紅茶冰室

营业中

休息中

唔知大家有無留意，香港近一年突然多咗好多 #冰室，無論大街小巷都總有一間喺左近😏 呢日放咗學，#小秘書 要過嚟 #油麻地 做啲嘢，見仲有時間，就先去補返個 #午餐😅正當我諗緊食咩好嘅時候，見到前面間「紅茶冰室」坐滿客人，斷估唔會差掛😉 就試吓啦 ！左望又望，我最終跟隔離個 #食客 叫咗個 #瑞士雞翼撈公仔麵 #下午茶餐☕️ #雞翼 又滷得幾入味嘅，不過啲「瑞士汁」就似乎同「公仔麵」唔多夾，麵還麵、汁還汁... 啲麵唔多索到瑞士汁嘅味😅 不過件 #多士 就好重 #牛油香、#甜甜地 #好好味😋 但係啲 #炒蛋 就無咩味，普普通通咁啦😏 既然 #餐廳名 改得做「紅茶冰室」，我估 #杯茶 應該唔錯嘅，所以我最後叫咗杯 #檸檬茶 做結尾，茶味係可以，只係甜咗啲😌 員工快手快腳、整體都ok嘅🤪

今日去油麻地開會，見到紅茶就入去，因為本身觀塘嗰間都有食開，朝早好多人，搭枱係必須，早餐價錢同觀塘間分店差不多，但嘢食個人認為不及觀塘嗰間，個麵煮得太淋牛肉少奶茶亦都冇咁香，不過呢間就真係上菜夠快，叫完5分鐘就上哂哂，我20分鐘唔洗就食完個早餐埋單

去過觀塘分店食晚餐，食物好吃，坐得舒適，招呼麻甩......侍應都偏向粗口橫飛，不過下單傳菜很爽很快，曾見過午餐時段有超過40人在門外等位......今早去油麻地經過這分店，就自然入去歎個早餐先。如想靜靜吃個餐就別選這店，基本上和酒樓的聲效分別不大，而且要搭檯。其實是想叫個麵，但又唔想食鮑魚絲餐肉嗰啲，沒配扒類，但扒類就只配炒蛋多士，唯有放棄叫麵食，叫了個西冷牛扒炒蛋拼德國腸配酥皮多士，飲品又是熱朱。以$41及市區地舖來說，碟頭算大，牛扒不靭，有少量筋位可嚼，炒蛋有點偏濕，腸是帶脆皮，酥皮多士就明顯是想與一般茶記劃清界線，如果再多點牛油會更香。挺喜歡那熱朱，很濃烈朱古力味。是適合附近上班作為長期飯堂。

買個沙嗲牛炒河得半盒，咁樣就$60，欺騙消費者？同以前差好遠，份量越來越少 ，味道雖然無變，都係咁好食，但係衰在份量，一個外賣盒得果半盒，食到到喉吾到肺咁。。。。

烘底芝士旦牛治 好👍🏻又是下午茶時間 要飲奶茶的時間。我好喜歡四處尋寶，找尋我喜愛的奶茶，當遇上一杯好的，是一樂事。今日試吓油麻地 紅茶冰室 的下午茶餐，叫了一份烘底芝士蛋牛肉三文治，不錯哦。平時多數是旦牛治，今次加上芝士另整個味道提升，牛肉是小粒小粒的狀態，很細緻。奶茶顔色是可以的 但味道偏苦，又要再去尋尋覓覓，尋找我喜愛的奶茶。

試過幾次紅茶冰室，但係其他分店，油麻地呢間係第一次試！最愛佢有幾款常餐/特餐供人選擇！因為筆者有選擇困難症，相反如果你靜係比幾款我揀，我會比較容易下決定！同埋，呢d常餐有埋野飲，亦係我鍾意佢嘅原因之一！招牌沙嗲牛肉麵 $49 （沙嗲牛肉算幾多，唔係得幾夠，麵唔會煮到淋曬）配：火腿奄列+香酥丹麥多士 （奄列唔算好油，邪惡😈又會致肥嘅丹麥多士好耐無食，幾香口）飲品： 茶走（忘了拍照，香滑，茶味都突出，奶味唔會覆蓋）Small Mui 嗌左瑞士汁雞翼撈公仔麵都幾好味，凍朱古力好飲，推介！

因為要等人的緣故，足足要等1小時，大熱天時要搵個地方坐下！之前偶然間發現觀塘有紅茶，我和愛人一試便愛上，發現不同地區也有分店，巧合地油麻地也有分店，就在這裏吃下午茶，嘆冷氣坐下。其實剛吃完午餐無耐，所以叫了最輕食的下午茶，酥皮蛋撻+飲品。蛋撻送來是熱辣辣的，味道中上，酥皮比中間的＂蛋布甸＂更為出色，平日不愛酥皮蛋撻的我，也覺得真不錯！飲品點了熱鴛鴦，味道很好，只是略嫌咖啡味淡了一點點。埋單成為＄26，這是這裏最便宜的下午茶。

又到了星期五，辦完一堆正經事，是時候休息一下。好多次經過這裡，每次都見裡面很多人，今日亦不例外，幾乎坐無虛席，有很多陸客，街坊也不少，熱鬧非常。選了茶餐炸雞脾配薯角。這個餐似乎很受歡迎，因為一枱客四個人，三個人都點了這個，然而出餐有點慢，差不多要廿分鐘。熱辣辣的雞脾終於出爐，原本想用刀义吃，但因為太大塊，所以索性用手直接拿著吃。 雞脾味道跟平常的不同，竟然有咖哩味，真出乎預料之外，不過算OK 啦，但薯角就只是微暖，並不夠熱，熱鴛鴦水準普通，不過不失。

平時多幫襯門口的包包和蛋撻。今日未夠鐘上班，故坐下吃早餐。早餐份量很大，一個女孩子是吃不完的。味道中上，茶ok，早餐配的丹麥包很香很好吃。另外，驚喜的是炒蛋，夠味也香滑而不失厚實質感

一朝早要黎油麻地做野，附近唔知食咩好，見紅茶好似幾抵食就入左黎食breakfast. 叫左份吉烈豬扒烏冬，價錢係抵食既，味道就還好啦，豬扒夠大塊，茶餐廳質素，不要求太高

夜晚7點幾去睇戲，就係附近搵餐廳食啲野打定個底，本身諗住食「三洋餐廳」但去到先發現原來已經變咗做「紅茶」🤭🤭「紅茶」我就未試過，不過就知道佢分店都開幾多，擇日不如撞日一於去試吓啦！餐廳門面有得買麵包，裡面環境都幾舒服卡位都多，不過冷氣就有啲大好似入咗雪櫃咁🥶🥶🔸King餐🔸($53)🔹瑞士雞翼撈公仔 麵 配北海道牛乳炒蛋+丹麥多士，飲熱檸水水準質素幾好，瑞士雞翼都幾入味，雞翼好腍啲肉唔嚡😋公仔麵硬度適中，瑞士汁亦都夠撈哂成個公仔麵👍🏻炒蛋同多士都比我想像中好，嚟到嘅時候兩樣都熱辣辣，蛋又真係幾滑😂 多士就外面脆卜卜入面好鬆軟，仲幾有牛油香🍞🍞🔸特餐🔸($48)🔹招牌沙嗲牛肉麵 配 火腿奄列+厚多士 飲 凍檸茶(+$3)呢個就朋友叫嘅，我無影到奄列，但試咗啲佢嗰個都幾好味。雖然都算係大型連鎖茶記，但食物質素同味道都幾好，只係價錢偏貴💸💸

這間餐廳前身是三洋餐廳，我們一家都住在附近。今天的雨下個不停，只能到家附近的餐廳吃飯。看到餐牌有很多不同的選擇，最令我印象深刻的是那個煎蛋菠蘿油。家人卻叫了精選午餐：楊州炒飯跟白汁芝士焗豬扒飯。

繼「信和」附近果間紅茶新開張個幾月之後，又一間新紅茶係彌敦道（油麻地C出口正對面）插旗👍🏻👍🏻1. 全日早餐平時西式就食得多，郁下都$100以上，今次黎試一試個港式啦 🤤魚柳炸完有cooling，個皮脆而薄，上碟果時入面啲肉仲係熱架🤡炒蛋好夠黑松露味（唔好用西餐百幾蚊果啲黎比），幾特別。加埋個茄汁豆，簡直港式味道出哂黎，加搭少許童年回憶👶🏻不過說好的酥香丹麥多士就因為賣哂，而轉做普通多士 🤷🏻‍♀️ 扣少少分啦2. 瑞士雞翼撈公仔麵個King 餐就唔係同一日食嘅（我真係成日食紅茶😂），所以有我鍾意食嘅丹麥多士👍🏻多士有一層層嘅酥皮口感，加上熔左嘅牛油滲入內層，香！比食一般多士甜啲，口感豐富啲。至於主角瑞士雞翼撈公仔麵，雖然唔係撈丁，但都非常唔錯🥰 雞翼炆得好入味，啲骨頭都化哂😂 上碟就咁睇好似冇咩汁；但唔洗驚！因為啲汁瞓哂係底！個量足夠染哂成碗麵 😂 汁嘅濃度唔錯，唔會過咸或過甜👍🏻最後不得不提熱奶茶，keep到水準，好飲🥰