糖朝 (已搬遷) 新店位置

上一餐食唔飽，再黎呢度食　自從細細個黎過呢度，都幾乎十年冇幫襯過喇，今次黎發現搬左過隔離，環境大左闊左好多添！一行六人叫左以下食物：1)竹笙粟米粥(粥底好綿，食得出有火喉，味道亦好鮮，不過唔知係咪落左味精)2)朱古力糯米糍(包住黑朱古力麥提莎既糯米糍口感特別，味道清新，唔錯！)3)馬荳糕(好普通)4)砂煲湯圓(原個砂煲上，熱辣辣，薑湯味唔算濃，不過芝麻湯圓好好味，煲耐左都唔會溶哩！)5)馬蹄糕(質地比較削，如果硬返少少更好！味道尚可)6)寶島珍珠鮮百合豆腐花(顧名思議，材料就係咁多，細細碗幾個人一人一啖就冇晒喇，但豆腐係好滑，珍珠亦煙靱，合格！)另外朋友自己叫左個水餃麵，似乎都幾好味！整體黎講食物普通，以遊客食店黎講價錢都算合理，係勝在地方夠大，慢慢坐開埋notebook睇相都冇人趕，係朋友聚埋傾計既好選擇哩！

上個月，同朋友吃飽飯，便到這裡吃甜品我吃了鮮果腸粉，好靚呀，有2種顏色，不單止有個汁，仲有少少生果，腸粉味道都可以呀，做得幾滑。仲要了一桶豆腐花，都幾多下，一人有1-2bowl, 有5-6個人，細細bowl, 自己"畢"，好得意。不過唔夠滑呀，都不太香。佢好好地比左間房我地坐，好好坐，好舒服，不過就難d叫服務。仲有仲有，要留意要加一同茶$的。

3個人：一碗牛腩面，一碗火鴨粥，一碗豬肚牛肉粥，蝦筒（點心），排骨鳳爪，士多啤梨西米露牛腩面很香，量正好，因為食多可能會有些油膩。蝦筒很好吃，酥皮很香，蝦肉很彈，但是一人一個正好，再多會覺得太香了而有些膩。排骨鳳爪貴且太少量！！兩個半個的鳳爪加兩塊排骨。。。味道一般西米露有很濃的士多啤梨的香味，不錯！

薑餅人星期六晚上要去飲宴， 只剩我一人在家吃晚飯。 薑餅人細心地買來宵夜， 為食的我當然興奮地吃吃吃啦， 還一口氣吃了六粒鯪魚球， 之後再驚覺未為它拍照啊!蜆芥鯪魚球香口彈牙, 點上蜆芥醬更惹味.蝦球粥也不錯, 粥底綿香, 有瑤柱絲和蔥段. 蝦球大大隻, 爽口鮮甜.甜品有楊枝金露和士多啤梨豆腐花.楊枝金露欠缺西柚的味道, 一味的甜, 芒果切得核核突突的放在面, 味道和賣相也不太好.士多啤梨豆腐花賣相也不太令人開胃, 幸好味道清香自然, 豆腐花不算滑溜但有豆味.突然覺得我變成薑餅人的家犬, 他每次回家都要餵糧給我, 哈哈~~

一直對「糖朝」也有很好的印象今次食紅豆沙和綠豆沙兩者都很沙很濃，很入味，很有水準簡簡單單的糖水，要整得好食，才能顯出功力

對此餐廳都不記予厚望, 但朋友想食, 無辦法, 照一試啦, 結果亦意料之中.價錢跟服務,食物完全不成正比. 多次揮手叫waiter, 個個都直行直過!! 我想都是多得旅遊書推介吧, 先導致這麼多遊客~反而香港人佔少數呢! 冰果涼粉~太甜!!!order時要求多淡奶, 但黎到乜都無, 多次叫揮手叫侍應都無人理~白灼腰潤~灼到剛熟, 點埋蔥花同辣鼓油, 頗爽口, ok!菜苗餃~感覺唔太新鮮!豬潤粥~除豬潤夠爽外, 個粥真係好唔得! 呢碗真係叫無米粥, 又唔綿. 賣呢個價錢完全唔值! 竹笙粟米粥~無食到, 不評論~ 芝麻湯圓~普普通通, 無爆漿效果~跟利川參不多! 紅棗糕~黏黏糯糯, 不過不失

另一想寫既餐廳係糖朝,因為印象唔差見到好多枱都食個出哂煙既豆腐花,自己都叫左一碗,味道好好,密瓜粒,西瓜粒,哈密瓜粒舖在豆腐花上,而豆腐花就滑滑,good!仲食左隻糉,咸肉糉一隻,餡唔多但係味道唔錯!特別一提係佢壺普洱,有股玫瑰花味,幾特別!

晚上十點半,到了糖朝宵夜,自從新搬左過嚟新店之後,都未食過,新店比舊店更寬敞,而且仲有兩層,今晚比左樓上既座位我倆,環境幾舒服原本只想食一些甜品,但都點了三款小吃,分別係西洋菜水餃,炸兩腸粉同棉花雞,甜品就食什果豆腐花同密瓜西米露西洋菜水餃有七,八隻,上湯浸住上,味道唔錯,每隻餃都包得幾結實,食起上嚟口感唔錯! 炸兩炸得好乾,質地好硬但好脆,一般高檔次既餐廳都會係咁樣處理油炸鬼,好唔好食見仁見智,我就幾喜歡,因為覺得唔油!棉花雞就失色一點,因為魚肚有陣臭味,可能洗得唔乾淨之故..什果豆腐花一上桌就用乾冰令到有出煙既效果,觀感上好靚,但唔算好實際,個人認為對味道沒多大幫助,而豆腐花就比較偏甜,糖水落多了,不過豆腐花尚算幾滑,至於密瓜西米露就一般而已總括來說,環境唔錯,服務一般食物則有好有唔好咁啦,不過不失吧!

對上一次食已經係唔知幾多年前既事，好唔好味都唔記得。先幾次經過都大排長龍，梗係有料到。我記得呢間野以前好似主力係甜品，今次去食宵夜，無諗到個餐牌咁多元化。當然只叫甜品啦。入去坐低比一壼茶我飲，已經比人收左茶錢，算。叫左個熱芝麻糊…等左好一陣子，待應送到過黎，平平無寄唔緊要，居然係.....無煙，食入口唔凍唔熱，又唔係比錯我，即係未叮熱啦，感覺好差，唔新鮮，入口唔夠滑，好稀，非常失望。點解咁多人，真係費解。唔通佢食晚飯好食 d？仲有就係，好似茶樓，又嘈又迫。

這夜行完尖沙咀... 打算將女友踢上271... 送佢番大埔...... XD行經廣東道糖朝門口的姐姐向我們派上宣傳單張極力游說我地入去............. 睇一睇個MENU... 又唔太貴喎... 再衡量下大家個胃... 發覺應該仲可以塞多D野落去...美食當前... 我地再次抵不住誘惑... 入到去... 我地被安排上2樓... 店入面既裝修十分古色古香而且一路播住一D舊香港既OLD SKOOL MUSIC...相當岩FEEL........ 再睇睇個MENU... 好精緻~... 初步印象非常唔錯呀 花多眼亂... 再三衡量之下決定叫一個撈麵, 炸兩... 再加2個甜品侍應好細心咁問我地甜品使唔使遲D上... 真細心 ~首先上台既係云吞牛腩撈麵...份量都尚算可以.... 尤其對食左正餐既我地黎講 XD每粒云吞都十分精細... 好少料... 一口一粒甚至一口兩粒都仲得... XDDD反而牛腩水準非常不俗... 夠腍滑... 好入味... 可以與一般中上水準既粉麵店睇齊撈麵既麵底有點簡水味... 不過尚算彈牙 ... 至於湯底略縑有點淡;其次黎既係炸兩...嗯........

話說星期一同朋友去TST,朋友話有間叫糖朝的甜品好多雜誌話好,我又想試下,所以就去啦...不過就唔知我信錯人,定係朋友太信雜誌,食物唔錯但服務完全唔得....首先一入去上二樓,已經見到有幾張台無執過,之後想落柯打時,又無人理,最氣係我叫人時,有個侍應係我面前走過,好明顯已經見到我叫佢,不過佢就完全唔理我,講一句"等等"都唔係好麻煩咋????柯打又錯,我同隔離台都比錯野,仲要隔離台講英文,不過侍應聽唔明....好勉強食完個兩碗甜品,比錢個時張單都係錯的,結果收錯錢....一行出門口朋友話想再黎食豆腐花,我即時好氣咁講左句:你下次仲想黎???無錯,下次我唔會再去!!!!!亦都唔會介紹人去!!!!

雖然成日出尖咀行，不過糖朝只食過兩次～第一次係成班 fd dinner 後食糖水，七個人，叫左甜腸粉，楊枝金露，一桶豆腐花同一個雜果涼粉撈～甜腸粉 ok la, 其實都只係夠特別，一桶豆腐就最開心可以自己"筆"，一班人都玩得好開心～至於其他甜品，不過不失，以尖沙咀區黎講，食糖水的價錢算 ok ~~今日 Sat 同 bf 黎食個 late lunch, 第一次食佢既牛腩撈面，炸両，淨雲吞。牛腩幾好味，牛筋夠冧，不過份量少～炸両算 ok, 唔會炸得太乾，豉油等你自己點，都算誠意之作～雲吞就貴夾唔正，麥文記好佢幾倍～再叫多個甜腸粉同粟子糊～甜腸粉芒果酸，腸粉冇椰汁味．．．．．粟子糊夠杰夠味～香味就掙左少少～～我諗下次都係去食糖水好了～～其他食物都係唔太 ok ~

平時我一定唔會黎呢度食野,一來貴二來d服務係完全唔得.....但係點解我會黎呢...因為我bf既表哥黎親香港都一定會黎呢度食野上次我地一行4個人去呢度食野,上左二樓,佢帶左我地去一個角位度坐,其實當時係得幾張檯...咁我見到有卡位就想坐卡位啦,因為個張檯d櫈係冇背嫁......咁我就問我地可唔可以坐卡位呀?? 佢冇理我....咁我咪都唔理佢自己走去坐卡位囉,不過當時張檯就未執既.......跟住佢執檯又執得唔乾淨......執完之後仲有好多汁係檯面........佢d野食一般般啦,同出面d茶餐廳差唔多....但係就貴好多好多..........一個炒飯要五,六十蚊....不過佢既豬肝粥就好好食,豬肝好新鮮~其實我唔係好明既係....呢度單要自己出櫃面比,但係佢竟然收你10% charge.................仲要比個收銀呀姐黑面.....................你有冇見過邊間餐廳可以一路講電話一路收錢???!!!問佢收唔收卡,問左n次都冇反應,掛住講電話.............真係勁嬲

Everything in this place is not that good to be honest, ranging from most desserts to rice paper rolls, dim sims, wonton noodles (exceptionally bad, this one! full of MSG taste and pork fat, noodles were instant type.)However, the Congee here is very good for some unknown reason. I only come here for the congee.Never order anything else! May be except the Cold Tofu 'fa', that's all!

對上一次來糖朝已是差不多七、八年前…(間鋪都仲未搬)以為事隔多年應該已經洗底!點知…仲差過以前!鮮菓腸粉----見到個賣相都飽飽地,鮮菓每樣得兩件!菓汁同菓肉甜味假得離譜,用椰汁做嘅腸粉味道淡無可淡!救命!木瓜燉雪耳---呢個比較熱,但木瓜同雪耳都好硬吓!燉多三個鐘左右應該可以比客食!蔴蓉湯圓----等咗二十分鐘嚟到嘅係一碗完全唔熱嘅湯圓!温度微暖,試咗一粒已無興趣再食！下午三點半,人客唔多但無人執枱,坐低等個餐牌都要十分鐘.