紅茶館 (已結業)

前二日一個人去買完相機,開心得濟返到屋企樓下先記得未食飯, 就行去街尾間紅茶館,平時入到去多數食牛仔骨,今次去到見set dinner 有吉列豬扒又去試下,一上枱己經聞到啲剛剛炸好的豬扒香味,見件吉列豬扒咁靚仔, 就順便試下部新相機影完相一切開件豬扒, 發現個皮又脆又薄,件豬扒肉質唔錯, 無梳打粉味,俾我一陣就掃光....埋單$48+10%-12.5%(會員折扣) =$46.2$50唔駛就有湯有主菜又有飲品抵我下次叫埋女友去幫襯~~:題外話: panasonic LX-3 相機影marco 真係幾得

呢間餐廳係附近開0左一段時間都未去過, 適逢放大假又冇地方去,所以同媽咪亞姨去試0下, 個度環境都幾靚, 幾舒服, 我地 叫0左兩個下午茶High Tea Set (雪榚三文治, 芝士火腿三文治)每個都係廿幾蚊連埋餐飲,都好似幾抵, 另外再叫0左一個咖哩吉列豬扒飯,味道幾好,豬扒好好味,又夠大塊!埋單都唔洗$100, 即時入會做埋會員又有折扣,以咁既價錢及環境, 都算不錯,值得一試