糖樓甜品 (已結業)

係蝴蝶灣bbq完一行人出黎食糖水自己嗌左五彩水晶珠水晶珠外表同西米一樣,但口感相異,很un,很好食五彩即是五種食物,有奇異果、西瓜、木瓜、密瓜仲有椰果總括而言都唔錯,係價錢有少少偏貴平時係市中心食都係$15到一碗但呢度食差不多$20仲要細碗d不過見佢呢度有咁特別既水晶珠,都算okay啦

第1次去試左朱古力軟心湯圓.......好好味...個炒蛋好滑~~沙冰....法式燉蛋...西米露都好正完全唔覺得有咩問題~~D西米露好大粒...好有口感真想一粒粒慢慢咬XD

食飽飯同女友行去屯門碼頭到散下步，口痕痕去0左食糖水，叫0左芝麻糊同椰子燉奶，兩個都好正，讚。再叫多0左10蚊10粒燒賣.........呢個就真係唔得。下次都係只飲糖水，小食就真係..........

我星期日去左糖記食, 都保持一貫水準, 我地[+物]同學會大大話話都去過十幾次, 完全唔覺佢D野有問題.返正題, 今次我就去試左個新出品, 口感好CREAM咪, 好香滑, 同雲尼拿味夠,OK....希望佢地保持下去.....

同朋友行過呢間野見門面唔錯又多人,就行入去試下,點知完全係被騙......嗌左碗芝麻糊,一食就知沖出黎,但佢明明寫住話生磨........其他人嗌既刨冰,涼粉都係一般強烈不建議大家去食!!!

真係要...講句粗口(不過, 有失斯文......)簡直唔明點解會有咁多笑面一行4 人, 其中兩個係F4 , 冇乜食過好好食的野的小朋友頂, 我地已經叫最普通的芒果西米露.... 涼粉.... 難食得即時變面.......怪味..係4 個甜品都有怪味如果呢間都叫好食, 我就寧願去悅湖O個D 算了..... 反正都係冇質素......但人地就有人情味我通常留親COMMENT 都係讚的...但今次.... 真係不講不快唔好以為屯門碼頭少甜品店....整個好似靚的鋪面(其實都係呃人的), 就令人覺得好食! 食過好野的人、對食物有要求的人都唔會認同有咁多笑面!!!!

睇飲食男女推介,話芝士味既洋支金露, 我這個芝士粉絲, 一定要去踢埸....好特別, d洋支金露真係有芝士味, d味都幾夾, color 賣相ok....但食完有點漏.

昨晚，突然要返公司攞文件，側聞同寅講公司附近有間糖水舖幾「惦」，所以專程走過去一試...走近舖門口，見兩三個人係度等外賣，但係舖頭入面竟然空無一人，心想都成9點鐘，一個人都無？都係買走算了，睇睇MENU都幾Colorful，食咩好呢？唔...都係食我嘅至愛椰皇燉鮮奶。賣22蚊，外賣唔駛加錢，價錢OK。落咗單，老闆走咗入廚房，水吧又用D布遮住晒，樓面剩翻我一個客係度，都幾唔自在。等咗5分鐘，終於有野出，一攞起手，好似輕咗D喎...打開一睇，又真好似比我以前食嗰D細咗D喎，食完之後，OK啦，比起我係新榕記食晏嗰陣差唔多...總結，食評不可不信，亦不可盡信。信自己條先脷至最重要。

我由營樓開店食到而家...個人覺得好好食,仲有好足料~~~但係我想回應樓下既"路人" ...我睇左係個回應之後~~~問左老闆...係唔係冇嫁~~~佢就俾我影左幾張相...有人想要的話,我可以傳送俾你~~~p.s 我次次唔開心去食野都會好開心咁番出黎...so強烈推薦你地去食~~~

我去過果度好多次,覺得幾好, 價錢5係貴而且多款式, D甜品又有特色. 朱古力軟心湯圓,黑白凍,龍眼椰果西米露等都好好食,有時仲會同老闆同其他侍應傾下計,佢地都好NICE嫁

好鍾意去糖樓食甜品今日同朋友o係BBQ後揾甜品野食, 行來行去都唔知食咩好,之後見到糖樓餐廳我食過好幾次, 覺得唔錯,事關我上禮拜先食完, 所以就提議入去. 但係我朋友都竟然話食會感到好開心, 食完之後發覺食物味道極好, 所以都堅持再試下又勁好味,我叫左擂沙朱古力湯丸特別係雞翼+跏喱魚蛋~老闆好親切~依家好回味呀!!!!!!!!! 星期六同班fd再食過~ 試下下面"路人"架勁呃錢~無芒果架"芒果布甸"

昨晚再一次去糖樓,發覺佢地改變左好多,野食多左,menu轉左,價錢減左,唯是依舊好味.今時今日做生意,除質素要高,仲要不停變,給予客人新鮮感.....繼續努力,糖樓...我實撐你

我入去諗住有咩咁好食~咪去試下囉~感覺上一D都唔會覺得抵, 只係D普通野, 由其是芒果布甸勁呃錢~無芒果架!!!總之就係咁既價錢可以再食好D啦!!以後我都只會去美樂入面既"大細路"食糖水~!!

小妹不嬲都係糖樓既長期支持者=]今次堂細佬同表妹難得入左黎屯門，當然要帶佢地黎試下啦堂細佬叫左「黑森林刨冰」,,表妹叫左「趣炸雪糕」我就叫左個Tea Set=] 黑森林刨冰既朱古力醬好香好濃..正表妹試完一啖之後好後悔無叫刨冰不過好彩炸雪糕都無令到佢失望入凍外脆...炸得夠哂新鮮至於我個tea set ，係雞翼+魚蛋+印度薄餅雞翼同魚蛋好入味>V<而薄餅配d咖哩魚蛋既汁好yummy臨尾唔夠喉...仲叫左擂沙朱古力湯丸D沙好好味..越食越有朱古力味..好得意佢地都話下次要再黎過=]

因自己都係住屯門, 所以糖樓開業不久便幫襯了!! 一直很喜歡它們的"新黑白" 及"紅豆雪糕春卷", 一流!! 雪糕春卷外面炸得卜卜脆, 但入面既雪糕仲好凍好好味. 不得不讚下老板既功力!!