紅煙窗餐廳

营业中

休息中

用餐時間：星期二1200-1430今日行日lunch都算多人，入座率至少7成。一開始見排隊攞冷盤刺身既人比較多，而且攞野食既空間算細，所以就先攻甜品！甜品選擇都幾多，味道正常，仲有任攞Hagen daaz杯裝雪糕，有5隻味，分別係蜜瓜，雲尼拿，士多啤梨，咖啡，朱古力。葡撻，奶凍我都幾鍾意。之後係冷盤刺身。冷盤選擇都幾多，基本既小龍蝦，鮮蝦，翡翠螺都有齊，特別既有生蠔，不過唔係即開嗰隻。個人覺得冷盤質素麻麻，有一次攞既鮮蝦有少少異味，不過整體都可以接受。刺身壽司選擇數量正常，不過質素都係麻麻，舊三文魚食落竟然有骨，好影響印象！熱食選擇偏少，比較抵食既食物都係得蒸魚，牛肉，鴨肝。蒸魚正常發揮；牛肉早輪攞都算ok，食落有少少肉汁，不過後期行過已經見到偏乾身，所以無再試；鴨肝味道唔錯，算係比較受歡迎既食物，refill速度都幾好，唔洗等好耐。餐廳環境整體都算唔錯，唔會話好逼驚交叉感染，不過我地坐落張二人臺偏細，如果可以坐到其他食客既4人/多人臺應該會舒服好多！最後埋單$318 7折再加一，每人就係$254。呢個價錢自助餐黎講絕對算平，不過質素+款式仲有提升空間，所以性價比一般。值得一讚既係餐廳

價錢適中，首先有生蠔任食，生蠔係紐西蘭有海鮮例如蟹腳、螺、凍蝦丶青口有鵝肝配多士，有多款刺身同壽司有少少炸物，鮑魚雞絲粥多款雪糕同甜品有燒牛肉，燒得啱啱好又5成熟

7折，平日不用300就可以食到兩種不同口感蠔。好覺得值得一試，我同我家大都好滿意午餐。午餐1200至1430服務態度：執碟快，好。環境方面：因應疫情，只能2人一張枱及人數不能過半，所以食得好自在，靜靜地食，傾計不錯。攞3食物大部份時間不用排隊。食物質素：兩種紐西蘭蠔，大蠔的肉厚有口感，但欠鮮味不夠甜。細蠔則肉小 ，但鮮甜。各有千秋。鴨肝，雖然不是係面前煎但能保暖暖的相當不錯（凍是很難食）魚生種類太少了，而且都係低價類。牛扒就真係要睇時間，我只會在一個牛切到中間先去領，因為會俾有鬆軟又不會太老。熱食方面非常普通但味道不錯，今次我比較喜歡煙鴨胸及一口牛。甜品有我鐘意的new york cheese。性價比：高總結：唔洗300埋單，你埋由唔試囉。好味指數

今年聖誕🎄午餐我哋揀咗buffet由於食嘢唔多又可以每款都試下樣樣試啲就最好所以我哋揀👉重點每一款味道都好食嘅buffet嚟食👯其實款款都好吸引仲不停供應🤩生蠔🦪長腳蟹🦀鮑魚雞粥🐔香煎鵝肝🥩🧁甜品🍰🍧雪糕🍨水果🍍好多選擇而且聖誕節仲有聖誕老人出嚟同我們影相滿足

熱食唔多但夠 有豬手 魚肉 咖哩 同埋 牛肉仲有小丸子🧆 鴨肝多士 🍕🍗炒飯🍛 冷盤有 長腳蟹 螺 生蠔 🦪同埋 蝦🦐 全部都好新鮮 沙律同埋 刺身甜品有 布丁 🍮 牛奶凍 好多細細件cake 所有味道正常無一樣特出 另有 班戟機 自己加楓糖仲有人切既牛排同應節既火雞 🦃️又係味道正常 牛排乾左d肝多士唔夠肥美但lunch 黎講無投投訴總結：早一日打黎有折 折實$291 lunchbuffet有錦多食物 又有生蠔🦪同長腳蟹真係無投訴 性價比算過

去了佐敦紅煙窗食lunch buffet，有鴨肝生蠔蟹腳魚生，$291算抵食。牛算好食，唔會太生，又咬得開。有時食buffet的牛咬唔開吞唔到落肚🤣 雞翼即燒的調味不錯豬腳鹹鹹地幾好味好，好味過成日食的豬腳薑中間的蛋撻好好味，欣賞佢鹹點都係熱的呢間之前去過好多次dinner buffet，覺得佢好有heart，有時有特別的食物出的時候會響鈴叫大家出去攞，不過午餐就冇特別食物。晚餐會輪流出不同食物，午餐由頭到尾都是那幾款。食物味道都Ok嘅，生蠔任攞唔會腥又夠飽滿，三文魚腩好食😋 $291星期六算平，平日仲平，難得咁平都有聖誕氣氛幾開心。見佢有做聖誕buffet，早比錢都有折，可諗諗佢。雖然說疫情關係，應該盡量少出街食飯，但限聚令每張枱只能坐二人，兩個人坐6人枱😅 已經不能坐滿客，酒店都要賺錢出糧，職員都要食飯。大家戴好口罩，勤洗手，注意安全，出街慶祝一下開心開心

嚟得呢度，當然就係要任食生蠔啦😄呢間位於佐敦站上蓋嘅酒店自助餐主打任食生蠔，價錢亦都親民，平日lunch只不過係$318，食物選擇係唔係好多，但食蠔都抵啦🙂.自從上次去北角某酒店食完生蠔之後訓咗三日醫院之後，我都有少少擔心會再出事。但我真係太鍾意食蠔，所以今次一定要黎試吓，我仲食夠兩打，因為見佢refill得好快，蠔亦都大隻同新鮮，唔會唔夠凍咁樣。.其他食物已經唔係重點，但可以講呢度嘅牛扒同雞扒都幾林，係食過咁多間酒店自助餐以嚟最好食嘅😃.炸物例如薯餅都唔錯。呢度仲有鵝肝多士，我本身麻麻哋鵝肝所以無食好多。另外我覺得個白粥幾好食，我好少讚人哋自助餐個粥好食的，大家可以試吓🙃 呢度仲有任飲紅白酒(自己任斟)，甜品有Mövenpick雪糕👍🏻.本身食完咁多蠔其實都擔心咗成晚，不過第二朝精精神神咁起身我就知道今次嘅選擇係冇錯嘅😉

因為打風令我可以去食自助餐，地鐵站沿線，選擇了任食任拎生蠔🦪，不用配給限制的紅煙窗餐廳，12前到達，未開始就相機📷食先👀見海鮮盤 有小龍蝦、凍🦐，生蠔🦪，藍青口！熱食： 鴨肝、燒雞、點心、魚、粉絲蝦、燒牛肉、粉麵檔、燒烤食物！人客吾算多，皆因打8號風球、拎食物不用避😃舒適嘅環境！甜品都有芝士蛋糕🍰，生菓一般吾甜⋯⋯Haggen Dazs 杯裝，埋單每位$240

之前假日間中都會去食自助午餐因為有最愛的蠔同長腳蟹，熱盆雖然不算太多但都不錯~因疫症都有幾個月無去，今日再次去食真有點失望因為原本已不多的熱盆沒有了一半(只得燒牛肉/羊扒/雞扒/鵝肝多士/炸春卷/湯麵/Pizza/薯餅/炒飯)，原放位置變了任飲紅酒及香檳😟我的小朋友更加沒有什麼可以食，所以食了一個多小時便走了(原可食3小時)😑

兩天前在Instagram見到午餐menu，價錢由$128 - $188，跟餐湯，沙律及甜品則是自助形式，頗為吸引。筆者選擇了$148的太平洋岩魚配野菌忌廉汁，百多元的酒店午餐，不可能没有要求，可惜沙律配料實在選擇小。跟餐的南瓜湯雖然味道濃郁，但不夠熱，又冇得添飲，最差勁是跟湯的麵包凍冰冰，大大扣分。到主菜最失望，所選的太平洋岩魚配野菌忌廉汁，兩件魚份量不算小，可惜沒有甚麼味道，加上煮得過熟令肉質變"鞋"。只有最後的甜品選擇較多，味道亦不俗，才令整顿午餐挽回一點分數。但整頓午餐均令我有中伏的感覺☹

#中午自助餐 ⭐️⭐️⭐️⭐️各位#奶茶控 #生蠔控 #甜品控 注意⚠️如果你係一分子，呢個#lunchbuffet 真係可以試試，有任飲港式奶茶同好多種類甜品，連lunch都有埋刺身生蠔，係需要讚既👍🏻⭕️價錢合理⭕️甜品種類多，要試佢#newyorkcheesecake /⭕️刺身生蠔等種類足夠，個人有#三文魚 #生蠔 就已經滿足哈哈⭕️熟食亦足夠，中西式亦有總括來說，呢個中午自助餐抵食總類多，推薦大家一試！

臨近新年～見到自助餐做緊優惠～評價都唔錯啊！即刻book位！對於酒店係會有少少要求嘅。。有好有壞啦！講咗好野先。首先負責個場嘅staff好抵讚，收碟好快手，禮貌有笑容，安排座位都唔差，咁岩今日好多一家大細，輪椅嘅有，小朋友都好多，安排得好好，完全唔會阻到大家出入！非常抵讚！反而係比較senior ge staff 就爭啲啦，我哋7:00入場，食到大概8:00就統一埋單，呢個位冇問題。但係出邊負責魚生ge staff 就已經唔見晒。收錢嘅時候話食到9:30⋯⋯其實我有啲期望佢應該係serve 到around 9點....問佢點解，佢話行開咗。the point is 原本嗰度有三個人。。唔會同一時間都行開晒掛⋯⋯然後上網見到有啲款今日冇出。都順口問下。。佢又好似唔知點答咁。係有啲怪怪嘅！其實負責冷盤嗰邊嘅staff 都好好。真係一腳踢，完全冇停手。唔知今日人手唔夠定係點啦。希望佢唔使咁辛苦！講返嘢食先~蟹腳基本都新鮮。頭幾輪比較大隻，肉質都好鮮甜新鮮，生蠔反而細隻比較好食！除咗有檸檬同埋茄汁提供～記得試埋泰式醬汁！！香香酸辣！幾唔錯！魚生大概有五款，熱食方面有豬手！記得要食即燒牛肉！如果

性價比高，食物種類多元化，冷盤、熱食、刺身、甜品都齊全。新鮮生蠔任食，重蠔味，尚算肥美，不過去到自助餐尾段，就會比較瘦，長腳蟹腳重海水味，味道比較咸，不太鮮甜，刺身種類約5-6款，三文魚刺生肥美，厚身，鴨肝多士入口即化，配上黑醋醬汁解除油膩感，好味，多士會有變化，一開始會配上法包，之後就配上麥包方包，甜品種類豐富，有蛋糕、慕絲，自助pancake，仲有Hagen Dazs雪糕，😋海鮮狂熱自自助午餐值得回本。環境都不錯，有BB櫈提供，但未有BB餐具配合。

第一次在恒豐酒店食自助午餐，估唔到食物很豐食，選擇多，味道亦唔錯，價錢非常合理！當中值得推介是煎鵝肝、生蠔、牛排、Haagen-Dazs 雪糕，生蠔非常鮮味！👍🏻👍🏻👍🏻鵝肝亦美味！😋牛排有牛味！😋杯裝雪糕也是首選！😋總括來說，250元的自助午餐，極之極得推介！💪🏻💪🏻💪🏻

幾年前試過一次，感覺良好，今次捲土重來，一開始當然係蠔及蠔，應該食咗一打，有大有細，蠔味足，供應足；反而其他海鮮就冇試咁多。之後再食烤和牛，肉質嫩滑，除了烤牛亦有蠔。熱葷大部份都好食，如蒸魚，水煮牛，荷葉炒飯等，但就認為食肉種類比較重複，例如烤火雞後，又有咖哩雞及日式照燒雞，排骨亦有兩款。甜品種類算多，但唔係話好貴嗰種，中式得腐竹雞蛋糖水，雪糕就有哈根大師，有杯裝雪糕及雪條。總括嚟講係抵，因為蠔及鵝肝都值回票價！