紅粉佳人 (已結業)

今日同女友行經油麻地，就入去食晚飯。情調算唔錯，有candle light，暗暗地，播下英文情歌(80 - 90年代個d)。我地都分別點左dinner set. 我叫左海蝦海鮮龍蝦汁扁意粉，女友就叫左豬扒天使麵。餐湯係羅宋湯，用個黑色既鍋仔裝住。裡面有好多料，味道就好有港式西餐既風味，都幾懷舊。主菜我個扁意粉份量好夠，有好多帶子，蟹柳，魷魚，三文魚肉，同埋青口，有兩隻大蝦。味道如何呢?一般啦，唔係新鮮貨，隻蝦肉有少少"梅"，而意粉無乜咬口，可能煮得耐左，唔夠彈牙。不過$70有湯，有主菜有野飲都算係甘。女友話佢個分d 汁少左d，豬扒算淋，幾好食，個意粉都唔錯。有樣野要讚既係服務，個女侍應講野好有禮貌，會加水，另到人食得好舒服。

星期一，我同朋友過左去食午餐，發現餐廳處理海鲜食物比較拿手，但其它就一般。不過D服務生又真系太COOL，本來已經著到黑衫黑褲，仲加埋一臉裝嚴咁，體驗唔出好客之道。

上星期六跟朋友在此午膳,食物水準不錯,但決點是大部份服務員都很cool, 給人很冷的感覺,多些看華哥段宣傳片吧!

見到openrice o既評語唔錯, 特登去試下~兩個人叫左兩個set dinner, 湯o既容器好得意, 我係黑碗白碟, 我個frd 係白碗黑碟, d 湯稀左d, 不過有d 海鮮粒~餐包居然有三文魚醬!!! 麵包唔夠仲可以refill!主菜...duet salmon with 白汁菠菜麵, 原來係魚生+ 扒, 幾特別, 味道都好好~frd 個帶子炒天使麵, 據說都唔錯~~環境都幾好, 靜靜地, 可以傾下偈, d staff 都好有禮貌, 有機會會再去!!

睇過各網友對尼間餐廳評語都唔錯, 諗住情人節去尼度dinner, 早係2 個weeks 前已經打定去book 位. 果度o既staff fax 左個情人節set dinner menu 比我睇, 點之個set 既4 款main course 我女友都唔岩食, 2 個係牛, 一個係羊, 一個係蠔. 打返去問有冇其他set or 散叫, 個staff 話set 就未必有, 要問返廚房, 散叫就一定有. 甘我就諗住散叫, 所以就book. 臨收線時, 我再問多次個staff, 係咪一定有散叫, 佢答我, 一定有, and 話如果有變, 會打返電話比我confirm, 叫我唔駛擔心. 個staff 都幾nice and 表現得有交帶, 所以我都放心.我都睇左食評, 諗定果日散叫D 咩, 諗住情人節食餐開開心心, 最緊要女友開心(佢鍾意食warm chocolate pudding).到當日, 一去到, 個waiter 放低左個情人節menu only, 我覺得有D 唔妥. 我再問佢有冇其他menu, 佢話............"冇ga wor, 今日我地只係做尼個set". 我心都即刻dow

今晚又同老公到這裡開餐...叫了黑椒汁肉眼扒和香辣茄汁海鮮意粉. 肉眼扒有肉味,不會死實實或用梳打粉喇到鬆泡泡.海鮮意粉海鮮很多,辣得很醒胃. 值得一去再去.

去了數次這餐廳,包括平安夜晚和前晚(6/1).發覺越來越喜歡這餐廳! 無論食物,環境(cozy),服務和價錢方面,我都非常滿意....不打算說吃過什麼了...不能盡錄!只是覺得一間好的,有心的餐廳應讓多些愛吃的朋友認識...另外,特別是在平安夜,原本覺得找一所不熟悉的餐廳慶祝是非常務險的, 但出乎意料, 當晚的食物又豐富又美味,價錢又合理(偏便宜,每人平均$250), 我和朋友們都十分滿意! 一點行貨也沒有, 讚啊!

見大家既評價不錯,外星人今次約埋兩個朋友試下兼吹水.餐廳地方不算大,但給人感覺十分舒適.更有六人卡位.我地三人叫左兩set 黑椒牛仔骨套餐,加一個牛油香草三文魚焗飯同一個泡沬三文魚湯.套餐前菜可選湯或沙律.羅宋湯同餐飽一般,但另叫既泡沬三文魚湯則好鮮味,幾好.主菜既黑椒牛仔骨,份量居然有三塊,加埋配菜,薯蓉同意粉,真係豐富.薯蓉居然意外地好食,牛仔骨好腍,不錯.反而那個三文魚焗飯很吸引,因為三文魚係先煎到脆卜卜再跟飯焗,d飯又充滿晒三文魚油.好香.餐飲有即磨咖啡同超大杯凍檸荼,呢杯野飲如係caf曊都起碼成25蚊啦!仲要我地吹左成3個鐘水.....又有candle又有music.....

今日同朋友六點幾黎到食聖誕大餐好彩一早book左位唔係都唔知有冇得食呀!個餐好多野食～頭盤係燒火雞片拌煙三文魚沙津煙三文魚同火雞片都鹹味o岩o岩好幾香幾好味，不錯～湯係三文魚周打魚湯加三文魚醬法包片個湯幾濃又幾好飲，料都幾多，算係咁啦不過個三文魚醬就似吞拿魚醬多ｄ，都幾好食，但如果ｄ法包片係熱既仲好！～主菜我選左煎三文魚扒拌虎蝦同炸軟殼蟹朋友選左煎羊扒三文魚扒完全唔腥，同ｄ料都幾夾而虎蝦用蒜蓉焗，幾香口軟殼蟹都幾好食，雖然我係最尾凍左先食但唔會油淋淋，都ｏｋ既試左朋友少少羊扒味道都幾好，有少少羊酥，但可接受，不錯～甜品我轉左心太軟呢個就真係幾失望諗住切開會有朱古力醬但點知只係一個朱古力蛋糕而且朱古力味唔夠濃唔好以為碟碟份量唔多會唔飽食完四個鐘我先開始覺得冇咁飽咋加埋一一個人都係１９０左右真係幾抵因為話晒係聖誕大餐喎！整體味道都有4分係心太軟3分囉

呢間餐廳個位其實已經轉過好多手,我住附近0既關係,所以都成日落去食.早排佢下午茶有買二送一(而家冇左喇),冇話因為咁而降低質素,呢樣抵讚.好多人甜品都會食心太軟,我初初都係,不過而家最鍾意食佢個朱古力凍餅,有次叫左個焗雪山....飽到我= ="平安夜我都訂左位,0個晚唔趕時間,所以就算佢人多要耐少少我都唔介意,最緊要好食.全部人都好有禮貌, 又要一讚.

今天約了朋友到文化中心欣賞芭蕾舞'胡桃夾子',出門前看過食評介紹,自己又曾路經此店,被門口的粉紅色及大大三文魚吸引...決定入去一試。時間尚早,我們六時己入座。環境尚算舒適,餐牌選擇多,幸好看過其他食家評語,三心兩意的我很快決定了。我們點了忌廉三文魚湯,酥皮龍蝦湯,海鮮雜錦,蟹籽三文魚扁意粉。由於叫餐,可加$10要朱古力軟心布甸伴雪糕。先來餐包。籃內有四片法包,我親眼看着侍應小姐從焗爐取出,熱辣辣,外脆內軟,奉上自製三文魚醬,很鮮味,塗麵包一流!侍應小姐還主動問要否加餐包...其實內心很想,但要留肚,只好忍口了。三文魚忌廉湯用大杯子上。表面是一層忌廉打成的泡沬,像意大利架啡,賣相不錯。湯很鮮甜,味不太濃,忌廉味只是輕輕帶過,令三文魚鲜味更特出。龍蝦湯酥皮一般,焗出來脹卜卜,湯味道剛好,不太咸,湯中有數隻小蝦肉。喝完湯要15分鐘才上主菜。海鮮雜錦有大蝦,煙肉帶子卷,三文魚柳,炸軟壳蟹及薯蓉。薯蓉很咸,吃了一口己停口。海鮮不錯,但無甚特出。扁意粉新鮮煮好,很熱,唯不夠彈牙,口感一般,應是煮了太久。白汁很濃cream味,好味!煙三文魚卷成玫瑰狀,很美觀。蟹籽脆卜卜,拌意粉最好。飽餐後等10分

試左個set dinner先送來一個fruit punch做餐前飲品頭盤可揀沙律或湯, 試左個三文魚忌廉湯, 又夠熱又好飲(有三文魚片的, 好滑又夠鮮味)朋友叫的酥皮龍蝦海鮮湯也不錯(有龍蝦肉的)主菜我試左蟹子酥皮焗糖心三文魚柳配忌廉汁;朋友叫左海鮮雜錦(有蝦, 三文魚柳, 帶子, 炸軟殼蟹)兩者無論賣相與味道都好滿意...真的好好味, 食哂!!我隻碟好乾淨... =p到甜品, 我加十蚊試左"心太軟"(是朱古力布甸, 裡面是熔左的熱朱古力), 好特別幾好味但因怕甜怕肥只吃了一半...唔加錢dessrt是pancake.最後送埋餐飲.餐廳裝修一般未算太高雅, 但由於柔和昏暗的燈光,桌上的臘蠋加音樂, 氣氛不錯可叫有情調.人客不多都幾靜, 侍應生殷勤有禮, 百鬆D蚊一個set dinner: 食得過.

當晚約9:00入座, 發覺地方和氣氛都不錯, 可能當時入座率不高吧, 故服務十二分之好, 跟朋友同時叫了一個ribeye steak 的set dinner, 有salsom tartar, very juicy, tender enough(without using tenderizer i think) and tasty ribeye steak, and dessert! 水準出奇的好! 要3成剛3成, 要7成剛7成, 喜歡叫steak 的人都知道, 即使貴的餐廳好多時都做不出顧客的要求啦, 現在只是百多元的set dinner有這樣的效果的確讓我們意想不到!所以,今年x'mas都訂了位, 希望當晚不會流水作業啦!

今晚同老公去試這餐廳，叫了以下食物：海鮮拼盤- 有大蝦，味道ok，帶子煙肉卷，帶子新鮮煙肉脆，重有炸軟殼蟹和勁滑三文魚扒，好正。另外叫了一客炸軟殼蟹(又係佢)味0曾汁天使麵，配餐湯+飲品。天使麵熱辣辣，味0曾汁又好味，配合得好好。食物有水準，服務亦不錯，價錢合理。

The name of the restaurant should be "Pink Salmon Cafe & Restaurant" or "紅粉佳人".(By editor : updated, thx!)The most delicious dishes are lamb rack and salmon pasta.