糖百府 (已結業)

睇咗好多食評, 始終有機會試吓呢個雪花冰 !其實前幾日有去過. 當時叫緊3 號抽. 我係取24號抽. 哇咁咪要等成粒鐘.....所以最後放棄. 改過第日才食過 !前日七點再去. 可能呢段時間d人應該食緊飯. 仲未食甜品. 所以唔使等就馬上有位了 !如果你有去過台灣食過地度的雪花冰......咁ga 價錢, 咁ga質素, 咁ga環境.......相信食過一次就夠了 ! 根本不值得要排隊等成粒鐘囉 !今次試咗 "特濃朱古力香蕉紅豆椰果雪花冰 "味道 : ok. 可自由配搭. 夠靈活. 但不及台灣的雪花冰咁"實" 及質感 !環境 : 實在太迫. 坐得極不舒服. 服務 : 只一般而已. 當日又不忙. 送甜品來時竟然無 "匙羹". 雖然枱上有個盒放匙... 但個d係大隻d 的"湯匙". 難道你會用湯匙食雪糕嗎 ? 都無理由送餐唔送匙啦 !價錢 : ok 啦 ! 但比台北就貴了很多很多了 !

早幾日睇見news headline有報導, 先知旺角有得食, 就去試一試~夜晚9點幾去到, 嘩, 都唔少人排隊, 鋪頭入面其實勁細, 得果10張細枱, 坐得勁唔舒服~等左大約20分鐘就入得, 因為其實個個都係想試下, 見到0禁既情況, 食完就即刻走, 都唔會坐多陣或者叫第二d野食~佢除左可以揀menu 入面既款式之外, 佢仲可以自選配搭, 呢個都幾好, 可以揀晒自己鐘意既野, 可加可減, 不過可能佢既生意太好既原故, 好多都已經賣晒~最後點左個特濃朱古力底, 棒子醬, 蜜瓜,香蕉,青蘋果椰果, 黑珍珠, 粟米片棉花冰, 之前睇呢到d話朱古力無味, 所以點左個特濃, 食落去都幾重朱古力味丫, 唔錯~不過真係加左粟米片會好好多~我就覺得香蕉配朱古力其實係絕配, 至於d 青蘋果椰果& 黑珍珠呢d配料就無乜特別, d 冰都好夠棉, 唔會融得太快~

同元朗某某店有 d 5同,雖然兩者都話自己有幾好,有幾新意.我都覺得呢間都ok好食~~出品 : 買相好靚,有d生果,紅豆,小丸子伴碟~, 都好想試下個mango同個士多啤梨冰(去到話冇,幾hurt下)味道 : 好rich既朱古力,fresh既生果(d蕉),紅豆ok好味(d staff講係自家整)相片 : 未能提供(冇影到),下次有機會再去補影~~~服務 : d staff 幾nice , 鬼馬,識做(會問下我地d味道點,夠5夠味,5知係咪個老細放心俾d staff咁做呢?) , 好想環境 : 用摺櫈好似大排檔feel.......(個人意見),地方坐得幾舒服~~加油吧~

睇左好多報導同朋友都有提及呢間野食 d 冰係台灣引入報紙入面一兜都好大兜 , 所以同朋友都好想試下前幾日都經過嫁啦不過見門外咁多人又趕時間所以冇食到今次我地決定等到死為止都要試下,如果唔係就唔會心息真係好多人等 , 我地足足等左 14 張台先到 ! 不過期間亦都有好多人等太耐嬲到走左 ==朋友叫左密瓜雪花冰 , 綠茶底。我叫左香蕉朱古力雪花冰 , 但係朋友個冰食左一半時發覺佢冇落我果個單==落返都過左好耐次後先泥其實都冇報紙咁講咁好食 , 朋友果個好淡冇咩綠茶味我果個都幾濃朱古力味唔係話唔好食,不過不失啦,但唔值咁貴同排咁耐囉

早已知道,呢間店好出名,早前實在太忙冇機會去試.是晚,決定一試,試係咪大家所講既咁美味.個地點都唔係想象中難搵(中旅社後面街)但門口實在太多人等位,所以根本望唔到個門口.排隊都要等20張,所以行個圈先再返!終於都等到位啦~~地方比較細,甜品既選擇唔算多.基本既中式糖水,西米露,豆腐花都有供應.當然仲有個招牌~~雪花冰,選擇都有好多,仲可以自由組合.叫香蕉朱古力雪花冰&雜果咖啡味雪花冰2個賣相都好吸引,食口感完全唔覺得係刨冰,感覺似雪糕多D.全部都係一層層,薄薄既一片片,好特別!不過,由於每客人都會Order一客,可能制作需時,所以都要等一等,先有得食.

第一次光顧糖百府, 目的就係試下佢個抹茶雪花冰。我哋晚上11點幾去到﹐門口企滿人﹐最後等左成半個鐘先有位。order完後又要再等好一段時間先有得食.我地叫左3個自選雪花冰: 抹茶雪花冰底 + 抹茶糖漿 + 朱古力樹皮 + 綠茶凍 + 紅豆 + 小丸子 原味牛奶雪花冰底 + 蜜瓜 + 焦糖漿 + 煉奶 + 七彩彩針 + 咖啡凍 香濃咖啡雪花冰底 + 粟米片 + 煉奶 + 咖啡凍 + 綠珍珠 + 小丸子每款加埋平均30-35蚊, 雖然等左好耐, 不過雪花冰都總算令人滿意抹茶雪花冰底和抹茶糖漿加埋有很濃的抹茶味, 以香港可以食到的綠茶甜品之中算是很好不過牛奶雪花冰就普普通通, 吾係夠奶味, 如果加多d煉奶就會好d至於咖啡雪花冰就值得推介﹐咖啡味很濃, 加埋粟米片落去食更加正

男友嗜甜，看了雜誌介紹，就決定要去一趟。去的時候客人不多，等了大概兩三分鐘！我點了朱古力雪花冰，沖繩島黑糖漿，花生碎，星形芒果味椰果，椰果，紅豆。男友點了番石榴雪花冰，芒果，焦糖漿，星形芒果味椰果，金柚。全都是我喜歡的料！超期待！結果，超失望！店家聲稱用心將最好的帶給顧客！可是我絲毫感受不到！水果不新鮮，而且分量超少！收$5, 只給我$0.5的分量！味道也很一般！絕對不會再來！

第一次去食, 事關睇完個MAGAZINE勁有衝動,等左一陣, 入到去ORDER完都等左一段時間,可能真係製作需時啦(所以要排咁耐...)我同朋友叫左香蕉朱古力雪花冰同一個自選原味雪花冰...朱古力好香好濃,牛奶好甜.....好好味呀...但美中不足係冇花生味同冇小丸子... 有點失望...下次我實帶埋部單反去影,,,大家睇住D用手機影嘅先啦~~~我PROMISE左一個好似古巨基嘅男人(老闆次一???),一定會上OPENRICE支持佢地咖...大家不妨去試試啦...

同朋友黎老闆建議我地叫宇治金時雪花冰同芝麻糊. 先講個宇治金時雪花冰, 其實係綠茶冰,覺得幾特別,但係配料真係好少同埋D冰唔係好夠味,淡左D,好似淨係食冰咁. 份量方面可以少返D咁價錢咪可以便D.跟住個芝麻糊, 好普通,係咩特別,不過價錢真係貴左D !!!! 總括黎講只係一般,真係好一般, 價錢好唔抵!!! 如果大家去過松記,我諗大家都會寧願選擇去松記,因為又平又大碗又好食 !!!!!

知道不用去元朗都有得吃綿綿冰 (雪花冰), 頓時歡喜若狂!吃完後, 卻叫我大失所望!! 先入為主, 還是元朗的好吃.可能是我選錯了, 一個不吃朱古力的人選了香蕉朱古力. 好難食囉!!! 綿綿冰也不是一層層的, Duck問我有什麼好吃? 我一句都答不上. 對不起. 服務十個不行, 店子客人都走了, 理應安排我們入座, 但是三個服務員(連老闆)竟一同收拾同一張桌子, 卻叫我們在外面食風. 頂, 還要 $35一碟!! 遲早玩完!!又是一間叫香港人一窩峰去吃卻後勁不繼的食店. 祈望去台灣吃到真正的綿綿冰.

新年行完花市之後去左搵野食,因為旺角周圍都好多人,而且自己又唔係好肚餓,所以就黎左呢間唔係好駛等位既甜品店食~~~order左一個招牌的雪花冰,原本我諗住要宇治金時的,但係都係試左coffee味先,因為好少有coffee味的雪花冰食,原來真係好得意,佢d雪花冰係超級得意,一層層的口感一d都唔似食緊冰!!!我食得好慢都未溶!!厲害!!D咖啡點子整好好食,白的圓圓的(唔記得係乜)都好彈牙~!!要加分的係,呢度d侍應好有禮貌,仲提我要玻璃羹食熱糖水,加分加分!!

朋友話介紹好野比我地試，一向鐘意食冰的我，一定會舉腳話要去啦~~~個地方座位唔多，去到時見到有人在等，都好怕要等好耐，好彩等了一會便有位了。唔知係咪人多d野好買的關係，冇左生果味的雪花冰，真係有d失望，我們唯有叫2個綠茶味同1個薑味試吓，綠茶來先，但味道有d淡，之後再來薑的，便好好味，仲有辣的感覺，相比之下，綠茶便遜色了。所以我們便問侍應可唔可以把綠茶改做其他味，起初個侍應話整緊冇得改，但我地等左一陣都冇來，仲見到佢出緊其他的order，我咪問多次，點知佢又來左。但我覺得係個侍應唔肯改，我咪同個伙計諩話而家先來，但又冇得改單。可能個侍應唔好意思，所以話個杯請我地食，仲問我地想改咩味整過一杯來，我覺得咁樣做得好好，唔係因為個伙計請我地食多杯，係因為佢覺得佢唔啱而造過比我地，所以我真係要好好表揚吓呢個伙計丫~~~~

本人唔鍾意食甜品, 但係有日諗起呢間野就去左好多生果都無...especially 芒果 -_-"叫左-朱古力香蕉雪花冰 $35宇治金時雪花冰$35蕃薯芋頭薑汁雪花冰$35好大碟, 真係要幾個人share先食到朱古力最o岩所有人食... 味道o岩o岩好宇治金時就睇下你鍾唔鍾意食綠茶啦!蕃薯芋頭薑汁雪花冰, 呢個幾新嚐試, 薑味好重, 如果鍾意薑既人一定覺得好好食!我就覺得spicy左d... 但係落甜d就可以去除左spicy味~~~overall 黎講, 好食. 唔使成日都食糖水咁悶同埋, 基本上佢係將糖水變左冰, 新食法店員都好nice...好好傾, 會問意見求進步其實, d冰真係可以細碟d, 收平d... 生果方面, 真係要諗辦法係唔當灶既時候都要有貨入, 唔係就會走好多客~~~

我之前看過糖百府的食評都好heat , so我同個朋友今天專程到糖百府 try他的招牌菜----雪花冰, 因為之前食了一點東西, so 我們今天只是order 一個雪花冰share 食...我們最後decide 叫"香蕉朱古力雪花冰"--$35inside 有香蕉, 紅豆, 小丸子,是朱古力冰底一入到來坐, 見到都好多客人, 多數都是學生&情侶....我order了香蕉朱古力雪花冰, 不知是否kitchen 好少人, 我們都等了15-20 mins才到, 有點冇奈...香蕉朱古力雪花冰到了後, 我同個friend不用10mins已橫掃整個雪花冰, 朱古力冰底食落好像雪糕般, 但朱古力味就不算太濃郁, 一層層好像鉛筆碎的冰好有層次觀感, 可惜比起刨冰的口感就差一點, 因為刨冰的口感是"實在感"一點,不會太軟, 而且會佈滿juice, so雪花冰的口感跟台灣的刨冰實在有點差距 , 而且配料不足, 香蕉的份量應該多些少, 朱古力味應該重番些少... ,而我就suggest個雪花冰上面再加一點朱古力碎, 個觀感會更美..(這是本人的個人意見)...服務方面:waiter都好nice, 個bos

朱古力香蕉雪花冰 $35>>>加重左味既朱古力冰,超正>>>多d小丸子就好喇宇治金時雪花冰 $38>>沒紅豆改了椰果,都係鍾意紅豆多d>>小丸子軟棉棉好煙韌>>綠茶冰夠凍食到尾都唔溶,加重左綠茶味,正>>如果加d煉奶晌面仲正雖然要等位,但食甜品o者,好快有位而且服務態度真係好好,聽左意見不斷改進,抵讚!其他中式糖水都ok架,必試!