糖樓甜品 (已結業)

星期日同班朋友食完飯唔夠喉,亞烽就介紹我地去這間舖再食.舖內環境一般, 8點左右唔算多人,亞烽就介紹我食椰王燉奶, 原隻椰王上, d燉奶好滑, 個奶味同椰香味剛剛好, 而亞烽就食芒果世界, 內有暏喱,黑珍珠,西米,涼粉,椰汁,芒果肉都好多下,暏喱都好夠味,唔似出面d咁淡.感覺幾好. 聽亞烽講,這間野好有heart去做,同好注重客人既意見,係而家做食店既,這點很重要. 贊呀

呢間野我食過兩次第1次食左蜜瓜世界好多料.有q果.椰果.黑珍珠.西米.蜜瓜.仲有"遮哩"底真係好好食.好重料第2次就食左芒果刨冰真係好大個~d芒果汁好清~下面仲有花奶.芒果~推介~價錢又唔係話好貴.抵食

推介: 椰皇燉奶 成個椰皇仔上~真材實料~ 好香椰汁+ 奶味~ 而且好滑~~~ 仲可以食埋d椰肉>.<有時夜d去.....會賣晒...........其他甜品都好足料~ 亦唔會過甜~不過...如果d糖水可以大碗d就更好啦~ (both 堂食+外賣)前排我買(中式糖水)外賣.....細碗左................

今晚返屋企前黎食左個「宇治刨冰」~ 有綠茶漿, 日本紅豆, 同埋小丸子...味道黎講算係適中, 唔會太甜...小丸子又唔會話無味~ 材料都幾足夠! 環境黎講可以見到店主落左好多既心機... 佈置度都好特別... 不過可能資金唔係好夠掛(見佢地都係2X 歲.岩岩讀完書果D ) 都係要小圓椅, 鐵方桌, 餐具都係普普通市..沒甚麼特別之處... 青年人黎講俾左咁多心機...SO 我再試試.. SO第2晚我再黎試,, 今晚, 食南瓜西米露... 佢有D 煮得唔同.. 佢係原粒整既... 但問題就出現O係呢度喇.. 佢如果煮得唔耐.. 佢落左既椰香,, 就會掩蓋左南瓜既香味... 所以,,好直接,我食唔到南瓜既味道...俾$ 既時候,, 老闆見到我今日食既時候表情有D 唔同...親身黎問我...(老闆果然唔同D)...我講返個問題俾佢.. 佢都話肯改... 仲有,, 我建議佢加多D 新產品.. 佢話就一週年, 到時會新加D 款(抵讚!) 十分滿意~!!

考完試,星期六同同學去蝴蝶灣bbq,到11點幾散,大家意猶未盡,於是搵糖水食-就去左糖樓,以前都去過2,3次,水準唔錯,去到人唔算多,有位,睇下menu,有新野-朱古力刨冰,夏天食最好.個刨冰面有好多朱古力碎同生果,下面就朱古力漿刨冰,底層仲有啫喱粒,好多層次.果幾隻味配合得好好.d同學都話我個最好味.

聽豬朋同狗友講, 話屯門碼頭有一間好正既糖水舖,咁尋晚同損友1-6號係瀧鼓灘bbq完,仲想吹下水才回歸,就揸車look look, 舖門外可park車, 幾好....唔知係咪bbq完谷住d火, 個個食刨冰..7個人6個刨冰share食,有朱古力刨冰, 士多啤梨刨冰, 芒果刨冰, 楊枝金露刨冰, 椰香刨冰, 宇治刨冰, 6個冰山,好壯觀.咁多個中, 我個人最喜宇治刨冰, 可能我鐘意食綠茶, 加上d白玉圓軟綿綿.朱古力刨冰都幾好, 朱古力味濃, 士多啤梨刨冰就甜甜酸酸, 椰香刨冰就好似飲椰汁冰…不過,最難得係d刨冰由頭食到尾都咁多汁, 唔會食食下得返d冰,証明冇偷工減料, 抵贊

係11:58分既時候, 唔係12:58分..^y^-----------------------------------------我路過的,果個老板真係好好吹,超級nice.話說上年12月31日,同班fd去bbq, 跟住就去左糖樓食糖水,當時十一點幾,全場爆晒,心諗:今年冇得count down啦,點知...奇蹟出現,係12:58分既時候,四周突然傳紙杯,根住仲有d水果酒比我地全場分黎飲,而radio既聲響就越黎越大....10,9,8,7......3,2,1.happy new year.就係咁,我今年就係一間糖水舖度同四,五十人一起count down.....所以話...人情味..好好味呀

我路過的,果個老板真係好好吹,超級nice.話說上年12月31日,同班fd去bbq, 跟住就去左糖樓食糖水,當時十一點幾,全場爆晒,心諗:今年冇得count down啦,點知...奇蹟出現,係12:58分既時候,四周突然傳紙杯,根住仲有d水果酒比我地全場分黎飲,而radio既聲響就越黎越大....10,9,8,7......3,2,1.happy new year.就係咁,我今年就係一間糖水舖度同四,五十人一起count down.....所以話...人情味..好好味呀

個肥嘟嘟老板真係好好傾....好nice我朋友仔食左榴槤水晶珠, 佢話d 榴槤漿好香,榴槤味好夠.(但我聞到好嗅,因為我唔食榴槤), 而我就要左我既至愛....士多berry...我要keep fit...所以我choose 士多berry黑珍珠(聞說黑珍珠可以消脂)...最特別係用士多berry打成士多berry漿, 我食到仲有加cream落去打既味道..好味...食完仲同個老板傾左成個鐘先走, 佢仲教我點做士多berry cheese cake, 真好人...食完後, 成晚唔准朋友仔講野,因為佢個口好嗅榴槤味.

久唔久都會來糖樓食刨冰!!真係覺得全香港最好味..我冇誇張...d侍應同老細都好好人!所以每一次入屯門都會去食一食!!!大力支持

正如我的評分一樣，各方面都好一般。我吃過脆炸雪糕和什果涼粉，不差。可是價錢真的偏貴，只怪獨市吧。

早排上0黎睇先知美樂開左間專食甜品0既店,其實都有得做...(我估)...有日放工口好乾加上天氣又涼,於是走左去食~腐竹雞蛋糖水-賣12蚊真係叫做幾細碗,有一隻雞蛋~幾啖食哂...味道同屋企整差唔多.入到去得一個客,我食到一半打後得我一個客添=.=;;;如果佢賣平返幾蚊就更好了

琴晚，第一次去糖樓食糖水。叫咗焦糖燉奶、焦糖燉蛋、芒果刨冰同埋腐竹雞蛋糖水。個焦糖燉奶同焦糖燉蛋好好味，面頭個層焦糖好脆，另外好有奶味/蛋味，唔太甜。而個芒果刨冰有好多汁同芒果，冇偷功減料，因為好多時d刨冰都係得少少汁，食到底時得番d冰。最後，就係個腐竹糖水，本人覺得都ok啦，可能食咗d燉嘢先，所以唔係太大驚喜，但都幾潤。另外，要值得一提係佢舖頭嘅招呼唔錯，雖然係舖頭仔但係都幾有禮貌。

佢d糖水真係几好味架,聽老板講,佢地仲會耐唔耐加d新款式架，好有心架，咁我地哩d客食多几次都唔會悶啦! 本身係屯門人的我，覺得屯門就係欠缺哩一類型的糖水舖。

其實我幫襯左糖樓都有一段時間，因為我ｆee|到依家鋪頭真係好有ｈeart去做囉＝〕夏天我最ｂuy楊枝金露刨冰囉！因為佢\超足料呀ＸＤＤ好多芒果＝ｖ＝夏季解暑一流！wｅ||不過依家已經係冬天．．（但我今日都有食刨冰－口－）我就鍾意焦糖燉奶,,但要６-７點先有＠＠上面果層焦糖甜甜地，再加埋果ｄ燉奶超ｗarm，，又唔會太ｃream既感覺囉＝〕今日另外仲食左辣魚蛋同滷水雞翼我ｓuppｏrt魚蛋！因為依家好少魚蛋真係有辣味架囉雞翼又好入味．．