糖朝 (已搬遷) 新店位置

同大學同學2個月1次的聚會, 食完PIZZA EXPRESS 之後近近地來左食糖水。星期5晚好多人等位, 拎完籌仲要在門口個STAND LINE UP。好在佢餐廳都幾大, 等得唔算太耐, 10分中左右就入左去。D 侍應真係唔多同客人講野, 我地話落單, 佢就放低張點菜紙同筆走左大家都點左D傳統的糖水, 杏仁露、木瓜雪耳等等。點知... D 杏仁露真係稀到飲水咁, 2個人點杏仁露, 其中1個成碗得1粒蓮子, 另1個就正常3、4粒咁。木瓜雪耳就好似冇燉過, 就咁將糖水、木瓜、雪耳、南北杏放在一起就算, 木瓜仲要唔夠腍。咁基本的糖水, 應該做好D, 呢度有不少遊客來, 尤其日本客。失禮了我地中式甜品...

强差人意的服務兒時已光顧糖朝的甜店，以前間中還會碰到下班的影視藝人，曾是難得的宵夜地埗。這十多二十年來，發展至日本以及亞洲多有分店，成績蜚然。最近幾次光顧，價格大幅調升了，格局及裝修是不俗，份量亦總算是維持，但品質已有點下降。或許是人流太多，或許是繁忙時間，最為人可惜的，是服務質素，員工態度竟比打冷鋪／大排擋要低幾級。＄42 一個雲吞面，不是消費不起，落單的阿姐俾張Order Form 叫你自己填，都唔緊要，又唔係唔識字。Order 左幾野樣，5分鐘後黑衣阿姐“PAC”低張單丟下一句“呢樣賣哂！” 頭也不回，咁就走左...賣哂唔緊要，俾個餐牌睇睇，叫個第二樣其實都好平常／容易。忍住啖氣，問佢俾個MENU，再丟下，再Order過，再5分鐘，再話賣哂！好無奈，冇辦法，當自己唔好彩，於是，唯有叫炒粉面(因佢話呢D有!！） 好LA，食住其他先，等，食，食完，但個炒河連影都冇。大家心水清都知由坐低到第三次Order到食哂開頭D野，都起碼大半個鐘（唔計等位）。到呢個時候，知道再趨都係枉然，無奈出去Cancel Order兼埋單。Cashier 以極乞人憎咀臉話佢地規矩，等唔夠二十分鐘就唔俾Canc

甜品好有特色, 還好好食:豆腐花好好食, 同芒果西米露都係. d 乾冰令整個甜品賣相變得好皓!! 個椰汁西米露好正! 入口之後個椰汁味在口中保持好長...But.....a tag expensive, consider it's in TST I don't think I should complain much....

食完晚餐覺得唔太足夠，於是就黎睇下多唔多人，最緊要唔駛等既，好快就安排樓上雅座．楊枝甘露：材料多，芒果甜．豆腐花芝麻糊：香滑豆腐花加埋芝麻糊，食左皮膚滑涌，頭髮亮麗．豆腐花合桃糊：咁既配合，又幾好喎．蓮子合桃糊：味道不太甜，都好香滑，合桃糊可以杰番少少會更好．

清明節公眾假期，約中午十二時到達。稍為等候五分鐘, 便等到二樓卡位。非本地客多。一看餐牌，有多款中式食品：小菜、點心、粥粉面飯、冷熱甜點都有。地方大，侍應略嫌不足, 舉手良久才有人理會，幸好態度還可以。始終不是以點心作招徠的酒樓，點心素質稍遜：燒賣- 太多肥膏菜肉雲吞：皮薄但接合位粉多, 似未熟牛肉球：太林不爽口彈牙但叉燒腸幾好的：鯇魚腩粥- 粥綿綿的，味道略淡，但突顯到鯇魚味至於甜品，早已聽過這裏以豆腐花聞名，於是一試，叫了原桶豆腐花。自己用勺裝的豆腐花，似乎別有風味。強力推介：原桶豆腐花 質地很滑，剛勺起的豆腐會由勺的另一邊滑走 這裏的豆腐花配以糖水；糖水濃度和甜度都適中，值得一試。一桶：$88還點了芒果糯米卷，沒太大期望，結果味道有驚喜。燕窩蛋撻：上面的燕窩少; 不夠熱; 皮焗得不夠透總舌而言，食物素質除特色食物外都一般; 但若要'食'環境和多中式食品的款式，這裏是不俗的選擇。

得個樣，又貴，可以唔去!裝修唔錯，虛有其表。 兩次同友人去都係吃甜品，原因係地方比較就腳。 招牌甜品係原桶豆腐花，表現出來好吸引，但豆腐唔滑無豆香，仲有豆腥味，可以唔食。 至於芒果做嘅甜品，有乾冰盛住上枱，賣相好靚但味道就好好好一般，可以唔食。 服務生態度好壞參半，主打做遊客生意，我諗服務仲要改善。 仲有，入去食個甜品，位位都要收茶錢同加一，會唔會誇張咗呢???

都好成3點幾, 唔洗等位, 不過裡面都幾爆場....看起來不似香港人多!!豆腐花 ~ 好滑好豆味楊枝金露 ~ 芒果味好重...唔會太甜...芝麻糊 ~ 味道好芝麻...都係唔太甜....掂之作!!湘蓮子杏仁 ~ 杏仁味好重...!!

睇完舞台劇後去食宵夜，行到去糖朝，其實未去過但知道出名，主做遊客生意。有理由懷疑遊客口味同地道香港人口味是大大不同，亦都印証了港人係識食o既！order左食物上菜效率奇高，仲快過麥當當。首先上的是炸雲吞，好夠脆口，但可以講句，同街邊煎釀三寶的炸雲吞分別大是太大。之後黎o既係叉燒腸粉，賣相係骨子o既。但可惜，好睇唔好食，腸粉唔夠薄，而且叉燒太硬，一般酒樓都好過佢。最後大家點了的是凍紅豆豆腐花，上檯時夠晒綽頭，用乾冰冰住上，望落去好似不錯，可惜食落口卻是失望，太淡口，紅豆硬！服務是不錯的，可惜最鍾意的是食物質素差，實在不而介紹給遊客。

糖朝的格局想中式酒樓，從糖水點心至粉麵小菜都有，這次在下午時段試了豆腐花。像一般酒樓，一坐下就問你要什麼茶。貪新鮮叫的寶島珍珠鮮百合豆腐花 $24 - 百合帶鹹味，配上甜味的豆腐花，味道很怪！相信如果只是珍珠配豆腐花會正常得多。熱山水豆腐花 $18 - 豆腐花算香滑，這才正常。鮮榨哈密瓜汁 $18 - 哈密瓜味清甜，相信真的是鮮榨的果汁。食物價錢有點高，加上茶錢和加一，服務也不見得很周到，整體感覺只是一般。

Very popular place for both tourists and people working around for lunch. I arrived at 12:40pm and there were over 20 people waiting for seats. Luckily, only 2 of us, and seats were available after 10 minutes, not bad.They have lunch sets for weekdays, which are quite valuable. For 2 people, there are sets for 2 at $92 choosing one congee/noodle plus dessert; set for one at $35 choosing one main and a dessert with discounted dim sum. Sounds attractive.We ordered 2 sets for one, and the congee ta

本來我自己係好懶寫食評，不過今次眞係接受唔到。吃晚飯叫小菜要寫號碼本來係冇問題，不過特價菜冇號碼寫，問侍應點好，佢一句就話照寫囉！就行開左。成晚食飯，唔叫都唔返茶。我覺得你開0係旅遊區，服務是否可以好少少呢？搞到仲衰過茶餐廳。唉！可能我好耐冇來食，唔係都唔衰左咁多

今次帶個好鍾意食蝦既朋友嚟試吓糖朝,食物種類款式多同埋d茶都ok!! 環境一般天花d射燈又刺眼又熱....坐得唔舒服.我哋二人叫咗三碟點心,兩碟小菜,都好飽.(1)鮮蝦咸水角=個皮又脆又薄,入面d料又熱又夠味!! 不過唔覺有蝦(2)蘿蔔絲蝦春卷=又香脆又唔油膩!! OK(3)蝦腸=一般~腸粉太厚唔夠薄滑! 麻麻哋(4)薑蔥撈雲吞=唔知係唔係冇上湯關係,d雲石一面乾咗一面就濕濕地,一來買相唔好睇,ニ來好快凍咗有d蝦生味. 比較差!!(5)木耳翠肉瓜炒蝦球=有鑊氣!! 蝦球好爽夠味其他配料都好食.埋單合共:hkd280

行過尖咀, 我朋友話食糖水, 帶左我黎試糖朝, 佢話幾出名, 搞到我都心思思想食, 於是就起行。入到去其實地方都幾靚既, 咁我地坐低左就睇野食啦, 我朋友叫左豆腐花同芒果布甸, 我就叫左熱芝麻糊加豆腐花, 等左15分鐘到D野黎左, 望一望個賣相都OK啦我D野黎先, 所以我食先佢睇住我食, 食左2啖其實都幾失望, 因為好浠...同糊依個字差好遠...芝麻味唔夠...我其實好鐘意食依2樣野, 所以真係幾失望。跟住我朋友個個都黎左, 個豆花我冇食到, 但佢個芒果布甸我就搶左一啖黎食同一般酒樓個D一樣味一樣口感...但我覺得超唔值依個價錢...不過佢請哈哈食左大半個鐘到啦, 食下野傾下計, 一路都有人黎緊食野。間野裝修都幾靚既, 不過講真, 野食真係好一般...幾失望。

朋友愛豆腐花，從澳洲一落機就話要食，仲要食木桶嗰隻，於是想起糖朝。很多年冇嚟喇，裝修候能容納多D人，環境尚算整潔舒適。餐牌食品種類多了，仲有即叫即蒸嘅點心。不過價錢都唔平。看見隔離檯叫小菜，份量很少，人多色飯一定唔會嚟呢度。兩個人叫了木桶豆腐花，經理話有十碗，兩個人可能會食唔哂，溫馨提示值得一讚，不過我哋一於挑戰自己。等了二十分鐘左右，熱辣辣的豆腐花終於送到。賣相一流，豆味十足，夠香，最重要係夠滑。第一碗什麼糖水也不落，好好享受豆香，第二碗加上糖水立時想起小時候在街市豆腐店吃的豆腐花，非常懷念呢。最後結果，兩個人幹掉一桶豆腐花，勁呀！

晚飯過後....與朋友去糖朝吃糖水。果然名不虛傳, 排隊等位....不外是很多遊客光顧!!我們每人各order了一碗糖水, 雪梨雪耳南北杏(熱食) 糖水及木瓜雪耳南北杏(凍食)。糖水用料十足, 味道簡直唔哂講...."正"!!拎出來的時候還用紙密封, 保証新鮮, 值得一讚!! (見圖)無論凍食還是熱食都一樣咁好味....除了糖水出名, 還有點心都係即叫即做!! 不少日本人都光顧!!