影片
364 浏览
上星期三经过交加里，见到有新食店开张，小肥就当然要去八吓啦 ！当日喺「纪文」门口影咗两幅相，就顺便攞咗张外卖纸准备星期四同公司同事试食。「纪文」附近有好多学校，为免同学生们逼，我地星期四中午十二点前就已经打定电话落单，外卖自取。接电话𠮶位姐姐仔好好礼貌，听声已经觉得佢好落力，我地改咗几次食物佢都毫无不满，真系值得一赞 ！XO仔五分钟内落到去「纪文」舖头，见未有其他客人，食物又未准备好，所以就再影咗几幅相。「纪文」店内非常光猛，干净企理，不过一张櫈都冇。门面有位姐姐仔负责收银，其余有五个伙计喺厨房入面煮野食，比食物小弟时更细心问到要几多份餐具；快餐店都有咁好招呼，真系难得 ！餐单列名，外卖冇额外收费，叫套餐仲有小食送添，小肥就叫咗一份滑蛋鸡肉饭套餐： 滑蛋鸡肉饭（$39）：滑蛋其实做得好合格，而且饭粒肥大软熟，可惜主菜之鸡肉出咗事，因其肉质犹如罐头鱼一般「削」，好唔掂 ！ 面豉汤：面豉汤超咸，加咗成碗水都冲淡唔到 ！ 蛋小食（免费赠送）：涷食o既蛋小食味道带甜，爽爽地，OK啦！「纪文」属快餐店，主打日式关东小食、炸物、咖哩、饭、乌冬、荞麦面。舖面较细，且冇櫈，故此食客多以外卖为主。虽则服务生勤奋有礼，但最重要o既食材及味道水准都颇低，价钱又唔系话平，XO仔情愿去其他食肆觅食啰 ！
继续阅读