糖水佬甜品

营业中

休息中

紫糯米豆腐花加埋一起又幾好味. 平時食一碗紫糯米時會覺得好飽肚, 但加左豆腐花又可以減輕"滯"既感覺, 值得一試.p.s: 近幾天又凍番, 最arm食一碗熱既甜品啦.

傻鬼送我回家之前在此食個甜品先. 叫左個熱芝麻糊, 傻鬼叫木瓜雪耳糖水. 其實佢地d價錢真係叫抵食啦, 好唔好味呀, 都算ok啦. 不過不失.

年初一吃完飯後，想吃糖水，可惜附近的糖水鋪也不開，只得這間可以選擇在「新春期間糖水加二」的情況下還是叫了一碗燉蛋，結果就做了一個笨蛋太甜了，太鞋了，吃了一啖便想放棄；但有理由咁快年初一就年年有餘ga? 所以還是硬着頭皮吃了半碗……………….好難食呀

年初一同阿妹落街下想食碗水, 咁我地就走就到好多糖水鋪既深水埗, 睇下有咩揀... 雖然都知年初一好多頭都會放假. 但又會得返一間糖水佬開既??!初頭見佢連門口d table 都爆哂, 行兩行睇下邊到仲有位,但真係冇咩好揀... 轉個round 情況好好多, 於是就走左入去新年食野預左係貴d, 佢就新年期間每碗糖水加兩蚊, 都尚可接受我要左一碗熱的薑汁蛋白燉鮮奶, 而我阿妹就要左一碗熱既冰糖燉蛋先講燉奶, 有薑汁味, 幾好食又唔係太甜, 但就唔係咁滑...味道好過大良八記, 但texture 就唔得, 面個浸都幾好, 但一"畢"到中間d 位, 一舊舊seperate 跌返落個碗到... 又會咁既??!!至於燉蛋, 阿妹試完之後覺得超甜, 我都覺得幾甜, 但好有蛋味, 都係一畢起, 一"舊舊"咁lor, 唔滑兩個甜品上table 時都好熱, 但我地兩個都食唔哂, 哈哈~~埋單每碗$12 + 另外$2 each = $28下次會到另一間試~~

昨天自己一個係開個頭,食完晚飯想食糖水. 見到呢間鋪好旺,應該d野食唔錯. 正想一試,不過實在太旺,旺到門口街邊既桌都爆滿,只好轉頭啦. 果然轉個頭好好多,入到去有成三四張桌比我擇. 坐好叫野食,叫左芒果紫米﹐$18﹐+ 湯圓3 粒﹐$5.芒果幾香,紫米都有d水準(自己口味問題,可以再少dd 甜就好啦^^),整體都係好既. 湯圓3 粒,因為係熱食所以分開碗仔上,有少少糖水浸到半粒湯圓左右睇落幾好食. 接著聞到有好香既薑味.曬;近日轉涼. 但係好得意食落又唔係好重薑味.d 麻蓉都好夠料;水準之作.食完抬頭,個場又爆左. 唔...果然係好食既糖水鋪.

琴晚同左個好耐冇見既朋友食宵夜...因為唔係好肚餓既關係, 我地去左食糖水.我地order 以下食品:西米露加黑糯米$10<--好味, 唔係好甜, d 西米唔會溶晒朋友要左合桃露$12<--友人話都ok 啦....仲要左糖不甩$10, 同d花生白糖一齊食, 好好味, 有咬口, 唔會過甜...^^間shop 裝修左, 光猛左好多, 同換左d 新既枱同櫈,冇咁迫

今日見完工...經過e頭咪順便黎食下d囉....平時都有食開..都覺得好好味ga啦...今次我又食黑白啦都保持到水準啦.....絕對係食得過啊

食完晚飯食甜品,試一試凍冰花燉蛋.燉蛋唔似一般D舖頭咁甜,而係小小甜,但勁香蛋味,雪凍左都咁香,真係難得.而且軟硬適中,食到尾都唔會倒塌.價錢$12,算係咁!

坐得舒服, 有電睇, 野食平又足料楊枝甘露一般, 雜果西米要椰汁底好味, 好多生果,再加3粒維記雪米滋, 總數41蚊比許留山平, 路經比地可以試下

食完劉森記意猶未盡,就黎左對面的糖水佬食飯後甜品!我叫左芒果布甸, 男友叫左凍燉奶。我個芒果布甸面真係有幾件芒果架, 幾鮮~布甸味道都ok~男友個燉奶好滑, 不過略甜, 食得多會好溜~總括來講呢間甜品店都好抵食, 我同男友好多時都會黎架!!~起碼唔使等位同趕住走, 好過松記啦...

今日去左食薑汁燉奶，好滑．．熱辣辣．好正呀～～～

什果大菜糕$18: 在碗內有很多蛋花的大菜糕上放有多種鮮果，味道清，不太甜，是非常不錯的健康甜品。而花奶可另上，加入大菜糕後吃亦很好味。

芒果布甸，布甸好似溝埋ｄ超市粉咁，芒果得幾粒，雖然好平（１４蚊），但好難食。

什果大菜糕18 蚊叫老公收工買外賣回來, 真係幾多生果, 而d 大菜糕又不是太甜, 老公買了合桃芝麻糊, 都好好味, 好香

食過一次但係給我的感覺不及松記那麼好,員工的態度,食物的質素,shop的環境, 都係差勁的, 希望他們可以改善.