紅茶冰室

態度惡劣，好似差佢錢咁，短頭髮帶眼鏡個丫姐，問佢個包可以可以轉菠蘿包，態度勁差大大聲咁回應，又好話我一坐底就叫野，大佬丫，叫得慢又比你話，一坐低落單都唔岩？同埋我只係問你一個問題姐，唔係要求你服務好好，但唔需要咁嘅態度，好嬲！咁大個第一次寫食評，真係一肚氣！…查看更多

今天2025年5月31日，早上9:30到油麻地紅茶吃早餐， 門口安排座位的大媽，態度非常惡劣，亦不耐煩地安排入座。之後另外一位大媽侍應，負責落單，三個人一定要點三個餐，我同佢講先落兩個餐俾老人家，然之後會再點餐，佢話唔可以，一定要即刻諗。我同佢講保證一定會點三個餐，如果唔係我願意多俾$100作為茶計，然之後佢都話唔得，態度非常惡劣，到最後不歡而散。…查看更多

去買三個外賣，俾哂錢之後，佢哋員工先通知我，蛋撻要等20分鐘，點解唔係我落單嗰陣時問我呢？我企喺餐廳門口出邊等了20多分鐘。我隔住道門見到其他食物已經準備好，只是蛋撻未得，走入餐廳問佢哋員工蛋撻幾時可取。得到回應：「你自己去問師傅，你行出去餐廳出邊等，唔好企係度。」我唯有行番出餐廳外再等，中間我問過我可否取消蛋撻，冇人理我，都明白佢哋忙！所以我最後共等咗30幾分鐘先至等到所有外賣。食物packing 凍檸檬茶也漏瀉在外賣膠袋裏，好彩係返屋企食，可以即刻清潔。食物方面好一般，絕對唔會有下次。…查看更多

今日中午去咗油麻地搵食，見到「紅茶冰室」，決定入去試試。茶餐廳喺油麻地，位置方便，座位都幾寬敞，啱晒中午嚟食個輕鬆午餐。我哋點咗一個常餐，入面有豬扒通粉、炒蛋、丹麥多士，仲額外叫咗個曲奇皮蛋撻同凍奶茶，全部都係港式茶餐廳嘅經典菜式。先講豬扒通粉，豬扒炸得酥脆，肉質唔會太乾，咬落仲有啲肉汁，配上濃濃湯底通粉，湯汁酸甜適中，通粉煮得軟硬啱好，食落好有滿足感。炒蛋就做得滑嫩，蛋香濃郁，份量都唔少，簡單但好味。丹麥多士係另一個亮點，麵包烤得香脆，上面塗咗厚厚嘅牛油，啱啱好，咬落仲有啲酥脆嘅口感，係茶餐廳經典嘅味道。曲奇皮蛋撻就係一個小驚喜，曲奇皮好鬆化，唔會太油，蛋香濃，甜度適中，食完唔覺得膩，幾啱做飯後小甜點。飲品方面，凍奶茶真係值得一讚！茶底濃郁，奶味夠香，甜度同冰度都啱啱好，飲落好順喉，仲有啲冰塊增加口感，喺中午飲真係好解渴同提神。整體黎講，紅茶冰室嘅食物味道好正宗，份量夠飽，價錢都合理，喺油麻地咁旺嘅地方，搵到咁一間有懷舊風味又好食嘅茶餐廳，確實係一個唔錯嘅選擇。…查看更多

今天想到油麻地果欄買生果，路過紅茶冰室便進去吃午餐。先上了兩個湯一個是蕃茄濃湯另一個是茶餐廳的雜菜羅宋湯， 羅宋湯跟普通茶餐廳的沒有分別，味道不錯。但是那個蕃茄濃湯是忌廉湯加蕃茄，感覺很奇怪，如果是海鮮或蘑菇配忌廉湯會比較貼切。香煎龍脷柳伴雞肉腸配薯菜龍脷柳是一早預製好的，所以不是太熱，薯菜是半個薯仔，加上沙律醬，感覺不錯。雞肉腸也是普通的腸，有少少伴菜，這個價錢不過不失。焗鮮茄牛肉意粉意粉又油膩又有點硬，牛肉是不錯算是新鮮的。牛肉沒有很多梳打粉醃製， 芝士及番茄醬的味道不錯，這個比較推薦。餐飲點了奶茶及好立克，奶茶嘗算可以，茶底不是太苦澀。好立克比較淡，沒有外面的茶餐廳那麼濃稠。#小師奶 #美食 #油麻地…查看更多

以前成日嚟食啲魚又大塊又多醬，而家塊魚柳長度只有一隻手指尾長，厚度2塊先等於我一隻手指尾的厚度，各位千祈唔好試，否則後悔，我平時去開尖沙咀紅茶，唸住集團式唔會有咁既問題，點知伏左…查看更多

冇嘢啩，咁嘅質素，早餐都要排長龍🤔？🐑沙爹牛麵，牛肉用食粉乸得佢太勁，肉質幾乎係霉嘅，口感麻麻地😵‍💫，儘管佢嘅味道係可以嘅。公仔麵淥得太淋，要好好注意時間先得！🐑炒蛋做得好好，夠滑身，夠蛋香，打蛋時應該已經調好味，而且味道唔錯，食用時唔洗自己加鹽加胡椒粉已經好掂。丹麥酥來貨幾好，牛油味好香，可惜烘得唔夠脆。🐑茶走好唔掂，已經叫咗少奶，都係完全冇茶味，色澤唔琥珀，茶香極少，又薄身，更冇回甘，唔知佢想點。…查看更多

位置超方便,油麻地地鐵E出口直達，搵路零難度！下午茶黃金時段約等15分鐘（算快！），想避人潮可提早少少到，今次同同事一齊嘆下午茶~沙嗲牛肉麵配熱鴛鴦湯底濃郁帶花生香，牛肉嫩滑超掛汁！ 咖啡x奶茶黃金比例，香滑回甘無苦澀～ 流心芝士西多士配茶走爆漿視覺感！鹹甜交織，記得趁熱食！ 煉奶代替砂糖，茶底醇厚帶焦香！懷舊冰室格局打卡一流,阿姐手腳快又醒目，唔會等餐等到呆！食後感： "流心西多邪惡度爆燈，但真係忍唔住食晒！沙嗲牛係驚豔級，同熱鴛鴦絕配，食完即刻想encore～…查看更多

話說等緊朋友諗住去油麻地呢間紅茶拎左位先，點知同佢講兩位，然後佢話要齊人先入得，大住個肚都要人企出面吹住風等齊人先俾入，真心嬲左，以後唔會再黎呢間野，侍應態度又差。…查看更多

呢度嘅蛋牛治真係好多蛋，好厚，從來未見過咁厚餡嘅三文治！估計可能有三隻蛋。個包好軟熟，牛肉好平均咁散落在炒蛋中，好有驚喜。食落好滿足，飽到不得了，＄25都值嘅。…查看更多

紅茶冰室食過尖沙咀兩間分店喇味道好好，可以話隨便點都唔會踩雷服務態度都唔錯👍🏻鐵板豬扒炒公仔面必點，食過兩次水準都好穩定豬排份量好足又大件，炒面愛好者必點男朋友點咗番茄炒蛋牛肉飯牛肉好滑嫩，酸酸甜甜好落飯菠蘿油酥酥脆脆，一啖落去太滿足喇…查看更多

在星期六午飯時間門外人潮洶湧，許多排隊等候的顧客中，有不少疑似是旅行團或帶著行李箱的大陸遊客。餐廳人氣不低，但這次的用餐體驗讓人覺得有些複雜。菜式方面︰這次點了特餐，價格為$55，若選擇外賣需額外支付$2。相比一般茶餐廳，定價偏高，而午餐時段的價格甚至高達$60以上。不過，特餐裡包含了沙爹牛肉麵、煎奄列和丹麥酥，還有一杯熱奶茶，算是比較豐富。丹麥酥是其中比較特別的元素，整體味道還算不錯，但整體表現並沒有特別出彩。如果單純想試試新鮮感，倒也值得一試。環境︰餐廳的門口經常排著長龍，人氣非常旺，但用餐時的氛圍有些雜亂。職員的態度顯得不夠友善，可能是因為繁忙時段的關係，給人感覺缺乏耐心。這次餐廳體驗以豐富的餐點和高人氣吸引了不少顧客，但定價較高，加上服務態度欠佳，讓整體體驗略顯不足。菜式的味道尚可，但缺乏驚喜。如果只是想嘗試特餐中的丹麥酥或感受餐廳的氛圍，可以考慮一試，但可能不會是回頭率很高的選擇。…查看更多

呢間紅茶啲阿姐真係好冇禮貌，無論係對本地人或者係國內嘅遊客啲態度都非常不禮貌，今次我終於見識得到。就好似坐我隔離個C9想要隻匙羹都俾啲阿姐話，你嗌嗰個係牛扒嚟，要咩匙羹？C9話我係想要隻匙羹，之後佢個餐到咗，佢係用隻匙羹嚟食煎蛋。啲阿姐自己聽唔明啲內地旅客啲國語，就好無禮貌對啲遊客講，大大聲咁講，我都唔知你噏乜，我隔幾張枱都聽到。講返啲沙嗲牛肉麵，就係對一般茶餐廳一樣，淋啲牛肉落面，所以啲牛肉係完全唔熱。…查看更多

事隔幾日個心都好唔舒服，都特登要開返個帳戶寫差評俾你啊「油麻地紅茶」。當日落住大雨門口無簷蓬，我擔住遮想買個包做早餐，個專責賣包嘅阿姐當我完全透明，我只係想買一個麵包唔知要阻你工作幾耐時間，記住當時外面是落住大雨，雖然擔住遮，個身都濕，我望住佢佢就完全唔理我，我大概都企係度1分鐘，佢都完全無理到我，真心出面落住大雨你咪嗱嗱聲用你唔使10秒嘅時間就可以買個包俾人走，唔理話知你淋雨。最後我嬲到走人唔買，所講嘅都係事實，的而且確紅茶阿姐係無同埋心無心服務👎🏻👎🏻👎🏻，受過氣嘅人大家同樣都好有共鳴。…查看更多

今日去了這間所謂好出名的店排隊食晚餐，首先，裏面明明有好多位都唔明點解唔比入，應該佢知道我未人齊所以唔比入，算，入到去又比編坐係門口位，d人出出入入d冷氣又唔夠，好似坐街食咁，唯有用自己的風扇吹住食，d侍應又麻麻明明有幾個人只斟了一杯水?但我眼望明明佢都有派水去其他客喎。。。算，咁叫野食啦，朋友叫了咩焗咩意粉個意粉面焗到燶哂，咁都可以上比客人食?不過朋友話唔緊要咁我都癈事出聲，到我叫果碟黑椒牛扒意粉，上枱望都正正常常，點知食到差不多底先發現吓?點解會有咁多粒飯?頂，唔係無洗碟就放我d食物上去呀！我即刻搵個侍應問清楚，個侍應話可能d飯放係隔離所以會黏到喎，頂，你地覺得會唔會呀？總結，一間價錢又唔平，侍應又無禮物，食物又差，衞生又有問題的店，奉勸各位唔好幫襯。…查看更多