紅煙窗餐廳

营业中

休息中

疫情期間 佢曾經做個二百幾蚊 都係食呢d野今次380幾數 都係食呢d 野 就真係一般般食自助餐首要食蠔本身知道係紐西蘭石蠔就知都唔會係點特別好金屬味超重 唔係食開蠔 或鯹嘅就真係唔好做勇者雖然係咁講 但實在太耐冇食過蠔 一口氣先食一打開頭6隻 落重檸檬汁 之後實在唔得 佢洗蠔都洗得唔算乾淨 仲有d 汕 同個別有蠔殼 食個陣要小心自己就加d 沙律dressing 好少少啦最好 叫個熱湯 將d蠔放入去焗 焗熟都係咁 唔得最好食係蝦推介 咕嚕肉 即出爐 炸得香酥 汁嘅甜酸濃度啱啱好仲有燒賣甜品 算吧380蚊就。。唔會再黎lu

疫情關係午餐沒有自助餐改為午市套餐，2人收費$488， 頭盤有海鮮拼盤內有即開生蠔鱈場蟹腳和大蝦，三樣都新鮮夠凍，雖然生蠔細隻但好鮮甜，蟹腳肉質結實有海水味，大蝦亦很鮮味彈牙， 餐湯是羅宋湯配法式麵包，羅宋湯用料充足麵包外脆內軟而且仲係熱辣辣搽上牛油十分好食， 頭盤芝士焗龍蝦伴香草烤羊扒或頂級牛肉眼扒， 龍蝦焗得很香很彈牙，牛扒及羊扒煎七成熟亦不錯， 不會太嚡口， 餐後甜品有綠茶紅豆蛋糕配上香濃咖啡，環境清靜慢慢歎食足兩個鐘，真係非常滿足嘅一餐呀!

見到有人推呢間自助餐，帶住期待黎試，個人覺得性價比OK，但係總既黎講食物既品種少，等焗龍蝦既時間需時。屋企人生日帶佢地黎食，佢地都食得好開心既，都係唔錯既體驗。鴨肝係攞得最多既一樣、好香口。食埋haagen dazs完美句號。埋單4xxx/8位

12月29日來吃紅煙窗 連加一$529真心有點失望，之前一直聽好似唔錯就去試吓，可能我比較大年紀真心熱食好少，差不多影晒約15款，最後我連粥都沒有放過來吃… 生蠔任食不過比較細隻好薄身，只可講都叫新鮮不太腥最後食了6隻。其他凍盤蝦同螺都可以。有沙律之類幾好味，刺身三文魚好瘦，壽司反而正常點，八爪魚沒有味道。 幾好味 : 咖喱雞飯夠辣幾香，鵝肝多士叫幾好不太厚身但幾好味，如有醬汁就更好。薄餅一款幾熱脆口幾多料，南瓜同菜都叫2款熱食…好難不好吃，煎堆同葡撻幾好食微溫。炒粉絲幾入味，但不熱。燒牛肉正常不差所以叫了2片。甜品食了七款甜品都沒有失望幾好味，不太甜，幾好味，豆腐花正常。 真心麻麻 : 半隻龍蝦第一次係幾好食不過第二隻已經不覺新鮮，同見住佢燒竟然不熱。燒雞太鞋身。個欖菜骨可以但比較油身，魚肉不太新鮮，好似龍蝦鉗物體不好吃。水煮牛肉真心難食，如有菜心炒牛肉仲好。車仔麵料沒有味道加了辣醬好點。羊腩煲味唔差但肉真係十分細粒。 6點鐘開始，七點多已不太多人出去，我們最後8點鐘離開，冷氣勁凍又冇咩熱嘢食唯有飲熱檸水，真心不是全部難食但不會再想拿的感覺，真係想食的東西就不太值比五百多，而

12月21日食dinner，埋單$529.2，未到聖誕巳加價，但同平時無多大唔同，仲hea咗😂呢間之前去過4、5次，貪佢可以任攞生蠔，但今次生蠔又細又腥！好唔掂！熱食都係知好少款式，但佢hea到水煮牛唔辣冇乜味，羊腩煲啲羊細到搵唔到那個勁咸的明太子燒龍蝦🦞⋯⋯明明燒好了10幾隻都要每次比一個人半邊，比完就停10秒先會俾下一個人，唔係一次半次，係次次都係咁，搞到好多人排隊，狂揼波鐘！仲要勁細，燒完的肉撩出嚟，只大過佢啲凍蝦少少12月近聖誕節巳加咗價，平時邊洗5百幾的，但佢只加了火雞咁大把，聖誕甜品只得個樹輪蛋糕（幾好食），上年12月有幾款好有聖誕氣氛甜品！今年諗住少嘢食都可打下咭，去到真係超失望6pm開場食到9pm，但8pm就開始收嘢，連龍蝦都唔燒！生蠔直情唔加，不過加都可能冇人攞，又瘦又細又腥！真係勁伏！因為無嘜嘢好食，朋友連粉麵都要食😂好後悔冇相信OpenRice的負評😂 其他未去食的人請三思。

前兩個月來食過一次，感覺唔錯，cp值較高。所以12月就再食多次，價錢一人貴咗50，冇所謂，聖誕月都係咁，但最大問題係D嘢食差咗好多，之前生蠔雖細，但新鮮有蠔味，呢次食有少少苦味，失色唔少；之前凍龍蝦任食，呢次龍蝦變咗碳燒，要排隊，一次限半個，其實燒同唔燒完全冇分別，又唔會好食啲，又冇燒熱，其實就係拖延時間，要你等耐啲，食少啲，變相配給，好小家；之前有龍蝦沙律，呢次變咗薯仔沙律；之前的蓮藕湯好濃，呢次節瓜好稀冇味，湯側邊擺咗筒冇咩料嘅粥；熱食之前有清蒸比目魚，呢次變咗唔值錢嘅蒸鯰魚塊；甜品蛋糕品種少，由始至終冇添加，原只蛋糕得兩個，一個芝士一個朱古力，其他就係細細件完全唔吸引！唔明點解價錢貴左D嘢仲差咗咁多，買單一人五百，就D嘢食來講唔算平，選擇少質素差，伏中一次就夠，呢間我就唔會再去了

平均每位五百蚊左右，酒店無停車場，附近個啲都幾地獄下🙈不過整體食物都幾好。有生蠔任拎，其他凍海鮮都幾好，款唔多但大眾化。熟食唔多，未必岩小朋友，甜品都幾多款。地方寬，唔多人，坐得好舒服，員工有禮貌。

今日去到佐敦紅煙窗度食午餐buffet咁佢而家就做緊午市二人以上訂位就（$338）再有七五折。但係其實我喺網上見到好多評價都話佢幾好味，同埋幾多選擇，但係我哋去到嘅時候發現原來平日週一至週四係會少好多食物嘅種類，咁佢較早之前喺訊息度會confirm我個訂位，可以睇到當日自助餐有咩食，見到有長腳蟹、生蠔、煎鵝肝呢啲嘢食，但係去到就冇。後尾問返侍應原來佢話星期五六日先至有長腳蟹同煎鵝肝，星期一同星期四只有生蠔，令我覺得有被欺騙嘅感覺。而且食物嘅味道都十分之普通我諗我下次唔會再嚟！

被過份吹捧晚市自助餐，凍海鮮已沒有龍蝦和蟹腳，只有蝦，龍蝦仔，螺同生蠔其他食物款式都好少，真係好少！唔係唔好食， in fact今日啲生蠔真係ok，但係款真係太少了！唔值得被咁樣吹捧Ps: 冷氣勁凍

買左酒店個380加一package 包一晚大床房一套外國牌子travel set 同2人既早餐set~我地就特登較左鬧鐘落去食由於係平日就少人d 坐得闊落d經理就黎同我地落單 都好細心同好有禮貌Staff都係好有善我叫左西式早餐 男朋友叫左中式中式雞粥味道就淡左 要自己加鹽同胡椒粉我個炒蛋都係冇乜味 要自己加 我個set有埋水果 幾甜幾清新~

今次食既係lunch 時段自肋餐環境一般 , 大約估計50幾張枱左右 ,去到主攻既生蠔要同人搶之餘 , 質素都幾差.....下價野較細同完全唔新鮮, 非常腥 , 並唔係一兩隻係咁,係全部其他凍食蝦呀果d 好一般 , 日式刺身部份叫做不過不失 , 熟食則比較穩陣 , 叫做入到口而唔算好食其中最好既只係飽魚雞粥而已 , 甜品方面都唔見到太多人拎....都係好普通既野, 見人試完一兩件就收皮HAAGEN-DAZS 任食反而成左最大賣點 , 仲要係全部杯裝果D , 可惜味道選擇不多仲等未去前朋友吹奏到呢間話好難book...早成個月都book唔到, 然而比較失望 , 都成 $200中位 既價錢朋友食左70件生蠔以上....又食左10杯haagen-dazs....食完即刻入酒店廁所爆大石 , 生冷野伴住雪糕食咁多 , 痾到佢hihi 369 , 俾人笑到面黃

因為已經冇做Playt 同埋海逸嘅會員，呢排想食自助餐都唔知去邊度好，因為冇左優惠覺得食自助餐幾唔抵。屋企人就推介左我嚟呢間紅煙窗餐廳，話性價比幾高。因為係有人推介，所以已經知道大約有啲乜嘢食，亦都知道佢冇提供生蠔同埋蟹腳。雖然呢兩樣都係我鍾意食嘅嘢，但係佢午餐自助餐都有龍蝦係幾少有。這間餐廳好耐之前嚟過，比我嘅感覺麻麻地，因為比較殘舊。而家新裝修咗，成個感覺唔同晒。而且職員全部都好有效率，收碟好快。比起好多五星級酒店嘅自助餐服務更好。唔會話食完嗰啲碟喺側邊擺着冇人收。其實食物嘅種類唔算特別多，主要係有龍蝦食而且折咗唔洗三百蚊一位，又坐得舒舒服服，啲食客又唔會太嘈，又唔會爭嘢食，而且冇一樣野需要排隊。所以十分滿意。甜品冇專人整pancake窩夫，疏乎厘之類，只有甜品櫃裏面嗰啲蛋糕仔，全個嘅蛋糕亦只有二款，甜品係比較訊息，食返杯雪糕就算。如果想有七五折，記得早一日之前訂位。

好開心🥳朋友同我提前慶祝生日，星期六約會於佐敦恆豐酒店 紅煙窗餐廳 自助午餐， 地方不算大，環境企理乾淨，坐得舒服海鮮方面，凍食 ：翡翠螺不錯、有膏龍蝦，咸咸哋，爽口鮮蝦、青口、蟹腳味道一般、生果： 蜜瓜、西瓜、菠蘿🍍、火龍果、、仲有健康沙律🥗日式：幾款壽司🍣及刺身可供選擇慢煮澳洲肉眼牛扒👍要求薄切，粉色、嫩嫩肉，好有牛味甜品🍮賣相靚靚，tiramisu,芝士蛋糕🍰、jelly, 豆腐花 …小蛋糕🧁 Haagen -Dan’s 雪糕燒烤：🍆子、翠肉瓜、雞翼 ….嘩！有細細塊鴨肝，夾多士 食，正呀😋總結：質素唔錯，仍會再嚟😊🤗

去staycation其中一個最chill嘅環節就係食早餐。起身落樓嘆個早餐，再返上房攤喺張床睇新聞，或者瞓多陣，咁先有渡假嘅感覺🏖(aka錯覺)今次執到個平價late check out + 包早餐package。早餐一共有三款選擇。可能因為係平日，我地早餐包場。落單之後要等20分鐘，我地懷疑廚房已經收爐休息緊🙈佢揀咗一個美式早餐，有佢鍾意嘅麵包。薯餅好脆，不過冇咩薯仔味。款式稍嫌唔夠豐富，如果可以加多一款食物就好。因為平時食早餐太趕，好少有機會食粥，所以我揀咗中式早餐。點心幾好食，尤其係牛肉球。炒麵冇鑊氣，但係乾身少油，落咗辣醬都唔錯。粥就唔啱我口味，比較似係潮州粥，好多粥水。啲米係圓珠形，口感似碎米粥。

係社交平台 自助餐關注組發現到呢間CP值高既自助餐，即刻打電話去book位，午餐係由12點開始，食到2點30海鮮方面，當日就有龍蝦、鮮蝦、蟹鉗、青口、螺肉，整體正常，唔太特別，但就無最期待既生蠔同埋蟹腳😔自助餐必有既即切牛扒，呢到提供既係慢煮澳洲肉眼牛扒，肉質唔韌，亦唔會太生（好怕見到血淋淋）當日最欣賞既係章魚小丸子，每一粒都有舊章魚，比得上出面店買既🤣（我食左四、五粒，haha😝)甜品方面，有多款小蛋糕、果撻、啫喱、和果子、生果，雪糕就提供Häagen-Dazs，旁邊仲有爆谷同軟糖整體來講，食物質素唔錯，亦refill得快，海鮮區經常都見到滿滿既海鮮，呢樣十分讚賞，環境唔係好大，容易Full booking ，所以記得要提早訂枱！😆