素年 (黃埔天地百寶坊)

营业中

休息中

好開心可以嚟到這間素年！今次專程邀請爸爸一起來試佢平時唔食開的款式.現代型的素食.家人本來話唔好,阿爸接受唔到新嘢仲要係咁新的款式.例如：不可能的burger.算吧！但喜出望外！爸爸來到時,第一個反應是“嘩！好後生啊！好有朝氣~~"哈哈哈！佢指d店員全部好後生！佢覺得係度食野自己都後生咗,！”我笑咗！！好！回歸正傳！我哋一座底.就见到店中好細心！有這個可給客人用.人都放心d,係到食！這個是menu.款式好專！店員好細心,給了爸爸一張有圖的餐牌爸爸今次望後,估唔估到佢揀咗乜嘢食呢？佢已75歲.其實真係好難得佢竟然不用我幫他揀.就是這個.吉列豬扒佢仲揀咗這杯果汁！佢唔洗一分鐘飲完.即说好飲.味道特別好清甜.所以唯有再order杯玄米茶給他我就喜歡甜品所以選了朱古力士多啤梨撻.我大件.生果伴碟也講究.就能看出這店好認真！加dirty coffee.係我至愛.是用豆奶！味道也不錯！我問爸爸慣嗎？他以微笑回應了我,他喜歡！

終於都去到黃埔嘅素年啦😍一入到去座位闊落，而玻璃窗投入嘅陽光，令人感覺好似去咗度假咁呀☀️仲有室外嘅位置比狗狗一齊食，見到唔少主人帶埋佢哋嘅主子嚟撐枱腳😍嘢食方面，牛油果意粉($128)一上枱就聞到陣陣牛油果味，整體很清新，而且色彩繽紛🌈韓式冷素面($108) 酸酸辣辣好開胃，泡菜夾埋啤梨有意想不到嘅清新口感🤣生酮抹茶杏仁豆腐布甸（$58）好驚喜，食完毫無罪惡感，微甜布甸加上好多生果點綴好出色！

講笑~🤣嗱呢間叫素年嘅物體本人非常之推薦首先佢係一間黃店啦然後佢係一間食新派素食嘅類cafe物體嚟嘅逐樣講吓佢有幾好啦嗱頭兩樣你見到係像真度極高嘅炸豬扒同埋Burger嚟嘅咁佢唔止樣似嫁喎，連味道都好似🤌🏻🤌🏻Bon Appétit🤌🏻因為之前聽過某齋午餐肉定唔知齋肉係有一陣好濃烈嘅菜腥味嘅，所以試嘅時候都真係會嚇親好彩真係冇伏😎仲好好食添Burger香得嚟又唔會有啲肉汁滴滴答答咁👍🏻真係好啲豬扒都幾脆幾好食，然後個前菜幾有心思跟住個素冷麵真係認真靚仔原則上佢係一個韓式水冷麵啦佢啲料多到有啲誇張😆乾豆腐芽菜青瓜蘿蔔秋葵泡菜小麥草砌到撈起咁多野😂食落去一滴油都冇清爽冇負擔舒服又飽肚辣辣哋又襟食咁啲咖啡都幾多款式我地有飲mocha同燕麥奶咖啡仲有好多新式野揀真係任君選擇🤩得閒去吓啦，好似有幾間分店嫁😂

另一半一直都係一個食肉獸，呢幾年香港開左唔少又靚又chill又modern嘅素食店，令佢開始唔抗拒間唔中一齊食下素，對自己同環境都好！之前試過深水埗嘅素年，依家喺黃埔開咗，梗係要去試下啦！我地去食個晏lunch,叫左:煙燻茄子燒汁impossible burger $138，另一半話夠特別，亦都夠juicy同夠大份呀！香辣泰式炒意粉$98，入面有豆乾、雞髀菇、車厘茄、金不換同芫荽等，係有少少辣，夠惹味同意粉硬軟度適中，好啱我心水。Lunch送兩杯玄米茶飲。(細節位1: 花都係鮮花，依家餐廳好少有架啦，欣賞！🥰)(細節位2:杯竟然係made in france…又真係幾surprised 喎👍🏼！)薄荷柚子香梨果汁$48，新鮮搾，冇添加糖，夠refreshing 同健康，又解渴。Keto抹茶杏仁豆腐布甸$58，最後叫左個甜品，好靚又唔甜，好味又健康。個意粉食淨少少唔想嘥嘢, 所以要左個食物盒包起去。個食物盒又靚又不是膠，環保♻️👍🏼👍🏼👏🏼。總結:店裝修簡潔舒服文青風，店員殷勤有禮，食物好味抵食，一定會再黎！

第二次嚟𝔹𝕖 𝕎𝕚𝕥𝕙 𝕐𝕖𝕒𝕣𝕤💛食物、環境、服務都keep住高水準🤟🏿 睇嚟不久之後我又會三訪👻比起傳統齋舖 素年嘅菜式好有創意 好味得嚟賣相又好👍🏻 真係好啱平時冇食開素食但又想試吓嘅人☺️ ******************************♥︎ 煙燻茄子燒汁不可能漢堡 $138♥︎ 香辣泰式炒意粉 $98♥︎ 茄子鷹嘴豆泥蘸醬配炸印度脆球 $78♥︎ 香蕉火龍果燕麥奶 $36♥︎ 蘋果山楂茶 (無糖) $36幾樣嘢最鍾意佢個香辣泰式炒意粉 個軟硬度做得啱啱好 好濃味 落埋芫荽完全升華晒個味😋 個茄子鷹嘴豆泥蘸醬配炸印度脆球都幾有驚喜👍🏿 另外 我一開始就直接倒個蘋果山楂茶落杯 唔知道要焗一陣先😂 所以一開始飲水咁 (如果店員提一提會更好😂)

見到成日都滿座，今日特登去試試！先講食物，叫左個吉列豬扒定食，塊豬扒好好味，同真豬扒幾似！個飯，我諗係用十穀米之類既米，其中有啲米好似未煮咁，硬既！麵豉湯，個味有啲古怪，我個人不太喜歡！整體不過不失啦！不過，最頂唔順既係入面啲音樂太大聲，唔好彩地，隔離枱講野又超大聲！真係食到頭痛！快快脆脆食完走人！

阿女最近做project做到傻，搵日同佢食個lunch抖下氣，走文青路線嘅餐廳應該啱佢。黃埔呢間已經係第四間分店， 門面好光猛，裝修走簡約路線， 木枱加木櫈，仲有開放式廚房， 感覺relax舒服食物方面雖然一張紙睇曬，但係有不同口味供選擇，日本定食， 泰式意粉，韓式冷麵，還有沙律，漢堡 意粉等等。仲有小食同自家製甜品香辣泰式炒意粉 $98可以揀走五辛/走辣賣相好靚，材料又豐富，有豆乾，雞髀菇，金不換，車厘茄，蘆筍，芫荽，花生。我哋就揀咗小辣，意粉炒得好香，蘆筍新鮮，食落好清新不可能蘑菇芝士漢堡 $138Impossible meat 做到同真肉冇咩分別，好juicy 好厚肉，上面嗰層芝士蘑菇，已經好吸睛，仲有蕃茄，菜絲。牛油果醬香滑又有營養，同香脆嘅墨西哥脆片，非常之夾白桃伯爵茶梳打 跟餐+$30淡淡清香又解渴綠茶燕麥奶 跟餐+$24用燕麥奶做奶底，感覺比較健康，綠茶一樣有回甘平日下午6:30前免收加一。素食都可以食得很豐富，沒有什麼不可能。

趁放假黎左黃埔行下，原來素年係呢邊都開左分店！裝修行簡約風，環境好闊落，坐左近門口既位置，曬到日光好舒服～不可能蘑菇芝士漢堡麵包外脆內軟，烤得好香！Impossible素肉有少少散，口感同真肉算好似，有微甜既肉味但就少左一份油膩感！配純素芝士同白蘑菇味道都好夾！平時食漢堡多數都係配薯條，今次有驚喜！配墨西哥脆片+自家製牛油果醬！脆卜卜好香口，忍唔住一片接一片咁食晒！（笑）照燒椰菜花扒伴紫薯蓉厚厚既椰菜花煎到有啲金黃色，配埋自家製照燒汁，聞落已經好香好惹味！烤意大利青瓜、茄子味道好清爽，口感同椰菜花扒又有啲唔同，加埋紫薯蓉每樣都又好食又超營養！兩樣主食份量都好大，似係三個人份量！所以都無再試其他小食，見到隔離枱既番薯條賣相都好吸引！！最後再點左一杯髒髒咖啡（豆奶）同燕麥奶咖啡植物奶之中個人比較喜歡用燕麥奶配咖啡，質感比較滑同淡；豆奶就豆味比較重，會帶到多啲咖啡既苦味好滿意既一餐素菜，味道同賣相都好高分！值得推介！

其實我一向好少選擇素食，素食對我黎講仲停留喺用腐皮整既素鵝個年代。今日，朋友帶我黎食呢間素菜，揀直癲覆左我對素食既概念，原來素菜可以一啲都唔似素菜，健康得黎菜式仲可以咁新式，又好食! 我諗我以後都會多啲食素，一定要再encore!香辣泰式炒意粉 $98 -  用左豆乾、雞脾菇、金不換、車厘茄、蘆筍、芫荽同花生炒意粉，味道偏辣但非常惹味，好夠泰式風味。日式吉列豬扒定食$138 – 新豬肉造既豬扒，吉列炸到很香口，唔講真係唔覺塊豬扒係素黎；配味噌湯、日本唐辛子及日本豆腐配柑橘沙律汁前菜，加埋十殼米，真係食好健康。 西柚橙鳳梨果汁 $48凍泡沫咖啡 $38

潮流興食素，新開唔少素食餐廳，今日同朋友黎新派素食餐廳素年新開嘅黄埔分店，食下素食Lunch😉餐廳位置向街，裝修富現代感，充滿文青風格，門口設有小圓枱同長櫈。素食餐單款式設計新穎，有日、西、泰式主食，仲有小食同甜品😄，我哋點咗份定食同炒意粉share食😉日式豬扒定食定食用木餐盤擺放，好有日本feel😅，豬扒用新豬肉炸成金黄色，炸漿薄身，咬落香脆有汁，口感同真豬扒好相似😅，定食配十穀米飯，柑橘沙律汁豆腐同味噌湯，十穀米飯飽肚有咬口，唐辛子爽脆微辣😋香辣泰式炒意粉(走辣)意粉幼身，用蒜蓉炒香，軟硬適中，豆乾BB蘆筍同雞脾菇切粗絲，再加金不換同花生碎，幾惹味😋生酮抹茶杏仁豆腐布甸布甸面鋪滿抹茶粉同新鮮雜果粒，抹茶味濃厚，質感滑溜😋主食送玄米茶或凍伯爵茶，朋友話玄米茶清香好飲，我就加💰24 要咗cappuccino，估唔到飲落綿密順滑，啡味香濃有驚喜🤩

我最愛的素食餐廳Years再開分店👏🏻今次來到黃埔，每間分店的menu都唔同，去之前最好參考一下邊間menu最啱食。假日果然未開門已見人龍，不過呢間好大都幾多位，舒服光猛。食物一如既往的很大份量😂3個人叫兩個main+一個snack已經會好飽😆照燒椰菜花扒伴紫薯蓉 $138之後係the park食過椰菜花扒，呢個簡直係加加加大版😳原個巨型椰菜花，但依然焗得啱啱好熟度，唔過腍仍帶爽，配上照燒汁夠哂惹味，下面仲有大量紫薯蓉同意大利青瓜伴菜。絕對係飽肚之選！韓式冷素麵 $108韓式昆布凍湯係精粹，伴入泡菜後帶辣勁餸麵一流。配菜有秋葵、醃白蘿蔔、雪梨，各帶唔同口感，食落唔會咁單一，但炸豆腐就略嫌太乾柴同冇乜味。茄子鷹嘴豆泥配印式脆餅 $78雖然係個小食，但份量同主菜一樣大😂印式脆餅波波pani puri超薄超脆，圓碌碌沾hummus有啲困難😅但咬一啖將hummus加入鬥間的空心就perfect😍 Hummus好nutty，亦食到加入咗唔同spice調味，好正，如果有一樽賣我會買😂芒果雪芭糯米脆餅 $78甜品就有點失望，沒有什麼特別，最好食係個椰子雪芭，其餘部分就係芒果同幾塊脆脆。

見素年最近開左幾間分店，愛吃肉的姐都忍唔住去試試，原來素都可以好好食！不可能磨菇芝士漢堡- 用左impossible meat 去做中間的扒，一切開入面仲係微紅，好似切緊真肉咁-素芝士加上大量磨茹，加上烤過的麵包，好滿足！-自家製牛油果醬好香濃好滑！沾上粟米片食好有Mexico 風味吉列豬扒定食-十殼米飯，健康！-吉列豬扒好有驚喜，唔油膩，炸粉唔厚，非常酥脆。第一次食新豬肉，同真豬肉幾乎一樣😅Piccolo latte -本身對呢杯咖啡冇咩期望，點知出乎預期地好飲！咖啡非常香濃，完全可媲美出面專門賣咖啡的店！

素年相信大家都唔會陌生 超人氣嘅素食cafe✨就算唔係素食者都會去食 例如我都係😌之前去開都係深水埗店 今次去開黃埔就特登試下呢間新分店 因為每間分店提供嘅料理都會有唔同架黃埔店舖位比較闊落 木系裝修感覺好和諧好舒服💕餐牌選擇一樣唔少 意粉/burger/甜品等等◾不可能蘑菇芝士漢堡不可能漢堡絕對係素年其中一個signature🔝黃埔店有兩款選擇 煙燻茄子燒汁/蘑菇芝士🍔芝士控嘅我當然揀後者啦 一送到嚟見到已經覺得相當有份量😆除咗厚切嘅漢堡扒 仲有大量嘅蘑菇/蕃茄同生菜 好好味好滿足🤤side dish係墨西哥粟米片 配嘅牛油果醬仲係自家製tim🥑◽日式吉列豬扒定食豬扒用新豬肉製成 肉質好軟稔 吉列炸得脆脆地 加咗少少茄汁同生菜絲 令到食落感覺更加清新 另外米飯係十殼米嚟架 有咬口得嚟又健康 定食有配味噌湯同兩款前菜 用木製餐盤全set送上 好有日本feel🇯🇵主食都會送玄米茶/伯爵茶🍵如果想飲其他飲品都會有優惠價

這間人氣素年cafe 我由深水埗店，支持到荃灣店，宜家黃埔店「Be with Years」當然都要去支持一下。環境地方比起其他分店更大更闊落，一樣是走簡單的文青風裝修，門口更是打卡位。一頁紙的餐牌提供不同的素菜，有新派日式素食，純素fushion菜，意粉及漢堡等，連生酮菜式都有提供。餐牌上亦會清楚列明那些菜式含有五辛。每個主菜包熱玄米茶/凍伯爵一杯，亦可加錢轉其他飲品。日式吉列豬扒定食（$138), 用上新豬肉做成豬扒的模樣，無論外貌或是口感都跟真豬扒相似，沾上麵包糠來炸，外酥內軟，而不油膩，咬落仲有肉汁，配上跟燒汁相似的醬汁，好味。很喜歡他們的十穀米，更有營養，更有口感。另外有日本豆腐配柑橘沙律汁，茄子及味噌湯作前菜。他們的食物份量都頗大。芫茜麻婆豆腐刈包（$138), 這個配搭很新鮮特別，令我很想一試。一碟四件的刈包配上沙律菜，份量頗多。蒸得軟熟的刈包夾著的是微辣的麻婆豆腐，雞脾菇及芫茜，醬汁不會太多令到包身變淋，內邊的雞脾菇有切粒的，亦有切片的，口感立即略有不同，芫茜控的朋友應該會喜歡的，但唔喜歡芫茜的朋友亦可要求轉牛油生菜。

一直好想試下素年的餐點，曾嘗試在別間分店排隊，但時間所限未有機會一嚐。今次係星期日的晚上6:30食晚餐，朋友大概4點打電話去book位! 好好彩都仲reserve到，Lucky。餐廳地方簡潔，枱與枱之間有足夠空間，唔會好亂同焗促。一行3人order咗2份主食，1份小食。1. 不可能茄子漢堡impossible burger比想像中好，個texture好正但少咗肉嘅油膩感，d醬汁同蔬菜配搭得宜，唔會乾爭爭亦有d爽脆感！2. 黑松露蛋黃醬蕃薯條份量正常，每條都係飽滿又長嘅蕃薯條。蕃薯本身都好夠甜，黑松露醬都好出色！3. 泰式辣椒炒意粉分量好大，辣味好開胃。不過這個略嫌有點油，底部都幾多油。整體都好滿意，會想再encore試下其他菜式同飲品。