紅椒力量

营业中

休息中

I usually get the satay beef noodles which isnt overly salty. Noodles are also always slightly undercooked, so it gives me some time to finish my fried eggs, ham and toast first before consuming the noodles which will then be at a perfectly cooked state. I also enjoy the hot milk tea which tastes smooth and creamy and doesn't leave a funny and bitter after taste in your mouth. Also like how you do not need to add extra money for them to toast your bread

餐牌裏的晚市套餐相片，碟碟食物都大大件，相信每位男士一定喜歡，一定滿足《 紅椒力量 》在紅磡區算有歷史的街坊食堂，各類餐點大大件，一家三四口特別抵食，使用體力工作者的好飯堂。吉列豬扒沙律：大大的兩片豬扒，比起我的手掌還要大呀！厚度更有約2cm，外面脆粉包裹到密不透風，但肉質屬於瘦身豬、無油脂，所以少咗豬香味，無咩肉汁，都是不太硬的。德國咸豬手：不是太咸。在脆卜卜的豬皮下，仍有煙煙韌韌的脂肪，有咀嚼感，也要花時間品嚐呀！溫馨提示：套餐只有中湯和羅宋湯。今次兩個套餐配搭了洋蔥汁，特濃港式風味呢？

星期六去開紅磡，見到呢間紅椒力量，不如就係度食個lunch。餐廳個名唔知係邊度菜式，原來係做東南亞菜式，即係泰星馬。餐牌有多款選擇，有扒，有泰菜，有小食，有飯，有咖喱，有中式小菜，都有套餐，好多元化。菠蘿咕嚕肉 $65叫咗個小菜，係菠蘿咕嚕肉。咕嚕肉份量好多，整得少少脆皮而無骨，啖啖肉，如果皮更薄同鬆化d就更好。個汁甜甜酸酸好開胃。配有洋蔥，燈籠椒同菠蘿。包白飯，餐湯，咖啡或茶。餐湯可揀羅宋湯或者中湯，我地要左羅宋湯。碗湯超大碗，有唔少蔬菜料，飲落辣辣地，味道調得好好，好開胃，typical港式羅宋湯。白飯超大碗。蜂蜜柑桔 加$10蜂蜜柑桔有一片檸檬，甜度適中，飲落唔太甜。另外叫左兩款小食同兩杯特飲。泰式鳳爪 $55泰式鳳爪份量好多，夠爽脆無骨，配有生菜一片，白蘿蔔片，紅蘿蔔片，同青瓜，都幾辣。馬來沙爹豬牛雞半打 $68叫左全牛都得，好服務。牛份量都幾多，真係熱辣辣燒起，個沙爹汁好正，非常惹味。下底墊有生菜絲。雜果冰 $26雜果冰呈紅色，有雜果同椰果係底，好多嘢食。甜度適中。椰汁紅豆冰 $26椰汁紅豆冰好大杯，真係有粒粒紅豆，份量好多，甜度就較高，配椰汁就剛好。食物選擇並非一般茶餐廳。

此店舖已經幫襯多年，早年無論食物質素價錢相當大眾化，個個星期都會嚟幫襯。但今年年頭食物已有所改變，本來都不是乜嘢大問題，但新請店務員就真係非常之冇禮貌，尤其是中午繁忙時間，工作做唔切就搵啲客戶出氣，因為已經不是第一次服務態度出問題，所以真係要講。今天9月17號剛去幫襯，店舖非常繁忙，見到有張吉枱就坐了落去，點知有個年紀大矮矮哋店員即刻走埋嚟話你唔識字㗎，呢張枱唔做生意㗎！嗰一刻真係火都嚟埋，一間幫襯了多年嘅店舖，請埋啲咁嘅員工，令到一個長期顧客唔再去幫襯，老闆真係要改善一下

有時候會係紅磡呢邊返工，都會周圍睇下附近有咩餐廳同嘢食。今次就嚟到紅椒力量，佢係一間舊式冰室，有港式炒粉麵之外，仲有越式、泰式、西式嘅菜式選擇，好豐富，而且價錢平民化！午餐選擇超過二十款，鹹蓋港式滋味同埋東南亞風情，最驚喜係午餐精選入面有抵食嘅扒餐！不過今日就想試下揀東南亞嘅嘢嚟食！泰式鳯爪無骨泰式鳳爪超有咬口，味道酸酸甜甜，帶少少辣，凍食非常過癮，作為前菜都幾開胃！因為太好味，所以食咗唔少！冬陰海鮮湯米粉冬陰湯係泰國料理中嘅代表，甚至被稱爲「國湯」，今次又點會唔叫返碗冬陰海鮮湯米粉比自己？！湯味道很香濃且微辣，而且係冬陰海鮮湯米粉入面，份量十分足料！包括有大蝦、青口、墨魚咀、菇片特等食材，超豐富！特飲 青檸梳打青檸梳打係一款解渴解熱嘅飲品，好啱剛剛食完辣野之後飲！

紅磡現在食肆林立，多選擇到不得了，但紅椒力量係朋友住附近食過都推薦的一間，那今天就順便搵人再食埋飯。店內很大坐位距離夠濶落冷氣又夠，坐得挺舒服。餐牌又選擇夠多，見到很多中式菜又煲仔菜又泰菜及鐵板，見到都口水流我地中西泰合璧選了豆腐火腩煲，馬拉盞炒通菜同我好耐冇食既鐵板西冷牛扒再加個椰青通菜炒得很有鑊氣，超級惹美，即使說小辣都很好味😋豆腐火腩料多肉質不錯又有支竹，配飯一流鐵板西扒通常都係我首選點的，牛味肉算濃，不會過熟很易切，配埋茄汁意粉🍝非常夾整體來講價錢相宜又坐得舒服😌怪不得朋友都會再encore佢地碟碟都大大份的，我地都食到三分二，都真的好滿足又飽肚

紅椒力量抵食茶餐廳! 舊式冰室+泰國菜呢度晚市好多人,原來有泰國菜食又有茶餐廳菜式可以由上碟睇到幾有心做,腸仔都介花,睇落都好吸引有加分鐵板餐,港式風味,牛扒大大件,加埋司華力腸,仲有水煮蔬菜薯條係粗薯,個汁唔太辣,易入口,鐵板上時出曬煙牛扒有2件!!好抵食,一般都係一件牛扒就算,cp值高牛扒都唔細件架! 有少少黑椒醃過,食起黎幾好食,過下鐵板引份量真心多,仲有餐湯呢~麵包 100蚊有找食港式鐵板算抵了~另一款招牌港式焗豬扒飯身炒得爽,蛋炒飯,再加上傳統既番茄醬汁再焗,如果加芝士會更加香呢~,好食,豬扒都代剪上件,大大盤好抵食紅磡必嘉街紅磡灣中心12號地舖Shop 12, G/F, Hung Hom Bay Centre, Hung Hom #紅椒力量#canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食

這間紅椒力量的茶餐廳，內邊除了有港式炒粉麵，還有越式，泰式及西式的菜式選擇，價錢平民化。上湯豬扒金邊粉大大碗，包埋餐飲只是$38. 上湯清甜，內邊有淋身紅/白蘿白，豬扒醃得入味，煎得香口，肉質鬆軟。泰式滷豬脾飯$51, 豬脾滷得入味軟淋，無骨易食，外皮嫩滑，吃後嘴唇有黏黏的感覺，但可以切薄身一點會更好，配上酸菜可減肉的油膩感。串燒$68 有半打，選了豬/雞各三串，燒得香香，而不乾身，食串燒當然沙嗲醬都很重要，他們的沙嗲醬很香花生味，不錯。

搬左黎紅磡一陣子，發現呢度嘅街坊餐廳，尤其係茶餐廳，真係花多眼亂。星期六午餐，如果無時間去慢慢品味大馬路嗰幾間文青cafe，呢間都算係又平又多選擇。呢間餐廳除左有港式焗飯扒餐選擇之外，仲有泰式嘅快餐。由於我係一個港式茶餐廳人，叫左個焗豬扒意試試水平先。以焗飯/意星期六下午都仲做到51蚊，真心算係咁，豬扒都有誠意嘅，算係大塊，仲成塊上。此外，杯奶茶真係唔錯，茶底味夠，加埋奶都夠滑。紅磡平靚正之選，榜上有名啦！

今日出開嚟紅磡區，同老公去咗呢間餐廳食lunch。餐牌好多選擇，有泰國菜、西餐、中餐小菜，我哋樣樣都想試吓，所以咩都叫咗啲泰式鳳爪鳳爪酸酸甜甜，好開胃，份量都多，好食鐵板帶子西冷牛扒上菜時俾塊牛扒嘅份量嚇親，好大塊😝，配埋啲洋蔥汁幾好食，有大量薯條半碟，食完超飽！海鮮雜菜煲個海鮮煲份量好大，有好多海鮮，有青口、魷魚、蝦，出街好少機會食到菜，呢個海鮮雜菜煲啱晒我今餐食到超飽！見到佢lunch time嘅Menu都好抵食，有機會下次試吓

本身我一直都係openrice嘅cd rom，但係呢一間餐廳我真係要特登為咗佢而寫一篇報告食評。嚴格啲嚟講其實又唔算係食評，因為我想話俾人哋知呢間餐廳嘅侍應個個都態度好囂張又串嘴。本身一入嚟我好聲好氣同佢講“我哋兩位”，有一個阿叔侍應就用唔耐煩嘅態度就講 ”有位就坐啦，唔得閒招呼你哋“，之後一路行去水吧一路念念有詞 ”自己搵位坐低喇，咩兩位啫“，真係當正自己係澳牛餐廳😒之後我哋坐低諗好叫咩嘢食之後，就叫另外一個侍應幫我哋落單，嗰個侍應好似撞聾咁，講咩都要重複一次先得🙄我：唔該我要一個504號餐 ”上湯扎肉湯粉轉檬粉“侍應：加唔加嘢飲？我：凍檸茶侍應：你咁樣加要加十蚊我：照加啦冇所謂侍應：（念念有詞）都唔明點解你要睇咁多menu，另外一個餐牌落就唔使加錢啦我心諗，咁樣你又話我，我鍾意加錢唔得咩？係唔係睇唔起我冇錢先？加多一百蚊我都俾得起呀😒😒😒如果你好聲好氣提我另外一個餐牌落單唔使加凍飲我條氣都順啲，再加上一入嚟門口嗰個阿叔侍應已經搞到我心情差，而家又俾你咁樣串我，真係未食都已經飽哂。唔會再嚟。

今日一家6大兩少黎食飯 服務真係不敢恭維8個人食晚飯800講真對野食有要求的話我唔敢但係咪平就可以侮辱我地呢首先我地倒瀉咗野飲 叫女侍應比紙巾 佢望一望我 擺低左比餸 就走左 我以為佢拎比我啦 點知佢去上飯比我地 再去上埋野飲 再上多一轉野飲 先拎比我 都算喇 我地4個一排咁坐 一個小朋友入面一個出面 條女係小朋友上面上菜 我地叫佢唔好係呢度上 佢又係冇應機 返左去同男侍應咬耳仔 之後個男人就過黎上餸 我地叫停佢佢硬係要係小朋友頭頂上菜 我地話佢佢仲眼超超 之後經理過左黎話佢地啲同事食好難教 我都無語了 我地一路食一路比佢地ber 成餐飯未食就飽哂野食方面 睇相 都對得住一人$100環境方面 近水吧位全程有收音機

中午行咗去紅磡食飯，之前成日經過「紅椒力量」，但幫襯都係第一次。我喺門口睇佢一系列嘅餐牌已覺得花多眼亂🙈，午餐選擇超過二十款，鹹蓋港式滋味同埋東南亞風情。店員非常好客，見我哋頭痕嘅樣子，就主動作出介紹👍。午餐除咗選擇多之外，價錢亦都好相宜，人均消費四五十蚊就搞掂，難怪有咁多街坊幫襯。新加坡海南雞飯($51)，套餐內容好完整🥢，有齊例湯、香油飯同三色醬料。先講海南雞，雞肉好入味，肉質夠嫩滑，雞皮爽而不膩，師傅好手勢🐔，但扣分位係並非去骨，唔啱我呢啲小朋友食，講笑啫，哈哈。🍚油飯令人喜出望外，齋睇色水覺得無乜特別，不過原來勁香，油份適中，飯質軟熟。唔鍾意食飯嘅我都成碗食晒！至於例湯就屬正常水平啦，唔味精嘅。美式什扒($78)，呢個餐係我同事點，大食嘅佢食完都話飽晒🤰。菜式擺盤精美，絕對唔係求其將啲肉放埋一齊。食雜扒可以一次過滿足多個願望，集豬扒、牛扒、雞扒、雞翼、香腸同火腿於一身，切都切到手軟啊。🍕肉嘅質素都唔差，唔係用鬆肉粉醃到過晒火嗰種。醬汁要咗洋蔥汁🧅，幾惹味，分開上可自己控制落幾多。伴菜有手切薯條同瓜菜，唔夠食仲可以加$10要飯或者意粉。扒餐跟餐包同羅宋湯，兩樣都唔馬虎。🥖麵包熱辣

每個星期日早上都會趁早冇乜人去買外賣早餐，佢哋好快手精美早餐：沙嗲牛肉公仔麵加黑松露炒蛋同埋牛油包最後加埋杯熱奶茶都係$33鍾意呢間啲公仔麵唔會煮到過熟一pat pat，每次都係未夠100%熟，咁返到屋企自己倒埋啲湯入去，首先食咗蛋同麵包，口感就會啱啱好！炒蛋同奶茶我都覺得好好味不過留意番每個外賣會額外加$3

是日想吃鋸扒，但友人想吃泰菜，見到呢間餐廳，岩哂大家口味。😹餐廳食物種類多，一般茶記既食物都有，仲有其他菜式。我要左一個司華力腸配肉眼牛扒，配薯菜黑椒汁。包餐湯，友人個set無湯跟，但職員都好好，話送多一個湯比我地，中湯西湯，中湯好足料！牛扒有兩大塊，正常呢類型餐廳都十成熟，但上碟大約八成熟，肉質唔靭👍薯菜有驚喜，粗薯條，薯塊表面有啲蜜糖，好味😋！友人食泰式豬髀飯，豬髀炆到好淋，好入味，份量都幾多！龍眼冰同奶茶紅豆冰