紅雞

营业中

休息中

今晚目的地定左喺尖沙咀而飯腳係只會食海鮮同雞既朋友而雞黎講我都好鍾意食比左兩三間唔同風味既比朋友揀最後決定食韓國雞！其實由紅雞一開始喺度營業，我已經有黎幫襯，記得以前係會開到凌晨兩三點而係呢幾年入邊每隔幾個月就嚟食一次都發現到佢轉左餐牌兩三次，雖然炸雞嘅份量比以前少咗(以前嗌一份炸雞真係成碟都係炸雞，而家一份炸雞係半份炸雞再加薯條俾你)，但因為味道keep到，所以耐唔時都會返嚟食趣聞一則：今晚食飯食咗$477，比500找23嗰陣，我攞起張$20諗住走嗰陣，員工竟然主動將嗰$3比番我，想知係咪而家韓國餐廳唔興收貼士？(我知道$3真係唔係啲乜嘢，但呢個情況我真係第一次見)希望我冇唔覺意咁做咗啲唔尊重人哋嘅野🤦🏿‍♂️我會再返嚟幫襯㗎😬😬

香港愈開愈多韓式餐廳，韓式炸雞🍗但我食黎食去都係返黎呢間食，呢間餐廳應該都開左好幾年，我自從兩年前同朋友食過一次覺得幾好，之後每隔一排都會返黎食一次。貪佢雖然冇其他地方咁多花巧野，但食炸雞最緊要都係夠正宗，而呢間絕對做到，炸雞外皮脆卜卜，裡面又好juicy，好正😋個人覺得拍得住係韓國食添。除左炸雞，個蛋卷都冇得彈，加埋芝士食得好滿足。至於其他部隊鍋，拉麵等等，如果多人食又想轉下口味，一試無妨，基本上都好足料，合格。蜜糖啤就可以唔洗試，唔夠凍而且唔岩個人口味，我都係飲返普通啤酒夠😂

今個冬天好想去韓國🇰🇷但韓國變日本🇯🇵所以唯有食韓國菜當去左💆🏻‍♀️呢間餐廳係兩三年之前都有食過😂見到好耐都冇食所以入去碰吓運氣睇下有冇位😍咁啱我入去嗰陣時唔使等位但係下一張就已經要等位🤪真係好好彩呢🤘🏾🤘🏾兩個人又唔食得多而且又凍凍地唯有叫個部隊鍋黎取下暖個部隊鍋勁快就嚟到可能未煮嘅關係🧟‍♂️本身已經勁肚餓嘅我仲要等覺得好慘😖有得睇冇得食😭咁唯有等吓😚要等佢煮熟都要10幾分鐘不過好彩有個炸雞頂一頂住🤩我哋叫咗個蜜糖香蒜炸雞🍗重點要叫佢去骨不過好似貴少少🤩但係食落去啖啖肉咩都值返晒😏😏超爽食落去爽脆嘅感覺🤪個炸雞裏面仲要係勁滑勁嫩🤩令我回味三尺🤪之後個部隊鍋都熟左裏面有年糕粉絲泡菜午餐肉芽菜同魚片想要啲乜有啲乜包羅萬有🤯不過佢唯一嘅缺點係粉絲😕平時食開部隊鍋都係公仔麵底點知原來佢係粉絲見到嗰陣時都講左句omg 😱而且佢啲料吾係好多要叫多幾個送先夠食😢

Korean fried chicken it’s finger lickin good🤤 There are so many Korean fried chicken restaurants in the Tsim Sha Tsui area, how do you choose the best one? Service here was good, friendly without being overbearing. The manager seems to be Korean.This was the garlic chicken, which tasted superb! There were >10 pieces, extremely good value for the price. If you go as a bigger group you can order different types of the chicken to try, will do that next time!

今日同同事去食Lunch時途經這間餐廳，見到set lunch款式選擇不少，價錢也是接受範圍內，又不收加一服務費，於是即時轉肽試新野！餐廳環境算大，人不太多，所以坐得不會有壓迫感。Lunch set包—個飯或麵及可樂或雪碧，但沒有韓國小碟，泡菜要加＄５，有別於其他韓國餐廳，其實也不是不好，因為有些人不吃泡菜之類的，這樣不會做成浪費！我地點了:魚旦魚片串烏冬＄58 - －大串魚旦魚片好吸睛，是在韓國街頭食的味道，烏冬煙韌軟滑，整體好有韓國地道味道炒海鮮蓋飯＄68 - 海鮮有三大隻蝦，肉質爽口，還有好多墨魚仔，蝦仔同蜆仔。而且醬汁甜美，同韓國白飯－齊食－流韓式炒牛肉蓋飯＄68 - 牛肉份量不少，而且不會太油，牛肉不會過韌。醬汁撈飯又係超正食清光！

回味無窮嘅紅雞蛋捲,食過返唔到轉頭, 平時座無虛席預約咗都需要等位。 今晚去到飯市時間空檯可以任你坐， 睇埋轉咗嘅新餐牌， 以前耳熟能詳嘅菜式不一樣。點咗幾款先試吓， 結果一樣比一樣的失望 。蜜糖炸雞食落似西檸雞，脆炸芝士條入面芝士並唔流心， 部隊鍋入面材料得幾塊香腸年糕紅薯粉同芽菜， 最令我失望就係個蛋捲……同普通玉子燒放上結踢踢嘅芝士，全無口感可言，旁邊嗰三隻現成嘅吉列炸蝦， 自己買呢整都仲好食過佢。 要搵返以前紅雞嘅味道呀

尖沙咀韓食一條街有多間韓式料理餐廳，揀左尼間食炸雞，有多款口味可以揀。仲有其他韓式小食。坐低之後就免費送上醃蘿蔔。叫左雪花炸雞($158?，無骨另加$10)，韓國泡菜煎餅($78)，五花腩肉配韓國拉麵($88)，白桃飲品。價錢好似大約係咁。一碟炸雞有12件，件件都有番咁上下大細，唔好睇少。面頭灑上蔥葱粉，甜甜地既。炸雞非常脆，即炸送上枱。炸完仲保留到好juicy，無骨可以大啖大啖食。食既時候，小心熱得制。個人覺得，韓國炸雞既水準間間都唔錯，一定都好juicy唔會鞋口乾身。泡菜煎餅帶辣，煎完唔算太多油，所以唔會太油膩，分6份，大小剛剛好。不過，泡菜份量略為少，如果加多dd泡菜就更好。五花腩肉肥瘦均勻，應該係普遍白灼(?)，味道淡淡地。拉麵配有紅蘿蔔絲，菇片等蔬菜一齊煮。雖然辣辣地，不過就冇煎餅咁辣啦。建議如果唔係特別想食拉麵既話，叫其他餸會更好。整體，7點半左右入座，冇訂位，所以得番1至2張枱。其餘都已經留座，所以想食既話就記得book位。坐得舒服，音樂聲音唔會話好大聲，所以正常聲量傾計就ok。

唔知點解，我對韓國炸雞嘅印象，總係覺得首爾食嘅都唔夠香港做得好食。去過首爾3次，都食過唔少炸雞，但唔覺得佢比香港嘅分店好好多，價錢亦都唔係爭好遠。或者韓式炸雞始終係因為星星而走紅，即使喺韓國本土亦冇乜深厚歷史，所以無發展得好好。而香港向來有多種唔同炸雞，日式、美式、港式都做得唔錯，所以韓式炸雞來到香港或許都有參考本地做法？尖沙咀嘅『紅雞』都係乘住星星熱潮開嘅，店員清一色韓系打扮，店內播住Kpop，已經係指定動作。我哋叫咗以下三款。『炸雞凱撒沙律』『大蔥雞』『檸檬蜜糖雞』以上三款都炸得幾好，皮脆肉嫩。只係雞件本身調味較淡，主要係靠啲汁提味。綜合呢度嘅氣氛同食物，係幾啱一班人去隊下啤。

琴晚同朋友一起食，勁耐無食炸雞。等左半個鐘，點解咁耐既.....原來漏左韓國老闆（覺得）立即跟單，好快就有得食，好好味啊～ 誇張左🤣跟著老細為表歉意送上一支燒酒，好像係朋友送既，限量一箱。🤩其實好快跟單我地已經掛住食，都無咩怒氣🤣跟著再送多沙律一客，輪到我地唔好意思☺️食完勁飽。Ps 因為味道唔錯 態度好好，特意開account 幫佢寫食評

半半炸雞 $158 (原味蒜香甜辣味，三選二)建議加10蚊轉無骨，啖啖肉，好juicy. 好脆，蒜香味較好，離奇地有浸蜜糖味，雖然都有小小蒜香味。可惜近風口位，好快就凍，同埋多醬得滯，凍左就漏漏地五花腩伴泡菜 $138上枱就知五花腩唔係平時烤的煮法，只是似白烚加少少胡椒，肉質係冇咁乾，但唔係好有味雖然有飲野，但食完仲係好口乾評分:4🐷#hkfooddetector

熱潮過去, 夜晚時候餐廳顯得冷清, 只有數枱客, 老闆娘係韓國人, 態度好好, 有求必應, 前菜係酸羅白, 可以任食, 我都食左3碟, 夠脆又酸咪咪, 配炸雞一流叫左1份炸雞(半半), 1個芝士牛肉炒飯, 1個蜜糖啤酒。蜜糖啤酒幾特別, 其實都係另外比蜜糖你, 上到枱先加入去, 其實唔係好溝得埋, 飲到底就變到超甜, 可以一試既, 不過相對有D貴 XD芝士牛肉炒飯都好大份, 牛肉份量好多, 芝士好夾, 有D燶燶地感覺好好味!!!!炸雞揀左甜辣同埋蒜香蜜糖, 炸粉比較厚, 不過影脆, 蒜香蜜糖好味, 不過都係甜辣好味D!!可能附近都太多餐廳, 而紅雞既地點算比較偏, 宜家都變得好冷清, 不過食物其實做得好出色, 仲唔限時可以慢慢坐, 同朋友聚餐都幾好呀!!

自從食過韓國當地嘅炸雞後真係好食到無朋友，而且又好掛住，所以就粗粗地係香港韓國街回味下。Order左一份炸雞，係mix嘅口味，揀左甜辣醬同蒜香醬。份量就好似圖中咁，２個人食係夠食。我同友人都鐘意食蒜香醬多Ｄ，雞胸位都係有少少嚡同埋唔夠入味。另外我地(2人)又Order左部隊鍋，睇Menu以為份量好大，但原來都唔算好大。材料有午餐肉、腸仔、年糕、芽菜、韓式粉絲等味道一般，試過就算整體黎講算ＯＫ，因為一早訂左檯，而且又冇限時都算係咁。係價錢上偏貴，不過係尖沙咀區都算正常啦～

上星期同班兄弟見咁耐無聚，約左係尖沙咀食飯飲野，飲完野之後見有d 肚餓就去左附近一間韓式炸雞店試下。一入到去似乎有幾個店員都係韓國人，但用英文溝通還是可以的，落order 叫左蒜香味炸雞，甜酸醬炸雞同埋辣雞炒年糕，仲有每人一杯蜜糖啤酒。黎到之後，個蜜糖啤酒完全無特別，佢會即場倒d 蜜糖落去啤酒度，但味道一般同唔太夾野食方面，甜酸炸雞攜帶微辣的，幾開胃。蒜香炸雞味道同普通炸雞無咩分別，最有驚喜反而係辣雞炒年糕，十分之辣，鐘意食辣既朋友可以一試！

同朋友二人晚饍, 忽然想食重口味食物, 就諗起炸雞.於是去韓國街走走..見到紅雞7:30都無人, 開頭有D 驚中伏, 但見好似之前的食評都唔錯, 於是一試.裝修不錯, 只係唔知點解佢地個冷氣, 只可以一係勁大, 一係全熄....最後, 食部隊鍋食到出左一身汗...=__="實在係全餐嘅敗筆先講部隊鍋....賣相...就....真係好一般, 但味道OK, 夠泡菜, 又夠韓式粉絲, 夠開胃.我地仲叫左半半炸雞, 唔怪得D食評唔差, 呢個邪惡嘢係好味嘅, D雞一D都唔乾, 而且唔會只得骨食落夠味.兩個人分, 實在一個部隊鍋+炸雞真係有D over, 但整體嚟講味道係OK的

呢間鋪一直都好想試，因為朋友之前食過，覺得好好食，推介！大約6點半到店，店內客人不多，隔離枱有韓國人食，落單後店員隨即送上前菜醃蘿蔔一碟！我地兩個人叫咗兩樣嘢食，炸雞同扭扭粉～秘製蒜香蜜糖醬汁炸雞配薯條 $118本身睇menu時，抱有期望，一直都覺得韓國嘅炸雞蒜味好正！上菜時，炸雞佔一半，薯條佔一半，估計炸雞份量得半隻雞，因為只有一隻雞腿同雞翼！炸雞嘅肉好嫩滑，唔鞋！係好味嘅！但略嫌蜜糖醬汁太少，不過可能汁少嘅關係，雞皮就脆啲！但雞嘅蒜味不出，旁邊有一嚿焗蒜，挖出嚟食都幾好味，焗得夠淋！薯條嘅調味都唔錯，唔會太鹹又唔會無味！薯條應該係新鮮薯仔手切出嚟，長度不一。但唔慣薯條無配茄汁！＊炸雞無骨加10蚊！香辣五花腩辣椒醬忌廉意粉 $98呢個出乎意外地好食，尤其係個醬汁！醬汁辣辣地之餘，又唔會太辣，仲好開胃添！由於薯條冇茄汁嘅關係，我哋攞咗呢個醬汁嚟點薯條，哈哈，都幾配！五花腩本身係原條上嘅，上到枱時，店員會用較剪幫我哋剪開一塊塊！但五花腩嘅口感好硬，普普通通，反而醬汁好有驚喜！店內有韓國員工，又有男女廁所，服務態度都可以。不過水要主動問佢拎，但店員都會樂意俾！坦白講，香港好多連鎖炸雞店都麻