌🏻🙌🏻

🌈一如食物質素非常好的素食餐廳一直是素年餐廳的捧場客，但最近才從朋友口中得知原來荃灣也開了分店，於是忙裏偷閑之中也要一試。💡環境：日式簡約風格，設有訂位，當日午餐的時候也不用排隊，不過從荃灣站行過去需要大約15分鐘，如果落雨的話會有少少不方便。💡食物：午餐會有一個煮食和一款嘢飲，今次揀咗招牌日式咖喱數豬扒飯，日式咖喱汁非常香甜配有蘋果。吉列豬扒炸得非常香脆，而且也非常有肉味，如果冇試過，非常值得推薦。

食物好食、有創意、令素食也有豐富口感；cafe環境適合打卡，簡約的粉紅色配以白色，整體令人感覺舒服，還放了大量有品味的書籍，可供食客隨意借閱，非繁忙時間入座可以無限時間去享受書籍及環境chill and relax ；香蕉火龍果好飲，飲得出真生果，而非甜味人工糖漿；店員服務有禮，知道客人穿外套後仍覺得冷，主動把冷氣強度調弱，細心窩心，為顧客著想，容我誇張一點，有賓至如歸的感覺。這是我到荃灣素年分店的第三次，每次點不同飲品、食物，都總有驚喜、不會失望呢。多謝素年讓吃肉人士偶爾也能吃上較健康的素食，也打破素食不一定要中菜/ 油膩的局限，讓人打從心底愛上素食，多謝素年、我愛素年、希望質素可以繼續保持，不會因多分店而質素變差😄🤤

週末時間想食個brunch呢間會係唔錯嘅選擇如果你覺得食素係好清淡多色素嘅嘢素年會證明你睇咩係新派fusion素食川味麻辣芫荽意大利粉日式咖喱吉列豬扒意大利飯呢兩款比較重口味鍾意食辣嘅可以試個意粉好麻但如果驚芫茜嘅就唔好揀咖哩唔係日本偏甜嗰種係偏辛口嘅素年經典不可能芝士漢堡包照燒柚子蛋黃醬吉列豬扒漢堡包漢堡包係配蕃薯條🍠個人覺得比薯條更讚同埋佢嘅肉有陣菇味好juicy食完唔會覺得好乾好假幾有驚喜芫荽鮮果沙律同泰式炸蝦都唔錯沙律用咗牛油果醬有少少石榴粒🥗炸蝦係豆皮同白蘿蔔條扮嘅餐本身有凍伯爵茶亦可以加錢要特飲圖中嘅有苦瓜蘋果梳打同燕麥奶生果類嘅燕麥奶都幾足料幾好飲整體成個brunch嘅感覺都唔錯環境都幾舒服樓底高採光度十足推介✨

我們於24/6（六）下午兩點左右到達餐廳，內裡環境挺大也挺舒服。我們叫了2個餐，分別是芫荽不可能芝士漢堡包及南瓜菠菜螺絲粉，2樣食物也挺大份量的。❶芫荽不可能芝士漢堡包🍔（$138）：有勁多芫茜🤩、芫茜蛋黃醬、青瓜片、純素芝士，及番薯條，番薯條淋了，但也是ok的❷南瓜菠菜螺絲粉（$88）：有蟹爪菇、核桃、羽衣甘藍，還是熱騰騰的🔥，份量十足👍🏻附2杯飲品：（挺大杯）凍伯爵茶，熱玄米茶埋單要加一

食齋嘅人一定都試過素年啦！素年係一間純素(vegan)餐廳，唔單止無肉類製品，連動物副產品，即牛奶、芝士都唔會有。你食到嘅芝士🧀️其實係純素芝士；你飲緊嘅咖啡其實係用燕麥奶沖，希望將純素🌱概念帶俾更多客人。.素年經典不可能芝士漢堡包 $128+$10 套餐(連餐飲)相信依個係素年嘅招牌漢堡包🍔，最啱初嚐素食嘅朋友試吓。其實好多餐廳嘅漢堡扒都係用impossible meat嚟整，包括之前荃灣廣場both by Texas burger嘅素漢堡包，素年依個食落就無咩太大驚喜，都係正常一個素漢堡包嘅味道，反而配菜係蕃薯條🍠就幾有驚喜，啱晒低碳飲食嘅女仔丫嘛！.日式咖哩吉列豬扒意大利飯 $88+$30 套餐(連餐飲)另外就叫咗個意大利飯🍛，賣相幾靚，份量就好多，一個女仔自己食都未必食得晒。素豬肉多數都係用新豬肉整嘅，依份吉列豬扒亦都一樣。新豬肉本身口感、味道同正常豬肉都大分別，新豬肉豆味都幾重，吉列豬扒都唔例外，外皮炸得幾酥脆，不過整體味道同意大利飯就唔係好夾，會唔會用返珍珠米好啲呢🤔。.整體味道不過不失，但夠晒創新，其實可以帶未試過依啲新派素食或者未能接受素食嘅朋友一試，應該會帶到驚喜俾佢哋

之前呢間店係買外賣多，因為有折頭。但今次同朋友食，所以專登過嚟糖食。荃灣好多特色素菜。素年在一條食街中，彩紅白色店舖突出。之前見人不算太多，但約左朋友，所以先預位，好彩聽店員講訂位，好多人呀。點了咖哩炸豬排意大利飯，照燒茄子茶漬飯，甘梅炸蕃薯條，泰式炸蝦和苦瓜蘋果梳打。炸番薯條配埋甘梅味道清新，酸酸甜甜苦瓜蘋果梳打清新炸豬扒就好似真豬扒咁嘅口感泰式炸蝦有啲類似腐皮嘅炸到脆脆好好食最有驚喜係照燒茄子茶漬飯，個人最欣賞嘅係燒汁雞髀菇，有咬口又入味。仲有花雕車厘茄，微微酒香，照燒茄子香口。不過茶漬飯方面，味道較清淡。可以中和返當中嘅配菜。堂食覺得更好味。值得推介。