糙米家

营业中

休息中

平時日日出街食飯，食嘢總係唔健康，但番工咁忙又真係冇乜辦法，最近係上班地方附近搵到一間好適合想減肥的女士同健康人士既飯堂，就係糙米家。故明思義佢的飯係煮糙米飯俾大家食，亦會有蔬菜伴碟，已經健康左一半。但今次想介紹的係佢嘅沙律。/烤雞肉糖心蛋沙律🥗有啲人抗拒食沙律驚唔飽，不過只要配返足夠嘅蛋白質就冇問題，這個沙律配了烤雞扒同埋一個糖心蛋，夠哂蛋白質唔會話好快我，另外仲有一片蒜蓉包，啱晒實行緊低醣飲食嘅人士。最緊要係佢好食，而且沙律菜都幾新鮮。係現在每星期都一定會嚟食一次的飯堂。🌟😎

A great casual place for those who crave for simple and healthy Chinese food - personal favourite is their healthy cooking series which is actually a big bowl of veggies and shredded chicken/fish with mixed brown rice or rice noodles🍜一段時間無黎好似加咗價🤫這次試了蓮藕蝦餅 煎到香脆🦐連埋蔥油拌飯 幾好食🍚想吃的比較清淡可選健康煮系列蔬菜份量特別多 有津白菇和節瓜🥒無骨魚塊嫩滑 稍微有用胡椒和鹽醃過所以不會淡而無味吃完感覺很舒服又不會口渴

11：30am 去食午餐，是完全沒人，好似包場的感覺🤣 叫完餐之後10分鐘左右就有得食👍 第1眼望到的份量令我驚訝，塊雞排有我手掌的大小，蔬菜量都不少，好適合要均行飲食

夏日炎炎，唔想食煎炒煮炸又唔想淡茂茂第一時間就諗到食海南雞向灣仔比較少見有海南雞飯食好食就更少…好食仲要無骨就少上加少～雞好嫩滑，浸得剛剛好一點都唔鞋油飯帶淺黃色，粒粒分明帶油香又唔會油淋淋當然唔少得三色醬，黑醬油香濃、辣汁帶酸、薑蓉，非常醒胃！要3款醬夾埋個雞一齊食！！再叫左瑞士汁滷溏心蛋、酥炸杏鮑菇做小食溏心蛋外Q內嫩、杏鮑菇清新唔油膩飲品點左特飲熱情果梳打酸酸甜甜再加上檸檬清香，仲有啖啖什果

糙米家一向是我其中一個最愛，抵食、健康、多選擇。.糙米飯、沙律、湯飯、湯米線、素、雞、豬、牛、三文治都有。.今次剛好六點前去到，可以食下午茶。😊.因天氣熱，這款冷拌麵就正中我口味。加上配我喜愛的🐷豬頸肉，$50，還包一杯牛蒡茶，叫！.下午茶餐: 胡麻醬拌麵配🐷豬頸肉 包熱飲 $50 ⭐️⭐️⭐️⭐️.胡麻醬可能不夠多，不算太食到應有的香味。同時好的地方是豬頸肉夠多。好味。😋😋.個下午茶餐還包一杯熱飲，奶茶咖啡周圍都有得飲，而牛蒡茶又同價，當然要牛蒡茶，健康些。杯牛蒡茶不會太過甜，又有牛蒡、紅棗、杞子，推介..另可加$12要小食。😊.蓮藕蝦餅糙米飯都好推介，忘記影相，是兩件蓮藕片夾著中間蝦餅，有4件，味道好，有少少油。總體還是推介。

成日上網搵食, 夏天想食D 小清新 . 上網打灣仔健康食店, 就出咗呢間糙米家.  如果自己搵一定搵5到呢間野, 因我係九龍人, 灣仔機利臣街我5知道都有幾多野食WO . 入到去咩都想食下, 見網上講最多係佢地既沙律 同糙米飯 , 當然仲有D 健康煮. 但我地只有2個人 , 於是叫咗個煙三文魚沙律同蓮藕蝦餅糙米飯share. 見到蓮藕蝦餅即刻眼發光,  呵呵 ! 我勁鐘意食蓮藕蝦餅 , 但依家真係5係好多地方有得食, 自己整又太煩 蓮藕蝦餅 ~ 超好味~~ 蝦餅蓮藕炸得啱啱好 5會好硬又5太油.  最最鐘意係加埋蔥油, 真係淨蔥油我都可以送一碗飯. 煙三文魚蟹籽蛋沙律~ 比我想像中大碟 , D 菜係爽脆既, 三文魚搭蟹籽蛋沙律 係GOOD IDEA  , 因平時食三文魚沙律, 仲係覺得寡寡地, 依家加埋蟹籽蛋沙律, 令到口感濕濕干干貢, 令到食沙律都有多重口感. 佢地用日式芝麻醬 OK , 如果有得簡醬 就好啦, 我係比較鐘意 沙律醋, 用埋沙律醋就perfect依家疫情之下, 好多小舖都捱5住, 希望你地撐住香港係要有心機食店

平時超多人排隊，想食都未必有時間等位可能因為疫情，公務員HOME OFFICE無咁多人先有位入去食天氣熱死辣辣，當然點沙律係灣仔金鐘食沙律，至少 70 幾 80蚊依度 50幾蚊就有得食一碟三文魚沙律，勁大碟食完超飽～～仲可以 加碼 加小食個蛋沙律好有心，唔係求其 用街買的沙律醬，有自己調味成個沙律，有蕃茄仔、青瓜、粟米、沙律菜，樣樣都啱我今次淨係食沙律我見MENU有糙米飯 & 湯飯，下次要試下招牌牛蒡茶，今次無試到，因為太熱，飲凍檸茶不過，唔知啱唔啱我飲呢～最近，間鋪推優惠，指定午餐買一送一，堅抵我一個人食唔到兩盒要搵同事夾去買疫情夜晚有開放工買個外賣先返去，費事自己煮～

比較鍾意堂食，不過依排都要食下外賣！外賣要食好D、都要食健康D～（糙米家）係我既飯堂！要清清地食個健康煮又有、夏日炎炎無胃口食返個沙律又有、食肉獸雞扒、豬扒飯又有！一般餐廳通常係澱粉質＋肉，想要多條纖維都無....依間除左係糙米飯之外，個飯一定有蔬菜！返工做、做、做....有時都想食得邪惡D今餐食返個香口蝦餅飯蝦餅用蓮藕夾住，配上勁香口蔥油！（爬飯岩晒）今日爬左咁多飯......聽日lunch要食返light D！！（佢地個煙三文魚沙律都係愛食頭3位）*

日日食到大魚大肉都唔知食咩好，今日真係想食得清淡啲，於是揀咗間看似幾健康嘅舖頭仔-糙米家試吓先聽到個舖頭名都覺得幾健康，大部份嘅菜式都可以揀糙米，仲要特登有一個健康煮系列，配合注重健康嘅小市民<金湯南瓜健康煮$58>既然今日諗住食得健康啲，索性叫個金湯南瓜健康煮湯底係南瓜湯底所以黃色嘅，南瓜味都幾濃，非常之清香仲有好多菜添，翠玉瓜幾爽口，仲有雜菇、椰菜同埋芋絲添雞柳都唔少㗎，食完真係超級飽肚間唔中想食清淡啲，可以嚟糙米家食下健康煮系列

返工間唔中想食下啲清淡野，上網搵到呢間餐廳主打清淡健康，多菜少肉，就諗住試吓啦～餐廳都算多人，大部份食客都係女士。 我就叫左呢個泡菜雞絲湯飯，係糙米飯嚟嘅～ 可以睇到真係好多菜，仲有瓜。另外仲有泡菜同埋肉絲，啲肉絲份量都真係幾少。味道雖然係泡菜湯底，不過都係比較清淡啲，但係又唔係完全冇味嗰種。所以整體感覺都比較健康，份量我覺得岩女士，菜就真係比較多。不過男士來講應該會唔夠飽啦佢而家仲另外有得加$12換一個小食，我就叫咗醉雞翼（不過冇影相）味道不過不失～

來到糙米家，當然要試佢個糙米飯，午飯時間好多人食，尤其係OL，不過眼見通常佢哋係食米缐😵份量也幾大碗，但我第一次食這間，先試佢主打的糙米飯先，下次再試佢個米缐🙂叫了個南瓜雞扒糙米飯，不到五分鐘就上枱，適合趕時間的人食🤭南瓜汁甜度適中，用來送飯正，雞扒略嫌切得太大舊，可以切細舊啲會方便進食一點，至於肉質不夠嫩滑，但味道不錯，飯的份量個人當得適中，唔會過多浪費，又不會過飽，伴碟有不少的蔬菜，飲食均衡👍🏻值得光顧

之前見到有個foodue推介呢一間餐廳嘅泡飯 見到佢個南瓜湯超吸引 所以我就同同事lunch time嚟咗試😍😍但係因為我本人唔係好鍾意泡飯 所以我就轉左做米線 點知超有驚喜🤤🤤·金湯南瓜雞絲健康煮配米線 $53佢一上台俾佢Menu張相更加靚😂😂係真係超多菜 同埋都幾多南瓜蓉 我自己幾鍾意🎃佢啲菜全部都幾新鮮 幾甜 而且真係食極都有 超開心🥳佢個雞絲都係好嫩嗰種 唔會好柴 不過我份人唔健康啲 我覺得雞絲太健康啦 如果佢有得揀雞扒我會更加開心 之前我食過佢個雞扒飯都幾好味架😋😋·📍北角七姊妹道14-16號地舖📍灣仔機利臣街4號地下

同先生幾乎每個星期都会吃一餐的地方。味道不算驚人，勝在健康。最愛就是他們的健康蔬菜煮系列，有好多好多蔬菜，泡菜味湯底稍微有D鹹，喜歡味噌蛋花湯。先生最愛他們的雞排煎蛋饭。系灣仔晚餐兩個人唔駛150蚊算抵食啦。

第一次寫食評，呢間鋪我同班同事都幫襯左好多次，但係以後唔敢食啦晏晝去灣仔糙米家叫左煙三文魚沙律食，價錢50幾蚊，諗住夠快，但是可能由於啲食材太新鮮既關係，我已經食左一大半，才發覺有條黑色既蟲仔響我碟沙律菜度郁下爬下，初初以為自己眼花，點知望真啲，拍埋影片，真係一條肥黑蟲，好核突呀⋯仲話換第二兜比我，咪又係一樣戈啲菜⋯⋯⋯即係啲菜根本無洗過啦！即刻唔食走人，太嘔心啦🤢真係唔好彩，撞著呢啲野，寧比人知莫比人見呀嘛！食物算新鮮，落左沙律醬，唔會乾爭爭，只係肯定啲沙律菜係無洗乾淨，所以食食下見到條肥黑蟲！跟住都唔敢再食，服務員話換碟比我都不要了，因為都是同一批沙律菜。

蓮藕蝦餅配肉燥糙米飯 🍚- 個蓮藕蝦餅係必食之選 食落去口感幾特別 又爽又淋淋地 味道都夠 只係食完有小小口渴同埋有啲油油地 但係再食呢間都會再encore 蓮藕蝦餅除此之外 仲食咗個鰻魚滑蛋糙米飯 呢個超好食 鰻魚真心冇得輸 如果再多對紫菜就更好食 太好食既關係 我通常都可以一口氣食哂成碗 😂😂食糙米家係健康之選 啲野好食又平民價 同埋店員態度唔錯 不過lunchtime 較多人排隊 要食就趁早小小去排隊喇