糖百府 (已結業)

買碗芒果西米露返屋企食 ... ... 三個字 : 無誠意!西米露味淡淡的, 好似稀左d ... ...芒果切左半個落去, 真係睇得出半個, 因為都冇切開到. 有冇攪錯呀??? 乜唔係切做一粒粒既咩?剛剛新開既時候真係成日幫襯, 依家真係唔想再幫襯啦~

之前一直都有光顧這家甜品店，卻有眼不識「心太軟」，一向都只會點一些較普通的豆腐花或糖水，一直都認為這店的水準頗為穩定。個多月前看食評才發現原來屯門也有好的心太軟，所以終於在一個月前，我來了看看它的廬山真面目，結果當然是一見鍾情，從此愛得難捨難分啦這天是一年一度的平安夜，我當然要在這佳節跟這位「愛人」約會一番啦！這天，我的好朋友當了我們的「電燈膽」，哈哈，所以我們點了兩個甜品。味道1. $25百搭套餐 ($25)這個套餐其實是讓客人從A材料和B材料中各選兩款，A材料包括豆腐花、椰汁西米露、意大利涼粉、椰汁河粉和涼粉；而B材料則是一些水果和珍珠等配料。好友想要吃椰汁河粉，我則選了豆腐花，可惜落單時哥哥仔說河粉售罄了！好友十分失落，加上她不吃涼粉，所以只可以選西米露配豆腐花，一個我們覺得怪怪的組合。B材料方面我們則選了哈密瓜和奇異果。我們滿心以為會怪怪的配搭，出乎意料地好吃豆腐花很滑亦有一點點豆香味，椰汁西米露更是令人驚喜，椰汁香滑得我一滴不漏地喝光光了！好友更笑言要幫我向哥哥仔說要「添椰汁」。水果方面，哈密瓜如一貫的爽甜，奇異果頗酸的，但尚可接受！2. 心太軟 ($30)「你總是心太軟　心

今天去左食野，都要等一陣，好彩地唔係等好耐就有位ｌｕ～哈哈，個服務生都好快安排到位比我地～　入左去就叫左個木康布甸，其他朋友就叫左心太軟，綿綿冰～心太軟食到有華田味（可能我唔識食ｌａ），都唔係太多朱古力流出黎，ｅ度有小小失望！！　整體我就不太喜歡木康布甸都算好食，不過就幾硬～綿綿冰就叫左個芒果味，同出面食既都冇咩分別，佢就包哂配料，都係差個味道姐。服務就幾好，個男服務生全程有笑容，禮貌都唔錯(起碼有對我笑）。佢地都係有問必答既～整體服務唔錯既！（如果個女服務員多ｄ笑容就更好）（我想問佢果到有冇野特別好食？？　有人知嗎？）

同男友仔食完泰國餐後見到糖百府有心太軟，即時好想試！加上另一方面又好想食棉棉冰，所以幾飽都要食朱古力綿綿冰先上枱，presentation都唔錯! 旁邊有好多啫喱，水晶珠同粟米片伴碟。綿綿冰好滑，朱古力味幾香濃，加上青檸味同可樂味啫喱配搭，味道唔錯，甜得黎有少少酸酸地。令味道更多完化！另外，粟米片的點綴令成個甜品生色不少！多了口感，脆脆地，淡淡地。成個甜品有甜味，有酸味，有香口，有彈牙，口感異常豐富！心太軟較遲上枱，餐牌上都特別註明需要大約二十分鐘。食好野當然要等跟棉棉冰一樣，display都唔錯！份量其實可以大返少少，不過對我黎講尚算可以，配上雲尼拿雪糕，甜道適中！切開心太軟，朱古力流心即時湧出，流心幾香滑！！暖暖地，熱少少更好！一啖心太軟點上少少流心朱古力再配上雪糕簡值絕配！食得好滿足呢！！KO左兩款甜品後，基本上我倆已經飽到行唔郁，但真的好滿足！　唯一麻麻就係地方較細，幾逼。

同朋友食完飯就是旦搵間糖水舖傾下計....個心太軟真係好正架..配埋個雪糕...一冷一熱真係好正..叉開小小d朱古力醬就係甘漏晒出黎喇...不過我覺得佢就細左小小囉...大個番d就好喇一定會再encore架~

係屯門食完飯之後......唸住搵個地方食甜品......記得岩岩係雜誌見到屯門呢度有一間叫糖百府既甜品店......第一個唸法係....會唔會係市區個間呢?因為食過個間覺得唔錯.......就黎呢度食啦...去到個度...見到門口既介紹....知道自己錯左喇.....呢間應該開得早過好出名個間.......但係見到咁多介紹.......又話個廚師係半島做過senior chef......一於試一試...四個人一共叫左3樣野.......一個心太軟....一個朱古力慕絲......一個芒果水晶珠...一黎個朱古力慕絲......d慕絲好實........又唔似ice cream.......唔似平時個d......好漏....可能呢d 先係足料掛....我自己就唔識欣賞.....成杯有一半係d 早餐個d 朱古力脆脆....最恐怖係個水晶珠........我家既小朋友一食面色一沉........我試左一啖...個d 水晶珠好似未煮咁........同之前係另一間甜品店係兩回事.......個d 芒果好酸........成份甜品係浸左係一d 芒果冰融左既芒果水入面.......最後等左2

開頭都幾好....食過幾次..都難食到想嘔...2 次都係1班fd 入去..如果唔係fd 話想食.我都唔會去呢間...千其唔好叫刨冰同楊枝金露...刨冰麻麻地...楊枝金露好鬼酸...可能d 芒果唔新鮮...陣味怪怪地....食左1半就唔想食..不過推介下d 小食..同埋有個唔知咩黑球都ok 架....不過就唔係幾抵食...

聚舊印尼菜的下場，就是期待已久、在屯門區人氣也頗盛的糖百府。　不要誤會，屯門這間標榜私房甜品的糖百府，與旺角的大熱店並無關係，而個人對其虎視眈眈的程度，相信不比唐伯虎對秋香少，因為有我最的愛心太軟呀! 　心太軟伴雪糕($28)-我很心急，還未坐定就率先柯打一個心太軟，後來約5分鐘就到了，上菜速度很快!不用切看，單看其薄如蟬翼、仍在抖動的朱古力外層，就可以斷定這是一個極端流心的心太軟，果然一切開漿如泉湧；馬上不客氣享用溫熱的熔漿，味道甜美柔順，伴上雲尼拿雪糕真是超值的享受，當然最好朱古力味再濃一點! 　朱古力芭菲($25)-很簡單，就是兩大球牛記朱古力雪糕，再加粟米片及少量忌廉就是。簡單即是美，我才不喜歡過多的雜料，而且此店的粟米片極其香脆，加上雪糕極度美味呢! 　麻蓉QQ小丸子($18)-原來即是迷你芝麻薑水湯圓，令我有點失望。而且湯圓皮不夠煙韌，部分呈現裂紋，水準很一般。　奇異果沙冰($18)-果味較淡，可以更好一點。　其實還對朱古力木槺布甸很感興趣，不過時間已晚再吃實在太肥，下次來重溫心太軟時，再一併征服它吧。當然下次也會預舊友一份，培養她的甜魔本色!

食飽晚飯當然食個糖水 , 成日經過糖百府見到人頭湧湧咁..心想一定好食夾大件 , 點知唔試由自可一試即出事 ... 難食非常 兩個人點左楊枝甘露 與 芒果黑珍珠楊枝甘露 : $23 呢個價錢呢個味道一d都唔抵食 , 味道唔應該會咁酸 , 估計係芒果唔夠新鮮 , 挑選生果個位人兄失準了芒果黑珍珠: $25 嘅味道係糖水溝芒果咁 .. 難食到不得了 .. 好似飲緊冰糖開水 , 糖水浸住既芒果係甜左 , 但係無晒芒果味 ... 女友表示以後都唔會再幫襯 , 揀直係浪費左佢個胃溶量 環境裝修唔錯 , 招呼都ok , 不過咁簡單普通嘅糖水唔應該咁差 , 佢收嘅價錢屬於貴價 , 製品唔係應該有更高水準咩 !?! 可能個心太軟真係會好好食都唔定 , 不過今次的期望破滅好難令我再去幫襯

之前跟友人都幫襯過呢間糖水鋪.....友人叫了粥粉麵飯.......小妹叫了$25合併:黑珍珠,西米,涼粉同芒果)......友人覺得這間糖水店還不錯.....不過小妹覺得一般...而且太多冰的關係....糖水真的很"水"...變得很難入口.... 今天還不死心.....心想再試試別的款式吧!......叫了最傳統的"榴槤班戟"+合併(黑珍珠,西米,椰汁河粉,朱古力雪糕)先講榴槤班戟.....完全難食到想喊.......榴槤硬身的....而且班戟是比較"淋",,,,跟滿記差天拱地........如果滿記是10分.....這間只值2分吧....1分在材料...1分在烹調!合併方面.....除了雪糕比較正常外....河粉太甜.......最慘係成碗野都加左好多碎冰.....令碗糖水更難食......真的很失望!!!!以後都不會再幫襯!!!

位於屯門置樂的糖百府甜品，與旺角同名大熱甜品店完全沒有關係，賣點亦不是台式綿綿冰，而是由前半島酒店的名廚出理的各款甜點。這兒提供的選擇甚多，當中略具心思的，如粥粉麵飯也頗受食客歡迎，做的是街坊生意，價錢理所當然的比旺區的甜品鋪便宜。剛吃過娘惹印尼菜，心思思的甜魔上身，遂與女友在這裡分享了一個心太軟 ($30)。心太軟以雲呢拿雪榚及生果球作伴，提供一冷一熱的享受，蛋榚相對其他店鋪的出品厚身，朱古力漿沒有澎湃地湧出不打緊，唯是次味道調較得太甜了，只是兩三口便漸感飽漏，否則應該可以更好。順帶一提，原來心太軟的成份是十分肥膩的，主要以朱古力、無鹽牛油、麵粉調較而成，為免體重日益增加，看來要忍痛少吃一點呢。屋苑小店鋪面不大，只可容納約十多位客人，那想到愈夜愈旺，離開時門外已擺了兩張大檯接客，由此証明，不論時間和地點，有水準的甜品總有一定吸引力的。

某日下午同朋友去左糖百府食甜品, 好耐無去過啦已經朋友食栗子奶露, 我食南瓜露, 之後再叫心太軟, 朋友仲叫多個西瓜小黑球, 多到食死@@ 南瓜露: li間既南瓜露係無南瓜蓉呢, 我覺得有既話會好味d, 因為依家太「水」, 不過南瓜味好重, 加埋粒粒西米露, 幾好味 心太軟: 朱古力醬唔太流到出哩, 不過味道同長洲師妹甜品到食既有得揮,加埋雪糕效果真係唔錯, 令我覺得大角咀某西餐廳既心太軟真係唔好味。 西瓜小黑球: 一向對生果甜品興趣不大, 食左少少黑糯米, 棷汁配黑糯米永遠都係甜品入面既頭幾名, 唔錯。細細間, 下午都已經差唔多每張桌都有人, 算係屯門區味道同價錢都幾合理既甜品店不過位置唔太方便, 市中心行過去都幾遠, 否則會經常光顧呢。

昨晚朋友帶我到屯門吃好野，首站去了孖寶吃個好好味的日式豬扒飯，跟住甜品到了糖百府，點了粥粉麵飯…粥係紫糯米西米露，味道不太甜，幾好。粉係芒果撈河粉，個汁好少，個粉口感好差，吃不出味道。麵係奇異果黑涼粉麵，尼個好得意，味道好好，有涼粉味道。飯係芒果糯米，尼個最失敗，兩者都不配合，吃一啖就無吃。朱古力心太軟…切開一半，真係有朱古力漏出來，好少甜品店做到這個效果，再配了個雲尼拿雪糕，一口凍一口熱，個口享受了冰火兩重天的感覺。焗榴連穌…外脆內軟，但榴連肉無咪味道。三樣吃了98元。去到都無需排隊，坐得舒服

朋友話好食, 點知超難食...榴晶晶 - 即係榴槤西米, d西米硬ge, 仲要碗野冇味...:mango雪山 - 甜到喊鮮果黃金撈"厠" - 個"厠"唔知想點, 同d生果完全唔夾 我地個個食完都一肚氣.......唔知點解咁難食都咁多人....就算唔駛$$我都唔會再去...waste我quota.....

今次要左熱合桃糊($17), 原味木糠布甸($20),朱古力心太軟伴呍呢嗱雪糕($30)合桃糊普普通通啦,唔會過甜..見人地食D芝麻糊好鬼稀,所以點左合桃糊...原味木糠布甸一樣好好味,好似雪糕錦,但冇呍呢嗱雪糕禁甜..chopstick:朱古力心太軟伴呍呢嗱雪糕..超好味,朱古力蛋糕熱辣辣,食落鬆化..仲流出好膨拜既朱古力張...超得,一定要食..... <<但係唔記得影相>>