紅椰樹 (已結業)

疫情第三波，晚上買兩份外賣同太太一起食，超級中伏，豬扒飯超難食，塊豬扒好比如柴，又鞋又硬，硬到個胃冇朋友，千奇咪試。誰不知太太個豬排金邊粉仲吾掂，我話唔好食硬親個胃, 佢話不要浪費食物，但唔試唔知身體好，一試就把鬼火，擦膠黎架啲湯又無味！

觀塘人都知觀塘東廣場好多唔同嘅嘢食，今日揀左呢間紅椰樹，食東南亞菜。因為宜家主力外賣，我都揀左外賣。分別揀左扎肉撈檬（$55），跟龍眼水，跟咖喱雞配椰漿飯（$60），跟中湯。另外下午茶時間要多份咖央多士（$22），加$10椰青水。撈檬份量方面都幾多架，啲汁係分開上，酸酸味味，本身檬粉又算係爽口又滑身，扎肉剪開左一條條方面撈。椰漿飯嘅雞肉就未算好滑身。個飯跟嘅花生、青瓜、魚乾呢啲好有印尼四大天王飯嘅感覺，集合甜甜鹹鹹嘅感覺。

🌟【東南亞美食】紅椰樹餐廳 🌟之前試咗佢哋嘅下午茶餐，帶咗會好特別嘅蘆薈茶，暖暖的滋潤可口，配上咖映鮮油多，香甜好味，還有一杯青檸黃檸🍋冰，10分refreshing!!!適合而家呢個天氣飲！印尼炒油面，香口嫩滑。越南粉絲，裏面有粉絲，肉碎還有充滿口感咁嘅蝦片，清新得來唔太油膩。平時食開東南亞餐廳一般都好重口味，但係呢間就比較清新，唔多味精唔太鹹，值得一試。店員友善，上菜速度很快，位置也很好找。

好耐都冇食過馬來西亞菜啦，因為疫情原因都好少出去食飯，今日咁啱過咗嚟觀塘，見到呢一間紅椰樹，啲香味幾吸引，最終就決定過來買啲下午茶嘅外賣帶返屋企食。要推薦嘅係個咖央多士，出乎意料地好食，佢口感有啲似奶油多，但比奶油多要香一啲，啲醬好好食，甜甜地幾開胃。另外，家鄉炒米粉都唔錯，入邊有椰菜、雞絲、木耳、甘筍，炒得唔係好油，仲有啲香茅味，成個米粉同埋配菜好夾，會想買多次！再者，仲嗌左杯雙檸水，呢杯雙檸水冇咁甜，同咖央多士夾埋，可以解膩。整體來講全部都唔錯，下午茶好好食同埋幾抵！推薦再嚟多次！！

前幾日熱辣辣，真係唔想煮lunch食，係唔想郁既時侯，朋友打電話黎約我食Tea喎，橫掂未食野緊係好喇。去到觀塘東廣場，地下全層都係好多食店，我地就去左一間食東南亞食物既叫＜紅椰樹＞。佢舖仔細細，簡簡單單幾張枱係入邊，我地坐底左叫左份咖央多士拼香茅雞翼，一份札肉濱海同埋一份家鄉炒米粉。飲品方面就點左一杯 雙檸水，一杯菠蘿梳打同埋凍檸茶。咖央多士拼香茅雞翼 $36首先講份量，出邊茶記多數咁拼雞翼都係俾2隻你，呢度有三隻，岩岩好，我地一人一隻👍，香茅味都好香，絕對唔係隨便掉條香茅既煎雞翼，個邊有整到脆脆地，夠晒香口。跟住就係咖央多士佢呢個就得半份，呢個真係冇得頂，我自己就少食咖央多士既，每次食都係去深水埗既果聞食舖，人地話佢地出名嘛，但我自己就覺得佢地太多咖央，攪到怪怪地咁。呢度既咖央多士，咖央醬唔會太多又唔會太少，份量岩岩好，岩晒我口味。最後仲打包左份返去俾個2個囡爭食😂札肉濱海 $48另一推介，其實就係檬粉放係蝦片上面，再加魚仔乾香蔥肉等材料，加埋老闆親自調較既秘製酸辣汁，口感真係好豐富，由濃至淡，有淋至脆，可惜既係只可以堂食，如果唔係一定買多份返去屋企俾屋企人食。家鄉炒米粉$42呢個都

同朋友經過東廣場搵食，見到有間紅椰樹，就即時試吓啦！這段抗疫時間，最令我留意到係枱上面有搓手液同口罩袋提供，很貼心啊👍🏻店內有很多東南亞美食，時間剛好有下午茶🍵就點左咖央多士配香茅雞翼、扎肉濱海、同家鄉炒米粉。推介咖央多士，裡面有豐富咖央同牛油🧈食落甜甜地鹹鹹地，係我鐘意的味道。扎肉濱海有8小份，每份用蝦片托住凍檬粉同扎肉，加點酸甜汁一齊食好開胃😊吾好睇佢好似好少甘，原來食落都夠飽。家鄉炒米粉有雞絲，木耳，蔬菜🥬材料豐富味道剛好，用幼米粉煙韌有咬口都吾錯。蘆薈茶☕️微甜有很多蘆薈肉，比較健康。菠蘿梳打🍍夏天飲好清新，有很多菠蘿係裡面。

好少寫食評，但呢一間舖頭真係有啲過分。一個越式撈檬$55一個雙拼就要$60 叫咗一個雙拼 蝦餅加香茅雞翼外賣拎到返屋企發現得一件蝦餅 切開兩舊再加兩隻香茅雞翼再加一對少到女仔都唔夠食嘅檬粉又唔係特別好食價錢又貴🌝🌝🌝而且等一個外賣都要等好耐唯一一樣推薦嘅就係杯嘢飲叫咗一杯雙檸梳打 +$10唔太甜同埋好有氣飲晒成杯野同埋食晒成碗面都唔夠飽但係已經要成$70極度不推薦，$70可以去隔離食西餐仲平靚正！！

夜晚九點幾，起附近做完野，仲未食野，落樓穩野食，發現東廣場好多鋪頭都已經收曬工，得翻寥寥幾間仲有野食見到個meun嘅圖幾吸引，雖然老闆都講話炒野都無曬，但都想試下最後嗌左<大蝦冬陰公米粉$58>成碗叻沙都好足料下，大蝦都有幾隻，配菜豐富，湯底重椰香，花生香同麻香，整體唔錯<豬扒撈檬 $55>撈檬配料豐富充足，豬扒大塊又鬆軟，老闆仲剪左幾下方便扯開，個汁酸味甜辣味平衡得幾好，好味<雙檸梳打 $10>用檸檬醬撞梳打水，酸酸甜甜，幾岩夏天飲今日太夜老闆都收爐，下次再試試D小炒先

觀塘東廣場有一間主打東南亞美食嘅餐廳，叫紅椰樹，店子小小，但出品非常認真，味道一流。今日經過觀塘，就嚟紅椰樹買外賣，返屋企同老公慢慢歎。仲係下午茶時段，所以叫咗個家鄉炒米粉配蘆薈茶。家鄉炒米粉炒得好有鑊氣，裏面有雞絲，木耳絲，紅蘿蔔絲，椰菜絲，非常豐富。米粉乾身，調味料入曬味，非常美味。另外叫咗一個牛腩椰漿飯，牛腩炆得又淋又入味，非常高質。椰漿飯更是令我難忘，可以話係喺香港食個最好味嘅椰漿飯。👍椰漿飯充滿椰香，鍾意啲飯夠霖，配辣醬，花生，炸魚仔超香。餐廳雖然唔係好出名，唔係大規模，只係家庭式小店，但係製作好有誠意，值得推介😋😋

這間位於東廣場地舖的小店，主打東南亞特色美食。因為地方比較細，堂食位置不多，外賣比較方便。今日揀咗特色牛腩椰漿飯，配料有花生、小魚仔、辣椒醬、半隻蛋及青瓜，跟餐仲有一個中式湯。牛腩鹵得入味又夠腍，食落唔會嗆喉，將所有配料混合椰漿飯一齊食，香、辣、脆，好夾👍中式湯味道唔錯，好似屋企煲嘅湯，好好飲

買外賣返公司食，當然就要一邊享受美食，一邊享用公司呢個落地玻璃無適大海景既會議室啦🤪🤪。.是日中午外賣購自觀塘東廣場入便既東南亞餐廳。.店長用心推介左兩款美食：.咖喱雞配椰漿飯（$60）- 個咖喱飯香到成個office 都聞到😌，啲同事個個都睇我食咩🤣。 咖喱少少辣好惹味。椰漿飯都要一讚，食落口啖啖椰子🥥香😋。 仲有好多配料，花生、魚仔、青瓜、蕃茄、蛋等。超多料。送既例湯都好濃郁鮮甜！.香茅豬扒湯檬（$55）- 豬扒好大塊蓋住成個大碗🤣，肉質鮮嫩。 檬粉配上牛腩清湯，啖啖牛肉清香湯配上又配菜，好夾！.特別推介： 凍蘆薈茶 - 粒粒蘆薈好QQ,而且聽講係美顏飲品😛.青檸薏米水- 可以清熱去濕，又好飲又健康.整體來講，又健康好味又健康之選。 大家不坊試下。

天氣悶熱，食東南亞菜最合適😄印尼沙律加多加多～「加多」嘅意思就係用醬汁撈埋一齊。沙律菜款式多又特別，青瓜、椰菜絲，還有熟嘅青豆、椰菜花、芽菜、豆卜、薯仔、雞蛋。加埋用「阿參」特製嘅醬汁，帶點甜帶點酸，再加上少少辣，口感豐富，最啱呢個天氣餐前開胃頭盤👍特色牛腩配椰漿飯～椰漿飯兩旁有花生小魚乾，辣椒醬，雞蛋、青瓜和蕃茄，炆牛腩嘅配菜有薯仔紅蘿蔔，食物顏色好豐富，配搭均衡。牛腩炆得夠稔又入味，唔會黐牙，椰漿飯食落有淡淡椰香，連埋魚乾花生所有一齊食，好滋味😋辣椒醬係店家特製，又香又辣，不知不覺中你會清晒所有飯😬跟餐仲有揀咗一支由泰國入口椰青水，凍飲清甜。一個中式熱湯。湯頭鮮甜清香，非一般例湯，感覺到小店的誠意。另外仲要多咗一份印尼蝦片，香脆冇油溢味，啱晒我一路煲劇一路食。雖然係外賣，包裝很穩固，經過長途跋洩，都完好無損。打開飯盒，每樣食物都放得好整齊，抵讚。咁高質素嘅小店而家好少見，真係要幫襯多幾次支持下！

We passed by this restaurant in Kwun Tong and decided to get something for dinner. It was a SE Asian restaurant offering a lot of different cuisines from Malaysia, Vietnam, Indonesia etc. We decided to get their special 特色牛腩配椰漿飯 and 豬扒湯檬. Both mains came with 泰國椰清水 at an additional cost of $10 each.特色牛腩配椰漿飯 at $65Although it was takeaway, they presented the food quite nicely in the box. Look at the big slice of tomato on top of the rice, which was surrounded by crispy spicy dried fishes, peanuts

真心推介各位離依到食飯 必定有驚喜🤩今日同朋友食晚飯，想試吓東南亞菜，於是一齊嚟買個外賣返屋企食～餐廳環境乾淨，而且喺疫情期間，衛生做得好足！所有嘢食包裝得好靚好整齊，咁就食得安心又放心啦😙💪🏻重點係食物超乎意外地好味！味道好地道，喺香港都食到東南亞風味🤩👉🏻牛腩配椰子汁飯（必食推介🙇🏻‍♀️）分數：10/10滿分💯牛腩炆得好入味，肉質好鮮嫩，超嫩滑❤️仲有店主特別配製嘅椰子汁，其他店冇機會食，好特別，味道好夾！除此之外，材料重好豐富，有花生、魚仔、特製辣醬，一個飯有多重味覺享受，口感豐富😋仲有例湯飲呀！真材實料，冇味精，有大大嚿嘅紅蘿蔔，好健康😚👉🏻豬扒湯粉分數：9.5/10 （力推👍🏻）豬扒同樣肉質鮮嫩，仲要超大塊，一啲都唔吝嗇！而且湯粉彈牙，仲有湯底好鮮好濃郁，高層次嘅享受🤩👉🏻自家製青檸飲品+椰汁飲品分數：9.5/10（清涼解渴之選）椰汁健康解渴，青檸都係一流！仲要好多果肉，真材實料，一路食飯一路飲，enjoy🥰

觀塘美食多多，想食正宗星馬菜可以試吓呢間😋由正宗馬拉人親自料理👍🏻全部都係即叫即整，所以人多可能會等耐啲，但味道係唔錯😍🐔招牌海南雞飯 $68角落評分：🌕🌕🌕🌕🌗海南雞係正宗星馬煮法，啲雞會過冷河所以雞皮會比較爽同埋有埋骨膠原🤩雞皮爽口同埋雞肉嫩滑🥰油飯都好入味😋最特別係佢唔係配冬瓜雞湯，而係配中湯😂🍜札肉喇沙 $55角落評分：🌕🌕🌕🌗🌑喇沙就普普通通，湯底唔夠濃郁但勝在啲配料都叫豐富😋而個麵底係幼米粉溝油麵，所以口感都幾豐富🤩札肉都係普普通通☺️