紅椒力量

营业中

休息中

去黃埔行入少少必嘉街紅磡灣中心有間東南亞菜，見佢大間企理光猛，餐牌選擇又多就入咗去試吓，卡位坐得舒服闊落👍🏻主打星馬菜同港式小炒，我哋就叫咗個二人餐兩樣都可以試晒$150有兩款中式小菜，加$30可以轉半隻海南雞，仲包例湯、白飯、飲品，嗰餐豐富得嚟都算幾抵食，例湯有中有西，飲品係普通茶記水準椒鹽肉扒多肉少骨有鑊氣，椒鹽好入味，豬肉夠林，好好送飯海南雞半隻份量都幾多，配三款醬汁，雞髀當然滑，連雞胸都好滑

見呢間餐廳裝修完地方幾大就入黎試下,除左平時茶餐廳既款式居然仲有泰式😂價錢都幾相宜唔算太貴😀《馬來沙嗲(半打) $78》揀左三串豬三串雞,豬肉串燒好好食,雞肉都ok,肉質唔鞋,但個人推薦豬多啲,半肥瘦好好食!!👍🏻《炸絲網春卷 $56》春卷即叫即炸,炸得好脆,調味適中,唔會太咸🙈《冬蔭肥牛湯金邊粉 $66》冬蔭公湯微辣,肥牛既份量都幾多,仲有好多芽菜,唔錯!整體感覺都唔錯,款式選擇多又抵食,食物質素都幾好🙈紅椒力量紅磡必嘉街紅磡灣中心12號地舖[⭐️5分為滿分]味道⭐️⭐️⭐️⭐️環境⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️

今日喺紅磡揾地方 late lunch，見呢間2點已有下午茶餐又幾多嘢揀，一於試試。相比一般茶餐廳主打小食或只有幾樣嘢揀，呢度淨係炒粉面飯已有二十款，仲有泰式撈檬，選擇極多。叫咗星洲炒米，雖然只收$43，但絕對係即叫即炒，上枱熱辣辣夠鑊氣，大大碟配料充足味道ok，唔會因為係特價茶餐而減料減量，抵俾個讃👍🏻跟餐熱檸茶味道不過不失，算大杯同多檸檬。以呢個價錢做到呢個份量同鑊氣，性價比不俗。下午茶時段去到6點，亦不失為紅磡抵食 early dinner 之選。

估唔到茶餐廳嘅泰國菜做得咁高質 ！今日咁啱咪係咁做嘢喺呢邊附近搵嘢食下午茶時間嚟到有好多下午茶選擇泰式豬髀飯份量超級多一啲都唔似下午茶！豬髀唔係好腍但係有咬口啱啱好，連埋膠質滿滿嘅豬皮食好正，滷水味道都好入味，配搭埋旁邊嘅鹹酸菜食完全可以解膩！香茅雞翼見隔籬枱叫咗呢個香茅雞翼好靚仔於是跟住嗌咗瞓，一份有五隻全部都炸得好酥脆，而且好香香茅味，好彩唔會過鹹因為出邊食過有啲香茅雞翼腌得太犀利導致好鹹整體性價比超高而且食物上枱快，超級適合放飯時間嚟食

行過見到新裝修，環境都幾闊落，而且餐牌菜式非常多選擇，就諗住去試下晚餐見到有鋸扒有小菜，仲有泰式野食兩個人就order左泰式二人粉麵餐試下式泰二人粉麵套餐($196)包括兩碗湯粉，小食一個，一碟炒菜，兩杯飲品香茅豬扒冬陰功金邊粉金邊粉一大碗，湯底好濃味好夠辣，豬扒份量好多，而且肉質唔韌，相當入味扎肉雞湯河粉扎肉同平時唔同，好厚好有咬口，而且唔會太鹹，清清地配雞湯，都有泰式味道沙嗲串燒(豬、雞)啖啖肉，唔會燒到好乾，而且有醬汁點下，酸酸地真係幾醒胃，食落口唔會膩蒜蓉炒芥蘭原本以為油菜size，點知黎到係小菜size，好有份量又有鑊氣，都相信其他小炒都唔會失禮

喺黃埔諗住簡簡單單食一餐，喺橫街行2分鐘，見到呢間茶餐廳，都有好多人食緊，咁都唔再搵唔再諗啦，就呢度開餐啦🤣呢度有好多款「午餐」可以選擇，咁揀咗$58嘅 午餐精選「星洲炒米 Singapore Fried Bee-Hoon」，「午餐」包「中湯或羅宋湯」同埋「咖啡或茶」「星洲炒米」有齊應該有嘅基本材料，包括 蝦仁🍤、火腿絲、芽菜、香蔥、紅椒🌶️等，大大碟、辣辣哋又唔係太辣，簡單幾好食🤣揀咗「羅宋湯」同埋「熱奶茶」，大大碗、大大杯、熱辣辣🤩

經過返紅磡附近嘅依條食街， 多咗好多新餐廳， 我今次試咗新裝修嘅紅椒力量， 雖然望落去似普通茶記， 但係入面有好多新加坡菜泰國菜式 🪆 好吸引💕主菜👉🏻黃咖哩雞飯雞肉有香草味，厚身鮮嫩多汁，搭配著濃郁的黃咖哩醬汁，同埋我最鍾意嘅 洋蔥青椒，令到香濃咖哩不失清新嘅味道，so that, 大碟飯 完食 ：）大滿足：）👉🏻炸網絲春捲紅椒力量的炸網絲春捲外酥內軟，口感絕佳。網絲春捲的內餡多汁 一啲都唔乾口，搭配著酥脆的外殼， 同埋醒胃嘅泰式甜酸醬 ，係開胃的好選擇👶🏻👶🏻👶🏻湯品👉🏻木瓜雪耳湯晚市飯餐跟湯實在太幸福了 👶🏻👶🏻👶🏻 木瓜湯飲完會好頸渴，應該味精唔多， 滋潤暖胃，好味又健康👍🏻飲品👉🏻熱檸檬茶整體性價比好高～

今日約左朋友去黃埔睇戲，趁未夠鐘睇，緊係去醫下肚先喇！聽人講黃埔必嘉街有好多美食，我同朋友行到去已經比呢間餐廳個招牌大大隻吸引左，係門口再睇下個menu，已經決定可以食了，因為價錢相當親民。一入到去已經係我最中意既卡位，私隱度好高，唔洗同人搭枱，同埋聽講呢間餐廳重係新裝修架。所以唔怪得個環境都好新淨。呢間餐廳除左一般既中茶menu，重會有西式鐵板扒餐，亦都會有泰式粉面套餐。今次我同朋友揀左中式二人套餐，呢個套餐性價比極高，有中湯/西湯、2款小菜同埋飲品。中式牛柳賣相好吸睛，炒到好有獲氣，而且重有大最菠蘿做配菜，完全係我既favourite！！食落酸酸甜甜，零舍開胃。牛柳唔會過un，食落口感岩岩好。呢道菜既份量適中。魚香茄子煲一上落已經聞到陣陣魚香味，即刻胃口大開，茄子好淋好入味，而且重要食到咸魚架，出面餐廳d魚香茄子煲好少會食到咸魚，非常有誠意既一道菜，用黎撈飯簡直一流。另外，我同朋友重叫左椰汁冰同紅豆冰，兩款口味都係我至愛，甜度適中，下次一定會再黎！

聽個名有「紅椒🌶️」兩隻字，本身會覺得係一間食四川嘢嘅餐廳！見到OpenRice有好多好評😋🤰🏻所以今日收工就同屋企人嚟食餐便飯～————————— ฅ՞• •՞ฅ ——————————🥢冬陰功湯喂勁足料喎！秀珍菇（my fav!) 、青口、墨魚仔、蝦碌，乜都有啲！！每一匙羹都有餸食😊佢哋嘅冬陰功係偏酸嘅配方，唔係好辣嘅！覺得有迎合返香港人嘅口味，有誠意之作👌🏻🥢青咖喱雞扒飯因為我箍牙嘅關係，所以黃紅咖喱就同我冇緣份了！依個青咖喱比出邊見到嘅顏色鮮綠，賣相已經睇落非常之有開胃🤤而且啲雞扒煎到勁香，肉質唔會鞋烚烚😚！入面仲有少少花椰菜🤰🏻🌼抵quota ～🥢馬拉盞炒通菜依到嘅馬拉盞炒通菜相比起出邊食到嘅比較清淡啲，平時出邊嘅馬拉盞炒通菜都係超級鹹🥹但係依間嘅炒通菜又OK喎！大大碟，而且睇落好新鮮，每次食泰國嘢都一定會嗌嘅一款菜式！另外不得不提嘅係佢哋服務態度非常好👌🏻屋企人都覺得非常滿意！而且上菜嘅速度非常之驚人，基本上落完單之後傾兩句偈，已經成枱都係嘢食啦😂😂！見到Menu仲有鐵板同埋其他國家嘅菜式，仲有酸菜魚🐠等遲啲凍少少就嚟試試佢啦哈哈～～～～～

紅磡有好多好食嘅餐廳，話佢係美食天堂都唔過份，而我最鍾意嘅就係帶有異國風情又不失港式特色嘅餐廳。今次去新開無耐嘅紅椒力量，受到街坊嘅熱烈歡迎。食物份量充足，性價比超高🙌𝐁𝐮𝐛𝐮推介🔥👍 無骨海南雞飯香滑嘅無骨海南雞配上香氣四溢嘅油飯，已經令人流晒口水。每一啖都係純正嘅海南雞風味，配上傳統嘅醬料，令人回味無窮🤤👍 鴛鴦牛柳扒呢個港式鐵板餐絕對係重量級嘅選擇😳 牛柳扒整得得剛剛好，黑椒汁帶出咗牛扒嘅肉味。配上餐湯、餐包同飲品，吃飽飽😋📍紅椒力量紅磡必嘉街紅磡灣中心12號地舖

今日咁岩打風，所以趁早餐仲係3號風球嘅時候，就快快脆落街食個豐富早餐，呢間餐廳最近新裝修咗，所以就決定入嚟食！呢度嘅早餐好抵食，全部都係$40樓下，坐得好舒服之餘，服務態度都好好！我哋今日要咗兩份精美早餐，份量好足，所有嘢都幾大份。我哋叫咗個沙嗲牛肉通粉同雪菜肉絲米，我雪菜肉絲米更加免費轉咗冬蔭功湯，唔會太辣，呢個組合幾特別。兩個餐都另外配咗黑松露炒滑蛋拼牛油多士，飲品方面就叫咗杯凍鴛鴦，質素不錯！

今天我要來推薦大家一個超值的下午茶菜式，就是在「紅椒力量」餐廳吃到的青咖喱雞扒撈公仔麵！價格只要42塊，真是超划算！先說說它的外觀，麵條都彎彎曲曲的，跟那綠色的咖喱汁搭配起來，看起來超誘人！雞扒看起來又嫩又多汁，仲好重黑椒味，再加上那鮮豔的青咖喱，整個就很有味道。接下來，我們來試試它的味道！第一口咬下去，雞肉嫩嫩的，青咖喱湯濃郁的味道在嘴裡散開，好多香料的味道，真是超好吃！青咖喱的微辣和椰奶的香甜相互平衡，讓人停不下來。撈公仔麵的韌性和咖喱湯的滋味完美結合，每一口都好好吃！最讓人驚喜的是，這道菜只要42塊！這麼划算的價格，真是超值又飽足呀！

和同事一起去紅磡灣中心見客，之後齊聲話要去食嘢醫肚，因為已經近晚餐時間。行過一間餐廳，紅椒力量燈光明亮，裝修簡潔，餐廳食物選擇非常多元化，中式泰式新加坡菜應有盡有，而且價錢非常貼地，吸引左我哋入去試試！中菜二人餐，包2款小菜、湯、飯、熱飲。老火湯夠火喉，味道清甜。豆腐斑腩煲：斑腩經炸熟後外層酥脆內裡肉質細嫩，配合爆香後的醬汁炒勻，炸香的豆腐超嫩滑，配合爆香後的醬汁炒勻，味道鮮香濃郁！蝦仁炒滑蛋非常嫩滑，蝦仁彈牙爽口，炒蛋軟熟幼滑，加上韭黃和蔥花更有口感。白飯軟熟有飯香。紅豆冰：啖啖的紅豆香加上順滑濃郁的淡奶香，簡直是絕配，用最傳統的高杯，好有懷舊感！凍咖啡夠香濃，冰凍解喝！

餐廳位於紅磡，本來以為係一間普通嘅茶記，望吓menu發現呢度提供多國菜料理🤣 中式、西式、泰式、越式樣樣有齊，款式眾多，價錢親民，環境闊落，燈光明亮，整體感覺唔錯👍🏻泰式二人粉麵套餐包括粉麵兩碗、特色小食、炒蔬菜同飲品～ 粉麵要咗河粉同金邊粉，軟硬度適中，入口滑溜，湯底分別有雞湯同喇沙，個人更推介後者，惹味得嚟又唔會覺得口渴！粉麵配料有豬扒同雞扒，豬扒超級軟嫩，雞扒肉味突出，而且兩款都好大塊，性價比高😍 小食有春捲，六小件，炸至脆身，滿滿驚喜！清炒雜菜都唔錯，樣樣有啲，感覺更加豐富～

星期五唔想再喺屋企煮飯，又想食啲平民價啲嘅嘢，就決定到樓下街坊食堂覓食。落到去留意到呢間餐廳換咗新裝修，就即刻埋去睇吓餐牌，見到有二人餐都係$150，跟白飯，餐湯同飲品，就決定入去。因為新裝修，地方乾淨，燈光足夠，俾人一種煥然一新嘅感覺，餐廳職員都好有禮貌。我哋睇一睇餐牌，就決定咗要枝竹豆腐火腩煲同泰式豬脾，雖然各自都要加$10同$30 ，但係覺得值得嘅，兩樣嘢出嚟都好高質，勁好食。睇來以後又多咗一個地方可以做飯堂啦。