紅磡冰室 (已結業)

佢啲早餐選擇都有好多，今日我就揀咗個沙嗲牛肉通粉，火腿炒蛋，多士，再加杯茶走。首先佢個多士好大塊，係一塊全麵包。另外炒蛋嘅份量都好多，基本上食完多士火腿炒蛋已經飽咗一半，跟住沙嗲牛肉通粉，沙嗲味好濃，通粉亦都好多。所以我都食唔晒，我已經係早餐食得最多嘅嘢一餐，所以依個價錢好抵食！但係唯一失望嘅係佢啲奶茶或同埋咖啡冇出面其他茶餐廳咁好飲，可能係個茶底唔好。員工都10分友善，餐廳環境亦都好好 有好多卡位可以坐到六個人。等位方便亦都好快就有位，唔會話等好耐先有！

平時食紅磡冰室都係食lunch，今日有機會食埋佢嘅晚餐，原來都係好抵食😂叫咗一個普通快餐碟頭飯同埋一個小菜， 都係百幾蚊普通茶餐廳價錢。😛佢個碟頭飯係超級大份，已經係等於1個小菜嘅份量，而且時菜牛腩都幾好味，牛腩好淋。另外三色蛋茄湯浸時菜又係大碟到嚇親，佢個茄湯都幾好味，配合埋個菜清清地唔錯。

今晚星期五來到炮台山，見到有間紅磡冰室剛剛裝修好，就和幾位朋友決定試試，餐廳門外招牌燈光搶眼，不禁令我們駐足觀望，餐牌有A-H 多款晚餐，價錢不算太貴，確實有點不滿意餐廳內部裝修，白色的階磚，有點像日本澡堂內吃飯，而且階磚令聲音反彈，令到餐廳內非常嘈吵，坐得不舒服，沒有電視播放，扣分。我們點了南乳粗齋煲、粟米魚塊、豆豉鯪魚油墨菜、海鮮粉絲雜菜煲、薯仔炒牛柳粒、南乳火腩煲。總評：以這個價錢份量尚可接受，食物不過不失。

今早去了英皇道，炮台山地鐵站對面果間紅磡冰室食早餐！這裡好多卡位，坐得幾舒服，叫了一個仿鮑絲火腿通粉，煎雙旦配一件多士，仲有叫了一杯茶走跟餐的！通粉熱辣，仿飽絲和火腿通也好食，湯底也很濃的忌廉湯！煎雙蛋煎外觀靚，好用心做，奶茶香滑有水準！

唔知由幾時開始，每逢禮拜五做完占就會同朋友黎呢度食飯，不知不覺間呢度已經成為我地既飯堂。餐廳鋪位很大，基本上每次都唔駛等位就可以直接入座，而且佢係北角同銅鑼灣既分店都食過，但都唔夠呢間好食。一行四人點左四個餸，仲有每日例湯 老黃瓜煲雞腳。南乳粗齋煲三菇排骨煲XO醬韮菜花炒肥牛荷蘭豆腰果炒蝦仁每款餸都份量十足，絕對唔駛驚食唔飽，而且用料都新鮮。最值得一讚係我食唔出D餸有落過任何味精，而且蝦仁絕對唔係用平價貨，爽口彈牙。總結：每人只需八十幾蚊就可以食到捧住個肚走，係現今既香港真係好難得。

今日星期六放假搵老媽子食下午茶，一早就決定食呢間，因為之前有提過想試下。2點半嘅時間來到，人真係好多，可能大家放假都晏開餐。幸好來到不用等位，剛好有人走就入左去。遠處有枱有位大約5歲嘅小朋友不停係度吵又喊，非常影響其他食客，奈何父母都無動於衷，唔打算理會！講返食野，老媽子叫左XO醬猪頸肉炒河，略嫌多油，而且應該一早炒定左，因為落完單唔洗5分鐘就上枱。味道方面其實一般，以43蚊下午茶嘅價錢其實有點兒性價比低，因為味道好一般。唔知係咪因為咁，連相都唔記得影sad。而作為常餐愛好者嘅我就一定會揀常餐，今次有影相啦！我就揀左瑞士雞翼撈公仔麵。味道令人驚喜，瑞士汁味道好出，雞翼都好入味。蒜蓉多士又係喜出望外，比平時食開方包烘底更為優勝。至於炒蛋，始終比不上大洋洲某國牛奶公司，不過都算唔錯。

紅磡冰室大多都只是經過，分店多，而且食物選擇地道，這次我去了炮台山附近工作，好，就和朋友一同去晚飯！(我個人比較想試這裡的茶餐，不過都OK既~)個餐牌都好多選擇。 我和朋友都是大食的~~但絶對不是大嘥鬼！點了三個餸~~OH！原來份量都不少！ 點了西蘭花炒蝦仁帶子，士多啤梨骨和菠蘿雜燴炒飯！ 地方算大，易有位坐。小菜有湯送，所以先上湯~~ 不錯哦，有料，而且沒有死鹹。 西蘭花炒蝦仁帶子~~原來份量都不少...係好大份！蝦仁和帶子很有味，唯獨西蘭花味道不夠，這個有少少美中不足！ 蝦很大隻~~而且我們坐了不久而且售罄， 證明點對了食物！ HAHA！ 士多啤梨骨出奇地好味！骨外脆，係有D咬口，但正常。個汁配搭很好！不過當然對不喜歡士多啤梨的人不公平！ 菠蘿雜燴炒飯~~大大份~~滿到一個點！哈哈！菠蘿大大粒，真材實料也算好！味有少少淡，是因為要健康？或許是！ 朋友對這一餐很滿意哦~所以有機會會再次來！下次想試早餐或茶餐~~ DNA production

香港依家有咁多大型嘅茶餐廳連鎖店，有部份有貴又唔好食，可能係做遊客生意。🙈而紅磡冰室相比起黎就比較貼地同好食了。😊每次食飯唔知去邊度食好，就會揀食紅磡冰室。除咗固定嘅餐牌之外，佢每日下午都會有五至六個午餐提供。留意番佢呢啲午餐全部都好大份！💪🏼我就最鍾意食佢嘅特餐，一來比較抵食，$47就可以了，二來係好好食！😍唔好睇佢好似細細份咁，其實食晒都好飽。 麵包可以揀牛油麵包或者蒜蓉包，我就揀咗蒜蓉包，因為好香好好食！個滑蛋佢都炒得好好，係有質素嘅炒蛋。

這間紅磡冰室有別於其它分店，因為這間份量特別大份（西檸雞除外），服務比北角分店好，附近很多食店，基本上不用排隊。每晚晚餐都不同，這是我每星期五都來食飯原因。今晚叫了南乳粗齋煲、三色蒸水蛋、黃酒雞煲、蜜豆炒豬頸肉。南乳粗齋煲 - 每晚份量、水份不一三色蒸水蛋 - 時間調得剛剛好、但豉油太多黃酒雞煲 - 普普通通，略欠火候蜜豆炒豬頸肉 - 味道適中、豬頸肉略小凍檸檬茶 少冰 卻很多冰總結：茶餐廳食物質素算高，但希望待客人走晒才用漂水拖地。

以為係港島區食飯呢會好貴，今日嚟到炮台山呢頭，都幾多嘢食選擇，比如呢一間都可以叫做快靚正嘅茶餐廳，常餐都係40幾蚊。用餐環境算舒適，裝修幾新，通常都係坐卡位。今日揀咗常餐A，主菜係番茄鮮牛肉通心粉，另外仲可以加炒蛋、蒜蓉包同埋餐飲。份量非常足夠，而且「番茄鮮牛肉通心粉」用料冇偷雞，除左牛肉，仲有成大舊番茄，湯底亦好濃郁嘅番茄味。特別鍾意食蒜蓉包，包好軟又有好香嘅蒜香。餐飲叫左熱Horlick 加煉奶。

除左觀塘、金鐘食lunch 時間會比較多人，相對難搵餐廳之外，炮台山其實都好多在職人士返工，今日早到少少，12點55分就落去搵餐廳食，一個人相對幾易搵位，但係見1點左右，門口就好多人等位。點餐方面，基本上都係3個選擇，分別係“特餐”、“常餐A”、“常餐B ”，因為比撈麵吸引左，所以揀左“常餐B ”，以為揀埋餐飲就得，原來仲要揀 炒蛋定煎蛋、多士定 蒜蓉包、 瑞士雞翼定豬扒，好貼心嘅options 。味道唔錯，而且上菜速度好快，lunchtime 好選擇！

Weekend早左起身就梗係要同屋企人去食個茶記早餐啦呢間茶記其實我都食過好多次 次次都覺得好好食平時我多數叫魚柳餐呢度d魚柳好大塊而且外脆內軟 好好味不過今日想食d麵類既野所以就叫左沙爹牛肉麵轉多士呢度d麵質簡直係一流 係我最愛既偏硬質地沙爹帶少少甜味 唔會太鹹牛肉都有幾片唔算太少 食落唔會痴牙多士大大片又好厚烘到脆卜卜入面d牛油搽得好平均唔會好似有d茶餐廳咁求其放一pat牛油喺上面就算加$1就可以油包轉多士 真係抵炒蛋都好滑 唔會整得太耐濕濕地既texture就最好食啦另外爸爸叫左牛扒餐配蒜蓉多士一上檯就傳嚟好香既蒜蓉味牛扒好大塊 爸爸話夠淋好好味我自己好鍾意食呢間既早餐茶餐廳早餐間間都差唔多可以做到另外特別鍾意既係唔簡單👍🏼

炮台山好似冇咩cafe可以食個afternoon tea，慢慢吹下水，食件cake。見到呢間有下午茶就入左去。下午茶個menu都幾多野揀既...我就叫左個懷舊西多士。佢係配煉奶既，我問佢有冇糖漿，佢話冇... 個西多士中間夾住係類似奶皇唔係花生醬，而且得中間位置有。可能食唔慣啦，覺得一般般。另外仲試食左朋友個炸魚薯條，當然冇外國個啲咁好食啦。呢到個魚柳薄左啲，就黎層粉仲厚過佢。不過黎既時候熱辣辣，都唔錯。呢啲野食係餐黎既，我知好多人都下午茶配紅豆冰，呢到係加5蚊既，但我冇試唔知好冇飲。

突然心血來潮想食瑞士雞翼撈公仔麵，去紅磡冰室就啱晒～..叫左個常餐 $48可揀瑞士雞翼/香煎豬扒撈公仔麵、西煎雙蛋/嫩滑炒蛋、牛油多士/香烤蒜蓉包。..嫩滑炒蛋+香烤蒜蓉包炒蛋份量唔多，但唔知點解好漏，個蛋係滑嘅，但食少少就飽，蒜蓉包好香蒜味，但唔夠脆，淋身啲，又係覺得好漏.....瑞士雞翼撈公仔麵呢個就真係好食！三大隻瑞士汁雞翼，好濃、好入味，食得出啲汁好稠身，唔係好稀果種，雞翼亦浸得淋身，好好食！而啲公仔麵索晒瑞士汁更加係無得輸！..去茶餐廳最愛就係茶走～

又係北角覓食～紅磡冰室其實都經過好多次，今次見到午餐啱食，就入左去了。星期日中午，紅磡冰室依然多人，不過一枝公就易啲有位。嗌左洋蔥汁雞扒火腿飯，然後見到人地的瑞士汁雞脾飯好似仲吸引😭較入的位置地板較滑，個人都幾討厭跣腳的感覺。嗌左五分鐘左右飯就黎啦，果然係雞脾飯比較吸引😭個汁冇乜洋蔥味，有幾粒蕃茄仔，增加酸味。飯的份量正常，啲汁就唔夠撈晒成個飯。火腿有兩片，雞扒是炸的。食落個皮都脆，但味道麻麻。熱奶茶，奶味少。難得的是個飯幾好味，並沒有又濕又淋咁，粒粒分明，值得一讚！