紅蔥頭

营业中

休息中

🌟以前間吾中會黎西九龍溜冰，今日舊地重遊，順便食個晚餐。呢間餐廳裝修懷舊，門口有個書櫃，仲熊啤啤裝飾同出售，幾有文藝氣息。🌟餐廳主打七十年代鐵板扒餐，價錢好親民。📕二人套餐B $268🍲餐湯+牛油法包羅宋湯好足料，味道幾濃🥗是日沙律🥩香蒜西冷牛扒超大塊！鐵板上，渣渣聲😆牛扒幾淋身，肉味濃，雖然鐵板上，但冇overcook, 肉質都幾嫩。面頭仲有炸蒜，好香脆。🍚香草忌廉龍利柳飯有兩大條魚柳，煎得好香，魚肉都夠滑,忌廉汁好creamy 😋🥗意大利烤雜菜沙律伴香草雞胸賣相好靚好大碟，有4大塊雞胸，淋上左青醬，味道好夾。以為雞胸會鞋身，有驚喜都幾淋身。沙律菜超級新鮮，爽口清甜。☕️玫瑰花茶柚子☕️凍檸茶

好耐冇去過西九龍廣場，以前細個好鍾意去校褸嗰度有間小朋友都入得嘅機舖。估唔到而家都仲喺度同埋出面都有啲冒險樂園嘅嘢玩。行返落去發現而家蘋果廣場好多都轉曬做嘅公仔鋪。見到有一間夾公仔鋪同一層開咗三個舖位。好誇張。就喺個三個夾公仔鋪中間夾住咗一間叫紅蔥頭嘅西餐廳。就走咗入去試下。見佢個樣應該似係住打鐵板餐，所以就叫咗一個鐵板牛柳黎食。成個鐵板餐159蚊，包一個湯麵包，同埋一杯嘢飲。我陣間18蚊轉咗一個白牛，即係雪碧加雲呢拿雪糕。個味同出面一樣，standard 野。個羅宋湯應該係煲出嚟唔係開粉嗰啲。幾唔錯。個餐包係蒜蓉包食普普通通咬咗兩啖就冇食喇。主角就係鐵板牛柳，塊牛柳都好大。加咗黑椒汁喺個鐵板度咋咋聲令人wowo。叫咗三成熟入面仲喺粉紅色有油站出面就先熟哂，覺得啱啱好。

✨深水埗·紅蔥頭✨🔹🔹🔹🔹🔹🔹🔹🔹🔹🔹🔹晚市二人套餐歐陸式濃湯及牛油法包精選雲呢拿及朱古力雪糕兩球香蒜西冷牛扒（鐵板盛上）巴薩酒醋燻鴨胸意粉凍玫瑰花茶熱情果凍香草薄荷橙汁酥炸魷魚圈配檸檬沙律汁歐陸式濃湯及牛油法包歐陸風格的濃湯通常口味濃郁，配上牛油法國麵包，可以蘸湯食用，既增添風味也增加了體驗。精選雲呢拿及朱古力雪糕兩球-是餐後的完美結尾。香蒜西冷牛扒（鐵板盛上）-西冷牛扒是一種高級牛排，以香蒜調味，然後在鐵板上呈現給客人，增添肉質的香潤味道。巴薩酒醋燻鴨胸意粉-結合了經典巴薩酒醋與燻鴨胸的意大利麵，有一種獨特的酸甜醬汁與煙燻肉味的融合。凍玫瑰花茶熱情果-玫瑰花茶結合了熱情果的酸甜，這杯飲品可能既有清新的花香又帶有熱帶水果的清爽。6凍香草薄荷橙汁-將香草的甜香和薄荷的清涼感結合進橙汁之中，是一種既清新又提神的飲品。酥炸魷魚圈配檸檬沙律汁-魷魚圈外酥內軟，與酸酸甜甜的檸檬沙律汁一起食用。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

深水埗收工就梗係去西九龍中心食飯啦！聽朋友講喺6樓呢間「紅洋蔥」餐廳係西九龍中心唯一最好味嘅西餐廳。可能太肚餓啦，雖然叫咗好幾樣嘢，但係好快就食晒。鮮蝦蒜片芫荽扁意粉首先要讚吓個意粉本身，佢唔會煮得太腍，加上蒜香令到佢又香香地。啲蝦油又好新鮮，炒過之後上碟。鍾意食海鮮嘅人一定會覺得好。意大利墨汁魷魚意大利粉再嚟，意粉唔會煮得太熟，而且魷魚都係用料新鮮。加咗墨汁之後，食落真係好惹味。鐵板一口牛鐵板熱上有切開咗嘅幾嚿牛肉，中間伴著薯蓉。牛肉要趁熱食，如果唔係好快就會乾。佢係好味嘅！

其實真喺好耐都無行過西九龍中心，大多時都喺直衝上頂樓美食廣場，但原來喱到有間臥虎藏龍嘅港式西餐。之前喺鑽石山返工，記得嗰邊都有間紅蔥頭，lunch成日過去食，因為真係好有人情味，通常都會有啲打工仔午餐，價錢經濟實惠性價比較高。嚟到呢一度喺門口就見到有好多返工人士同穿着校服嘅學生優惠，其實呢啲特別優惠係香港真係買少見少，突然覺得返返去想當年做學生嘅時候，特登搵啲學生餐。見到咁有港式風味，今晚一於試吓佢嘅鐵板餐，分別叫咗西冷同肉眼，都叫咗三成熟，果然鐵板就一定要生啲唔好太熟，上檯吱吱喳喳多幾嘢都變咗五成。肉質都好鮮嫩，纜對唔馬虎。餐飲轉咗特飲：紅茶香茅七喜&七喜雲呢拿雪糕，轉特飲每杯加$18。成個套餐大概$200左右，有齊餐湯蒜蓉包飲品再加鐵板，基本上係港式操作。環境的確係好過樓上美食廣場好多，坐得舒服，又可以慢慢食，同埋以前食開到而家，都仍然keep到港式風味西餐嘅水準，的而且確係唔錯。

我今日約同好友去深水埗行街，順道去位於欽州街37K號西九龍中心6樓601C號的紅葱頭食晚餐，環境舒適，坐得舒服。我點左個二人套餐$299，有餐湯（羅宋湯）＋牛油法包，法式香草牛油焗田螺，鐵板肉眼扒，露筍野菌意大利飯，精選雪糕球（2球）， 餐飲係熱即磨咖啡（跟餐）及凍熱情玫瑰$16（跟餐）。羅宋湯熱辣辣，法包好香口又好味；法國田螺係出名的菜色，當然要食田螺，好有特色；肉眼扒燒5成熟，用鐵板送上來，賣相不錯，肉質鮮味；意大利飯好好味，野菌好食；雪糕球後上，不用溶化，好味呀！熱情玫瑰好好飲。

今日路過ssp🗝️，聽講西九會重建。一上去都係Giordano，好多鋪頭都未再做/轉左做夾公仔。剩低既都係賣水晶🔮，餐廳零零碎碎幾個人。燈光昏暗🕯️，訴說商場既冷清。今日餐湯係海鮮忌廉湯🍲，稀身少少，入口順滑。唔知點解嚟到西九，就想嗌杯懷舊嘅嘢飲🍹。於是跟左黑牛（$18💰)，即係朱古力雪糕🍨放上可樂。上面放咗隻好得意熊仔bear 🐻，迎合餐廳主題。鐵板牛柳配吉列魚柳（$159💰)嗌咗五成熟🐂，都係淋汁上🫙肉質好淋，肉味冇西冷咁出但咬落好舒服。魚柳同薯條既份量都好多，魚嘅炸漿唔會太多，食到魚肉嫩滑！🐠 帶子松露意大利飯（$108💰)松露味濃郁🍄，配上澀身嘅忌廉醬，入口好香。帶子火候恰當🔥，入口嫩同帶有松露香。

紅蔥頭Café🧅(西九龍中心) 二人套餐 🍽🍽忌廉湯🍲 + 蒜蓉包🥖沙律/雪糕 🥗巴薩酒醋燻鴨胸意粉🍝味道特別唔太酸，鴨胸肉口感也好好👍🏼黑椒西冷牛扒🥩加多個香炸薯條特色飲品🥂🥂玫瑰花熱情果🍹 好清香花味🌹黑熊🐻可樂朱古力🍫熊冰🧊 打咭一流📸服務也好好，本來我們坐細枱，服務員姐姐見有客走左，主動叫我哋坐一張舒服啲嘅卡位枱，真係比👍👍📍深水埗欽州街37K號西九龍中心6樓601C號舖

朋友話想去西九龍廣場夾公仔😂（好耐冇嚟，真係多咗好多夾公仔機），結果就入咗呢間西餐廳食晚餐～其實本身興趣不大，點知入到去竟然有驚喜，餐廳係以熊仔🐻為主題～2人Dinner Set $198起已經有交易👍🏻不過因為想食鐵板，所以就冇嗌到二人餐鐵板肉眼扒 5成熟～配上蒜蓉汁，唔會太肥，又冇咩筋, 都唔錯BBQ燒豬仔骨個汁好開胃，本身見佢咁大舊以為食唔晒，點知食吓食吓就冇晒🤪黑熊飲品個底係可樂，上邊有朱古力雪糕同埋好可愛嘅熊仔造型冰塊心太軟啱啱焗起，熱辣辣，有流心朱古力❤️總評分：🍯🍯🍯🍯（4/5）

【深水埗•紅蔥頭】@ππππππππππππππππππππππππππππππ深水埗西九龍中心小孩子最愛嘅紅蔥頭餐廳晚市二人套餐歐陸式濃湯及牛油法包精選雲呢拿及朱古力雪糕兩球香蒜西冷牛扒（鐵板盛上）巴薩酒醋燻鴨胸意粉凍玫瑰花茶熱情果凍香草薄荷橙汁酥炸魷魚圈配檸檬沙律汁歐陸式濃湯及牛油法包歐陸風格的濃湯通常口味濃郁，配上牛油法國麵包，可以蘸湯食用，既增添風味也增加了體驗。精選雲呢拿及朱古力雪糕兩球 -是餐後的完美結尾。香蒜西冷牛扒（鐵板盛上） - 西冷牛扒是一種高級牛排，以香蒜調味，然後在鐵板上呈現給客人，增添肉質的香潤味道。巴薩酒醋燻鴨胸意粉 -結合了經典巴薩酒醋與燻鴨胸的意大利麵，有一種獨特的酸甜醬汁與煙燻肉味的融合。凍玫瑰花茶熱情果 - 玫瑰花茶結合了熱情果的酸甜，這杯飲品可能既有清新的花香又帶有熱帶水果的清爽。6凍香草薄荷橙汁 - 將香草的甜香和薄荷的清涼感結合進橙汁之中，是一種既清新又提神的飲品。酥炸魷魚圈配檸檬沙律汁 - 魷魚圈外酥內軟，與酸酸甜甜的檸檬沙律汁一起食用。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 400（加一）

西九龍中心不嬲都集合左好多美食呢日想坐得舒服啲 就揀左紅蔥頭食晚餐😄.🌟鐵板薄西冷拼豬扒 $115鐵版餐會送埋餐湯同餐包 餐湯係忌廉湯🥣 仲配左香脆嘅蒜蓉包🥖至於個餐嘅西冷牛扒同豬扒都好大塊🤩加上蒜蓉汁「炸」一聲 咁先係香港嘅鐵板餐.🌟鐵板肉眼扒 $155肉眼扒超大塊！揀左燒汁🥩味道同西冷唔同 牛肉味更加出加上唔同嘅配菜例如薯條同粟米等等 超級豐富😚.🌟烤美國安格斯漢堡伴炸薯條 $79漢堡包有雙重牛肉 加上生菜同沙律醬🍔又係有港式嘅風味🤭薯條亦都好香脆 🍟.以上嘅套餐都包左餐茶☕️其中一個我地升級左特飲薔薇之戀果然係有玫瑰同柚子味🌹.店員好友善 而且餐廳又闊落好舒服仲有好多小熊裝飾品🐻同俾小朋友玩嘅角落👦🏻👧🏻

最近又去咗呢一間地點非常便利嘅西餐廳，價錢keep住咁抵食🫶🏻🫶🏻🫶🏻.我哋點咗一個二人套餐，有兩碗餐湯、小食、兩個主菜同甜品.餐湯係蘑菇湯，味道都算幾濃郁，仲配咗一片蒜蓉包😆😆😆.小食揀咗法式焗田螺，主菜推薦BBQ豬肋骨，份量十足，BBQ醬汁非常惹味，豬肋骨肉質軟稔入味，仲有大量薯條.甜品推薦大家加HKD19轉朱古力心太軟，心太軟做到流心效果，朱古力味香濃❤️❤️.📍 紅蔥頭 (深水埗)深水埗欽州街37K號西九龍中心6樓601C號舖

朋友知我鐘意熊仔所以帶我黎左呢間門口就有好大隻熊仔既餐廳,呢度入面仲有好多熊仔造型既環境佈置,而且仲有個係專賣熊仔既公仔區,同埋有個好靚既小書櫃俾客人去睇圖書,入面主要係食牛扒餐同埋二人餐都有,好多食物選擇而且價錢好平, 我地叫左一份鐵板燒既肉眼牛柳配魚柳黑椒汁,牛柳好厚肉好軟淋,肉味好濃,仲有一杯熊仔冰造型既雲呢拿雪糕飲品好好飲,仲有一份牛柳配帆立貝,帆立貝好厚身同大粒嫁,呢度好多卡位坐大部分客人都食鐵板燒因為熱辣辣。

放工去深水埗買嘢，順便食返個靚飯~二人套餐咧個套餐有餐湯、1份小食、2個主菜、2客甜品同2杯飲品芝士焗青口青口嘅肉幾大隻，而且都好多汁，本身青口味道係比較淡，所以加埋芝士咁食真係唔錯~鐵板肉眼扒塊扒叫咗5成熟，煮得啱啱好，食落幾嫰滑而且好多汁，肉質厚實，亦都有啲牛肉味，分量亦都唔少，有2大塊番茄奶油吞拿魚長通粉份量足，而且茄汁同吞拿魚嘅味好match，調味適中，螺絲粉沾滿茄汁加上啖啖吞拿魚肉食落好滿足心太軟一直都好中意食心太軟，咧間餐廳嘅心太軟都整得好好，最外層有少少脆，跟住就係蛋糕嗰種軟熟嘅口感，再食入去就係暖暖嘅朱古力醬。中意食心太軟除咗係因為口感上嘅變化之外，溫度上嘅變化真係令佢上升咗一個層次🤣🤣 另外蛋糕嗰部分唔會好甜，所以加上苦甜嘅朱古力醬真係絕配特飲 我會比較推薦佢嘅薄荷茶，薄荷味唔係太濃，淡淡地，飲落好清新，而且酸酸甜甜咁幾開胃個人覺得咧間餐廳啲套餐都幾抵食，除咗有咧個2人餐仲有其他幾款set，有餐湯、主菜同嘢飲200蚊都有找，如果經過可以試下！！

出街食嘢，幾乎間間餐廳都會落味精，好少餐廳嘅食物係唔落味精，呢間西餐廳標榜所有食物冇MSG，可以放心食，而且食物質素都非常唔錯星期六有假日午巿套餐，有扒類、飯、意粉，選擇都好多，仲有漢堡揀，一定有一款岩食❤️❤️芝士焗菠菜忌廉龍利柳飯個焗飯非常唔錯，上面鋪咗好多芝士，好鍾意個菠菜忌廉汁，👍🏼👍🏼如果龍利柳再多啲就仲好！法式牛柳粒配蕃茄紅飯牛肉份量都好多，牛肉一啲都唔會老，個飯好特別，有淡淡嘅蕃茄味，好食