紅茶冰室

营业中

休息中

短髮戴眼鏡女收銀好似欠佢錢咁、講也惡死到！！而且出面冇人等位，個d阿姐急急急要收檯，要你去埋單。食也越黎越貴，態度一直咁差無變過。好似差唔多間間茶記都係咁。唔改善，又難怪個個上深圳消費喇

坐未到一分鍾,同伙計講想轉枱 ,伙計話不可以轉枱因為已經入咗單?! staff needs training! 剛剛食完飯，D夥記急急快手執清枱上餐具，然後就同我地講要埋單，因為外面好多人等枱？！ staff is rude

 I regularly dine at this restaurant that has left a positive impression on me. The service is always excellent, with attentive and friendly staff who were eager to assist. The restaurant maintains a clean and inviting atmosphere. The food is tasty, with a diverse menu, offering something for everyone, and the prices are reasonable. Overall, it's a great choice for a satisfying meal with great service.

不論食物質素，但今次嘅用餐體驗真係令我唔會再幫襯依間垃圾。事源係店員落漏咗單 ，咁同佢講番漏單，但之後送上黎既餐係重覆左。於是我向店員查詢，我同佢講張單入邊寫咗意粉，我認為係特餐B，所以我以為係開頭佢係落漏咗特餐C，而佢地既收據單入邊亦都冇寫明特餐名（ABC ），補單時亦無同我講落左咩餐，所以誤會咗都好正常。但個女店員竟然大大聲同我講：「係你之前話落漏單，係你叫我補返！」佢嘅態度已十分不友善，仲要語氣十分強硬地強調唔會幫我換番岩，態度極度差。個下我已感到十分氣憤，當初係因為你哋寫漏咗先會咁樣，提你地落番但而家反而怪我落錯單，咩道理？最後我憤怒地放下送錯既食物，但個個女店員竟然仲係全部客人面前話我發脾氣話明明就係我錯，嘩洗唔洗咁樣串人，我都叫有俾錢食野㗎喎！完全貼錢買難受！試問如果我對牛敏感嘅話佢係咪都唔會換俾我？要我硬食啲我唔食既野？我當下嬲到棄餐走人。點解佢哋可以覺得當初自己落漏左單係冇錯，而我幫佢地後補番食物反而係我錯，而且態度係一百萬分惡劣！越諗越唔忿氣點解要我白白俾幾十蚊佢哋。呢間餐廳其實係咪冇培訓過員工？連做人基本禮貌都冇！點解客人食個飯都要食到咁卑賤😩

用餐時間 （4:51pm tea）follow@wojengyea/@wo!正嘢 for more food info🐒 支持我哋發掘更多美食 😋今晚BBQ 🍖前諗住食啲嘢，求其散嗌菠蘿包奶茶，問佢幾錢，佢話不如嗌個餐呀，咁樣嗌抵啲，又問我要唔要刀，咁親切嘅服務態度，令我決定寫個post。🍴嗰塊牛油，有冰底座住凍凍地，放入菠蘿包裏面，塊牛油慢慢溶化🧈，咬落去真係做到冰火感覺，好食得嚟又幾過癮。菠蘿包個皮好脆，不過脆得來唔會散開得好緊要跌到成張枱都係，個包都算鬆化煙靭，晤錯。茶水☕杯奶茶正常發揮，茶底濃厚，比一般茶更濃，不過就覺得唔夠香，可能個比例唔夠靚，中規中矩。餐廳氛圍第一次坐樓上，人唔算多，近窗口嗰邊裝修好懷舊，個感覺懷舊幾好feel。

====想不到茶餐廳也有西式沙律====酸甜的意大利醋配上微溫的南瓜、蕃茄及涼浸浸的沙律菜，很適合在仍然炎熱的9月踩單車後快吃一頓。到訪時是下午茶時間，避過了正午長長的人龍，職員也不太介意安排入坐四人座位的卡位在新裝修又寬敝的茶記可以這個價錢度過悠閒的午後算是不錯了==============================

雞煲：啲雞件都大大舊，肉質鮮嫩緊實，整體食上去都唔會太過肥膩。魚香茄子煲：每塊茄子都👌🏻入味，但略嫌未煮得夠耐，有啲茄子會有少許唔夠林同入味，但整體撈飯食幾好

是日趕睇好戲，所以要快食。見到紅茶便去試一試。見到是日晚餐係雜扒餐，感覺不錯，便開心order佢。蕃茄雜菜湯加一嗰餐包，真人嗰湯超多蔬菜，唔錯。。。包都暖暖的，可以加分。因為人多，所以都等了15分鐘，扒餐才上。超驚訝，嗰薯菜的薯，係原嗰焗薯，馬上加多多分。因為分量足，又惹味，愛薯之人必選。而肉則有豬扒，牛扒，煙肉，腸仔。整體而言，豬扒最好味，易咬入味都大塊；牛扒正常唔會咬唔開，當然大塊一點更好；煙肉係輕輕煎一煎，所以唔愛脆口的朋友就正，我就啱啦；腸仔正常好味。一間茶記多人到，一定有原因，路過可以幫襯吓。

大圍呢間呢個女人態度極度惡劣，我買完外賣，問下如果冇左張單唔記得number點算，佢西晒面話，我唔知囉，咁多人，跟著口噏嗡，喵嘴喵舌，我話有冇得取飯，佢就唔啋我，而家D人真係差，唔怪之得個個上大陸吃🤬🤬🤬

約左frd食早餐 大圍多選擇 行過來已經有好多人排隊 邊排隊邊傾計 都幾快排到 上網睇d人話呢間出名招呼麻麻 坐得唔舒服 入到黎又OK 唔算迫 裝修以茶記黎講 算唔錯架啦 侍應姐姐態度唔算差可能太忙 講嘢速度快d咁之前好鍾意食燒味同蛋撻今次早餐就嗌左兩個沙爹牛我本身食得濃味覺得湯底偏淡麵又淋左小小 炒蛋夠滑夠香塊丹麥包烘完搽牛油 好食但係過份邪惡奶茶唔錯 啱晒我口味👍🏻

之前我同小朋友去開大圍玩玩到好夜所以就周圍找餐廳食晚飯去到見呢間都好多人食 所以就入咗去試下啦😂我地叫左兩個餐食 一個係鐵板乾炒牛烏冬d烏冬炒到淋晒和碎晒不好吃另外一個鐵板牛柳都正常少少 不過不失

今日去咗大圍紅茶，叫咗個芝士炒蛋魚柳包配沙律魚柳過火好燶又冇味！職員態度超差，無下次！佢地點近車站先多客人，咁樣嘅食物，員工態度又差，如果在其他地方一定冇客人再去之前去過沙田廣場分店，賣相味道都好好，職員態度也比大圍好！

夜晚行出去大圍諗住食晚餐，唔知食乜嘢好，之前食過紅茶嘅早餐質素都幾高，今日晚餐試吓佢。兩個人，叫左唔同款，一個西式一個中式，份量正常。不過價錢都唔係特別平㗎，計埋杯嘢飲，兩個人買單都百幾二百，正正常常冇乜特別。

假日早上成日都見到紅茶門口大排長龍等位食早餐，終於忍唔到試吓。招牌沙嗲牛肉麵好食，沙嗲汁香濃掛麵，牛肉唔靭唔嚡，厚薄適中。麵條硬度亦適中。整體唔錯，算係幾啱我個人口味。另一個餐叫咗火腿通粉，湯底味濃，但唔會食到頸渴。通粉係用細細粒有咬口嗰隻，口感好。整體OK。跟餐嘅蛋呀，飽呀，飲品就冇乜特別。就算其中一個餐跟嘅係招牌丹麥酥，都唔覺得有咩特別。值得一提係，如果趕時間嘅話，可以搵次冇咁趕先嚟食。整體嚟講，早餐湯粉麵OK，其他冇乜特別。有時間可一試。

入去食個下午茶，首先野食冇旺角個間質素咁好，份量ok，但就唔係特別好味/熱囉。d侍應仲要態度極差，個女人大大力放杯野飲係個檯側邊就走咗去，唔知發生咩事。見到對面檯伯伯同婆婆叫嘅野食仲搞錯單，飯變意粉，仲要等好耐催咗兩次先出，唔係經過我都係會去翻其他分店食。