紅橋

营业中

休息中

這天要到九龍盡公民責任，之後跑到花墟看看有甚麼盆栽，然後又到吃午餐時間。經過這家餐廳，頗合眼緣，便排隊等一會。這餐廳在這條街較其他餐廳似乎有較多捧場客，相信是食物品種和收費有關。看過餐牌，收費較連鎖快餐店略高些少，但話晒都是餐廳，也樂於接受。主菜加$12還可有餐湯及咖啡，只是小數，當然不成問題。先點了煙三文魚巴馬火腿沙律，因忽然想吃巴馬火腿，淡淡鹹香的煙火腿伴著清爽的沙律吃，開胃怡神，煙三文魚像朵玫瑰，增添這沙律的味道，不太鹹，質素也過得去。有西湯或中湯可供選擇，我選了中式餐湯，是粉葛湯，喝一口，味道濃郁，真材實料，又夠熱。主菜選了西班牙汁芝士焗豬扒飯，焗得熱熨，放面的芝士都溶了，番茄汁與番茄肉籠罩著豬扒和炒飯，番茄汁味道不差，不太酸，很醒胃，豬扒的質素很好，夠鬆軟，醃得入味，飯也炒得乾身，超正！飯後來杯咖啡，不知是甚麼品種，味道是我喜歡的，會再來。

食物很好，尤其西餐，中湯也很好喝。開業以來一直有光顧，午餐套餐可加點新菜式。服務值得一讚是一位年輕女侍應，圓臉，服務態度一流，我到餐廳每一次她都是對客人很細心，包括老人家客人，落單很清晰，手腳也很快。唯獨一位長直髮中年女侍應，對客人語氣重，經常在場上叱喝其他同事；另外一位收銀女侍應，在場上怒駡客人“食果幾廿蚊嘢大x晒” 。我相信沒有一個客人喜歡用餐時聽到職員鬧其他職員甚至其他客人吧，有待改善。

Sunday 跟媽咪行花墟，已經過了午餐時間，下午茶開始，但是我們都沒有吃午餐，下午茶餐牌又份量少，不夠飽！！在花園街兜兜轉轉，經過這間，門口推薦海南雞飯，是媽咪的 favourite，於是推門而入，幸好還有一張枱。當然叫了一個海南雞飯及一個黑松露帶子意大利粉，包括飲品。加$12有紅豆冰，下次再試，看見鄰桌叫了，樣子幾趣緻。這間貌似 cafe的小店，座位不多，但又有海南雞飯，賣相擺設又幾特別，十分受歡迎，有一桌情侶，二人都各自叫了一客，無謂 share。我們在坐所見的，都有五客上枱。

紅照林影焰芳草，橋跨蔚藍踏棉麻，美味皆由勤勞賜，食也享盡少年情。當人進入不停的工作或生活的旋渦後，肚子放空也没有知覺，直到眼前事情解决，黑洞就會在肥大而又軟綿綿的腹部產生出來。此刻的靈與慾是平凡、是自然，記憶是長久和深刻。餐食不要華麗也有深深印象，味道能 圍繞舌尖跑不停！<<紅橋餐廳>>今天的下午茶時段，來了一名空了肚子的客人。他看着餐牌的樣子是‘ 猶豫不決 ’ 四個字，各款套餐都希望點上。最後，他的理性及錢包的重量告訴了解决方案。❛西班牙汁焗豬排飯❜ 是一個不錯的結果。它停在他面前時，像一名剛完成劇烈運動的選手，四周熱氣騰騰， 西班牙汁與碟邊相交之處，爆出多個吱吱叫的小孔，並且噴出飯香。他沒有一點心急，步驟是先品嚐在熱力下柔軟了的芝士，進而推開這大片豬排，使到焗熱後營養更加豐富之蕃茄，與下面的炒飯及上面的西班牙汁糾纏在一起。此刻放到咀内就是美味呀！請不要問原由吧。而豬排也是陪伴者。一杯咖啡加入閒聊，肚子就得到最終最美之慰藉。溫馨提示：店內職員是活力充沛的青年人，注意力可能變動得太快了，有半百年紀的就要給上耐性了。六點鐘之後，會出現等候入座的情景，又是活

行到餓餓地急需補充體力，但附近太子冇咩好食，第一腸粉又食過好幾次。行到去花墟前一條橫街，成條街都係食店，當然5可以放過橫掃一次。食個tea閒閒地都32蚊，隔離紅橋靚咁多，都係多10蚊，仲5使同人迫。叫左個黑松露野菌香煎帶子意粉，盛惠45元連餐飲。有松露既菜都好難會煮得難食，配上煎過的5粒帶子仔，完全交足功課。所以去到太子想坐下，一定會再來呢間個名同環境唔多夾既紅橋餐廳。哈哈，因為環境算係文青風，但個名就似港式或日式。

前晚同男朋友係呢間野到食, 等左勁耐都算, 入到去好似唔休做咁, 落左單問左幾次先俾柸水, 個女人重要口up up 話要水就自己攞黎啦. 真係如果唔係口渴, 男朋友制止, 實要投訴佢.  之後佢重過行一次就踢一次我男朋友櫈腳, 但我覺得佢唔係針對我地. 因為見到佢都不斷踢到其他客既櫈腳. 有D客都有俾個眼神佢, 佢都依然無視到個蛋雞扒飯黎到, 諗住等左咁耐, 終於有得食, 一啖食落去, 件豬好似有浸味,好似變壞左, 俾男朋友試下, 真係怪怪地, 投訴佢地, 佢話雞係咁既味.算喇, 好肚餓, 最多淨食蛋同飯. 食完走左唔夠15分鐘, 真係唔掂, 即刻肚痛, 痾左3次. 以後也不會再食.

一餐好嘅Lunch，不但令人心情愉快，更可以提升工作效率。第時有幸做到腦細的話，一定會比lunch allowance同埋多啲食飯時間同事......發完夢，講番間餐廳先。今日天氣涼涼地，忽然想食海南雞，於是走左去花墟果頭搵野食，行下行下就搵到呢間叫做「紅橋」嘅餐廳。就咁睇個餐廳名同門面，其實唔知裡面係食啲乜野，不過我就比外面寫住「去骨海南雞飯」嘅餐牌吸引左。呢日下午12點10分左右去到，入面已經坐滿晒人，好彩我得一個，「搭檯」就有位，如果係一班人就可能要等一陣了。雖然話坐滿人，但其實呢度本身好細，我個位都係緊緊坐得落(可能我太肥haha)，幾乎同後面客人貼埋一齊。不過呢度雖然細，但餐廳都好有心機去設計，每一件擺設都可以見到心思，只可Lunch時間人多，如果唔係就可以慢慢欣賞同影低。我因為「去骨海南雞飯」($56)而吸引左入黎，所以行緊埋位果陣，已經急不待同侍應姐姐點左餐，而餐飲就要凍檸茶(加$3)。後尾拎番個餐牌睇，發現原來呢度係咩都有得食，蛋包飯、牛角包，意粉之類都有，唔知呢啲算唔算係Fusion菜？坐低後，先黎一杯「凍檸茶」。呢度我想講一講，有時一間餐廳有冇誠意，從佢嘅餐飲可略知

午餐來一個平民蛋包飯🍳有煙三文魚蛋包飯/mozzarella雞扒蛋包飯同樣$58蚊 揀左芝士雞扒😋雞扒上痴住一塊脆脆既芝士🧀蛋包飯賣相不錯 入面既飯底有d似酒樓炒飯🍚

朋友高度評價這間餐廳，我便來試試。這裡食物選擇多，午餐最便宜。午餐有餐湯，主菜和飲品。餐湯可以揀蓮藕湯或忌廉蘑菇湯。味道一般，沒有特別。主菜要了黑松露醬煙肉燴意大利飯，飯粒不太硬，易入口，並充滿黑松露味，口感豐富。但份量好似少了一點。蜜糖豬排骨伴蛋包飯個蛋包飯好好味，蛋和飯都香軟可口，份量好足夠。豬排骨就味道一般，好少肉同細件，碟上有蜜糖，自己決定點幾多蜜糖食。餐飲加了十元叫了一杯經典紅豆冰，外形幾特別，但紅豆係一舊舊係底，上面就一大塊碎冰，味道一般。朋友就說凍奶茶唔得。這店午餐時段坐滿人，幸好我們十一時半就入座，有個靚角位坐，環境尚算舒適。

晚上8點到餐廳門外 要拎票等位雖然等台都要15分鐘 但都值得。。。因為食物真係好味。。。有位女侍應服務態度好好，笑容又好好。。。唔會因為多人而有脾氣 態度值得欣賞值得一提的是： 此店有紅豆冰飲架 而且唔係好似大集團甘用普通膠杯上 用的是甜品碗。。所以都幾吸引客人試

好吃，賣相好，價錢合理，服務態度良好，環境又舒服。值得分享。坐落在花墟和花園街附近，有時候可能要排隊。曾經試過排了半小時，可是這是值得的。不多說了，好東西自然會有人欣賞。

先講卡邦尼意粉：1）味道不錯，有驚喜2）煙肉味香3）菇同煙肉份量多，足料4）忌廉略少以下係all day breakfast1)蛋不夠滑2）餐牌上寫烤雞排，但來到是炸雞排，但味道不錯3）餐單上寫忌廉湯意粉，但忌廉湯完全無味，似食齋意粉，勁難食

琴日去左搵男朋友食lunch，因為佢遲左少少，所以已經變左下午茶時間。冇乜諗法下，佢提議不如再食番紅橋，反正上次食過都覺得唔錯。三點半鐘左右黎到，都有唔少客人。精選套餐有6款，$50-$60，主食配餐湯、熱飲。不過既然有下午茶，我地當然係點平啲嘅下午茶餐，一共有12款，$35-$49，配熱飲。（要飲湯嘅揀精選餐）下午茶餐以輕食為主，例如牛角包、多士、薯角，飽肚野有焗豬扒飯、意粉。西班牙汁焗豬扒飯 $43 (凍檸茶加$3)即叫即焗，熱辣辣。雖然係下午茶餐，豬扒飯都接近平時食開午餐嘅份量。蕃茄汁份量剛好，足夠撈哂成個飯，而且唔會太酸~豬扒厚薄正常，肉質腍身，整體合格！不過男朋友就覺得配料有少少單調，洋蔥多啲、或者加隻蛋就perfect！黑松露野菌香煎帶子意粉 $45(凍檸茶加$3)本來以為會係用大粒啲嘅帶子，所以見到個賣相有少少失望。用嘅係中型size帶子粒，幸好數量都有5、6粒，加上煎過，香口好食。意粉份量不少，軟硬適中，唯食落稍鹹。彩椒色彩鮮豔，味道頗搶，所以有冇松露味就打個問號。凍檸茶 (跟餐加$3)呢兩份下午茶就冇上次黎食嘅驚喜，但配合價錢，依然覺得質素唔錯。

本人先前已經同母親去d度食過lunch, 發覺好好食又平仲要食得飽真係好難得~埋單剛好$100/2人~~~所以e次帶埋父親同妹妹去~~~由於無得book位~好野係多人食~排隊在所難免~menu 其實差唔多, 因為佢好多野食都可以全日叫得, 亦姐係話lunch ge價錢可以食到dinner~~叫左4樣1. all day menu烤雞,黑松露炒蛋,蒜蓉多士,栗米忌廉湯意大利粉包餐飲($52)2. 胡麻煙燻三文魚蛋包飯($55)3. 2個黑松露野菌煙肉意大利飯($65)~其中一個加左$10要餐湯和餐飲e家西餐廳整得好食有好多, 但份量通常少得驚人而價錢要$80以上~但e間真心做得好食有心機又夠飽~~~仲要平~~~一個字: 超好~~~dinner埋單$247小店只係收現金無得碌卡, 結果剛睇完醫生就身無蚊ge我要問父親借住錢找數(之後有還)~~~另小店無得book檯~~~唔鐘意排隊ge你可以叫朋友仔拎飛仔等位先~~~無加一家d度~~~今次食飯無影相, 第一次同母親去食lunch就有~~~

男朋友喺附近番工，所以有時佢都搵到啲幾唔錯嘅餐廳，會喺放假嘅時候同我食。我問過佢，番工喺呢度，放假又黎呢度，唔會悶咩，但佢話冇問題，好過我地放假要留喺屯門同人逼餐死。呢間紅橋本來喺大埔有店，而花園街呢間就開左無耐，男朋友食過幾次lunch都話唔錯，又叫左啲同事黎食，都話ok。可能因為週日，呢度食肆都幾多，但下午時間黎都要等位，唔似平日，基本上都要搭枱。因為我地只係兩位，都唔係等左好耐，安排左最角落嘅梳化位。餐廳唔大，位置唔算好多，裝潢簡約，整體感覺幾年輕。張枱都夠大，所以之後搭枱都唔會話太逼狹。睇左menu，主要係食西餐，意粉、沙律、全日早餐，其中有一款係海南雞飯（男友話呢款普通）令我諗起同區嘅cafe paradise，但老實講，紅橋味道好好多。當日都有6款午餐提供，連同餐湯、熱飲（凍+$3）由$48-$58，價錢唔貴，而整體質素唔錯。餐湯方面，同男朋友每人一款。中湯係瓜湯，夠熱，唔油，亦都冇味精感，幾好飲！西湯都係忌廉湯，飲落唔係好濃稠，但飲得出唔係生粉推出黎，足料。芥茉汁西冷牛扒 伴 蛋包飯 $53賣相唔錯喔，有一塊中等size嘅西冷，加上蛋包飯，唔係迷你的。牛扒好靚就稱唔上，但