紅豆餐室

营业中

休息中

因為Honey要我替他辦事，所以我就要到新蒲崗；既然屯馬線通車，鑽石山站一出就可以到新蒲崗，所以才會來到啟鑽苑。一出地鐵，就見到紅豆冰室，幾企理…看看早餐，價錢好合理，所以就入來了。侍應服務幾好，地方幾乾淨，可能新開張吧。我就點雞翼公仔麵、配大紅腸煎蛋、牛油多士，每樣都好食。兩隻雞翼是新鮮炸起，脆卜卜熱辣辣。公仔麵呢……現在越來越多茶餐廳，為了快捷，是「泡定先」，公仔麵食到滿口鞋颯颯。但是紅豆餐廳，公仔麵是「煮」出來的，熟透的公仔麵，才會滑。奶茶正常。整個早餐$41，不貴，性價比正常。

要去新蒲崗有d嘢做，去左鑽石山站落，一出去有個商場仔，直接食個晏。商場下面地底一層有街市有d食店，但我有次食完肚痛，不過我唔知我咁岩肚痛定點喇....唔敢再食街市食店.....食返呢度就咁行入去間紅豆。入到去已經係2點下午茶時間，叫左兩個餐，一個係窩蛋牛飯，一個係炒飯，我唔鍾意蔥叫佢走蔥都ok, 兩個都好食，唔會太咸又唔會炒到油淋淋，同埋佢呢度可能個名叫紅豆，襯返個主題跟餐加3蚊已經有紅豆冰，幾吸引。

8月6日唔想行咁遠及試新嘢心態，揾食肥華和靚媽，就揾咗呢間在肥華住處附近新屋村内，開業不久嘅茶記食晚飯，試一試此店嘅港式鐵板扒餐，首先此店先奉上兩碗，稀如開水，似用辣椒仔醬汁，溝成嘅紅湯，無論賣相和味道，都係F級系列，而靚媽點嘅什扒餐及肥華嗰個西冷牛扒餐，都係坊間快餐店質素，不過此店舖内座位，相比快餐店舒服，冷氣十足，亦有基本侍應服務，及佔盡鑽石山港鐵站地利優勢，加上價錢，在此店用膳，係勝過一般快餐店

經過新開茶餐廳。下午茶食咗雞翼餐。 雞翼炸得硬𠝹口😩。雞翼應該沒有醃過。有一陣雪味😓😓😓。 沙律只是一個醬😩😩😩不過員工好人。 地方整潔😁😁😁😁下次望清楚先再決定

鍾意食茶仔嘅我，行過新蒲崗呢個新屋苑，當然會入去搵下有冇茶仔。商場入面最方便個間，又大大地就行咗入去。下午茶時間，當然直接叫個下午茶餐。見到佢咁有信心寫咗個＂澳門豬扒包＂，就叫個黎試吓有冇澳門嘅風味。呢個澳門豬扒包已預先切好，外表上就平平無奇，不過記得食過某啲茶仔做嘅豬扒包，連豬骨都無切走，扮到好似好大塊。呢個就好啲，本身就係無骨都咁大塊。另外佢個包身就唔係硬脆個種，如果烘一下就似澳門個隻，不過咁樣都好，食落無咁乾。朱扒味道差少少，如果加多啲炒洋蔥可能我會更加鍾意，整體上未算特別出色。由於新開張，地方仍然乾淨，下午茶時間相對無咁多人，不過由於我坐喺比較入嘅位置，電話收得唔好，所以都無坐太耐，後來同呀姐講開先知原來有wifi。跟住我又問埋佢收幾點，無記錯last order係2300。點解我咁問，事關佢呢個下午茶餐，佢夜晚九點後又會出現，真係無限輪迴。

今日準備去新蒲崗做野，一出鑽石山地鐵站入商場就見到呢間餐廳，望到午餐牌有個皇牌焗豬扒飯，於是入來試下.侍應話焗飯要等20分鐘左右，問我如果急時間建議叫其他餐會快d,我話要試下你們的焗飯先入來，跟住侍應馬上幫我落單了，服務都算唔錯，因為無人知焗飯係焗定還是即焗，所以佢地落單前問聲是最好的，值得一讚焗左大概18分鐘就來了，唔算太耐，即焗熱辣辣，色澤均勻，真係好吸引，炒飯底唔錯，粒粒均勻，茄汁有新鮮蕃茄，加上芝士口感一流，豬扒都好香口，很滿足中午午餐$59，凍飲加$3，仲有湯送，合理價錢，食完先睇到紅豆冰原來都係加$3，後悔無睇哂餐牌先叫，下次有經過來食一定要加紅豆冰

跟朋友來這裡叫左3個小菜，值得一讚呢度D咕嚕肉最好食，菠蘿仲係用新鮮的，肉好嫩口，唔會肥非常啱我地，另外蒸魚都很美味，即叫即蒸好鮮味，還有涼瓜炒鮮魷同牛肉，都好野味,份量十足，送飯一流，師傅手勢拍得住大酒樓，唔錯，我見之前留言話d樓面姐姐服務差，但我覺得佢地好有禮貌，上飯前問我地要滿飯定係少飯，很少餐廳會問客人的，不過我話多飯就真係太多了😂，值得再來👍

尋日出開鑽石山，請呀爸呀媽去下午茶，一人叫一個茶餐，雞翼好好食，每人一隻都唔係好夠喉⋯⋯幾有驚喜，係用心嘅小店下次去再試下小菜！熱狗 - 食得出有心製作，個包唔係平時一食就散個啲包，而係有啲麵包應有嘅口感，隻汁連埋個包同外脆內軟嘅腸幾好食西多士 - 煎得幾靚，煎得靚嘅西多士索晒啲牛油，食落去無咁油膩，唔錯瑞士汁雞翼 - 下午茶隨便叫咗個雞翼食，有驚喜～出面好多雞翼都會整到霉霉地/好大雪味，呢個雞翼瑞士汁香得嚟食到雞味，肉質都唔錯，沙律就正正精常常咁

夜晚係附近唔知食咩好，本身打算求其搵間野食下，發現呢間叫紅豆餐室嘅菜式正宗，有驚喜。菠蘿咕嚕肉敢講呢個好食過曬d高級中菜廳嘅咕嚕肉。嘅肉質好嫩，炸粉唔厚，唔會好似平時咁得d厚炸粉或者得舊骨，呢個用嘅豬肉食得出新鮮同係啖啖肉！無豬臊味同埋肥瘦適中。加埋新鮮菠蘿肉，佢份量好大不過都比我地清曬😂😂咖哩牛腩飯咖哩好香濃，牛肉用上牛肋條，口感好好，牛味都重，如果咖哩可以揀辣度就正了，呢個係唔辣嘅。梅菜扣肉呢個唔洗講，d肉皮軟糯，肉同梅菜都好入味，邪惡之選😈推薦大家黎食，食得出師傅嘅功力，一d都唔hea😎

昨天下午茶叫左個酸辣米線餐, 好大碗, 好多餸, 湯底都好夠味。 我叫左小辣, 所以辣度唔勁, 下次可以試吓中辣, 而酸度又幾夠酸的, 整體幾好食。 通常在茶餐廳食酸辣米線都麻麻地, 但這間米線又幾好食喎。我叫左瑞士汁雞翼和豆卜, 雞翼都好入味, 又唔會太淋, 都好好食。食完碗米線都好飽, 好少下午茶食到咁飽的。杯凍檸水有好多塊檸檬, 都幾重本。 叫左餐先發現原來同叫凍飲一樣, 加$3就可以轉紅豆冰, 唔怪得我見咁多人飲紅豆冰, 下次嚟就試吓紅豆冰。

真心請我都唔會再來！！！傍晚去食個焗豬扒飯我叫完去洗手間洗手再返來坐咗一陣連嘢飲都未送來我就問侍應啦侍應話唔知我係唔係走咗所以無落單仲問我想食乜我 Xxxxxxx....咁佢見我返來坐返原位明知我未落單都應該問吓我要咩啦啩我叫咗焗飯先去廁所就係唔想浪費時間等焗點知佢就當我走人結果我就等足20分鐘…個焗飯來到仲要係勁難食有個焗飯都係一舊舊煮到勁爛嘅飯豬扒就似係白灼之後放上去嘅真心請我都唔會再來！！！真心請我都唔會再來！！！

姐姐服務態度很好。值得鼓勵。環境也舒適。奶茶不錯。但叫咗個焗豬扒飯，非常十分之油及鹹。食完要賣腎。這焗飯底也非常之濕潤。我也經常食焗豬扒飯，這個飯的味道，喊鹹道，油膩度及濕度，到時咁多間中最低分。之後同姐姐反映，他們愛理不理。

早餐ok正常不過不失，咁嘅價錢不能要求再多新張期內可以免費轉蕃茄湯底好味嘅～但我鍾意落單阿姐反應快落單準😂講一次已經可以重複到你叫咩☝🏻 非常醒目🤭趕時間一族食嘢一流👍🏻😅

到新開的街市買餸，順道試新開的餐廳叫了一個早餐：沙爹牛公仔麵，火腿奄列，油多，熱鴦少奶沙爹牛麵 - 牛肉用洋蔥炒過，添多了香味，牛肉亦有咬口，麵煮得恰到好處，湯底沒太多味精火腿奄列 ： 煎得很乾，份量很少，薄薄一片油多 ： 麵包是隔夜的，一早烘定，所以牛油沒熔，咬一口後，好難說服自己咬第二口熱鴦少奶 ： 茶底很鞋，茶和啡味都無這樣一個早餐，盛惠三十九個大泮，應該無下次

今日第一次入嚟幫襯，叫左一份下午茶餐，糸乾炒牛河，可能糸下午茶，份量較少，唔係太多牛肉，有少少硬，但係唔算太油，值得一讃，味道可以，另外叫左一杯熱奶茶，夠滑，$46