糙米家

营业中

休息中

有同事提議Lunch想食得輕盈D，所以去左呢間糙米家。中午去到都幾多人等緊，好彩去到早同佢翻桌率幾高下，等左一陣就好快入得去。不過食完出黎到左Lunch Peak Hour，排緊隊既人多左好多。如果下次再黎食，真係只有早冇遲去食啊～原本聽到呢個餐廳名，以為得糙米飯食，仲諗緊點輕盈法。不過睇完menu，原來有埋沙律食。同事大推沙律，話好大份好好食好飽肚。聽完，心郁郁，跟住一齊嗌左個烤雞溏心蛋沙律同埋煙三文魚蟹籽沙律！結果黎到時，我都嚇親。真係好大份，唔可以用沙律黎形容！滿滿既生菜，配上好厚實既雞排，半隻溏心蛋，加埋D 車厘茄青瓜同一塊蒜容包，跟餐仲有熱飲飲，真係好豐富！！雖然係沙律，但完全飽到同食左個中飯一樣。佢比中飯好D 就係佢比較健康D，吸收好多纖維～雞扒食落都幾嫩口，而溏心蛋就正正常常冇咩特別。醬汁係用日式芝麻醬。如果想再健康D，係應該將個醬汁減半。同事食既係煙三文魚蟹籽沙律～佢有嘗試過想換其他醬汁，講左比待應聽，但最終都係上番日式芝麻醬。可能Lunch Peak Hour難D 安排掛。好彩同事都冇話好抗拒呢個醬。配菜同烤雞沙律一樣，只不過主菜變左煙三文魚。蟹籽佢都比得都幾唔客氣，

今日lunch同同事食lunch 一直心思思想試糙米家 但次次見到條人龍就放棄左 今次決定早d嚟到 避開人朝😛😛😛我同同事12.去到 吾洗等就入到🥳🥳 我就叫左個烤雞蛋沙津 同事就叫左健康麵線😋沙津材料好豐富😍 有溏心蛋 大大塊ge烤雞 蕃茄仔 青瓜 紅蘿蔔絲 海量的生菜😝 烤雞醃得好入味 蔬菜🥬亦都好新鮮 食落好fresh 但個人就認為日式芝麻醬太多 令到個沙津有d重口味😳😳 整體分量好夠 食完好飽💕 下次食一定會叫醬汁另上🥰🥰🥰推薦: ⭐️⭐️⭐️⭐️⭐️

有位同事堅持今日中午要食到飯(唔要意粉拉麵)，又唔想食茶記，日本菜又冇興趣，一直走了十幾分鐘覓食🤦‍♀️，直到一間色彩繽紛的餐廳，食物飲品花款多，肯花心機搞不同醬汁，搞不同地方的菜，這已十分惹人注目，想停低試菜，亦是值得一讚之處。雖然等了廿分鐘，但坐下幾分鐘就先後上好所有菜了。其他位都抵讚，加+$12有飲品連沙律，沙律份量好大，夠兩人份，芝麻醬夠酸甜。食物不會太咸，頗健康，擺盤可見有心機。可惜食材質素和口味很一般，沙律菜🥗還好，肉類不太好，我的雞扒雪味好重，同事的魚肉肉質很一般，米飯太冧和不香。我想是將貨就價吧，畢竟要大份。但這令我對這𥚃的印象大打折扣了🤦‍♀️，恐怕難令我回頭。平民想食啲蔬菜，食得健康，而且夠飽，這𥚃是個不錯的選擇，但不要期望很好吃，別以為跟那些chillchill有不少外國人的餐廳裡的沙律和主食一樣走精緻路線😅😅

今晚想食得健康一點，獨自去了灣仔的糙米家。顧名思義這店當然主打糙米飯啦，是時下流行健康飲食的選擇之一。這家店子不算大，識食的人都唔少。獨個兒找了一個面壁位，自成一角，暫且脫離一班人群，有點出塵之感。點了一個【南瓜雞絲健康煮】$49，再加一杯【自家製牛蒡茶 】$4，一睇就知絕對夠健康。南瓜湯底好香濃。雞絲是白肉，是營養師首選的動物性肉食之一，含高營養蛋白質。糙米雖然口感跟大米比較是粗一點，其實絕對不難吃，嗦了南瓜湯更易入口，咀嚼多一兩啖來換取健康一點，何樂而不為?$4一杯的牛蒡茶絕對好飲又健康，可以增強心血管健康，補肝又補腎。還有紅棗補氣血。都不明白啲人點解寧願去花三四十元，還要排隊買那些甜到死的台式飲料?

一個人在灣仔吃午餐。沒有目標，行到那裡找到合心的就一試。經過糙米家，想起幾個月之友人在IG post的晚餐，並有讚健康又美味。門外有十多人在等位，便打算加入排隊大軍。幸運地，一位不用等，立即被帶入座。我亦識趣地快快落單。等了好一會，食物還未到，心感奇怪。這種地方沒理由要等這麼久，還以為是接得太多外賣單，等了近二十分鐘後問店員，才發現漏單。重新落單後，食物一分鐘上枱。看著我的南瓜雞扒糙米飯，沒甚好感。餐牌上的圖片似鮮南瓜茸，眼前的卻是橙黃色的汁。上面的幾粒南瓜是凍的，可能是沙律用的。旁邊的椰菜和西蘭花也是凍的。醬汁有南瓜味，但較似低質素的南瓜忌廉湯，最大問題是不熱的，只有微溫。飯沒想像中的咬口，糙米比例不多，說服自己太多會難消化而原諒它。飯偏濕但不算太腍。雞扒醃得太鹹，唯一可取是份量夠多，有三大塊，但個人認為貴精不貴多。索價$52，我猜食材佔不到$10。不算難食，但實在很失望。想不通為甚麼會一直有人等位，在我而言，等一分鐘都嫌多。

之前係灣仔返工，都會成日黎糙米家食飯，鍾意一大班同事黎，因為有米線，沙律，飯，岩哂唔同口味，尤其係on diet 嘅都好岩黎，因為佢嘅沙律選擇多，而且好大碟，仲配搭豐富！ 今日經開灣仔又突然好想食，因為我好鍾意食糙米，一來食起上黎比較有口感，二來佢升糖指數低，冇咁易肚餓！ 今次我就叫了南瓜豬扒糙米飯，朋友就叫了香蔥雞扒煎蛋糙米飯。 香蔥雞扒煎蛋糙米飯（上） 南瓜豬扒糙米飯（下） ＞將雞扒轉了豬扒 個糙米飯一如以往，好有口感，軟熟度好！而豬扒好大件，餐廳亦都好體貼，會預先切開，等客人方便食，豬扒食落有一點乾，但味道不錯，南瓜汁味道香濃而不膩！ 相反取了朋友一件雞扒，雞扒嫩滑，煎得香口，沒有雪藏味！ 最正嘅係糙米飯會有配菜，白烚反而更健康，因為飯已經有汁了！

同事邀請外出食午餐，中午12時到達餐廳，時間尚早，有大量座位。我們叫了兩款糙米飯，每款糙米飯可加錢配飲品，熱飲加4元，凍飲加6元。糙米飯是餐廳主打食品，以白米溝少量糙米煮成，處理得宜，白米不會煮得太軟，糙米不會煮得太硬，口感很好。椰香辣汁豬扒糙米飯，椰汁香濃，白汁有少少辣，豬扒肉質可接受，整體味道很好。雞扒肉燥糙米飯，雞扒肉軟滑，肉燥味道一般，溫泉蛋味道唔錯但細隻，整體味道可接受。凍柚子蜜，以6元來說，抵飲。不用加一服務費。

呢間糙米家好耐之前已經食過，今日突然間想食健康啲，就走去呢度食糙米家當然主打糙米，有好多唔同嘅配搭，例如有咖哩糙米飯，米線等等，全部都係健康無添加我見到有個新出嘅雞扒肉燥蛋飯，覺得好吸引就叫黎試。雞扒嫩滑有調味，唔會太鹹，蛋有一隻，而且仲係溏心蛋，幾好食飯分量都好多，女仔嚟講都未必食得曬，不過夾埋啲肉燥一齊撈就會食得比平時多啲啲餐飲熱飲加四蚊，仲可以揀啲特別飲品，我揀咗牛蒡紅棗茶嘢飲，非常足料，好多紅棗牛蒡同龍眼，而且呢個幾好飲好養生

今日好晏先出去散步，行完有D餓又唔敢食多太，於是諗住去糙米家食個沙律，我未試過tea time 去食，原來佢地有tea set，有烏冬仲有我想食嘅沙律，因為係tea set 都知份量會少D，所以兩個人叫咗三個set，蘋果蛋沙律係我至愛，跟住叫咗薯仔沙律同牛油果藜麥沙律，再配牛蒡杞子紅棗茶，簡直覺得好健康。講返食物牛油果藜麥沙律係我第一次試，由於佢用咗芝麻汁所以有D ”漏”，而薯仔沙律又加有腸仔粒，有D怪，所以都係蘋果蛋沙律好😌

都市人生活忙碌，食無定時，所以比較體弱多病，係時候注重下養生😂糙米家係男友介紹我食架！估唔到佢咁健康，食沙律🤭 小妹我平日好大食，區區一份沙律係填唔飽個無底深潭⋯⋯而且我對沙律🥗印象一向麻麻，覺得一陣草青味乾爭爭（下刪一百字）但呢度o既沙律徹底改變左我o既觀感，勁新鮮超好味，性價比仲要高，冇得輸囉！有烤雞，三文魚，煙鴨胸，蘋果栗米，美式薯仔，豆腐藜麥南瓜沙律，款式多之餘唔會一味只係得蔬菜，有肉去平衡返，營養指數當堂爆升，仲要睇得又食得！！口講無憑，有圖有真相，馬上去相啦

健康午餐 - 糙米家一去到都幾多人。叫左南瓜湯雞絲糙米飯加牛旁茶 好多菜同菇，好岩我。南瓜湯底香甜。其實雞肉都多架，不過比啲菜遮住哂，而且幾夠味，好香蔥味。仲叫左牛油果沙律加牛旁茶沙律加左芝麻醬，好味！有半個牛油果加多塊多士。都夠飽牛旁茶有桂圓，紅棗同牛旁。但我個人略為覺得甜左少少。不過都唔錯架！兩個份量都幾多$110

平日五點半，朋友介紹黎食個early dinner。仲有下午茶餐，不過全部都係沙律，所以決定叫糙米飯。我叫左南瓜雞扒糙米飯雞扒都滑，味道可以南瓜粒得三粒，其他打爛溝左忌廉做成汁，味道合格。但南瓜味好淡。周邊既配菜係白烚既，無乜特別糙米飯最好食，唔會好硬，軟熟度好$52呢個飯，仲要唔包飲品，我諗下次寧願食茶餐廳。性價比真係唔高。不過可能灣仔區，物價又會貴啲啦另外加$6，配凍啡。好稀好淡。難飲。一般茶餐廳好好多，十分不建議朋友叫左苹果咖喱豬扒糙米飯咖哩汁有啲甜，豬扒都算滑，比雞扒好食整體感覺一般，想健康啲，食下糙米飯可以試下另外見佢有個burger好似幾抵，賣相唔錯，反而應該叫呢個。

小編前兩篇食評都仲講梗話呢間野幾好味幾正！轉個頭d水準下降到負點真係嚇死你小編到現在仲望梗兜飯嘆息梗！小編心唸我冇得罪你地吖？馬季又收左爐啦？今日星期五放工時間呢間餐廳一d都唔忙吖？小編去拎外賣既時候餐廳入面小貓三四隻，應該冇壓力吖？咁點解可以咁對小編我呢？要多蔥少飯佢比少蔥多飯煎蓮藕蝦餅可以係冇煎過咁白瀨曬咁（有圖有真相架）見到盒野完全唔開胃，蓮藕同蝦餅係分離架，d蓮藕好爽呀爽到好似生呢小編有即時打返去投訴、職員話下次幫我開黎睇左有冇多蔥先，態度係誠懇既but你估仲有下次咩～下次下次下次大概可以？梗係唔可以啦、食飯要睇你廚房手氣呀？一時垃圾一時好味？小編一向要起碼99%保持水準既餐廳至會幫襯！祝你好運啦

蓮藕煎蝦餅——可以選三件或五件，我們選了三件$36。蓮藕爽口蝦餅夾在其中伴住酸甜的汁來吃，只識得講—好味！南瓜雞扒糙米飯加煎蛋——第一感覺隻煎蛋有些樣衰😅南瓜汁伴了忌廉一起煮，味道香濃不膩，雞扒有三大嚿，每舊分量十足，但有一點雪藏味及有點鹹，不過伴起南瓜汁來吃還可以的。我叫了紅酒牛肋條飯，但錯了order...所以忘記了全名，大概是蘋果咩牛肉糙米飯。汁味道有點像咖哩，牛肉很好吃，雖然大舊，但質地很稔，整體來說都是不錯~~~~~

我在糙米家吃過不同時段的餐：早餐的餐牌～麥皮通粉出前一丁全早餐各式茶餐廳有的都有～食材新鮮天然健康開胃，價值比某些連鎖快餐合理。午餐總是爆滿多人，但蘋果薯仔沙律和各式糙米飯始終叫好叫座、外賣也要幫襯，超好味開胃又飽肚。下午茶比早餐遜色一點、晚餐與午餐類同。糙米茶&牛蒡茶好飲健怡，這裡真是綠洲！！點名推介「即製芝士魚柳漢堡+黑松露薯條」真是一番！即製！鮮味！獨特！（只在早餐&下午茶時段可點餐）