紅葉茶屋 (D2 Place TWO)

营业中

休息中

紅葉茶屋 位於 D2 2 Place 🍁 日式和風 cafe 🎏🥗 龍蝦沙律龍蝦肉球 鮮甜彈牙 特製醬汁 帶酸清爽 開胃清新🍱 紅葉四點盛炸蝦 酥脆不膩 枝豆 豆味鹹香八爪魚 彈性咬勁 刺身 片片新鮮🍜 北海道味增叉燒野菜拉麵味噌口味 湯底濃郁 鮮嫩叉燒 拉麵滑溜 口感彈牙 🍖吉列豬扒 外皮香脆 厚實軟嫩 入面多汁 配廣島蠔 帶海水鮮🍰 抹茶雲石紋芝士蛋糕兩層芝士 夾層抹茶 口感幼滑 濃郁奶香 甘苦抹茶🍃鐮倉紅葉茶屋抹茶提拉米蘇照牌甜品 順滑忌廉 芳香抹茶 苦甜平衡 不會過膩

前幾日同屋企人去咗荔枝角紅葉茶屋食午餐，環境幾舒服，座位算闊落，午市套餐選擇都幾多，價錢合理，主食仲有前菜同小食。🍜 蜆肉烏冬烏冬彈牙，湯底清甜帶少少柚子香🍋，飲落幾清爽，加埋蜆肉同香蔥。蜆肉新鮮無腥味，食落幾舒服，適合想食啲烏冬同埋蜆啲嘅人😋🥩 壽喜燒牛肉飯牛肉炆得夠腍，醬汁甜甜地好惹味，配埋白飯好易入口。份量適中，仲有配菜平衡返味道。個汁撈飯食特別正🤤🥗 蕃茄沙律蕃茄幾甜🍅，醬香濃但唔會搶味，配埋爽口生菜，簡單清新，幾啱配搭其他味道濃啲嘅主食。呢度環境舒服，食物水準穩定，份量啱啱好，價錢又平🔥！

【荔枝角紅葉茶屋🍁高CP值嘅日式午餐🍱】-前幾日中午同屋企人去咗【紅葉茶屋】食lunch，呢間日式餐廳裝修簡單乾淨，坐得幾舒服，午市人流唔少，不過等位時間尚可，翻枱幾快。🔹 蜆肉烏冬湯底帶少少柚子香，入口清爽，味道唔會太腥，飲落幾舒服。蜆肉新鮮，夠哂味道。烏冬煙韌度OK，食落順口。🔹 炸物拼盤炸蝦外皮薄脆，唔會太厚粉，咬落去仲有少少彈性，點蛋黃醬幾夾。廣島蠔炸得剛剛好，外層夠香脆，但裡面仲保持到少少蠔汁，食落唔會乾。加少少檸檬汁味道更平衡，整體炸得幾乾身，唔會太油膩。🔹 壽喜燒牛肉定食牛肉切得薄，油脂適中，口感軟腍，醬汁滲入牛肉，鹹甜味適中，唔會太搶口，配飯幾夾，成個定食簡單但夠味。呢間日式餐廳價錢合理，午市選擇都幾多，啱晒約朋友或者屋企人食個簡單lunch✨。

呢間餐廳嘅嘢食將經典同創新結合，帶嚟豐富嘅味覺享受，每一碟料理都係精心挑選食材，呈現最正宗嘅和風美味。和牛壽喜燒定食▶️油花細緻分佈嘅和牛，肉質嫩滑且帶有濃郁嘅牛肉香味。壽喜燒醬汁帶有微甜同鹹香味，令牛肉喺鍋中吸附滿滿嘅醬香，食落去入口即溶。配搭粒粒分明嘅白飯，米粒吸收肉汁同醬汁嘅精華之後，每一啖都充滿滿足感。明太子忌廉烏冬▶️帶來別具特色嘅口感體驗。烏冬麵條彈牙順滑，忌廉湯底濃厚而不膩，鹹香鮮味嘅明太子點綴其中，帶來豐富嘅鮮美口感。旬之野菜▶️就用咗鮮嫩嘅蔬菜，以簡單嘅方式料理，保留天然鮮甜同爽脆口感。每一啖都能夠感受到食材魅力，清爽解膩。餐廳位於荔枝角長順街15號D2 Place TWO 1樓，大家不妨嚟試吓呢餐美味嘅晚餐。

當我哋每次都唔知食咩嘅時候，我同老公都會去附近嘅日式餐廳。因為呢度環境優美，又好靜。當然呢度嘅食物味道又好💚令人胃口大開。今次叫咗牛肉茶漬飯，飯上面放咗好多牛肉同海苔，睇落好有食慾。牛肉食落非常滑嫩，配飯非常夾。最精彩嘅部分就係淋上咗蝦湯，食落更加鮮美無比。明太子忌廉烏冬麵食落香甜，湯底香濃十足，一口面一口湯，真係好爽口！麵條煮得啱啱好，唔會太軟或者太硬，食多都唔會膩！仲有炸物，熱辣辣食，真係好脆！而且入面仲帶出咗芝士嘅咸香味道，令人難以忘記，食到停唔落，一口接一口。我哋食到好開心，好幸福附近有間咁正嘅餐廳！下次仲想帶埋屋企人一齊嚟試下。

前幾晚同男朋友去咗荔枝角紅葉茶屋食晚餐，呢間餐廳環境幾舒服，氣氛比較寧靜好適合我地傾下密解，我哋食左幾款主菜同小食😋成個dating都好舒服，呢度菜式選擇夠多，中意食日式料理嘅朋友可以黎試下 🌟牛肉壽喜燒壽喜燒鍋上枱嗰陣香氣十足，牛肉係煮到好嫩，吸滿曬壽喜燒汁嘅甜味🍲配埋蔬菜同豆腐，啖啖都係精華，陪咪白飯真係超正 🌟卡邦尼烏冬配溫泉蛋烏冬好煙韌，帶少少奶香。加埋溫泉蛋撈埋一齊，每一啖都好creamy🍝但又唔會覺得膩🌟炸蝦配蛋黃醬紅葉四點盛入面嘅炸蝦炸得香脆，蝦肉夠彈牙，仲要系成隻🦐配埋蛋黃醬又香又脆，芝豆炸到外脆內軟，八爪魚好新鮮，食落去就冰冰涼涼，好有嚼勁 🌟龍蝦沙律呢個沙律擺盤幾靚，份量啱啱好，配埋清爽嘅沙律菜🥗上面仲有一粒龍蝦球，好特別🌟期間限定軟雪糕呢個雪糕係當晚嘅小驚喜🍨奶味香濃，質地好滑🌟抹茶提拉米蘇同熱抹茶抹茶提拉米蘇幾正，帶少少微苦嘅抹茶味平衡咗芝士嘅甜，入口即化🧁熱抹茶飲落去暖笠笠仲有陣抹茶既清香🌟冰奇異果雜莓茶呢杯茶清新酸酸甜甜🥝好解膩

出嚟做嘢後，大家都各忙各，今日啱啱有時間，就同大學好友約咗出嚟食嘢，大家一致推薦咗呢間日式餐廳。我點咗和牛壽喜燒定食，壽喜燒嘅湯底好香，甜鹹適中，牛肉片唔薄唔厚，切得啱啱好，每片涮煮後食落口，真係忍唔住想繼續食。湯底仲有豆腐同蔬菜，豐富嘅壽喜鍋配埋好香嘅米飯，每一口都好好食。朋友就點咗芝士雞肉番茄烏冬，烏冬面煮得啱啱好，唔會太軟又唔會太硬，配埋芝士醬，再加上番茄嘅酸甜味，好開胃。仲點咗一份清酒煮蜆，蜆肉好新鮮又好飽滿，清酒香氣滲入其中，令人忍唔住連湯都想飲晒。我朋友仲加咗一份炸雞拼盤。呢個拼盤有外皮金黃酥脆嘅炸雞，外酥內嫩，蘸上特製嘅日式辣醬後更加好食，更加美味。最後我仲點咗一杯熱抹茶，抹茶味道好濃郁，而朋友就點咗冰涼嘅薄荷紅茶，都好解膩又清爽。呢間餐廳大家都覺得好好食，滿足咗大家嘅味蕾。我哋邊食邊傾偈，好開心。

今日去咗紅葉茶屋食晚飯，叫咗個二人套餐，真係食到好滿足！一坐低，侍應就送上前菜，個龍蝦醬沙律真係大大份，新鮮彈牙，配埋蟹籽醬，香濃得嚟又唔會太漏，啲生菜爽脆，食落好開胃！跟住仲有紅葉四點盛，樣樣都係新鮮刺身，特別係隻蝦，肉質爽甜，毛豆清甜可口，八爪魚夠韌夠新鮮，刺身厚切夠晒誠意，配埋醬油，正！香辣燒牛肉真係一流，牛肉切得薄薄地，入口即溶，香辣醬汁夠香夠惹味，辣度啱啱好，唔會辣到標眼水，食完仲想再叫多份！溫泉蛋卡邦尼烏冬係另一個層次，啲烏冬彈牙有嚼勁，溫泉蛋流心，同卡邦尼醬汁完美融合，creamy嘅質地配烏冬真係絕配，食落唔會覺得漏。最後嘅抹茶提拉米蘇都係一絕，抹茶味香濃唔會太苦，雪糕夠滑，抹茶同雪糕嘅層次分明，食落層次感十足！整體嚟講，呢個套餐真係超值，份量十足，質素都好高！最欣賞佢哋啲食材新鮮，每樣嘢食都做得好細緻。餐廳嘅環境都幾舒服，裝修日式風，好有feel。如果想食日本嘢，呢度真係一個好選擇，一定會再嚟！

紅葉茶屋近排推出咗超值嘅雙人套餐，可以體驗到佢哋奢華嘅套餐盛宴，主要係可以食到一級棒嘅日本菜，我同朋友食咗幾次，評價都係超級正嘅，所以近期都會嚟食。.👁‍🗨 前菜.➰ 小吃同沙律，小吃拼盤入面有炸蝦、芝豆、八爪魚、刺身，然後沙律搭配嘅係龍蝦，前菜畀嘅食材都已經係日本料理裏面頂級嘅食材，而且都係非常新鮮.👁‍🗨主菜 - 香辣燒牛肉.➰ 口味好刺激，牛肉肉質鮮嫩，香辣味都滲左落牛肉裏面，搭配埋啲飯一齊食，真係好香，太辣可以飲味噌湯解辣😂.👁‍🗨 卡邦尼烏冬.➰ 上面加咗溫泉蛋，食起嚟口感同口味都更加多樣化，尤其卡邦尼嘅味道好正.👁‍🗨 牛奶軟雪糕同抹茶白玉.➰ 軟雪糕口感綿密，牛奶味亦都好香甜，抹茶白玉既抹茶唔會太重.👁‍🗨 熱奇異果雜莓茶.➰ 微微帶有啲酸，但係酸酸地好開胃😂.👁‍🗨 冰芒果西柚紅茶.➰ 香甜之餘，入口仲會回甘，非常清爽.🔛 整體評分（7/10）

今日同朋友約咗去荔枝角甘岩大家想食烏冬就去左試呢間同事推介既紅葉茶屋🙌🏻🌟豚骨拉麵豚骨拉麵既湯底絕對係精粹個湯底夠香濃得嚟又唔會太油太肥膩麵質方面軟硬度亦非常適中 叉燒既肥瘦均勻對唔會太肥個拉麵有溫泉蛋💯🌟壽喜醬汁燒烏冬 而我朋友就叫咗壽喜燒烏冬湯嘅比例嚟得啱啱好 湯汁亦微甜烏冬彈牙又掛汁呢間性價比真係好高!🌟炸南瓜餅另外都叫咗一份炸南瓜餅餡料唔會太甜太油膩炸漿夠薄炸得夠脆整體嚟講 喺香港食到呢個水準嘅日式料理都算唔錯有機會都會想再嚟試下其他野👍🏻

龍蝦沙律口感鮮甜嘅龍蝦配埋爽脆嘅蔬菜，再拌上清爽嘅和風醬，散發住濃郁鮮香嘅味道同輕盈嘅口感，非常開胃。紅葉四點盛簡直係日式小食嘅多重享受。香脆嘅炸蝦、脆嫩嘅芝豆、彈牙嘅八爪魚，加埋新鮮嘅刺身，每一種日式小食都展現咗日式料理嘅精髓，真係好享受。豚肉生薑燒薄切嘅豚肉經過烹調之後，香味四溢，豚肉嘅味道鹹鮮中帶有微微鮮甜味，口感鮮嫩多汁，帶住微微焦香，每一啖都充滿濃郁嘅日式風味。照燒三文魚三文魚嘅外皮微微焦脆，魚肉就保持濕潤軟嫩，搭配甘甜鹹香嘅照燒醬，都冇失去三文魚嘅原汁原味，而且仲入口即化，真係好食。黑糖抹茶蕨餅口感Q彈柔軟，帶住淡淡抹茶清香，淋上黑蜜之後，味道更添濃郁甘甜，令人回味無窮。牛奶軟雪糕雪糕嘅口感綿密好食，食落去之後奶香喺口中緩緩化開，口感十分清爽，好解膩。

呢間餐廳嘅每一道菜都經過細心烹調，帶出濃厚嘅日式飲食文化。今次介紹三款特色食物，每款都有自己獨特嘅風味，無論係鹹香濃郁定係甘醇香甜，都能夠滿足唔同口味嘅食客。牛肉壽喜燒定食嚴選牛肉薄切得啱啱好，渌熟咗之後依然保持嫩滑。牛肉滲透出濃郁嘅甘香，每一啖都充滿醬汁嘅甜鹹層次。配埋蘑菇、豆腐等蔬菜，令成個口感更加豐富。再配埋一碗熱辣辣嘅白飯，真係令人一試難忘。照燒雞肉定食雞扒用特製醬汁慢慢咁煮，表面微焦，滲透住甜甜鹹鹹嘅照燒醬香氣。雞皮微脆但係保持嫩滑多汁，每咬啖都充滿肉汁同醬香，令人食指大動。再配埋一碗味噌湯，鹹香回甘，入口溫暖，成個套餐非常飽足又滿足。鐮倉紅葉茶屋抹茶白玉濃郁嘅抹茶醬略帶微苦，茶香四溢，襯托住煙韌彈牙嘅白玉糰子，口感柔韌，每一啖都帶少少茶香，令人忍唔住一口接一口。

星期五食好啲！「吉列豬扒滑蛋丼」酥脆金黃嘅炸豬扒睇住就好吸引！咬落去肉質紮實但唔柴滑蛋柔嫩細緻，包裹住炸豬扒同米飯，食落去口感同味道更加圓潤唔膩，簡單嘅食材味道卻令人難以忘。「香葱柚子蜆肉烏冬」湯底係用蜆肉熬煮而成，飲落去鮮甜醇厚，仲有蜆肉自帶嘅鹹香味同柚子嘅清新香氣，非常特別！整體飲落去唔會過於油膩，反而帶住一股清爽感，烏冬麵充分吸收。咗湯底嘅精華，配搭飽滿嘅蜆肉一齊入口，每一啖都充滿咗鮮美。「炸物」我哋仲單點咗一份炸物，入面有蝦同蠔，炸得金黃酥脆嘅麵衣唔會過於厚重，食落去嘅時候仲可以聽到清脆嘅聲音，炸蝦口感彈牙，甜味鮮明；廣島蠔飽滿肥厚，一啖咬落去鮮香味四溢，兩者酥香唔膩，配搭埋檸檬汁味道更加清爽。

今日要攞嘢畀朋友，但因為佢要加班，所以就直接攞到佢公司附近，順便一齊食個晚餐！😋和牛茶漬飯🍱呢個賣相幾吸引，用上高質和牛做茶漬飯，好高級，生生哋嘅牛肉就會淋熟咗啲，肉質好嫩滑。呢個整體食落會比較清淡啲，完全唔會油膩，帶啲鹹味同紫菜嘅香，仲有刺身嘅鹹鮮！明太子忌廉烏冬🍝以 Carbonara 意粉烹調日本烏冬，原來都好夾。用上新鮮日本雞蛋，蛋味濃啲，撈埋忌廉入面，令醬汁更加濃稠；🍝超級多蟹籽好似唔使錢咁 ，完全唔會膩,係好好食 必叫!!🤓荔枝角又發掘到一個好地方可以happy hour 想試地道嘅日料，呢到係個好地方💖

❤️‍🔥照燒雞肉定食❤️‍🔥嫩滑多汁嘅雞肉經過炭火燒烤，表面呈現微焦，仲帶住陣陣炭香味，淋上照燒醬，每一啖都充滿濃郁嘅甜鹹香味。配埋粒粒分明嘅日本珍珠米，簡直完美。❤️‍🔥特盛黑麻油濃厚豚骨湯拉麵❤️‍🔥豚骨湯底經長時間熬製，味道濃郁香醇，每啖都好暖胃。麵條彈牙掛湯，每口都充滿濃厚滋味，配上溏心蛋同軟嫩叉燒，口感層次十分豐富，令人食完仲想再食。❤️‍🔥海鮮炸物盛合❤️‍🔥炸得金黃香脆嘅廣島蠔同大蝦，外皮薄脆唔油膩，一咬落去，蠔汁鮮甜即刻溢出，而大蝦則彈牙爽口，食到濃濃嘅海洋風味。❤️‍🔥黑蜜抹茶蕨餅❤️‍🔥軟糯煙韌嘅蕨餅吸收住濃郁抹茶嘅甘香，加上黑蜜嘅甜味，口感滑溜，甜而不膩。呢間餐廳嘅食物精緻，環境舒適，無論係自己享受定約朋友一齊食，都係一個令人回味嘅選擇！