紅茶冰室

营业中

休息中

今晚9:30去買晚餐外賣，去到櫃位想落單，櫃位阿姐疑似埋緊數，態度好差咁叫另一個阿姐幫我落單，果位阿姐就黑晒面咁叫我行去佢果邊落單。好喇，到落完單，又要我去返櫃面俾錢。咁都算，比錢期間另一位阿姐又大大聲咁嗌我行開唔好阻住條路（我揹住背囊再攞住件樂器係比較阻路，但唔代表你可以無禮貌架）。然後十分鐘後我返去問可以攞外賣，另一位侍應本身話就得，叫我等多一陣，隔左2分鐘之後我就見佢攞住張外賣單係店入面行來行去，問邊個落單既，然後佢就出黎問我邊個幫我落單，我又點知你地邊個打邊個，佢問黎問去之後我問佢即係點，佢話原來落單果陣已經過左鐘，截左單做唔到，咁我就忍唔住爆佢，咁你截左單又落？而家做唔到就退錢，問長問短嘥晒d時間。我15分鐘內遇到既4個侍應既態度都係極差😡

鍾意食全肥膏者一定俾足100分，恐肥膏者慎入! 想揾舊完整牛肉(唔好話西冷牛扒嘞)食吓都冇，有都係筋，咁都俾得人食，晚市$78，食晒全部肥膏唔洗通波仔就你叻! 不如叫焗肥膏算啦，好唔好意思攞出黎賣錢？

放工後 原本想食另一間餐廳 但發現原來要提早訂位先有得食 於是乎 就去咗食紅茶 原本都有啲失落去唔到心中想食個間但係！！！紅茶俾到驚喜我呀🥳🥳😍😍我一直都有食開紅茶常餐、飯之類嘅嘢今次就嘗試下佢地既小炒結果 很意外地好好味😋嗌咗一個地瓜陳醋黑豚肉 Ohnooo 好好味！完全停唔到口一定會再嗌佢嫁我🥰🥰🥳🥳

今次已經係第二次俾機會呢間嘢，每次明明未有位，就叫客人入去間餐廳。上次上咗樓，叫我哋企響度等，其實就係想逼佢啲客走，我哋企響度又話我哋阻住晒。到我哋坐低，未食完，又叫另一班客上嚟企喺側邊等。今日又係咁，六個人上樓，張枱只有五個位，仲要有一個客未食完嘢，我同個侍應理論，問佢點解次次未有位都叫人入去坐，講講吓，搞到嗰個客都雞咁腳走，我自己都非常唔好意思，個侍應仲要鬧我黐線，如果唔係朋友勸我坐低，我一定即走，咁嘅服務態度，唔使旨意我再幫襯。

有時早收工，就會嚟紅茶呢到😛因為佢下午茶到6pm..下午茶份量大到當晚餐都可以🤣而且座位好寬闊，有好大部分都係梳化位收工已經好攰，想舒舒服服食一餐但唔係下下要食好貴 又想平民D 仲要多選擇呢到係不二之選🤘🏼今次就要咗炸雞脾薯條🍗同埋肉醬意粉🍝有圖你睇，雞脾大過手板🤣食落口仲係好juice，有肉汁流出嫁！完全唔係hea炸，炸到乾果種😋意粉更加唔洗講，份量足👍🏼料足👍🏼絕對唔會因為「下午茶」而影響咗成個質素🤩快D嚟試下啦🙈

「辛苦搵來志在食」系列之點解咩都咁好食？！是日成班「同撈同煲」齊齊行山，感恩今日秋風氣爽天氣晴（全靠有位拍哂心口保證好天既小伙伴，佢肯定跳左成晚「求晴舞」)。行完山個個都餓到腳仔軟，醒目既團友一早就bookmark大呢間茶記，極力推介係好野，咁胃食貓當然趁機尋尋覓覓搵好野食啦丹麥酥同炒滑蛋一向係我既至愛，咁我就點左個常餐，試下個金寶豬扒有幾金先丹麥酥 ： 牛油好香，包暖身，撕開後一絲絲勁鬆軟！炒滑蛋 ： 到爆，好重蛋味，唔止嫩滑仲好濕好creamy ，味道同口感都 100分金寶豬扒湯通 ： 個湯好濃好飲，豬扒雖然係煎但一啲都唔乾身，好嫩滑，醃得好入味！熱茶走：好香滑，但可以再大杯啲就更好招牌冰火脆皮菠蘿油 ：大家開心些牙一開四，一咬入口，哇！又香又脆，塊牛油又凍又滑，無敵呀！其中一位食炸鷄脾，好大隻仲要炸到好靚！有圖有真相成個餐真係好食到爆！明白點解門口成日都咁多人排隊，值得推介！

一講到近期大熱的茶餐廳就非這間莫屬，現在已經進駐在很多地區成了標記。因為它無論是早上中午下午晚上都有很多人在此餐廳外排長龍。通常是有兩條人龍，一是排隊入茶餐廳內用膳，另一條就是買麵包，因為門外位置放滿新鮮熱辣的麵包出爐，經過都會嗅到香噴噴麵包香的味道。今晚我們來到其中一間分店在大圍，這間有上下兩層地點也很方便，在大圍火車站一出過馬路就看到。精選晚餐～～～包括有田園雜莱忌廉湯配牛油餐包🥐美式雜扒🍽️飯/意粉/薯菜 $78雜菜忌廉湯材料非常豐富，有紅蘿蔔、薯仔、西芹洋蔥等，味道香甜幼滑。而雜扒有豬扒、牛扒、腸仔和煙肉，豬扒和牛扒很大塊，煎得香肉也很嫩不會柴口，我點選了薯菜一心諗著是炸薯條，不過原來是焗薯。餐飲就點了凍檸檬茶茶底夠濃有茶香加上檸檬可以解油膩。特餐～～～招牌沙嗲牛肉麵🍜配丹麥酥🍞+ 火腿奄列厚厚的丹麥酥夠鬆脆，不過感覺很多油而火腿奄列炒得嫩滑，而沙嗲牛肉麵就真的可以叫做招牌啦！因為沙嗲汁醬很濃郁花生醬也炒得很香，牛肉肉質很嫩份量也很足，麵底一定是公仔麵最搭配。一杯出色的熱奶茶☕就是個茶底夠唔夠香濃和幼滑度，茶與奶的比例也很重要，這裡的熱奶茶我很滿意。

It used to be one of my favourite Cha Chaan Tangs in hk until today when I found the waitresses are really impolite. I mean I never expect a high quality of service from Cha Chaan Tang in hk but I cannot stand with waitresses who yelled at the guests and screwed them of not making their order 'properly'. The service here is unexpectedly outrageous.

係大圍收工想嗱嗱聲快快手手食個晚飯，就6點去咗紅茶食咗個秘製咖喱吉列豬扒$72。飯好大碟，應該有兩大碗， 豬扒份量都好多，豬扒下面仲有著薯仔墊底，避免豬扒因浸住咖喱汁而炸皮變腍，豬扒肉厚唔鞋口。唯獨咖喱汁少咗d。

2：32落單叫茶餐10分鐘唔夠已經有野食3：02食晒個餐好耐好耐好耐好耐都未有野飲催咗2次都無用 d人聽完其實係唔會幫你跟單既唔係食物既問題但真係趕時間既就唔好嚟會越坐越忟

尋日去完朋友婚禮之後，同班fd一齊食埋晚餐先番屋企。我哋打算去大圍晚紅茶冰室，本身以為要排隊(因為平時都見佢大排長龍)，點知一去到竟然唔洗等，直接入到去坐，仲有卡位添🤩 因為好肚餓，所以我地落單好快手，仲有少少可惜係冰火菠蘿油賣哂，我地無得share食😐招牌咖喱吉列豬扒意粉 + 凍檸茶 ($70 +$3)識我既朋友都知我最中意挑機餐廳晚招牌菜😆 所以我叫左呢個招牌咖喱吉列豬扒意粉。一上枱見到個份量多到嚇死人，一睇就知我唔會食得哂😅 一大碟咖哩豬扒，另外一大碟意粉🍝。豬扒方面，餐廳幾貼心，已經幫我切成一條條，方便進食。炸皮厚薄適中，少少咬口唔會放一陣就淋哂👍🏻 豬扒既肉唔會乾韌，水準唔錯。咖哩一d都唔辣，反而甜甜地，撈麵食好開胃。只不過d意粉真係太大碟，食極都仲有😆😆😆 飲品方面，我叫左凍檸茶少冰，但d冰依然好多😅 味道正常。

夜晚喺大圍入咗呢間冰室，見佢好似好多分店。兩個人叫左2個小菜～～～小菜、燒味、粉面呢啲都有，最後我叫咗一個魚香茄子煲同埋一碟乾炒牛河🙋🏻‍♀️普遍來講，食物嘅價錢都偏貴，一個魚香茄子煲都大概$90，加咗一碗白飯要加$20～不過諗住如果好食嘅話就冇所謂，點知啲肉碎好少，茄子有少少偏硬。至於乾炒牛河就還好，雖然有部份好似炒燶咗，但係整體味道算OK。凍檸茶叫咗少冰，三份二個杯都係冰🤣🤣🤣呢個價錢嚟講，感覺上食物質素就冇咁值🙌🏻🙌🏻

好一餐唔好又一餐，唸住食精選晚套餐最穩陣，點知得一個選擇，就點左，最後當然沒驚喜，牛油餐飽變左牛油白方包，忌廉湯太傑，粉團一舊舊，蒜蓉厚切豬扒份量一般，豬扒有點鞋及硬， 唯獨是薯菜是原個焗薯上碟，味道好食，這是套餐唯一似樣的食物及令食客感到有一點點安慰。

由點餐開始已經催促客人，因為被催促，倉卒之下點了三份午餐：腸仔牛扒飯、椒鹽豬扒飯和叉油雞飯，餐飲有熱咖啡、熱檸茶和凍檸茶。食物和飲品份量適中，男士都可以吃飽，味道可以，但椒監鹽豬扒不太乾身和偏喊。本來食物是可以的，但餐廳員工每五分鐘就查看我們進食的進度，我們已經盡快進食，一行三人二十分鐘內已食完午餐，到只剩下餐飲時，一侍應竟然過份到按著我們的椅背監視我們，用眼神催促我們盡快飲完，非常無禮貌，完全不尊重顧客。所以就算食物味道正常也不會想再光顧。

我聽到新鮮出爐雞尾包叫咗一隻咬咗兩啖 一啲熱力都冇我同阿姐講阿姐話就算新鮮出爐都喺入邊擺凍咗啦我就覺得應該都唔係俾啲新鮮嘅我食根本係擺咗好耐先至比我食我第一次食嘅時候唔係咁㗎嗰陣時超級新鮮熱辣