紅伶飯店

营业中

休息中

鵝片好難咬，十分之喊，食完個腎都要出事。墨魚片無功無過，但係唔知點解個價錢可以咁貴，成$100兜，啲鹹酸菜幾好。啲飯啲米黃哂太硬咩事。今次安排咗我出去坐楊枱位置，又熱又焗又漏水，環境真係太差，應該係直接頂咗人哋間舊舖冇裝修過就繼續做。食到好唔舒服，唔會有第二次。其他食物豬紅食完第二日肚屙

係港女既外表下, 其實有個麻甩既靈魂, 我真係好鍾意打冷飲啤酒!!🤤🤤今日就搵左個麻甩FD啤啤佢!! 紅伶飯店好近油麻地站, 非常方便~😍潮洲靚鵝片 ($130) ❤️❤️❤️❤️打冷必食! 呢到鵝片唔會得舊肥膏, 反而係肉多, 係靚鵝無誤!!滷水唔會好咸, 2人份量岩岩好~~蒜蓉西蘭花 ❤️❤️❤️算係比較乾身個種炒, 有D炒都好多汁, 呢個係脆香蒜FEEL椒鹽九肚魚 ($108)❤️❤️❤️❤️依家唔係周圍都有得食啦, 我本人超愛九肚魚!!望落炸粉好似好大舊, 不過其實食落都OK, 放耐左都仲好脆好香蜜椒薯仔牛仔粒 ($138)❤️❤️❤️係蜜糖青椒炸薯仔同牛仔粒既組合, 食落係甜甜, 都唔錯, 同啤酒好襯XD就係咁2個人唔覺唔覺都飲左幾枝, 希望呢D地道小店唔會買少見少~~

好耐冇同老爸兩個人撐枱腳，今日帶佢去食一間潮州嘢，估唔到呢度有兩層，樓上地方相當大，晚市座無虛席，裝修走平民路線，有啲想起以前細個嘅大排檔，不過就係有冷氣，坐得舒舒服服。呢度嘅小菜款式十分多，不過兩個人真係點唔得太多餸，最後點了一個「上湯魚肚肉碎浸勝瓜」（$118 ）和「黑椒牛柳」（ $138 ）。唔使幾耐就已經有嘢食，上湯浸勝瓜質素唔錯，我覺得個湯都幾好味，忍唔住飲多兩啖，勝瓜煮得好腍，索晒啲上湯，很好味呀！加埋魚肚肚肉碎，一啲都唔會單調。至於黑椒牛柳份量都幾多，牛柳好大塊，下低墊住大量洋蔥，黑椒汁好惹味，牛柳肉質還可，唔算太韌。另外我哋仲叫咗乳鴿，雖然唔算好多肉，但係都幾香噴噴，邊食邊講都好享受。享受懷舊風味，兩個人$300到落樓，仲要唔使加一，都算唔錯啊！

熱辣辣嘅夏天除左食壽司冷麵冰品等冰凍嘅嘢打冷都可以算係一個唔錯嘅選擇—————————————————————今次去到砵蘭街搵食有間唔起眼嘅打冷店唔係有人喺門口排緊隊好易忽略佢嘅存在睇門面就知有一定歷史舖頭有樓上雅座面積都幾大但都座無虛席應該食物與素唔錯咁就可以放心點菜啦🤣潮州菜唔係唔食滷水呀嘛所以先黎一碟滷水鵝片鵝片啖啖肉 厚身又唔乾柴滷水香濃唔過咸帶香料味仲有滷水豆腐加花生墊底大碟夾抵食又唔會成碟肉禁膩另一打冷必叫小食就非韭菜豬紅莫屬平時都係一堆韭菜墊底豬紅得幾舊 呢個岩岩相反 超大兜豬紅好有咸香味但唔會醃得太咸咬落有口感且彈牙韭菜作為配菜但一的都唔差吸晒湯汁好惹味又爽口跟住整個辣酒花螺新鮮爽嫩嘅花螺浸透辣酒微帶麻辣中島忍唔住一粒接一粒😋輕輕鬆鬆就清左成碟最後黎多個芥末牛柳粒睇色水應該係wasabi溝mustard完全唔會攻鼻牛柳粒又容易咬再加埋爽甜青椒呢個仲唔係送飯好拍檔😊—————————————————————◈ 辣酒煮花螺 $128◈ 滷水鵝片 $138◈ 日式芥末牛柳粒 $138◈ 韭菜豬紅 $80◈ 白飯 $12

香港潮州打冷舖唔多但係良心打冷舖就直情係世間少有紅伶飯店係我由細到大嘅食堂適逢媽咪今日話唔想煮飯所以我哋即刻走落去醫醫肚.✅潮州鹵水拼盤份量多 有魷魚鵝腸紅腸等等滷水好入味大大碟 作為前菜真係一流✅鵝片認真都幾厚切 鵝肉好正超香咬入去好鬆軟唔會過硬點埋特製醬汁 酸咪咪好惹味✅蜜椒薯仔牛柳粒呢個必點 超正牛柳粒又淋又軟仲好juicy加埋少少蜜糖黑椒勁香薯仔炸到脆卜卜 一樣係甜甜地成個餸都好開胃✅椒鹽鮮魷好有誠意 cp值高 魷魚爽脆外面炸到脆卜卜 椒鹽香口微辣✅蠔仔粥非常多蠔仔 有啲懷疑係食緊蠔仔粥定係炆蠔仔😂個湯好甜 啲飯唔會煮到腍啤啤真係潮州粥口味配埋啲芫茜蔥啲蠔好滋味完全冇食過飯😅✅反沙芋頭呢個又係必食 即叫即整外皮脆卜卜 芋頭好香加埋蜜糖 好似食緊薯片.間打冷舖頭真係難以忘懷每一樣菜色都非常之經典大大碟誠意外加裝修好有港式風味同朋友聚舊好ok

今晚朋友請我去她油麻地屋企樓下打冷，今時今日已經好難搵到咁有歷史嘅「紅伶飯店」，除保留潮州打冷外，炒小菜，煲仔菜….都好唔錯，另外，難得年青店員態度親切又有禮貌🥰🥰滷水什錦 $138滷水什錦樣樣有，最啱我，鵝腸、豬頭肉爽脆、鴨腎、墨魚🦑、紅布腸、大腸入味腍滑，大豆芽都好好味😋😋椒鹽九肚魚 $108酥炸外層包住鮮滑九肚魚，加上椒鹽又滋味又香口👍👍蠔仔肉碎粥（小） $38大地魚煲成粥底，有好多蠔仔、還有土魷魚🦑，鮮味十足😍😍火腩豆腐班腩 $118熱辣辣煲仔，大大件火腩、豆腐、班腩、真材實料，好味道😘😘

#油麻地美食 #小蓮星呑食油麻地🔻 紅伶飯店油麻地砵蘭街10-16號宜發大廈地下D及E號舖///重新開張嘅潮式打冷老字號，以前真係未試過，所以一開返就立即去試吓。/🍴冰鎮芥辣墨魚片 $100好多塊，冰冰涼涼夏天食一流，切得好薄，鮮甜爽口，點埋豉油芥辣真係好似食刺身咁，食唔停口。/🍴蒸烏頭$198價錢要問夥計，都好合理，所以就叫咗嚟試，大大條，熟度啱啱好，魚肉嫩滑，啱晒鍾意食魚嘅小妹。/🍴蠔仔肉碎粥 $38(小)一嚟到勁香，已經流晒口水，蠔仔勁多，充滿鹹香，有埋豬肉嘅甜味，味道層次非常豐富，後悔只係叫咗細碗。/////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

常言道，創業難，守業更難。紅伶飯店老夫妻退休，原以為自始結業，想不到二代決定重開，還比原來的做得更大。新店位置不算難找，與彌敦道只有一街之距，不過入夜後附近的店舖都已關門，漆黑之中只有紅伶飯店的燈火。紅伶飯店佔有兩層，地下一層面積不大，但二樓大得驚人，感覺上好像去了茶樓一樣，人聲鼎沸。多年後首次光顧，除打冷食品外，多了不少小炒菜式。冰震芥辣墨魚片此菜式猶如中式版的墨魚刺身，墨魚薄切，點上豉油芥末，爽脆彈牙，下面有少量鹹酸菜，同樣清酸爽口。XO醬小炒王此小炒王比一般所見的份量更大，亦多了大蝦乾及鮮蝦，加添鮮味。蠔仔肉碎粥 蠔仔粥分三樣份量，有大中小，中份量大概可分兩碗，不算很多。蠔仔粥味道鮮甜，蠔仔細粒飽滿，肉碎芫茜份量平均。

睇IG話紅伶竟然重開係油麻地😨😱話說呢間「紅伶飯店」之前話榮休就執左，而家擇地重開左係油麻地，地方仲多左一層，座位亦比較寬敞。咁多無食，梗係要黎啤啤佢😎😎.餐廳出名食潮州野，但我想講佢小炒都好鬼正，由細食到大都要叫「椒鹽白飯魚$98」，果然同以前質素一樣無得輸，粉夠薄白飯魚大條，少少椒鹽灑上面唔會太鹹👍🏻.再黎個「黃金大蝦球$118」，價錢都無咩點加價，粒粒大蝦球加鹹蛋黃醬汁炸起，邪惡名物呀，真係難以抗拒咁既餸油菜式🤣 炸野真係好鬼出色。.由於佢份量都幾多，加埋飲啤酒同白飯，最後都係決定加多個「火腩豆腐班腩煲$118」就差唔多，呢個真係要好鑊氣先查到，火腩同班腩要炆得靚又唔爛，火候好緊要😎最後加埋個千層豆腐好完美。.重開位置好近油麻地地鐵站，又方便又大間抵食，以後成班frd真係要黎啤啤佢😙

* 潮州靚鵝片 (HKD138)* 潮式大眼雞 (時價)* 潮州春菜 (HKD70)* 蠔仔肉碎粥 (HKD38)👩‍👧喜愛程度: 💛💛💛💛/5身為一個潮州妹，成日外食都會想去打冷😅 係網上見到這間以前很受歡迎的打冷今日重開，而且是家庭式經營充滿人情味便決定到訪😌 潮州打冷之中，我最鐘意就係食凍大眼雞🐟，平時我會蘸少少普寧豆醬，鮮甜味美。這裡的凍魚雖然肉質較實，但魚味夠濃，送白飯/潮州粥一流🍚 滷水鵝片亦十分出色，鵝片比鵝肉更加啖啖肉，鵝片肉質鮮嫩，滷水汁調味適中不會過鹹，墊底嘅豆腐吸收了滷水汁變得入味，花生都炆得夠淋🥜 另一道打冷必點嘅就係春菜煲。通常春菜煲隔一晚再吃會更加入味，而哩度唧春菜炆得由鬆又淋，吸收了腩肉的肉甜，非常好吃😋 整體來說食物質素高，價錢合理，服務態度和環境也很不錯👍🏻 期待下次約多d朋友再來試下其他食物!

呢晚收工想食滷水野，咁岩有個同事都有興趣！！！所以我地就一齊過左黎呢間重開既打冷老店我地坐係上層，食到一半已經坐無虛席呢度既馳名滷水鵝當然要叫上一份，另外再要多一份什錦share一份大概係四份一既份量，鵝肉肉質紮實而入味鵝肉之下有滷豆腐同滷花生墊底另開附上酸汁，點上後進食更覺開胃而滷水什錦就非常豐富，可以一次過嚐到各款滷水菜式既味道自己特別喜歡生腸同鵝腸既爽彈之感附上既醬汁味道帶辣，令滷水更為惹味同事話要減肥所以唔食澱粉，而我就一於少理，要返碗白飯下菜除左有出色既滷水之外，呢度仲有好多不同種類既菜式小菜見到有不少人都有點炸物椒鹽既菜式，賣相都好吸引，下次要叫多幾個朋友一齊黎試下先得

懷念老香港味道，於是去咗位於油麻地嘅紅伶飯店食正宗潮州打冷。一入鋪頭就感受到熟悉嘅舊式潮州打冷鋪氣氛。平日晚飯時間去，全院滿座，熱鬧非常。試咗餐廳嘅馳名滷水鵝、椒鹽鱔球同蠔仔肉碎粥(中)。先講滷水鵝，鵝肉肥瘦適中，滷水汁已經入哂味，但唔會蓋過哂鵝嘅香味。墊底嘅花生同滷水豆腐更加喺食到停唔到口。椒鹽鱔球炸得香脆可口，椒鹽嘅咸香，加上嫩滑冇骨嘅鱔肉，口感豐富，值得推薦。至於蠔仔粥，叫咗中size，不過都已經好大碗，足夠2-3人用，而且十分足料，有大量蠔仔、魷魚、肉碎等，鮮味十足。。。紅伶飯店油麻地砵蘭街10-16號宜發大廈地下D及E號舖。。

潮州菜一向都好香港人受歡迎👏 呢一間知名嘅紅伶飯店 曾經瘋魔一時 呢而家重開人氣爆棚‼️😱 xxg晚飯時間去到人流湧湧😶 等咗好耐先有得入 一睇就知好多街坊熟客😝▪️8/10▫️<< 避風塘瀨尿蝦 >> $168 份量較多 瀨尿蝦仔肉質鮮甜爽口 配上大量炸蒜粒同避風塘香料 爆炒得好有鑊氣 勁惹味😋▪️8.5/10▫️<< 酥炸脆皮大腸 >> $128 超級推介🥰‼️ 大腸炸至外皮超級鬆脆 內裏脂肪十分軟嫩 夠晒肥厚 咬落卜卜聲有啲感 食落超級香口 點埋自製嘅醬汁 極夾😍▪️7.5/10▫️<< 啫啫雞煲 >> $108 上枱香氣已經噴晒上嚟💨 可惜冇咩渣渣聲 雞煲醬汁濃郁 醬油味較重 雞肉唔鞋 但份量較少🥲總括而言呢間飯店重開後味道冇走樣 但價錢就貴咗🤭 食物好有鑊氣而且好友潮州風味 可以稱得上係高質打冷🤔 如果每碟份量再多番啲就Perfect🤩

潮州美食分別有高檔的，亦都有平民化，不過個人比較喜歡平民化的格局，今天便來到油麻地一試。這裏雖然平民化，不過如果想吃飯，記得要訂枱，因為到了七點之後，差不多坐滿了人。馳名滷水鵝，例牌$130。這個滷水鵝基本上差不多每枱都點，所以點了一碟試試。滷水鵝肉的鵝味鮮甜，滷水不會過鹹，反而有醬油的香氣。值得一提的是：這裏的蒜頭醋內有辣椒絲，酸酸辣辣，可以減少油膩感。豉椒蒸魚雲$128。魚雲沒有腥味，只有鮮甜味，加上豉汁的香氣，便成了地道的小菜。潮州蠔仔粥，細碗$38。這個蠔仔粥，不用加胡椒粉，便可以進食。蠔仔味道鮮甜，加上有魷魚絲的香氣，和肉碎的味道，是一個正宗的蠔仔粥。

五十年不變打冷「紅伶飯店」重開🆕所以就去試下😜😜.馳名滷水鵝🦆滷水汁味道甘香唔會過鹹😋😋但鵝肉嫩滑程度一般，而且大部分偏肥😢😢😢有幾嚿都無肉，比較失水準😔底下嘅花生同豆腐普通🥜唔入味🥺🥺🥺.避風塘茄子🍆用咗炸蒜🧄🧄辣椒作主要調味🌶️🌶️食落好惹味可口🤤.馳名煎蠔餅🦪🦪蠔餅新鮮炸起，熱辣辣🔥口感鬆脆😆蠔仔都大隻👍🏻份量都幾多😌😌不過附上嘅醬汁過鹹