紅葉茶屋 (D2 Place TWO)

营业中

休息中

前菜【龍蝦沙律】爽脆嘅蔬菜同鮮甜嘅龍蝦肉，配搭特製嘅醬汁，帶出龍蝦嘅天然甘甜，清新美味。【紅葉四點盛】刺身食落鮮味十足；炸蝦口感富有彈性，味道甘甜；芝豆口感綿密，散發住獨特嘅香氣；八爪魚口感Q彈，富有嚼勁，各個小吃都十分美味。主食【溫泉蛋卡邦尼烏冬】濃郁奶香嘅湯底，配上滑溜嘅溫泉蛋，加上好有彈性嘅烏冬，帶來滿滿嘅滿足感。【吉列豬扒&廣島蠔】豬扒外皮酥脆而且唔油膩，入面嘅肉質軟嫩，濃郁嘅豬香味，廣島蠔鮮美飽滿，肉質亦都好柔軟，味道非常新鮮。甜品【黑蜜抹茶蕨餅】抹茶嘅茶香味加上黑蜜嘅甜味，整體口感非常細膩，甜而不膩。【抹茶雲石紋芝士蛋糕】口感爽滑，散發住淡雅嘅茶香同香濃嘅芝士，食完令人念念不忘。

平時，大家做嘢都好忙，難得全家人有空一齊食晚餐，就特意揀咗呢間日本餐廳。餐廳入面嘅佈置簡單又大方，環境好舒適。我點咗燒花魚一夜乾定食，魚肉提前醃咗一晚，之後用炭火烤，魚皮烤得焦香酥脆，魚肉滑嫩多汁，完全冇魚腥味。日本米飯煮得粒粒分明，再配埋醃菜同味噌湯，非常好食。我阿媽就點咗豪華海鮮丼茶泡飯，新鮮嘅海鮮鋪滿晒丼飯，熱茶澆上去之後，魚肉嘅香味散發出嚟，好香好好食。我爸爸點咗一份炸雞拼盤，入面有雞翅同雞塊。雞翅同雞塊炸得金黃酥脆，肉質細嫩多汁，蘸上佢哋嘅特製酱料，味道一流。我父母都覺得呢間日本餐廳嘅食物非常好食，環境亦都好舒適。我覺得呢間餐廳好適合帶埋一家大細嚟食。

我哋嘅結婚紀念日到了，我同老公決定揀間特別嘅餐廳慶祝。啱啱見到呢間日式餐廳，睇住入面環境都好靚，我哋就入去試吓2人套餐。我哋點咗一份牛肉壽喜燒，壽喜燒嘅湯底甜鹹啱啱好，牛肉片厚薄切得啱啱好，涮完試咗一片，好好食，肉吸滿咗湯汁，非常鮮甜。呢個壽喜鍋入面仲有豆腐、金針菇同粉絲，好好食。老公仲點咗香辣燒牛肉，牛肉燒得啱啱好，外酥內嫩，佢哋仲用香辣調味做搭配，配埋白飯，非常下飯。龍蝦醬沙律，野菜非常新鮮，配埋酸甜嘅沙律醬汁，好好食，好開胃。紅葉四點拼盤，入面包括外皮酥脆嘅炸蝦，芝豆酥香可口，口感好好食嘅八爪魚，仲有新鮮嘅刺身，入口即化。我哋嚟嘅時候啱啱有限定嘅冰百香果茶，百香果味道好濃郁，好好飲，我老公嘅冰芒果西柚紅茶，芒果配西柚，好特別又好飲。最後上嘅係牛奶雪糕，雪糕嘅奶香好濃郁，但係食咗唔會膩。呢間日本餐廳嘅食物真係好好食，環境亦都好好，非常推薦，下次仲要帶家人嚟試吓。

好朋友喺網上見到紅葉茶屋有季節限定嘅雙人套餐，話想同我一齊去試下，我哋就book咗個周末嘅晚餐時段去試。喺網上睇嘅賣相真係幾唔錯，而且餐廳環境都好好，超鍾意呢度！套餐既前菜睇落已經值返票價，有佢哋嘅特色小食拼盤，仲有龍蝦沙律，而且拼盤裏面嘅小吃都係上等食材！特別鍾意裏面嘅刺身，甘甜無比，魚肉都唔會有腥味，超級好食，主要仲係新鮮又衛生！龍蝦沙律就食得到蔬菜嘅爽口同龍蝦嘅鮮，真係冇諗到兩種食材可以咁搭！好朋友嘅主食叫咗香辣燒牛肉，鍾意食辣嘅可以叫，因為真係好好食，牛肉質地好鮮嫩，香辣味都烤得啱啱好，配湯飯好正！我自己就食豚骨拉麵，裏面配咗黑麻油提味，味道非常香濃好食，尤其係豬骨湯嘅味道非常鮮美，好好飲！甜品就我哋各自叫咗蛋糕，有抹茶芝士蛋糕同提拉米蘇，味道都係非常啱，香甜，抹茶味道都唔會苦澀，真心推薦鍾意食蛋糕嘅朋友都嚟叫呢兩樣甜品！

我時常光顧紅葉茶屋，可算是忠實 Fans，無論環境設計或餐單都走日式店風格，深得我心。今日同朋友叫了超抵食的二人套餐，真係食到停唔到口！頭盤嘅龍蝦沙律賣相已經吸引，上面淋嘅蟹籽醬香滑濃郁，同爽脆嘅生菜完美配合，好開胃！紅葉四點盛就更加精彩，每樣都係師傅嘅心思傑作 - 隻蝦飽滿多肉，咬落去甜味充滿成個口腔；毛豆清新可口，食完解膩；八爪魚爽滑有嚼勁，一啲都唔會韌！溫泉蛋卡邦尼烏冬真係好正，啲烏冬咬落去有韌性又唔會太硬，溫泉蛋打開嗰陣流心完美，蛋黃香濃，同卡邦尼醬汁混埋一齊，香滑得嚟唔會太漏，食落就係一個字：滑！照燒三文魚就更加係大師級水準，魚肉鮮嫩多汁，外皮燒到香香脆脆，裡面仲係半熟狀態，肉質嫩滑到一戳就散，照燒醬調味恰到好處，甜中帶鹹，魚香同醬汁完美融合！最後上場嘅甜品都係水準之作，抹茶提拉米蘇做到層次分明，抹茶香氣十足又唔會苦澀，cream香滑幼滑。黑蜜抹茶蕨餅就更加係驚喜，蕨餅軟糯滑溜，入口即溶，抹茶粉同黑蜜嘅甜香令成個甜品提升到另一個層次，回味無窮！整體嚟講，呢個套餐真係無得頂，樣樣都係精品，份量十足！最欣賞廚師對每道菜嘅用心，食材新鮮，做工精細。餐廳環境舒適寫意，日式裝修好有氣氛

前陣子公司忙完單大嘢，老闆請客話想食日料，就揀咗間公司附近嘅日式店慶功。之前聽朋友講紅葉茶屋啲食物唔錯，價錢又抵。今次就幫老闆訂位，試我想試好耐嘅餐廳。餐廳位於荔枝角，位置非常方便！- 吉列豬扒滑蛋丼吃炸豬扒，必定大大塊，厚得很，豬扒肥厚肉嫩，最為上乘。外脆不在話下，炸物亦不油膩。一口豬扒，一口滑蛋，耐人回味。因為有滑蛋，所以味道又軟又香，豬扒依然鬆軟，帶脂肪很好吃。蛋滑，下飯最佳！- 牛肉壽喜燒定食壽喜燒分量多，鍋面鋪滿晒牛肉，入面有豆腐、金菇、冬菇，蘿蔔，整鍋都係蔬菜及肉原汁，最後仲有吸盡甜甜湯底打底的牛肉，搭上珍珠白米飯，好正- 黑蜜抹茶蕨餅滿滿的抹茶粉，蕨餅一口一塊，口感軟糯，不會太甜又不會黏牙齒，可以加入自家製黑蜜，淡淡抹茶味，微微的苦味的抹茶和黑糖的甜搭配在一起，恰到好處！！qq 彈彈的，很濃鬱，糯嘰嘰整體餐廳評分很高。餐廳環境闊落舒適，枱與枱距離充足，卡位很多好適合朋友飯聚。店員服務態度好又夠細心，食材新鮮，款式又夠多樣化，唔止有主餐仲有小吃，甜點，刺身等等，價錢非常經濟。係一間好值得推介嘅日本餐廳！

上個周末同屋企人去咗紅葉茶屋食lunch，見選擇幾多，有飯、有麵、仲有炸物同飲品，價錢合理，環境唔算迫，坐得幾鬆動。🔥火灸三文魚茶漬飯三文魚面頭輕輕燒過，帶少少焦香，魚肉油脂豐富，食落滑溜唔乾，配埋茶湯一齊食，有種淡淡茶香，加埋紫菜同芥末攪埋，味道幾夾，口感清爽唔膩，午餐食啱晒！🍜 柚子蜆肉烏冬烏冬煙韌彈牙，吸滿湯底，入口有淡淡柚子香，帶微微酸香味，蜆肉份量算足，食落夠鮮甜，整體味道清新，飲埋湯好舒服。🍗 日式炸雞拼盤有炸雞件同雞翼，炸得香脆，唔會炸到太乾或者太厚粉，雞肉仲保持嫩滑，食落唔會太鹹，配埋少少沙律菜，中和返炸物嘅油膩感！🍹 冰百香果茶 / 奇異果雜莓茶兩款水果茶都幾開胃，百香果茶果味濃，酸酸甜甜幾醒神，奇異果雜莓茶就比較清爽，莓果味唔會太重，幾順口，天氣熱飲落一流，食完炸物再飲返啖都幾解膩。呢間茶屋lunch set選擇多，價錢唔算貴，食物水準唔錯，份量剛剛好，環境都坐得幾舒服，適合同屋企人或者朋友嚟食個簡單又滿足嘅午餐，下次會再嚟試下其他嘢食！

上個周末晚上，我去【紅葉茶屋】食晚餐。呢間餐廳之前已經嚟過幾次，每次嘅感覺都好好，環境安靜，燈光柔和，特別適合一個人放鬆下。我點咗三樣菜式～🍴第一道係和牛茶漬飯，飯底用柴魚湯淋上去，一端上枱就聞到陣陣香氣。飯面鋪咗薄切嘅和牛，肉質好嫩滑，配埋紫菜同少少芥末，味道清淡但好有層次👍之後試咗明太子忌廉烏冬，烏冬嘅口感彈牙，酱汁有淡淡嘅咸香同奶香，唔會太濃或者太膩，啱啱好～ 明太子嘅粒粒感亦為整體口感加分，幾順口，適合鍾意奶油味嘅朋友～最後一道係清酒煮大蜆，呢碟真係今晚嘅亮點✨。蜆肉鮮甜嫩滑，湯底有輕輕嘅清酒香，唔會過濃，但飲落去好解膩，幾啱配埋其他菜一齊食。今晚真係好滿足💯。紅葉茶屋嘅出品一直穩定，氣氛舒服，價錢又合理，呢間餐廳真係值得再嚟！如果你鍾意清淡又精緻嘅日式料理，真係可以試下呢度～👍

嗰日同朋友去咗呢間餐廳食晚餐，餐廳的裝飾同氣氛令人好似置身日本。我哋點咗【燒花魚一夜干定食】，經過精心炮製的花魚，鎖住咗魚肉的鮮甜同油脂，表皮經過炭火燒烤至微微焦脆，入口時感受到魚皮的香氣同內裡細緻柔嫩的肉質，配埋酸甜清新的檸檬，清爽又提味。跟住係【芝士雞肉番茄忌廉烏冬】，濃郁的奶油湯底帶住微酸的番茄香氣，烏冬面的口感滑順Q彈，麵條吸收咗醇厚湯汁的精華，加埋嫩滑的雞肉，簡直係色香味俱全。之後食咗【炸一口芝士】，外層炸得金黃酥脆，一咬開入面的芝士就濃香四溢，口感酥脆柔滑，好好食。最後仲食咗【刺身五點盛】，每一片刺身都切得厚薄適中，入口時感受到海鮮的清甜味，口感細膩，配埋山葵更加突出刺身的美味。

⏱️每到午餐時間，我同朋友一定好快衝出去，就為咗食紅葉茶屋嘅定食🍱🍱🍱，因為每次人特別多，慢少少就冇位坐。今次我哋非常幸運，揀到咗風景優美嘅座位，一邊食一邊欣賞，特別放鬆！ 呢度嘅照燒雞肉好有特色🐓🐓🐓，食多都唔會膩，尤其係雞肉嘅肉質，滑嫩香軟，配埋其他配料一齊食，雞肉嘅香味更加明顯，特別啱餸飯🍚🍚😋。令我朋友眼睛發亮嘅一定係呢碗牛肉烏冬面🥩🍜🍜。牛肉都唔輸雞肉，非常鮮嫩多汁，同烏冬面一齊食，香軟十足，再配埋濃湯一齊放入口，一絕！仲有脆卜卜嘅蝦子炸物🍤🍤🍤。蝦子大隻又肥美，食落好有嚼勁。尤其係外皮，炸得金黃酥脆，而內餡就十分香軟，口感極為豐富！鍾意海鮮嘅朋友千祈唔好錯過。 😋😋😋⏱️ 時間過得非常快，又係時候返去工作啦！

見最近推出左2人餐所以試下，前菜非常精緻，有四宮格同埋沙律，由於太想食壽喜燒嘅關係煮食叫咗兩份壽喜燒，牛肉偏韌，湯底偏淡，如果可以改善就更好，但整體感覺唔錯，成個餐最好食嘅就係佢嘅甜品，抹茶味嘅提拉米蘇一定要試！ 食落去完全唔同嘅感覺，雖然主食已經食得好飽但係都食得落。最後仲有2杯抹茶雪糕，真係大滿足，2個人食得勁飽！人均$250左右，性價比都還好，而且食得10分飽，大食嘅非常之抵，十分推薦朋友下次一齊去試

〰️海鮮丼茶漬飯〰️睇落啲刺身就好新鮮肥美，三文魚入口油脂豐富，仲帶有鮮甜味🤩慢慢倒入溫熱嘅茶湯後，可以好好咁帶出米飯嘅甘甜，同時都中和咗刺身本身帶住嘅油脂感，令成個味道同口感更加平衡同清爽，唔會過於厚重😋鮭魚卵更加係畫龍點睛嘅存在，粒粒晶瑩飽滿，一咬就破，鹹鮮嘅味道喺嘴裡爆發，為呢碗茶泡飯增添咗獨特嘅層次感，正💯〰️芝士雞肉番茄忌廉烏冬〰️呢道烏冬麵我真係好鍾意！烏冬麵Q彈有嚼勁，充分吸收咗濃郁嘅忌廉醬汁，食落去每一啖都帶有奶香味同番茄香氣～🤤鋪喺麵上嘅溫泉蛋都充分發揮咗佢嘅存在，輕輕攪拌後，蛋黃同忌廉醬汁交融，令整體口感同味道更加絲滑濃厚，更增添咗一絲蛋香同滑順感，超美味😋總括嚟講，呢間日式餐廳裝修都好日式，木系嘅裝修風格令食客感覺好似去咗一個日本小旅行咁😆好食推介👍🏼

「豪華海鮮丼茶漬飯」果然豪華！各種新鮮嘅刺身滿滿咁鋪喺米飯上面，三文魚帶子鮭魚卵等等，全部都非常鮮美，帶住柔軟細嫩嘅口感，入口即化～我個人會鍾意先食原味，再慢慢將茶湯加入，咁樣兩種唔同味道同口感都可以試到😌倒入茶湯後米飯更加濕潤，淡淡嘅茶香同鮮味令成個味道都非常清爽，好啱鍾意清淡口味嘅朋友～ 「和牛肉壽喜燒定食」和牛肉質細嫩而且帶有豐富嘅大理石紋油脂，輕輕涮一涮就熟，配合住壽喜燒醬汁嘅鹹香味，食落去帶住濃郁嘅肉汁同油脂嘅甘甜，正啊😍配菜都好味，洋蔥同豆腐都充分吸收咗壽喜燒醬汁，同和牛形成美妙嘅對比🤩配搭埋日本米飯一齊入口，香甜可口，食慾大增！ 「炸物盛和」我哋仲叫咗一碗炸物，入面有蝦同廣島蠔，麵衣已經炸得金黃酥脆，但係入面仲保持非常滑嫩嘅口感☺️炸蝦口感彈牙，廣島蠔飽滿多汁，兩者一點異味都冇，非常新鮮～ 「熱芒果&西柚紅茶」本來我以為會怪，但係味道卻莫名地夾🤩紅茶香香醇微澀，同西柚嘅酸甜果香仲有芒果嘅芳香巧妙融合，入口清新爽口，係一款奇妙嘅配搭～

水要自己出去斟，用QR Code落單，但係埋單卻要收加一❛ 火炙三文魚鰻魚茶漬飯 ($168)有得揀昆布湯或香濃蝦湯，揀左昆布湯清淡D唔會蓋三文魚鰻魚嘅味，昆布湯淋到飯上食幾開胃鰻魚都有半條，但係好似燒耐左有D乾三文魚嫩滑有3塊❛ 海鮮蕃茄拉麵 ($108)都幾大碗，幼拉麵好掛湯，但就好快索晒D湯無乜嚼勁，口感較似上海麵多過拉麵唔係正宗日式拉麵蕃茄湯底清新開胃唔太鹹唔膩海鮮有蜆、墨魚、蝦仁｜蜆肉都幾大鮮甜｜墨魚同埋蝦仁食得出係急凍嘅無乜味—ʜᴋᴅ $100-200 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? no𝙤𝙫𝙚𝙧𝙖𝙡𝙡: 6.5/10—📍 紅葉茶屋 MOMIJI-CHAYA荔枝角長順街15號D2 Place TWO 1樓110-111號舖

D2 Place two嘅紅葉茶屋( ¨̮ )小店以明亮木色主打日式料理二人set好豐富飽到傻咗 尤其紅葉四點盛配搭有創意之餘都幾好食！而且價錢都好划算而且飽肚幾推介嘅小店♡︎ ♪ Starter前菜-紅葉四點盛&龍蝦沙律龍蝦沙律好爽口超大碗沙律bowl薄脆之餘酸酸甜甜原來都幾夾.ᐟ.ᐟ紅葉四點盛好特別仲有炸蝦、芝豆、八爪魚、刺身每樣好fresh口感好豐富&開胃 ♪Main Course主食照燒雞熱辣辣嘅，非常好👍🏻！雞扒厚切大塊肉質嫩滑，佢嘅飯仲要係好味嘅珍珠飯，照燒雞扒都正常，啖啖肉😋真係抵食。鹽燒鯖魚，魚身嘅切口有助檸檬汁滲入肉內，魚皮脆身，魚汁都鎖喺內。鹽燒所以不沾鼓油都可，好送飯。 ♪Dessert甜品-抹茶白玉&黑蜜抹茶蕨餅食完一連串嘅主食🔥之後食翻個甜品埋尾～抹茶白玉精心製作，餡料係抹茶，軟糯清甜，難得並不過甜；黑蜜抹茶蕨餅-凍凍地，質感Q彈順滑，味道香甜，有幾香濃嘅抹茶🍵味，有淡淡嘅黑蜜香氣，配埋出面嘅抹茶粉🍵味道更加濃郁