糖水雄

营业中

休息中

糖水雄位置都比較屬於偏僻，基本上遊客都唔會點樣到訪嘅地方，但係認識糖水雄呢間鋪係因為睇咗一篇訪問先開始認識呢間舖頭裏面係有咩食當日喺門口行排了5分鐘就安排入坐，一入門口就有老闆的兒子kk好熱情咁同我哋打招呼，一打開個Menu就有糖水、有粥、有小食可以揀，一場嚟到當然要試吓kk獨家招牌朱古力燒賣、熱浪燒賣，啦。我每次覺得朱古力燒賣好伏，但食落去都幾特別，因為佢面上會有cream，再有啲朱古力粉係燒賣上，其實個味道都幾夾。熱浪燒賣就感覺係比較辣，因為佢面頭上沈左啲好似啲七味粉，但係燒賣底下係有啲蜜糖，但係食落去都OK，但係就好欣賞佢肯創新。之後仲叫咗個狗仔粉和XO醬炒腸粉，狗仔粉嘅味道好入味，同埋啲粉唔會係好硬係好易入口，XO醬炒腸粉熱辣辣食落去好正。嚟緊都會encore ，因為欣賞想佢哋兩父子一齊拍住上。

蒜蓉麻辣雞翼腸粉灑上杞子，麻辣過癮配搭都幾新穎，冇伏腸粉滑，雞翼嫩蜆肉碗仔翅好足料！黑白勿演炸得香脆可口食落都好彈牙👍🏻家鄉炒米粉撈麻辣汁食超夾好鬼惹味，超正！芋圓紫米露份量足芋圓煙韌幾正呀😋

之前因為某些原因係社交平台機緣巧合地見到糖水雄嘅post，見到老細好熱心幫助其他人之餘，好多人都話佢哋嘅糖水好好食，一直都好想去試吓！難得今日經過附近，所以就去咗買外賣食≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣今次叫咗一個芒果西米露 ($36)份量好多 落咗好多芒果 不過有少少酸但係椰奶嘅甜補左就好好多西米露好大粒 成碗嚟講整體好大碗最特別嘅係入邊有芋頭 食完飽飽😋😋鎮店之寶老細唔喺舖頭🤣希望下次去會見到佢真人！下次堂食食多啲先≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣糖水雄 (佐敦)佐敦渡船角文匯街30號文景樓地舖

疫情嘅時候叫過團購外賣，但車隊遲咗到，啲嘢食凍晒，影響咗啲味道同賣相，所以自從嗰次之後，有少少唔好嘅印像入咗腦，今次朋友話宵夜想食糖水又想食小食，選擇真係唔多，當比多次機會糖水雄又比多次機會自己，試多最後一次咁多啦！點知真係平反晒喎！夜晚 11點去到，仲有人龍排緊隊，但嗰啲街好闊，天氣唔太熱，所以都唔算辛苦，傾下計，大約 30 分鐘就有位蜆肉碗仔翅： 同普通碗仔翅味道差不多，蜆肉大約有五隻，但無乜蜆味，整體都算多料，可以自己加醋加麻油同菜莆 XO炒蘿蔔糕： 味道好正！炒得夠，但蘿蔔糕本身好「粉」，個人唔太鐘意哩種XO炒腸粉： 見隔離枱叫咗，有好多配料好吸引又忍唔住叫咗，XO 醬味道夠，腸粉好滑，無炒到爛晒又唔會太淋，好味到連啲配料都食晒！腐竹薏米糖水（凍）：唔記得咗影相，腐竹煲到淋晒，好香腐竹味，好多薏米白果，好淋好好味，唔會太甜 XO 炒米粉： 落咗單就炒牌（凌晨 12點炒牌），又要拎走上車食 ，開盒仲熱辣辣，而家要食好味唔油嘅米粉好難，但哩到就有啦！又係有好多配料，夠香，唔會太咸太油，總之係食完會想再食嘅！唯一唔好嘅係搭枱分左右兩邊坐，但啲調味菜莆係晒左邊，每次拎都要麻煩人，所以都

柯士甸附近既一間特色糖水小店✨叫左個楊枝甘露糖水外賣，楊枝甘露好多料，超多西米、芒果、柚子肉，每淡都入口豐富好足料！值得一讚👍🏻另外見佢仲有好多特式糖水可供選擇，有d仲好特別tim😎例如薄荷朱古力西米露🤭有機會會再幫襯唔同款式既糖水🫶🏻除左糖水仲有其他特式小食😋自己就叫左個蜆肉碗仔翅，都係超足料，啲雞肉大大舊，又有菇同粉絲等等，食落夠曬滿足🤟🏻 仲有串燒，食左個雞軟骨，香脆可口好好味🤤

啲名好得意，要睇英文先大概估到有咩材料喺入面🤣裝修都好搞笑，老細好nice好熱情🤩其中一段對話⬇️我：唔該要份亂咁嚟燒賣啊...（唔好意思所以細細聲）老細：亂9咁嚟啊？（好大聲）我：Σ(°Д°; 係...係啊🤣🤣🤣順帶一提佢請緊人💥一碗撈芒 💰42 ❤️‍🔥10/10分芒果沙冰做底，仲有啲柚子肉喺入面，有啲似楊枝甘露feel（啱哂我依啲三心兩意嘅人），甜度剛剛好，食落幾fresh🫰🏻芒果肉香甜😚珍珠、芋圓、西米煮得軟硬適中，有咬口💞魷魚串燒 💰14 串 ❤️‍🔥9/10分本身已經有燒烤味嗰種香，加埋啲七味粉（應該係）更香，不過食落有啲蓋過咗魷魚嗰個味〰️亂咁嚟燒賣 💰28 ❤️‍🔥6/10分火腿、椰菜加XO醬燒賣，好重蝦米味，我自己麻麻地，而且燒賣本身無咩味，落得又比較多油，食落幾膩🫣炸黑白花枝丸（黑白勿演）💰33 ❤️‍🔥10/10分外脆內軟🫰🏻糖水雄狗仔粉 💰30 ❤️‍🔥6/10分豬肉絲+冬菇+狗仔粉，肉絲有啲韌，狗仔粉OK，唔會太冧，湯底好咸同太稠，食到有啲膩同埋頸渴🫠芒果三重奏 💰40 ❤️‍🔥5/10分依杯椰奶味重，但無咩芒果味😵混醬腸粉 💰12 ❤️‍🔥9/10分好滑，可以自己按個人口味加

今次黎到糖水雄依間小店，位置偏遠，但十分多人排隊，所以選擇外賣，今次主要試下佢地既小食，咁個朱古力燒賣係十分特別，魚肉燒賣加上朱古力醬同淡忌廉，配搭起上黎出加地好食，唔會有咸有甜咁。麻辣蒜香雞翼十分惹味，麻辣汁入面有杞子，豐富左個口感，而個xo 醬腸粉十分多料，有椰菜絲、蛋絲同火腿絲，xo 醬既味亦十分重。

糖水雄曾在燒賣關注組紅起，係佐敦美食名物之一。店舖近年改革，由傳統糖水鋪進化為推出多款新穎大膽小食的小店，例如腐竹白果沙冰、多款奇怪組合燒賣、混醬腸粉等。創意小食中最有話題的一定是各款特色燒賣，今次決定去試試基本野先1️⃣ 雜果西米露水果新鮮，唔係用罐頭水果冇浸糖水，食到水果既酸味反而同糖水的甜味中和返西米煮得剛剛好👍🏻彈牙好食😋2️⃣ 芋圓西米露芋圓煙韌彈牙！配上西米露，完全係My favourite ❤️ 3️⃣燒賣（原味）魚肉燒賣十分彈牙完全係小時候小賣部既味道！完全是回憶剎！燒賣底係最重要，下次可以進擊其口味❇️總括❇️每一樣野都穩打穩紮一定唔會伏！好穩陣！但就係尼一份穩陣的水準係十分難得‼️畢竟Missfatty真係試過隔條街的糖水舖真係樣樣都錯🥴糖水雄重有做18區外賣住邊度都可以試到😍

係佐敦食完壽司郎.囡囡又話要食甜品.又話帶我去一間好特別嘅甜品.因時間仲係好早.打算去廟街行吓街先.行完廟街又話要去寶靈街掃街.呢個囡囡真係好興奮.突然之間又要話掃街/又話要食甜品.難得佢喜歡.一於奉陪到底.行完街/掃完街.便開始進行甜品行程.原來囡囡要帶我去《糖水雄》食甜品.間舖係文匯街文景樓.係佐敦道行過去都要十零分鐘。🚶🏻‍♂️👉📌糖水雄 (佐敦)佐敦渡船角文匯街30號文景樓地舖嚟到門口.這是小舖.舖內座位有限.佢哋賣嘅品種超多.價錢都係大眾化.我哋今晚點餐如下：1. 芋圓渣窄 X1 $34元2. 揶汁芋泥西米露 X1 $26元3. 楊枝甘露 X1 $36元4. 馬蹄露 X1 $26元5. 狗仔粉 $30元 X2 （外帶再加$2元）合共$62元

糖水雄〖佐敦〗══位於佐敦┃油麻地的糖水小店, 早前在網絡上掀起一股熱潮，傳統創新的糖水店，完美融合新舊二代的故事。新老闆很有 Heart, 對待客人真的很有熱誠很有禮貌，很久沒有遇到這種發自內心 Service客的餐廳了！🍧 一碗撈芒 $58芒果沙冰味道較淡，不夠香濃，但配料很多，有珍珠，芋圓，芒果等。口感不俗但味道普通🍧 芋圓芝麻糊 $32芋圓口感煙韌彈牙，份量不算少；芝麻糊很香濃，不會太稀也不會過甜，很適合現今的我們老實說，論味道只是一般的糖水店，但是勝在夠親民，夠平民，夠真心！Sυρρσɾƚ!👍🍭

一入到去個裝修已經好似去咗地鐵站咁好特別！再打開餐牌！見到有好多唔同款式嘅糖水同甜品！今次叫咗兩個沙冰🤣都係朱古力味！試咗佢好特別嘅一碟餸：亂咁嚟燒賣個味道又真係幾好食

————————————————————————糖水雄 Desert Hero地址：佐敦渡船角文匯街30號文景樓地舖G/F, Man King Building, 30 Man Wui Street, Jordan沒有來吃過可能都聽過故事的一家創意糖水店，新品會發佈在社交平台，全港都送貨，雖然位置較偏，門店卻有很多食客大排長龍，去完西九大可以過來一探究竟，創意燒賣十分驚喜🌟，值得一試！8點來 雪糕和腐竹已經售罄，可見多麼搶手！🟠推薦食物🔹亂x咁黎燒賣🥢($28)：名字叫亂來，卻一點也不亂來！非常驚喜，加上xo醬和火腿肯定不會難吃，另外搭配了魚露、菠蘿和雜菜，燒賣被切成小份量，外皮酥脆口感豐富，，菠蘿的甜和XO醬的咸十分match，翻炒過後酸甜之間更顯鑊氣十足！十分推薦🤩🟡不推薦食物🔹一碗撈芒🥭($42)：芒果冰沙味道較淡，水感很重，有珍珠、爆珠、芋圓、芒果，豐富但份量較少，點綴成分居多🥺🟠員工女生應該是part time，爸爸管廚房，兒子管樓面，非常諧星感，每次和客人對話（例如請就坐）都略顯喜感😜🟡環境小店風格，可供選擇的甜品種類繁多，店內有很多有趣的貼紙和slogan🟠總評分（8/

去西九玩完一日，最近既餐廳係圓方，不過價錢就... 不過又唔係太肚餓，就上網搵到文英樓附近有糖水舖喇去到見menu 幾有特色，係以交通網絡做主題，個人覺得幾有親切感坐低就叫左一個創新糖水 薄荷朱古力西米露 味道好似細個食過既薄片一塊塊獨立包裝既朱古力咁 有著滿滿既回憶辣椒蒜蓉燒賣燒賣有咬口 不粉 雖然話係辣椒 但一啲都唔辣 想辣啲既朋友可以自己再加辣

會再次幫襯的一間糖水舖！話佢係糖水舖，但又不完全只係食糖水。其實有不少糖水店，都會提供燒賣、腸粉、魚蛋等小食，而糖水雄的特別之處，在於佢除咗小食之外，仲有炒麵、狗仔粉、雞髀等食物供應，所以，基本上你嚟呢度食糖水，可以一次過食埋主食。我今次食咗：馬蹄沙，質感順滑、濃稠，有充足爽口的馬蹄，甜度略嫌，味道ok。綠豆撈，一兜裏邊有五六種生果，分量很大，最後都食唔晒，味道清甜，好食。西米芋頭湯圓，芋頭軟糯，西米屬於大粒，加埋湯圓， 十分滿足！紫米露，呢一碗正常發揮，同出邊食嘅差不多。炒燒賣，佢將燒賣一開為二，加入火腿、XO醬、魚露、雜菜等材料，炒成一碟，我仲加埋旁邊啲菜寶，十分滋味。這間店的服務也很好，價錢又合理，總的來說，非常值得一再幫襯！

呢間糖水店位置偏僻，卻吸引好多食客排長龍，經過見到咁多人排隊，都想試下有幾好食。除左中西式糖水甜品，仲有好多自創特色小食。薄荷朱古力西米露$40淨係聽個名已經好新鮮，食落好似水狀既薄荷朱古力雪糕，加埋西米露，夏天食幾香幾清新，可惜味道偏甜，食多一兩啖會覺得甜膩 。香滑芝麻糊$26芝麻糊口感幼滑無粒粒，但食唔到芝麻香，而且味道都係偏甜。XO醬炒腸粉（限定）$28炒腸粉反而做得唔錯，夠鑊氣，食落又香口，加埋XO醬辣辣地，幾惹味😋小店仲有好多款特色糖水同甜品，例如朱古力燒賣、白果腐竹薏米沙冰等等，唔知係咪全部都偏甜，畢竟只係試左兩款。如果想試特色既糖水同小食，呢間可能岩你。小店由1800-1900開始就排長龍，接受指定金額跨區送外賣，住得遠既朋友仔都可以試到。好味：3/5環境：2.5/5客服：3.5/5