紅茶冰室

营业中

休息中

I reach the restaurant in time at 17:57 to order the tea set.Double combo with drink only costs you at $54. So happy!!! In normal time, double combo without drink costs you more than $65.The roast pig tastes great and crispy!!! The soy sauced chicken is lovely. Smooth and tasty skin!!!The BBQ pork is a bit slim this time but it is not hard!!! I like the green onion oil not too salty!!!

小編今晚睇完戲，由於好多餐廳都last order左，於是我地就去附近既紅茶茶餐廳醫下肚今次我選擇左酸菜麻辣肥牛米線配炒蛋同牛油丹麥酥！($55)我每次都好中意佢地呢塊麵包，充滿牛油味，吃一口會食到麵包既外脆內軟，肉眼都會見到佢一層層，好有層次感。份量就唔會好大份，始終係常餐嘛，適合一啲想醫下肚又或者輕食既朋友。湯底帶點微酸辣，唔會好似平時去食酸辣米線個種重味道的酸辣，絕對適合一啲食bb酸辣既朋友！

係尖沙咀返工 食飯真係好頭痛周圍啲餐廳閒閒地都50-60蚊 講緊未計野飲呢間紅茶係同事介紹 下午茶幾多選擇 平均30-50蚊連埋野飲 今日叫左叫肉醬意粉 有芝士鋪係面份量都夠多 唔似其他餐廳下午茶將份量縮一半仲有啲腸仔 冇咁單調餐廳仲有上下兩層 偏大樓梯有啲細級 落果陣我要扶住先敢落 可能我腳太大😂😂😂😂驚碌落去其實尖沙咀食野真係好蝦人 果啲門面裝修得鬼死咁靚反正伏野 真係要小心選擇我推介埋佢地丹麥酥同蛋撻 真係好正架

原本以為吃茶餐廳的價格會比較便宜，沒看餐牌就入去，結果我錯了😹除了常餐的餐牌之外，其餘午餐基本上是$6、70以上，但款式真的很普通。同事叫的常餐，有炒蛋、丹麥酥、豬扒通心粉，配一杯熱飲，配搭很普通但都要$55，本來不吃通心粉的我當然不會點～最後我點了泰式豬頸肉乾炒河（$71），熱飲要加$3。豬頸肉的份量算多，但河粉真的很鹹，整碟顏色很啡，但少部份河粉炒得不平均，粉仍是白色的。侍應態度一般，我們要了三杯凍檸茶，但一早來了一杯之後，另外兩杯像漏咗一樣，要催才有呢。一吃完，侍應就很快手收晒杯碟，馬上要還枱了。

燒味的雞是砍開的雞翼，最奇怪的是全是長毛...看了也覺得很可怕有鄉音束辮的女店員超沒禮貌！！收銀員也是一直黑面！！eq很高才可光顧這餐廳生意好所以不愁沒生意？？我就不會再光顧

紅茶冰室版圖不斷地擴張，尖沙咀分店已經幫襯過幾次水準尚算穩定，加上地方寬躺，絕對唔會出現搵唔到位嘅情況，上下兩層任君選擇，我哋開餐嘅地方。客人不多的情況下可以落錯單 ……好彩改得好快手。今日揀咗午餐牛扒配薯菜，羅宋湯熱奶茶整體賣相不太好，牛扒似半煎炸，口感略乾，薯菜都係求其搵水淖熟墊底；另外配上淡茂茂焗薯一個，我情願去轉返做薯條好過，整體味道 no good !女朋友都係揀咗佢最鍾意食嘅包包熱奶茶麵包有啲失準，拎上嚟都係凍冰冰，感覺扣晒分，叉燒餡料做得唔錯，唔會過甜過肥，墨西哥皮好薄好油，不過不失。熱奶茶一向都唔錯，溫度足；茶同奶比例都合格。

出餐好快既一間茶記特別鍾意沙嗲牛肉麵配丹麥酥同埋炒蛋沙嗲牛肉沙茶醬味好重 咬落去唔會太硬丹麥酥烘到好脆好香 有淡淡的牛油味 連埋炒蛋一齊食真係好邪惡呀我哋額外仲嗌多咗個菠蘿油 個酥皮真係好脆 唔會太甜 麵包質地都好好 唔似出面麵包舖嗰啲麵包好多時候都係食空氣為主 呢個麵包鬆軟得來唔會好似其他麵包咁多空心 牛油嘅處理都係好貼心 會放喺幾粒冰上面保持溫度 呢個係其他分店都做唔到㗎 之前食過荃灣嗰間都係求其俾粒牛油你 剩係得尖沙咀呢間先會比多幾粒冰整體都係好滿意嘅一餐早餐😋👍🏻

早2日經過尖沙咀突然好想食紅茶！之食過哩間分店一次食常餐都正正常常🤣🤣大圍個間食過好幾次仲要長期多人😢😢😢今次過嚟外賣晚餐套餐！紅酒汁羊架羊架味到幾好食完全唔會有臊味啲肉質仲好淋😍😍😍可以揀飯意粉同埋薯菜！我就揀咗薯菜！本身以為係薯條點知一打開個盒發現係焗薯食落都覺得幾驚喜！焗薯，加埋啲汁非常之好食！而且仲焗得好淋一吉落去吉到啲薯蓉出嚟係啲沙律醬稍嫌，唔係好夠！一冇咗沙律醬個味道就好淡😭

☑️ 鮮茄焗豬扒意粉 （可轉飯）-$72新鮮焗出黎，都好大份，意粉軟硬度適中。豬扒已經切好一塊塊，唔使自己切都好方便。蕃茄味都算濃，仲有啲芝士，味道酸酸甜甜唔錯。🆗咖喱脆皮雞扒飯 （可轉意粉）- $72咖哩汁夠多，有椰香味，撈飯一流，但汁較稀，雞扒皮煎得夠脆，大約有5片，份量較少，下面有2舊大薯仔。 白飯吾太得，吾夠熱之餘，仲有啲飯焦好硬。🆗泰式燒豬頸肉 - $67估吾到茶記仲有泰國野，豬頸肉燒得都脆，大約有10片，但個汁好稀，泰式餐廳嘅醬會好味啲。

之前太子店食過見正正常常啲嘢食又ok好味道？所以今次尖沙咀路過都走入左去食，但係食物質素明顯有參差極度難食👎👎👎！！！叫個沙嗲牛常餐根本唔係人食嘅！服務方面阿姐一嚟就掉碗麵埋嚟，碗底有水差少少就原碗跣落地都算，食物方面比服務更令人氣憤😡💥💥💥💥首先上枱個時見到碗麵浮起成層油已經感覺到伏，食食下發現碗中有條謎之毛已經不在話下...我知道出面食嘢想好味少少味精多多少少係一定會有。但佢XX湯底同肉汁啲味精多到唔使錢咁款撈極都啖啖含鈉超高，廚師腸都要退後萬分難食到倒水都沖唔淡😒😒😒👎然後好好地一杯正常港式熱奶茶淺色過台式奶茶，中間仲見到有些少未混到入去嘅茶，even從來無叫過多奶但成杯野奶過奶媽伏味濃爆！成個餐幾乎所有野都伏到食唔到一半，得奄列係最正常。個酥皮包都好油好油。👎👎明明食過一次太子店咁正常，因乜解救尖沙咀嘅質素可以差咁多？ 真係好失望，難道尖沙咀做得咁差不慚愧嗎？本身對紅茶都叫少少好感，有個咁差嘅經歷以後都好難敢再幫襯佢！甚至要阻止親朋好友同事去中俠！！！！！！相信$55可以有更多唔係食垃圾嘅選擇！堅嬲咗 X 😡👎👎👎👎👎

Unbelievable staff who shouted at you when you arrive for standing too closely with the scanning code on. For foreigners please don’t go there as it’s an absolute nightmare, shame on the service.

紅茶開係尖沙咀都未去食過，今日lunch同同事一於去試下，有上下2層，地方都好多，因為未到下午茶，試佐佢個常餐，上餐時間都好快，岩嗮附近翻工既人，沙爹牛好入味，而且唔會淡，方包烘底好香脆，感覺餐廳水準真係唔差，下次會再黎食😍

下午茶時間又到 又係時候食返個Tea🤤今日嚟到經常人山人海的紅茶冰室望望個Menu下午茶都有11個餐選擇平靚正🤤反轉個Menu睇睇哇 不得了 就連泰式都有每張食物圖片都非常吸引咁多選擇 樣樣都想食🤤真係唔知點揀好-特色豬扒包配薯皇哇🤤好足料 豬扒大大塊 夾埋蕃茄生菜 咬落去 豬扒嫰滑又夠juicy薯皇炸到到脆卜卜 好食到停唔到口-黑松露嫰滑炒蛋厚多士多士外脆內軟 配埋香濃黑松露味炒蛋-熱奶茶味道一般 啲奶太多唔係咁有茶味

之前已經去過紅茶大圍分店，對佢杯奶茶唔能夠忘懷，今日去開尖沙咀，就入去食個早餐開個好頭先！餐廳有兩層，因為上面都滿哂人，所以就去左下層地庫。今日我就叫左招牌沙嗲牛肉麵 跟「Top One丹麥酥」同嫩滑炒蛋）招牌沙嗲牛肉麵 跟Top One丹麥酥＋嫩滑炒蛋沙嗲牛麵湯底非常濃，沙嗲花生味道重，而且完全包圍住牛肉，非常野味。好多時食沙嗲牛麵都係驚唔夠沙嗲，但佢啲汁多到可以做到「掛麵」，加埋彈牙口感，真係有五粒星呀！至於個炒蛋同丹麥酥，炒蛋味道正常口感真係嫩滑，但份量好細，有少少扣分；而個丹麥酥充滿牛油香味，都係有心之選！最尾飲多杯奶茶，又充滿力量迎接今日啦！餐廳：紅茶冰室 Red Tea地址：尖沙咀加拿芬道18號恆生尖沙咀大廈地下5號舖Address：Shop 5, G/F, Hang Send Tsim Sha Tsui Building, 18 Carnarvon Road, Tsim Sha Tsui #肥誠 #肥誠搵食 #fatshinghk #instagramhk #instagramfood #food #餐廳 #香港美食 #香港餐廳 #灣仔 #尖沙咀 #屯門 #早餐 #午餐

行過尖沙咀有時急起上嚟唔知食咩 我都會揀喺地鐵站附近嘅紅茶冰室 貪佢夠方便又多位琴日去咗紅茶食常餐叫咗個 脆脆魚柳伴德國腸，再加top one 丹麥酥同嫩滑炒蛋 個腸有啲乾嘅感覺，丹麥酥我都幾鍾意食，炒蛋唔係太好食 但服務質素有待改善 脆脆魚柳冇比沙律醬 問咗幾次，都冇人畀我 最後一嚟嚟咗兩個