紐約客 (已結業)

有到我張神嚟介紹野食我住係北角，正宗個西餐唔多，呢間裝修幾靚，我地3點鐘先去，所以無咩人，我就叫咗個full day breakfast，幾好，份量夠多，牛角包夠熱，食落口感都脆；薯皇剛炸出嚟，超正；2條腸就無咩特別；而雞扒就夠滑，但如果鐘意食雞胸就應該中唔鐘意。唯一一件美中不足就係，我記得我係叫太陽蛋，唔知點解會俾咗炒蛋我，不過算啦，我都無再換。服務方面都ok，笑容足夠，無黑口黑面，始終一個假期去食野，如果店員黑口黑面，會影響心情。

想食呢間餐廳午市最好預約先 唔係可能無位/等好耐因為逢星期二既burger 有65折，所以我同同事們都係叫Burger set 。我叫左BLT burger 配薯條。除左薯條，可以配薯角/nachos餐飲我推介的是峰蜜檸檬水。漢堡餐賣相精緻，有小旗子固定漢堡，旁邊則是配菜及茄汁。我好鐘意佢地既薯條 炸得外脆內軟，茄汁有小盤子另上，份量很多，岩哂我呢啲茄汁人burger 餡料很多，芝士、番茄、生菜、牛肉。一啖係唔會食得哂所有餡既，所以個個都食得有啲狼狽整體黎講係唔錯的。餐廳環境寬敞，十分舒適架！

今日難得放假,去呢間餐廳悠閒食個lunch,餐廳裝潢不錯。今日無乜人,唔駛等位。我地點了雞扒意粉, full day breakfast, 煎魚湯及沙律一般3個最好味係雞扒意粉, 雞扒入味, 意粉硬度同味道適中, 十分好味!full day breakfast的腸蛋同包不過不失, 但牛扒十分"un", 大扣分。我地最期待的煎魚反而有點失望,有啲鞋,以呢個價錢食有啲唔抵

記得一年前開始在這裡開始寫食評，原意是想記下自己吃過的食物，也當是一個治療的旅程。在這一年當中，也漸漸尋找到在記錄文字的過程中，可以一邊回味食物的樂趣，盡管自己吃得不多，哪怕只嚐一口甘甜，也是美事。一年前為弟慶生是於一間越南餐廳，今年他希望吃西餐，便帶家人來到這裡用餐，希望他們，尤其是壽星仔滿意。我們到達的時間尚早，人客不多，雖已book了座位，但侍應仍讓我們選擇最理想的位置，我們亦毫不猶豫地選擇了梳化位，因為似乎能坐得較為舒適。餐廳走美式路線，地方寬闊，格調昏暗，亦算頗有情調。食物選擇種類頗多，亦提供二人份的Dinner set，共有兩set可選，一款較便宜，一款較貴，最後我們選了較貴的Dinner set，另外散叫了一客沙律和，漢堡包和加一款甜品。Dinner set包兩客湯或細沙律，一款小吃，兩款Main courses。首先來到的是蘑菇湯。這款蘑菇湯有別於以往飲過的忌廉蘑菇湯，這回沒有加入忌廉，單純的蘑菇湯確是蘑菇味十足，如你是蘑菇的愛好者，這湯必定能滿足你口慾，可惜我不是，渴了一口後已感蘑菇味太搶，有點吃不消，而家中兩老正好非常愛蘑菇，故他們都把湯清光了，他們也表示是頭一次喝

晚市套餐由$123-238🍴，包括餐湯，沙律，主菜，飲品姨媽不太愛羊膝，所以嚐嚐另一新主菜吧😆二大片的牛仔骨，薄嫩腍滑，只需微微咀嚼便可吞嚥，更聰明地以柚子調味😁，減底肉食膩感伴菜有翠肉瓜，沙律，薯條🍟現在才知道姨媽不愛伴菜，全部由我包底吧，哈哈哈

又約了好友在北角下午茶，呢間未試過，豪宅地下舖，落地玻璃，入內樓底高，紅黑色主色，加好多美式裝飾！有高枱、有梳化位，任君選擇，下午茶時間，茶餐都好多選擇，鹹甜都有，朋友未到之前，問下店員跟餐可否轉其他飲品（因為drink list嘅飲品幾吸引）可惜店員話唔可以加錢轉飲，只可以單叫，咁就打消咗念頭（叫其他飲料，跟餐嗰杯又浪費了）亦見餐廳唔夠彈性！落單食物陸續到！迷你牛肉漢堡包（$48/3件）店員通知漢堡由三個小漢堡改咗一個大漢堡，我ok但就要求廚房幫我切半，上枱賣相就幾靚，竹籃特別，漢堡用竹籤固定，切半都無散，但⋯⋯味道係失望嘅，麵包係又粉又無味，一啲彈性都無，一按就扁晒，牛肉雖然厚身，但肉又粗又嚡，又無肉汁（真係仲差過快餐店嗰種）煙肉硬到好似𡁻柴，又無味，唯一係生菜爽脆，蕃茄多汁，芝士半溶，但都幫唔到塊又乾又嚡嘅牛肉漢堡扒！薯條比松露薯條脆，但味道又唔夠，灑唔夠鹽，好淡！失望！我哋兩個一人半個都食唔晒！黑炭多士、雞翼加松露薯條（$53）最吸睛係件多士，厚麵包鬆軟，外面脆脆嘅口感，外脆內軟，似食炸蛋榚，但又無乜味，一般，雞翼兩隻熱辣辣，幾嫩滑！粗方薯條淋咗松露醬，雖然香但就淋咗整體一般！

昨晚又凍又落雨，人又攰攰地，食埋野先歸家便是最叻吧因此得就係個客既公司樓下附近搵吓有咩好食行行下見到這靚靚地既餐廳，二話不說就沖左入去入面環境唔錯，好多位，客人都較年青，樓底仲好高，令人覺得好舒服，環境在目測下都好清潔，初步印象係幾好睇完一大輪後，就點左脆煎大鴨腿，估唔到又真係幾大份，咸香適宜，肉質鬆軟，味道濃香，當中更帶有淡淡的迷迭香味，就算唔畸茄汁食都一樣好食食完肚皮好滿足外，雨都停埋，個天真係待我不薄

剛好到附近工作，順道吃個午餐，時間有點趕，走著走著，就在對面馬路，看到店內有幾個小孩在玩耍，被吸引過去店面就是酒吧的裝潢。入坐前在門外看了看餐牌，點了2個午餐，炸魚薯條及黑松露扁意粉，餐湯是南瓜湯。他們上菜也比較快，湯還沒喝完，大大份炸魚薯條經已做好，單看已很吸睛，配上他他醬，十分香脆可口再來是黑松露扁意粉，份量也是比較多，味道有點淡，沒有黑松露那種濃濃的氣味，有點失望餐飲卻是充滿驚喜，”蜂蜜檸檬”喝下去甜蜜裡有陣陣檸檬草香氣

放假嘅日子，就係可以瞓到自然醒，然後落街買自己鐘意食嘅野，然後樣嘢味道又好好，咁樣成日都會覺得好幸福最近我去嘅呢間餐廳都好有呢種feel這餐廳室內地方夠大，坐得好舒服，唔洗好似啲細茶餐廳咁，人又多又逼，裝修仲好有心思，係自拍影相甚至係發呆嘅上好地方我一個人就點左個烤西冷扒食，件扒都好大件，好香濃牛肉味，厚度十足，好有口感，另烤過嘅番茄又軟又甜，薯角也炸得金香撲鼻，夠晒飽之餘，整體都好食好高分吓！當然都要叫杯飲品，呢杯凍蜂蜜檸檬水嘅香甜同有淡淡嘅檸檬酸味，酸酸甜甜好飲又健康~食畢後我仲係餐廳hea左成個鐘，舒服好feel

宜家晚晚收工返到屋企，屋企人日日都整蒸水蛋，真係食到我成個水蛋咁啦，蒸水蛋差唔多已經成為我晚餐嘅標配，食到我就嚟嘔添啦~~瞬間覺得我嘅人生無曬意義….實在忍受唔到，出街感受一下人間美食先This西餐廳就好啱我口味啦，無論從佢嘅室內環境定系野食出品…無辦法，見得水蛋太多，宜家見到乜都覺得系龍肉咁嘅味！！好似室內墻紙咁，都係偏歐美式嘅，有一種高雅得嚟又好文青嘅感覺~~我要食大pizza呀!!!呢個American Choriza Pizza就真喺正呀！無論由口感定系味道嚟講，都可以話系我最鍾意既味道，厚厚嘅芝士條、肉味好香嘅香腸、爽甜既青椒、酸酸既茄汁配埋鬆軟外脆既Pizza餅底，真係好yummy，慢慢食又睇下片就過左輕鬆一夜，this moment is very good ~~~

老實講，我真係幾鍾意一氣友去食飯，好enjoy慢慢食慢慢呆諗吓野，今日我又一條友去左嘆入到呢間餐廳覺得幾好feel，空間都幾大，侍應都好好笑容食野前梗要飲個湯先！呢碗忌廉甘荀湯打得好滑，清香之餘仲略帶微甜，整合我酷甜的口味，加上當中更有切得細碎的甘荀，令口感層次倍增不少都幾like食炸野既我就叫左呢個派對拼盤，全因種類選擇多，有雞翼、芝士腸、炸薯角、炸魷魚圈，每樣幾件都幾多，而且亦炸得金黃香口，更無半點油膩感，係好食！對扁意粉有情意結既我，仲叫左個黑松露雜菌扁意粉食，單睇份量唔算多，但食落好飽，黑松露味香濃，意粉亦煮得軟硬適中，甚是不俗！總括黎講係有8X分以上，可以再食過 

兩星期前，我和三位朋友在灣仔老爺點心食完晚飯之後，在接待處取了一疊＄20現金劵，原來是New York Diner的，然之後我們上開飯網搜尋，發現它有四間分店，我選擇了北角這一間和一位快餐業管理層的朋友來試菜，順便在下午四時至六時食個提早的晚飯準備上晚間的烹飪班，點了：1. 招牌啤酒燒雞：皮很脆及燒掉了皮下的油脂，賣相好靚，可惜冇乜味，伴菜有燒茄子、意大利翠玉瓜、還有炸粗的有味薯條，伴菜都合水準。燒汁和牛扒的是一樣的。2. 紐約燒肉眼扒（Medium-rare)，味道合格，可惜影完相之後凍咗啲，燒汁和啤酒燒雞的是一樣的。3. Green Salad (揀了凱撒沙律汁）4. 士多啤梨奶昔 - 因為我怕肥要求要脫脂奶做，未到超正！可惜那位菲律賓bar-tender做得太甜，有機會再來要叫少甜。另外，杯上面低了一Pat忌廉，還有士多啤梨唧花，當客人將鮮奶要求改做脫脂奶，為什麼杯頂部還放一pat忌廉呢？為什麼不問客人要不要少甜呢？5. 海洋藍色的雞尾酒Ocean Selzer是朋友點的，因為佢話奧斯卡金像奬都飲呢杯類似嘅嘢，初初佢話麻麻哋好飲，但係飲到底部的椰果，佢又覺得好好食。6. 藍莓芝士

北角個頭係少去d既，今日因為要去個邊見客，所以就去左，見完客都成7點，所以就係附近食埋飯先返屋企，係同事G的帶領下就去左佢口中話幾好既餐廳呢間餐廳樓底高又大，感覺好舒服，客唔算多，座位都好闊落，一點都唔迫，第一感覺幾良好餐牌上都好多野食，揀左一輪後，我就揀左紐約頂級牛柳大蝦，全因我好Like食牛同蝦，個樣大大碟好靚，呢個時候當然相機食先件牛都唔細，好厚肉，口感嫩之餘，更全無雪味，廚師確係處理得幾好，點埋個汁食就更香，食完一啖已經好想食第二第三啖隻蝦好大隻！好爽口，又多膏，質感彈牙，食得出係靚貨！而薯角也炸得金香脆口，合乎預期，總體上非常之滿意！

食西餐往往成一set食心內邊感覺良好，好像試了很多不同類型的食物，滿心歡喜捧著肚子回家。餐廳環境不錯，名付其實紐約風，牆身滿佈poster和藝術照，燈黃色的復古吊燈，令人心情愉快。北角呢間餐廳的二人set dinner性價比高，向大家逐一介紹下食物先。Starter沙律好開胃，加左酸酸尾尾既醋汁，食完更加好胃口去試落黎既食物。Appetizer簡左墨西哥脆片配薯角，煲入邊有番茄加墨魚圈，夾脆餅有睇頭，食完已經有飽既感覺。咁main簡左一個煎三文魚配飯同埋雙層芝士牛肉漢堡，說實話二人套餐係抵到爛，因為份量多到可以3個人分享，而且食物質素高，值得一試。煎三文魚扒皮金黃香脆，肉質不老，加上自家調配的醬汁一流；漢堡塊面juicy而家厚切，麵包皮有別於一般貨色，溶左既芝士拉得好長，必試main course.

Disgusting. Was served frozen pre-marinated supermarket quality beef with uncooked rice. When asked about the rice the plat was taken back into the kitchen only to come back out with half uncooked rice half overcooked soaky wet rice. Last time ever at this place.