糖百府 (已結業)

之前一直話想試下~!!今次終於可以同D同事去試下啦~!!雪花冰果然名不虛傳~!!好食~~而且可以自己選擇配料~就呢一點黎講已經加分啦~到左另外2位同事~!!佢地都係叫左芒果豆腐花~大家都期待~點知................................就O係最簡單GEI 芒果豆腐花度出左事~!!1.本身個豆腐花已經唔凍 + 唔甜.....2.D 芒果茸 同D芒果都係唔甜~~3.豆腐花同芒果2種味道唔可以二合為一但整體黎講佢係以雪花冰為主~所以都幾好~^^~但下一次就真係唔會再叫傳統GEI 糖水~

之前成日見食評咁好, 終於去左試, 尋晚叫左, 朱古力綿綿冰+榛子汁+香蕉+珍珠+愛玉, 食過好幾間綿綿冰, 例如:元朗錦錦冰, 大埔甜品工房, 松記, 覺得呢間最有heart, 又知到佢啱啱攞左獎,食物環境和質素,呢間係我近期最愛, 一定會再試!

試過朱古力冰加自選配料: bananna + 小丸子 + 焦糖漿, 呢幾樣原來好夾架!! 也沒有想過冰的味道這麼濃的~ 好味! 老公牙痛都照食 一下一下'畢', 凍凍的入口即溶, 食得好開心!尤其驚喜的是小丸子, 白色用糖水煮過, 甜甜的, 大粒D就更好!不過, 我地這碟好似快溶左d, 但係我梗係連溶既都唔放過啦! 溶左都似朱古力奶咁濃呢!!!

近排至hit至熱, 別然是糖百府了, 今日專登帶兩位公子嚟試吓新嘢, 費事俾人問起未食過咁out啦! 今日早食完飯, 嚟到百府, 人籠未到, 嗱嗱臨坐低, 在餐牌上花咗唔少時間, 都决定唔到食乜, 我地個個都有自已嘅心水, 最終最終揀咗香蕉冰+士多啤梨+蜜瓜, 本來揀芒果, 但侍應話唔熟唔好食喎! d冰花軟綿綿, 好似食雪糕咁, 但又冇雪糕咁甜, 好清新, 解渴! 响而家大熱天時, 真係消暑良方! 唔怪得咁人氣啦!

嚴嚴夏日，最好食冰，下午四點幾嚟食已經好多人，差唔多滿座，我哋叫咗朱古力秋香，個賣相好靚，成個火山咁高，啲朱古力醬好似熔岩咁流出嚟，加上有棉花糖伴碟，兩條切片香蕉伴底，賣相一流，入口即溶，好似食雪糕，又似食刨冰咁，雪糕刨到一片片，好新奇，從未食過，雖然係朱古力，但唔漏，味道啱啱好，下午時間兩個人share都夠，出麵食唔到，極力推介，下次一定會試嚇綠茶味

突然上黎openrice，見到原來西灣河開左間糖百府咁就近近地一定要去試下今次可以話係第二次食糖百府的冰~~點左好立克冰+藍莓漿+粟米片+小丸子+椰果好立克味唔好似好甜~~起初食個陣真係覺得同d漿好唔甲 但之後食落又覺得几好食喎~~~d店員態度几好~~~我起初唔識路，打左落去問~~都好桨細咁同我講係邊一講係羽壽司對面就立即知太約位置 =w=間局就比黑布街個間大d坐係出黎唔迫而且又唔洗排隊，可能係仲未有太多人知開左整體黎講都好好無論員工態度，食物同清潔唯一美中不足係都覺得几貴.........因為單係好立克冰...要28........

見到終於開o左糖百府, 位置真係唔多好, 不過佢比我去過另外兩間o既糖百府寬敞, 坐得真係舒服好多, 同埋乾淨好多; 黑布街同銅鑼灣哩兩間真係迫到不得了; 黑布街o個間, 我去o個次, 佢就漏o左d 配料無俾我, 之後用個碗補番俾我; 銅鑼灣o個間d 侍應o既態度就衰到不得了今次係食朱古力冰+黑糖漿+七彩糖針+西瓜+愛玉凍份量唔算好多, 無特別驚喜放工去食番個雪花冰, 都算ok, 同埋我去哩段時間唔算多人, 我都唔係等o左好耐就有得食, 無話好似其他兩間咁, 要等好耐, 等埋其他人o既單先有得一齊出不過哩類舖頭, 要趁佢o岩o岩開業無耐好去試, 過一排各方面o既質素又好快變差

尋日同朋友仔係西灣河食完飯之後, 行過見到對面開咗間好出名既糖百府喎, 當然就拉哂成班一齊入去試下啦, 其實之前都聽過2個朋友食過都話好好味, 所以一直心思思想去試下, 今次終於可以一次過試好多種口味, 正呀! 真係好滿足 我既"非彿"係 ~ 香蕉味, 超正呀! 其次就係石榴, 2樣都好清甜, 食極都唔漏, 真係好好味! 朱古力, 好立克同綠茶味我都好LIKE, 開始食綠茶味既時間我覺得有D苦苦地既, 不過食食下佢又甜甜地喎, 越食越好味, 真係奇? 我最唔鍾意既就係COFFEE味, 我本身就好鍾意飲COFFEE(鍾意苦苦地既味道), 不過佢地既COFFEE冰太甜, 好似食緊COFFEE CANDY咁, 所以唔係太鍾意, 其他就不過不失, 唔會太差! 好期待佢地會出芒果冰, 榴槤冰之類. (因為我好鍾意食呢D生果的)

星期日下午無乜野做，見教會樓下新開了間糖百府，而且自己亦想試食棉花冰好耐，便走入去試一趟，果然沒叫我失望！棉花冰種類繁多，花多眼亂，都唔知點揀，所以店內特設一些預設了的款式，例如宇治金時、石榴秋香等，都是set好晒用料的，但奉勸各位都是自選材料吧，因為我計過條數，叫一個$35的XX秋香，竟然自選同樣材料還便宜一蚊，除非你叫$30的牛奶秋香，就比自選同樣材料慳一蚊！我叫了牛奶冰+榛子味糖漿+花生碎粒($22)，再加$2小丸子，我覺得呢個配搭簡直一絕，牛奶冰超滑，好似食雪葩咁，之前見D食評話個榛子味糖漿透明的，所以沒有出奇榛子味糖漿不是啡色的，之前又見D食評話個榛子味糖漿超甜，所以我逐少逐少咁加(好在糖漿是另上的)，咁就調較到甜味o岩o岩好，不過唔加糖漿也不錯！另外，花生碎粒加小丸子的配搭，再加埋D糖漿，有點似糖不甩，值得推介！溫馨提示1：星期日都是開3pm，openrice餐廳資料寫開12pm是不正確，不要摸門釘啊！溫馨提示2：叫預設款式不如自選，可能仲平d呀！

是日游完水，去到西灣河，發現開了在對面海很出名的糖水店，雖然剛吃過魚旦粉... 還有「食力」，就入去試試！見別人桌上都有幾個雪山一樣的雪花冰，就試這個啦！這是我的自選： 番石榴味雪花冰 + 藍梅糖漿 + 花生粒 + 蜜瓜粒很快，「我的雪山」便來了，至少有五吋高！跟松記「綿綿冰」一樣，都是很綿很滑，很有層次，沒有刨冰那麼硬及重，小匙一推，便像山崩般塌下，又不太凍，很好味，不過藍梅糖漿幾多幾甜，吃到底才feel到淡淡的石榴味。此外，雪山底部的蜜瓜粒太少，才六小粒要五元，很貴！雖然好食，但幾「肉赤」，如果兩、三個人share 就較好。店內全是一枱四人的方桌，小木椅，舒適度差點...　都不是預客人慢慢嘆的...一碟雪花冰平均要三十元，應該幾好賺，而且客似雲來，怪不得可以急速擴展了。

拆蟹飯局完結, 像願又不願的, 跟著隊, 去點一點秋香. 糖百府, 名字已經聽了很久, 但往往看見長長的人龍, 見況不妙, 我同女友通常都寧願選別的. 係上次糖仁街, 有著先頭部隊, 而且有人拉住, 想離隊幾次, 但沒理由就咁閃人的吧.這些綿綿冰, 雖不是第一次食. 但這是帶起綿綿冰熱潮的糖百府啊, 身想走, 但心想食. 等到位了, 傳統方便的牛奶味, 加上朱古力, 是最好不過. 真的的綿綿冰, 層次感好重. 不同那些A貨出品的, 只是一片片薄冰而已. 由於是牛奶冰, 再加了煉奶做topping, 味道有點creamy, 但又有冰極的感覺. 朱古力粉只是用來變一變味道, 但冰奶的口感, 真是不錯.若是不用排隊, 我可能會黎試下不同的味道...但若是人龍長長....就免了...相信齋妹都有同感.

今日終於試食到糖百府gei宇冶抹茶冰喇=P一直都好想食ka喇~佢而家係咁近開左間分店wo~~ 仲唔去試下咩?同老公仔食完mos burger之後，都唔係好飽所以，就由太古行去食冰喇~ refresh一下嘛^0^一去唔洗諗就叫左我至愛gei抹茶味囉~等左一陣...個waitress好唔小心咁倒下了少許...結果他們就再次拿回去加番d~唔緊要gei^^ 只要好味等多陣又有咩所謂呢？終於黎到喇~~我同老公仔二話不說就開始食食食~~好好味啊~~ 好涼快!!除左充滿左抹茶味gei冰底外，還有好有咬感gei白玉，茶凍及椰果~~加上少許紅豆粒粒~ 增加番d甜味--> 可以說是perfect match!!雖然呢度除左賣冰品外，仲有其實甜品賣~但我相信咁熱gei時候黎得呢度緊係食冰好囉=P下次要再黎食下其他味道先得~~**

吃了一頓令人若有所失的晚餐後，由於每圍坐了十五六人，各人也感到不太夠飽肚，要找下一個地方再戰，剛巧地膽食友知道「糖百府」在附近剛開了分店，於是一行十多人便浩浩蕩蕩向該地進發。時間正值十時多，友人說是要開始等位的時段，到步後果然要等位，尤其是我們的人數眾多，最後斷斷續續花了廿分鐘才齊集所有人坐在一起。在等待期間，在店外看了多篇報導，食友阿笠說到新款糖水店所製作的舊式糖水大多一般，今次我的確要點一碗舊式糖水，正好用來引證這一點。坐下來後點了自選雪花冰，味道選了好立克、煉奶、粟米片及芒果($28.00)，另一款糖水則點了芝麻湯丸($15.00)。等了一會，先來雪花冰，看上去一層一層地疊起來，感覺有點像冷卻了的火山岩漿，試了一口，冰冷的感覺馬上直衝大腦，可能剛巧是面層的煉奶，味道甜了些，往後數啖的甜度已回復正常。雖說是雪花冰，但吃下去時的質感不像在吃冰，感覺是軟綿綿的非雪糕類的物體，奇怪得來又感覺不錯。好立克的味道夠濃郁，配合食友介紹的粟米片，吃下去感覺新穎，另加的芒果粒雖然份量不多，但每粒也夠甜。整體上的感覺十分不錯，是一款可以翻兜及向老友推介的甜品。而另一款糖水芝麻湯丸，則被阿笠說中了，質

今晚係八月三號，夜晚食完飯之後同家人諗住去食糖水，知道而家附近開左間喺旺角好出名既糖百府，就專程去試下。入到店唔係多人，可能係新開將既關係冇咩人識，八點左右都冇咩人，唔似旺角嗰間要排隊。要左兩款冰，一人一款，冇想像中咁大碟，但係食落真係一層層咁，都幾好味!講下先:朱古力味冰，配朱古力味醬+七彩朱古力針另外加朱古力魔豆同棉花糖咖啡味冰，配焦糖咖啡醬+七彩朱古力針另外加朱古力魔豆+棉花糖+愛玉凍+焦糖布丁粒朱古力味冰+朱古力味醬都好濃好香食落好重朱古力味，唔錯!咖啡味冰+焦糖咖啡醬就得個香，食落麻麻地，同埋完全冇食唔到有焦糖味...朱古力魔豆口感一流，不過我個人認為太甜，但家人就覺得好好味，都幾重朱古力味，可以一試!棉花糖一向都係咁，唔係太甜，數量亦多，正!愛玉凍同焦糖布丁粒係差唔多一樣既野，不過愛玉凍冇乜味咁，同焦糖布丁粒比，我覺得焦糖布丁粒好味好多，起碼有好重既焦糖味!整體黎講...食物係唔差，只係價錢貴左啲，得閒去食都好既，多左個choice，唔駛次次去明記食

糖百府終於登陸港島東區啦，不必再係旺角總店排隊(一排就差不多一個鐘頭)。原本係東區都有幾間甜品店，不過又貴又唔好食又無特別，希望引入competition會令到大家都再做好D。試過朱古力味，綠茶味及薑汁味。朱古力味幾好又唔太甜，冰既質地幾滑，又有層次感。綠茶味就比較淡又無咁滑。薑汁味就唔夠甜。除左味道之外，服務快都要一讚 (D冰上枱時幾靚，無話溶到水汪汪咁，唔似得其他舖咁上枱時溶左一半)