紅茶冰室

营业中

休息中

點解有茶餐廳大雜燴到甘好食🤣🛋環境：已經擴建了都系暴曬棚，依然路邊等位，但都算快，地下一層都坐滿，地下的信號真系好差🍽食物：每天的lunch set都唔錯，百食不厭，又有泰國嘢印尼嘢，燒味快餐等，融合百家但不影響出品。主打快！食物質素都比較穩定，試過連住食一個禮拜好似canteen甘🤣

今日大概11:30am行過，見冇人排隊就入去試吓⭐️菠蘿油，配紅豆冰⭐️菠蘿包外層表面既脆皮，一般用砂糖、雞蛋、麵粉與牛油🧈整酥皮做得香脆，而包身則軟身不過我覺得餐廳牛油用得比較少，用咗🐷油代替😢少咗牛油香味自己加上冷凍既牛油，變成菠蘿油一口咬落去，冷凍既牛油同熱騰騰麵包，一冷一熱既口感好正😋夏天好熱，最好飲一杯紅豆冰飲完馬上覺得超冰涼紅豆冰甜度適中，唔會太甜椰味、奶味跟紅豆好搭，好喝☺️

響尖東附近做嘢中間都係冇時間食嘢，所以繼續叫外賣，其中一個朋友想食啲甜嘢開胃啲嘅，所以就諗起食西多士，跟住搵到呢間紅茶冰室，見佢個位置都比較近，諗住應該送外賣嘅時間都比較快，結果都冇令人失望，嚟到啲嘢食都仲有餘溫。朋友要咗個招牌芝士流心西多士，我睇見都忍唔住食咗兩啖，佢嘅糖漿已經加咗落去個盒度，個人會比較喜歡糖漿分開自己加落去多啲，不過咁樣都冇乜嘢問題，係食到收尾覺得糖漿好似唔夠。講返個西多士裏便嘅芝士份量都好足夠，朋友食完都已經覺得好飽肚，同埋味道都覺得好好。我就叫咗個咖喱牛脷飯，牛脷嘅份量都好夠，咖喱嘅味道亦都好好，牛脷本身有煎過吓嘅，咖喱汁亦都係分開上，所以嚟到嘅時候都暖暖地，同埋食完之後大部份人都應該覺得夠飽，總括嚟講都係值得一讚嘅。

其實我每星期都會嚟尖沙咀做gym, 做運動之前梗係要食飽個肚啦, 所以紅茶冰室都係一間我想去嘅餐廳,作為一間茶餐廳佢嘅菜式選擇真係非常多,而佢每樣做嘅菜式都做得好好。個人好推薦大家叫佢嘅四寶飯佢嘅燒味做得好好，比對面嗰間燒味舖勁好食，而今日我就叫咗海南雞河粉，雖然佢唔係一般茶仔會出現嘅菜式，但係味道都唔錯。而我朋友就嗌咗常餐，佢嘅份量都好多，豬扒都幾好食。所以佢長期排隊入座，都係10分合理的。不過而家就多咗大陸遊客嚟等位

中午與朋友經過,見餐廳有人排隊,心想一定是好吃的, 我們就一起排隊,大概等了十五分鐘就可以入座焗咖哩薯仔海鮮飯：這道焗咖哩薯仔海鮮飯給人留下了深刻的印象。首先，它的外觀十分吸引人，熱騰騰的飯菜上面鋪滿了金黃色的焗咖哩薯仔。當我品嚐第一口時，驚喜的味覺體驗立刻襲來。咖哩的香氣與濃郁的奶油汁相融合，帶來濃郁而溫暖的口感。海鮮的組合包括新鮮的蝦仁、魷魚和蟹肉，它們增添了豐富的口味層次。薯仔的軟綿與咖哩的香辣相互平衡，給整道菜帶來了完美的平衡感。這道焗咖哩薯仔海鮮飯絕對是一個令人滿足的選擇。銀芽肉絲炒麵：銀芽肉絲炒麵是一道經典的中式炒麵，它帶來了豐富的口味和滿足的飽足感。這道菜的亮點是銀芽的爽脆口感和肉絲的嫩滑口感，它們完美地結合在一起。炒麵的麵條綿軟有嚼勁，與鮮嫩的肉絲相得益彰。蔬菜的加入增添了色彩，同時提供了清新的口味。

點了燒鵝乳豬飯，上桌發現燒鵝全是肥膏，向阿姐反應可否換點有肉的。阿姐望一望我碗上的燒鵝，然後說：無得換㗎啦，咁肥，邊個肯同你食呀。佢食咗誠實豆沙包，佢都認同燒鵝係太肥。然後我話：咁即係你都認同D燒鵝太肥，唔會有人肯食，但係而家就要我食。佢話：係呀，唔會換俾你Ok, 以後唔會再幫襯😡😡😡

之前經開尖沙咀，想食個下午茶，地鐵一出見到紅茶冰室，之前都食過好多次，現在的內地旅客也多了很多看了看餐牌下午餐也ok♥️最後叫咗個芝士🧀️西多士好多醬同牛油，唔健康就一定但就真係幾好味，加埋芝士心食完肥幾磅另外加左個菠蘿油，個包唔熱就差少少如果新鮮熱辣辣應該就好味好多埋單$54🫡

日日都咁多人 雖然等得唔耐 但愈食愈貴 下層又收唔到電話 不過鬼叫佢真係好食咩... 平時就叫炒飯 早日午餐多第一次叫肉碎炒飯 好好食 淨係隻蛋已經夠我+50分! 

平日都會叫番紅茶外賣，因為係厚福街附近翻工，唔知係埋人事調整定係咩啦，味道不能維持同一標準。燒鵝有時好食有時燒鵝皮又好lam，唔夠脆，食油雞肯定係食雞皮，估唔到比埋成個雞胸我，咬到好柴d肉；燒肉脆皮完全唔脆咯，不過因為夠香都會order，but！！！十次有八次唔記得配芥末醬，搞到我而家次次叫外賣都要係鋪頭度check醬料岩唔岩數。今日因為同事想食，埋一齊order，無拉拉又中伏（同事叫燒鵝飯又食到鵝俾）只能講食紅茶要睇運氣

其實我係香港咁耐真係第一次食紅茶，就算未通關前已經聽人講好出名，但因為唔算太近我屋企，想食既時候見到門口又好多人，所以次次都冇食到，但今日可能因為係下晝，經過尖沙咀呢間竟然冇咩人，等左10分鐘就可以入去，我見間店都好大，入到去我就叫左個常餐，沙嗲牛肉公仔麵，佢啲牛肉味好濃個湯都好濃，朋友就叫左個牛扒茄汁意份，朋友話個牛都唔錯，最尾加左2個蛋tart同一個芝士tart，蛋tart都好香好脆，好好味👍👍👍

Lunch 去食紅茶，門口都排左一條長龍，遊客多過係附近打工嘅朋友。今次揀咗個lunch set係咖喱牛腩配薯菜。咖喱唔算好辣，而且都入面。薯菜就係焗一個完整薯仔，中間界十字再淋啲麻醬。不過麻醬偏少，齋食薯仔就有啲無味嘅感覺。另外再加左紅茶出名嘅丹麥酥，新鮮食都熱辣辣，同鬆軟。由於人流太多，職員忙到飛起，想落個order/ 追單都叫左幾次先有人理。尖沙咀紅茶有兩層, 人流又多, 會比較嘈吵, 同台傾計都要講得大聲啲😓

出餐實在太慢，等了二十分鐘有多才到的沙嗲牛肉麵，跟炒蛋多士，牛肉被梳打粉醃到不知道是什麼肉，肉質淋到一個點，個麵質地像皮鞋，一點也不好吃，吃了一點便放棄，不知道為什麼說是招牌麵,差評

今日去咗金鐘睇黃鴨，然後就坐渡輪去尖沙咀上小紅書見到呢間餐廳，呢間冰室我都係第一次去，入面好多遊客，噉為就唔係等咗好耐10分鐘左右，餐廳入邊大部分都係卡位坐落唔算太迫茄汁牛扒西冷意粉配白湯👍63元份量方面非常充足以粉量都很多，性價比較高，質素正常牛扒都唔係平價貨，白湯都係餐廳質素冇乜突出之處火腿庵列西多士配沙爹牛肉麵55元👍呢個有驚喜第一價錢便宜，沙爹牛肉湯亦都濃郁。火腿庵列亦都正常分量唔會太少，西多士焗得好鬆脆外脆內軟然後叫咗個蛋撻同芝士撻蛋撻質素正常之事她有驚喜，衹是它的餡好似平時飲奶茶d奶蓋。然後外面燒咗餐比較脆總括而言餐廳各方面都唔差，可以推薦大家過嚟試一試

I like their baked rice so much!!!This flavour is perfectly made. Curry beef with cheese!!!I have waited for a long time. It is worthwhile because it is well baked enough. You can tell from the colour!!! Golden brown!!! 👍🏻👍🏻👍🏻Even some of the beef is crispy!!! Marvellous!!! 🥳🥳🥳Hope to have this more frequent in set lunch!!!Excellent day!!!

久不久看到一些網上評論或報導說香港有些服務員的態度很差， 土生土長香港60多年的我今天2023.6.10，16:30 在尖沙咀紅茶餐廳也親身感受到， 不尊重客人的查詢， 自以為是的回應， 更在客人背後大聲說冷諷語， 失望， 香港人的購物天堂以禮待客的精神在那裏， 我希望貴司管理層能好好重視，及對前綫員工作出培訓. 以前聽到或看到相關有些內地遊客在香港旅遊對不禮貌對待遭遇的吐苦水， 覺得會不會是文化差異產生的差異， 今天親身的體會， 感受到了. 這是我60多年本首次對消費過程感到不愉快的投訴， 不希望再遇到， 本來是喜愛香港地道飲食及作出支持， 但竟換來不愉快☹️