糖森林 (大陂頭徑)

营业中

休息中

本身係男朋友去隔離新開嘅小型美食街食野，點知嗰度冇位比我地坐起到食，唯有企起出面食但大熱天時，越企越熱，所以拿拿林入去附近嘅糖森林解暑我就點咗一個椰汁冰紫米露，本身以為佢嘅外表係全碗紫色，椰汁會融入曬起紫米度點知一上枱，見到啲椰汁多到就溜出來，椰汁偏稀味偏淡，似有水開稀過的。而紫米煮得不夠軟，會間中吃到些未花開的米。椰汁與紫米感覺上好難溝埋一齊食，似各有各吃的，感覺非常一般。男朋友點了雞翼尖，我也偷吃了一件但因為我不嗜辣(平時可以接受到譚仔酸辣)會覺得對於我嚟講會偏辣。男朋友覺得不夠入味，B仔會更抵和更入味。

食飽飽，諗住食過甜品有個完美的晚上！點知去咗間伏店！👎👎👎👎👎👎👎👎👎👎見到個“櫻之雪山”圖片鬼咁靚，吸引到唔叫都對唔住自己咁！嚟到嚇鬼死，完全圖片只供參考囉！即問士多啤梨雪咗幾耐，點解可以又乾又黑？疑似老闆娘的侍應只是對著我們笑笑！😠😠😠😠😠😠😠😠😠😠細佬的什果大菜糕（童夢），諗住可以搵到童年回憶，慘慘豬，朱古力條有“益”味，生果唔新鮮，除咗條蕉，因為未熟囉！😠😠😠😠😠😠😠😠😠😠

這一間元朗店，糖森林對我來說有好深印象，我是和我一名已故的朋友最後一次吃東西的店，我最記得是白雪公主，因爲他點了這個,這一次來吃，我還是覺得滿甜，但是比上一次吃好吃多了，這次叫了雞亦尖,這個真的滿好吃的！！幾值得一試,糖水，如果喜歡吃甜，這裡的西式甜點很適合你，如果像我不好甜反而這店的中式糖水會更適合你！！這次我吃的是西式糖水，真的………………………有點甜。不過糖水當然甜。我覺得同朋友來吃這個真的不錯，而且滿特別的說！！。

食完米線，覺得唔係好滿足，所以四圍搵甜品食，由千色行到元朗廣場，行街途中搵定食咩甜品好，最後見到呢間幾啱心水，所以行多陣街就返轉頭來呢度搵食。一入來唔多客人，得1個，我地坐落不久就來多4位客人，諗左一輪先決定到食咩…流星花園，名好似好正，我覺得啫，來到覺得好平平無奇，唔係咩特別美點，雪糕可選其他味嘅，揀左cookie和草莓味，都好正常嘅，個威化兜好脆下，但無乜味嘅~香蕉窩夫，個窩夫熱嘅，不錯，但顏色好黃，唔知點解呢有一球雪糕唔知係咪芒果味，但又似桃味，好食㗎，只是分不清真正味道唔知話叫窩夫有椰青水送，朋友就喜歡飲，話正噃，我就麻麻啦

嗌左心太軟同香芋西米露心太軟幾好 可以流心 但太！！！細！！！！ 食曬心太軟仲有好多雪糕！！ 價錢ok $5x 好過sugxr mxmx好多！！！！香芋西米露好好食！！甜度適中！！芋頭有咬口！！ 不過芋頭份量少 整體幾好！！！ $23之前食過綠豆沙 成碗都好足料 好沙 有海帶 岩岩好夠甜 只需$19！！！！！！------------------------------整體而言呢間都係一間唔錯既甜品鋪 會再去

跟朋友逛街約定好要一起吃去甜品，朋友說有一間挺不錯而且價錢不貴的，朋友是地頭蟲，喜歡四處找有趣事與美食，我當然要聽她的話去試一試啊😆來到這裡，看了看就馬上點了這個「魔鬼的誘惑」，對啊，這個魔鬼正一步一步的誘惑我，怎能抗拒呢？當我一邊心懷期盼一邊跟朋友閑聊之際，它就到了！一碟大大的朱古力雪花冰，撒了些彩虹朱古力針，還有朱古力漿，旁邊還有一堆紅豆、小丸子和香蕉啊，份量還真一點不馬虎😚一口雪花冰，好綿好冰，冰凍的融化在嘴裡，好爽的感覺！夾雜了粒粒口感的彩虹朱古力針和濃濃朱古力漿，味道和口感層次上增加了不少還可以混著紅豆、小丸子和香蕉吃，味道變化更多紅豆甜甜的，不硬反而挺軟的，我也頗喜歡吃紅豆的小丸子煙煙韌韌，挺好咬口，不過就只是沒什麼味道，但小小的一粒挺可愛😘

食完晚飯口淡淡就緊係去食糖水，因為太早10點多平日食開果間未開鋪，就試下呢間，係門口見到個定價中等唔貴，入到去簡左呢個最穩陣系列：多芒小丸子既a貨，講味道唔會差過許留山，有好多好多小丸子呀，我食果個加左芋圓，好似加左＄3，4蚊，粒芋圓好有咬口，唔會硬，亦好重芋頭味，可惜得果4，5粒，出手過輕都幾唔值，至於個糖水本身d冰就仲未溶，係典型hea既未溶碎冰＋芒果糖漿，有d失望。整體cp值係比同區高，想食多芒小丸子糖水又唔想去大鋪食生果船既可以一試。

芒果班㦸食落去幾好食，啲cream較為淡口，甜味冇咁重，冇一般嘅cream咁膩口。我幾中意啲芒果，冇咩酸味。我好怕啲芒果有陣酸味，作為甜品應該係甜會比較好啲。價錢黎講，24蚊兩個，我覺得有小小貴左啲。但係算係一個良好既甜點地方。

好耐冇食過綿綿冰，難得一次同翻舊朋友就走去食埋糖水先散人啦，行行就黎到呢一間甜品糖。內裡嘅規模都唔錯架，幾整齊，位置都幾多。少女時代 $35因為有啲懷念以前嘅綿綿冰就決定叫佢，雖然有啲係比佢個名吸引嘅。呢一個其實係益力多味，所謂嘅乳酸味。呢個綿綿冰其實慢慢食都得，我都算食得慢（因為真係好凍），但係佢都未溶，呢一點值得讚嘅，但係啲配料無得揀感覺差左啲。對於配料，我唔係太中意呢碟嘅款式，整體黎講都還可以嘅。價錢方面都唔係好貴，呢一度嘅款式都算多嘅，想聚會都可以考慮下。呢一間算係不過不失啦。

放假前夕，難得出外吃完飯時間尚早，突然很想吃碗糖水，但由元朗廣場走到松記實在太遠⋯邊行邊走沿途看到這一間糖水舖，看見門面和相片賣相不錯便打算試一試。我們三個人每人點了一個糖水⋯先來的是椰皇燉蛋白雙丸，因為朋友說很想食芋圓，怎想到一放進口已經有中伏的感覺，第一次吃芋圓是甜的，而且整個燉蛋白都只有甜味，完全蓋過了芋圓的味道再來第二個叫星空的甜品，其實是楊枝甘露加龍眼肉，本來打算點一個最普通的甜品會最保險，怎想到楊枝甘露沒有楊枝甘露味用芒果沙冰做底，加幾片芒果，再加幾粒龍眼肉，而且只有食到甜味⋯最後一個甜品亦是楊枝甘露⋯除此之外⋯發現這間糖水舖異常多蚊，隨時隨地都會在你面前飛過，很影響食慾呢總括來說，我認為街邊宵夜檔的糖水比較好食吧！

是咁的食完一次後,味道非常特別首先由我講下幾特別1.唔夠凍.食落幾神奇的口感2.綠茶粉加一層層一層層的奶油,好油膩3.食完一半後...太甜太天真,把口好乾 4.完全沒有滿足&幸福的感覺總結環境ok 有完位 唔需要等太耐時間整體糖森林都算ok 只少價錢唔係太貴

自從有次在午餐後吃過甜品後，彷彿都要在午餐後再要食過甜品才肯罷休，雖然並不是經常在午飯後一定食甜品，但是卻見尚有時間，為何不可呢？在元朗確實有不少甜品店，於是走到大陂頭徑，找來糖森林，吃番個甜品才回家。看看餐牌，著實有不少甜品，可是又想再點從前點過的甜品，於是不停在裡面鑽研一番。流星花園（三十五個大洋）食材由士多啤梨、芒果、奶油、雪糕及格仔餅所組成，雪糕由選擇了朱古力和緣茶味。各自的食材都有各自的甜味，有酸酸甜甜的感到的，可是綠雪糕的味道未算突出，中規中矩吧，奶油是很幼滑的。適逢下午時段，不會太多顧客，只有兩三枱客吧。

元朗出名甜品多又好味，除左b仔之外，另一間最想推薦嘅就是。。糖森林。我同我朋友嗌左三樣野其中二個都是甜品。第一個是香芒小丸子。芒果非常清甜，小丸子又多又有口感。之後上既就係咖哩魚蛋，超香既咖哩味，非常入味，所以後來又叫多了一份。最後一款甜品就是黃金兵團。有得簡2個雪糕球，另外仲有小小水果，當然主角既多士都真係好好味，未攞到過黎既時候已經聞到好香，成塊多士都滿布蜜糖，沾埋雪糕同cream真係無得頂，兩個人食岩岩好👍👍👍

現在還有『 圖片只供參考，與現實絕不相乎 』這支歌兒？當然有。招牌芒果腸粉，圖片又多汁，芒果汁又鮮又沒甚麼冰，怎料到實物的腸粉面頭的汁，像沙冰一樣。。。又杰又冷。腸粉還可以，皮薄，但雪得太冷，芒果都冰了。結果，太冷，甜點也不用這麽冷，頂製太久，預雪過久，過冷，不太好吃。蘋果柿紅棗甚麼湯品與圖片相差甚遠，圖片整個蘋果，又多渣，但實物竟然全無，還只得兩件餸(蘋果及紅棗兩顆在湯品內，實在叫人驚訝。。。都說了，每次吃甜品的心態總是一樣: 未吃，想去吃，不想吃的話，找個地方坐坐談談未談完的話題也可。去完，又是圖片僅供參考，實物比圖片差得多，不消半小時便吃完，花上三十多，幾十元坐半小時。

無心之下…路經發現呢個<森林>…今次為左呢個<森林>要放棄其他樹樹哪…>，<…估唔到晏晝點幾鐘就已經開門做生意…由於剛剛開門…所以冷氣唔係好夠…不過無相干啦…選返d冰涼既野食補數咪得lor...首先選左個人氣<黃金兵團>填肚先…多士燶而脆…好似好熱氣呢…多士完全無糖漿無牛油…要撈勻忌廉或雪糕食…先會感覺唔乾而有味…雪糕仲可自選兩種味道添…我選左芒果同士多啤梨…味道有d似牛奶公出品…之後就係呢碟<白雪黃金卷>…真係皮薄餡靚啖啖甜…大概係適逢呢個芒果季節吧…白色皮滑嘟嘟無咩味...係面層灑上少少芒果味沙冰…超爽…<楊枝柑露>大概又係必選之列…芒果底當然鮮甜好味…內裡除左慣常有既西米柚子外…仲加左爽口既苟蒻…口感非常豐富…最重要係柚子一d苦澀味都無...個人建議>>如果選沙冰奶昔…倒不如選楊枝柑露…價錢相若…但多料好多…而且一樣冰凍…感覺超值好多…