糖森林 (鳳翔路)

营业中

休息中

服務一百分差! 由點餐到收到甜品起碼等了二十五分鐘。宵夜晚段堂食滿座但一份甜品都無比任何客人 心知不妙。因為店主一直做外賣單根本無理過堂食要任何一張堂食單。 有客人催促, 只回應收到 好返整比你 等一等。跟住都係繼續整外賣單, 十幾位客人好似罰留堂咁白等， 再比客人催佢整堂食單先慢條斯理咁整比全部人。 以為等咁耐係整啲咩高水平甜品，點知做左水魚, 芒果又無味又細粒，小丸子硬既可以用黎當bb彈; 糖水又稀無味。 多人排點知中哂伏, 可一不可再。 無服務態度都算, 難食先係重點!

嘢食搞唔掂！態度好差！ 我都唔知點解冇嗌過啲雞翼呀嗰啲但係啲腸粉都可以咁貴囉， 我第一次嚟幫襯嘅， 但係發現幫襯完一次之後真係好多負評！ 好多樣嘢都搞唔掂， 甚至好多樣嘢都好差！ 嘢食唔使講！難食到極點！ 啲嘢食又貴，又唔抵食！ 啲員工態度好差！ 喺度食真係受氣...... 過嚟消費但係消費到成肚氣， 諗下諗下真係要畀個負評佢！ 佢個洗手間又污糟！ 而且餐廳嘅堂食位置太少囉其實， 真係要等好耐， 但係只為等一張枱， 真係去完呢次冇下一次！

又難食又貴，都吾知點解仲可以生存到，啲員工又吾得，態度又差，冇樣嘢好，成兜嘢都好似水甘，又冇味，地方又污糟，冇下次，冇得揀都吾會食佢，元朗大把選擇，款又少又難食

今日同男朋友想食糖水，不過試吓新嘢啦，平時買開松記平靚正價錢係好明顯貴過重機，但係我哋抱住一個想試新嘢嘅心態買咗個紅豆沙芋圓豆腐花$42一食落去好失望，個豆腐花完全唔係豆腐花，好似渣咁🥹同埋個紅豆沙似係大量紅豆蓉多啲本身係期望有少少淡淡陳皮香嘅中式紅豆沙圓份量都多OK男朋友嗰碗仙草波波有椰汁沙冰冰涼透心幾好味，仙草正常，質素正常好多 我諗仙草都好難出錯不過睇返張單發現而家可能逢親外賣全部嘢都要加$1呢間服務態度就好，不過佢唔好彩我第一次食就食咗個好差嘅質素，所以下次都係食返平靚正松記

因為松記沒有開見到旁邊有一間糖水舖一心試下見到店只有2個人都預了伏一口氣叫了4個不同的糖水諗住3個伏都有一個可以食的心態仙草芋圓人生第一次見淺灰色的仙草硬的，壞的潑開吃少少罐頭仙草芋圓就正常拿貨最平嗰d質素吃光芋圓，仙草就掉十分唔掂椰汁芒果腸粉完全不知什麼腸粉沒有椰汁味我只食了𥚃面的芒果腸粉全部掉楊枝甘露如果𥚃面不是自以為是畫蛇添足加了化學椰果條這個味道正常但也不會再買豆腐花$34全世界最難食的豆腐花我選這碗她話3分鐘即撞豆腐花識整豆腐花的人都知無可能酒樓撞15分鐘我自己整30分鐘果然中曬伏超級無歒硬一口石膏粉硬過百福硬豆腐34蚊，真係著燈總括這間店掉的多過食的永世不會再來她開了咁多年唔執都好野

本身想去嘅糖水舖無開 就走返返嚟呢個位食綿綿冰同楊枝甘露我哋叫咗楊枝甘露、芒果綿綿冰同埋士多啤梨牛奶冰楊枝甘露份量好細 味道都係正常嘅 不過啲西柚有少少太苦食到大家都避開啲西柚粒食芒果綿綿冰都係正常發揮有埋小丸子所以作為煙韌控嘅我好滿意~個刨冰都打到好碎 口感都好綿密 唔會突然食到大粒冰 夏天食係好爽士多啤梨牛奶冰個冰就好味嘅 有加埋煉奶所以味道好濃但係啲士多啤梨酸到搞唔掂 可能唔當造落單/需要侍應姐姐幫忙嘅時候成日聽完唔應有少少唔知應唔應該再叫多次好入室內食本來想涼冷氣 但個冷氣唔夠凍入到去都仲係熱 朋友熱到食到要除衫就算有風扇都唔太涼 建議要整返好部冷氣唔係應該都唔會再嚟食

同friend行完街順便去食糖水，裡面個打工ge女店員態度又差又西口西面，個櫻之雪山圖文不符，睇menu唸著有啲士多啤梨汁，結果得啲白色雪糕加少少士多啤梨，重要等左十幾分鐘，真心零推薦，唔建議試

叫左個香芒小丸子，平時係沙冰底既，今日一食，有椰汁既？即刻打落去問，店員話因為今日唔夠，所以用椰汁補上，點解買時唔通知客人，要到客人食時先發現唔同左？如果對椰汁敏感點算呢？

鑑於今日情人節，同老婆食完晚餐後，心郁郁想食甜野，所以就走左去食糖水，但今次既體驗真係畢生難忘（甘難食），我地一家人去左呢間糖森林，呢間係我第一次黎，抱著試下幫襯下小店既心態試試，於門外等位時已經慢慢望下份menu睇下邊樣穩陣啲，我就揀左老餅得黎又覺得穩陣既合桃糊，而我老婆就進取啲，係menu裡面揀左杯日本紫薯蕨餅芭菲（呢杯真經典，我真的明白什麼叫做圖片只作參考，詳情可睇附圖）首先黎到既係我碗合桃糊，我一見到直頭個咀O到跌左落地，個糊稀到好似泥水甘，但我心諗：「或者味道ok呢」，到我食第一啖，味道係==>0，好似飲滾水甘，連平時唔主張浪費食物既我，都只係飲左五啖已經頂唔順，放棄了！首先呢$29掉左落咸水海。之後到我老婆杯紫薯蕨餅芭菲黎到，我倆直頭嚇左一跳，無論係menu既圖或者貼係牆身既圖，同現實黎既呢杯簡直係內容與封面不符（即係封面係吉澤明步，套戲女主角整個魯芬甘），到味道呢，舊蕨餅唔知點解會係一pat甘，另外內裡既奶凍食左兩啖係酸的結果呢杯野都係食左五啖頂唔順放棄（真係費事搏），繼我嗰碗29蚊既滾水掉左落海後，呢杯50蚊既野亦都掉埋落海。勢估唔到，我用左79蚊體驗左一次情人

呢間真心伏 三十幾蚊碗芝麻糊湯丸個芝麻糊又稀又冇味 好似水咁用粉沖芝麻糊都好心俾多少少粉呀仲要得兩粒細細粒湯丸咁不如唔好叫芝麻糊湯丸仲要粒湯丸係冇餡嘅 個大細得個一蚊銀咁大見啲食評都知伏 但新年得佢開媽呀 真係好伏 伏伏伏伏伏伏唔會有下次

薑汁雙丸超級難食！！最重要的熱嘅薑汁變微暖！芋丸好粉！小丸子又難食！無下次！！！諗住俾次機會佢，點知都係出事！真係唔好再去，分量又小，價錢相對高，又難食～不需要再講

好耐之前入過去食，但係我好記得嗰粒小丸子係硬嘅，而且味道好一般，所以咁耐都無再食過。前幾日突然好想食糖水，但隔離無開，就諗住俾多次機會佢，入到去都好多人食，又諗住佢開左咁耐，就坐低左。打開餐牌，望到好多唔同類型嘅甜品，花多眼亂，揀咗好耐都唔知食咩好，因為佢嘅配搭都幾創新，總係有樣配搭自己唔鐘意食。最後我揀左紅粉佳人（即係西瓜沙冰，士多啤梨雪糕，再加小丸子同西瓜粒）士多啤梨雪糕味道正常啦，而西瓜沙冰味道非常之淡，唔係幾好食，而小丸子因為放喺沙冰上邊冇幾耐就硬晒啦！我仔就揀咗朱古力布甸，配朱古力醬、朱古力雪糕同埋香蕉。呢個反而係最好食。我老公就揀左榴給最愛（即係榴槤肉、椰汁沙冰、紫米再配綠茶啫喱）椰汁沙冰同一個弊病，就係味道好淡，沙冰唔好食。反而嗌多左碟牛丸，因為熱辣辣加上同糖水有比較下，突然覺得熱食又唔錯。總結，非必要唔會去食。

真係超級難食，五十幾元的椰皇燉蛋白，一上枱已經知道有中伏情況，沒有任何椰香味，賣相完全不吸引，食左第一啖，真心難食，稀稀的淡白色奶水，係加左糖既奶水，冇任何椰味，諗住食一啖燉蛋白，但只「撈」到少量碎咗嘅燉蛋白，D芋圓難食到5可以監生吞！我一向盡量5浪費食物，但真係冇辦法，真係食5落！另一個棉棉冰正常，唔難食，賣相不錯。店員服務絕對冇問題，好有禮貌。本來係Happy Friday, 因為一碗咁差嘅糖水變成傷心的星期五！

糖森林今日食飽左 口痕想同食糖水就經過呢間糖森林叫左個又有小丸子同仙草芋圓既糖水超豐富但D小丸子同芋圓搞到我有D失望唔夠咬口 D仙草都一般所以有D失望啲服務都有啲差 等左好一陣子先有人落單

本身入去叫燉蛋白佢無 咁食其他啦唔知影唔影到 隻匙羹擦極都擦唔甩啲污漬 之後拎左佢隻外賣羹 佢話要收1蚊 我話比你之後佢收我2蚊 我問點解 佢話你朋友都要我從來無講過要2隻 同埋我朋友唔洗用羹食左2啖無食 一黎唔好食 二黎諗諗下佢隻碗都唔知乾唔乾淨 我有左唔敢食 但個肥妹態度真係好差 依間垃圾無下次