糖心軒

营业中

休息中

放工之後肚餓，咁岩行過上環糖心軒，入去試試。見到「廚師推介」的菜，價錢尚可，就叫左豉蒜涼瓜煲同干煎大蝦球試一試。先講豉蒜涼瓜煲，炆得好入味，對於我唔係常日食涼瓜既人黎講都覺得好易入口，加上粉絲簡直絕配👍🏽再講下干煎大蝦球，本來睇樣以為一定煎到唔juicy，點知入口爽口彈牙，鮮蝦味好出，又有少少汁，唔錯！out of my expectation!👍🏽後來屋企人點左鮑魚試一試，我覺得貴左少少，不過鮑魚味道濃郁，十分入味，而且都有咬口。

今天為慶祝母親節，我們選擇了一間性價相對高但食品質素好的酒樓。由於酒樓極力推介魚翅，我們就打算試試😂它和我之前食過的不太同，這個很滑很幼而且份量足夠，本身我已經特別喜愛魚翅特殊絲質口感，再加上熬煮出的高湯，簡直完美配搭☺️另外不可不提蝦餃，蝦餃皮薄而軟，晶瑩剔透😍蝦份量亦夠多同時亦很爽口彈牙，加上餃裏的熱熱的汁液，正！最後想介紹的是十分富有家鄉味的銀針粉😙很難得酒樓會有這類的食物，這個炒銀針粉和蘿蔔絲、肉絲的組合很夾。但有些油膩。🤢總括來說，雖然糖心軒價錢不算便宜，但食物的色香味俱全，環境舒適，服務員態度有禮貌，所以都物有所值😎。建議大家可以慶祝活動生日時不仿可以考慮到這間酒樓試一試，包你滿意食過翻尋味😋😋😋😋

今日係母親節，當然要同我最偉大的媽媽同奶奶一齊慶祝🌸爸爸選擇咗糖心軒，我地係食母親節set dinner!上湯燉魚翅，湯底火腿味香，啖啖魚翅，果然用上高級食材👍🏻龍蝦伊面底，新鮮配上伊面，另一風味！蝦球帶子炒西芹雲依，味道淡啲，但岩老人家食！香菇時蔬，也是比較適合老人家食，味道也是淡一些！鮑魚非常入味，夠淋！蒸魚，火候過咗少少，有生油味！炸雞，太多肥膏，但皮脆！瑤柱蛋白炒飯，好好食依個orange整得好細心，切埋而且非常甜！

平時都會同開屋企會去飲茶，見間野新開咪諗住試下，本身都無咩好大期待，但都幾好食，本人本身好鐘意食酒樓既燒賣，比起平時既燒賣更加大粒呀嘛:-P 一家去食平時要嗌兩籠先夠，但呢到一籠有6粒，一籠就夠! :-D 感覺即刻扺返，唔洗又要嗌多籠。其他點心都有返咁上下，幾有水準，應該會再黎食過:-D 新開仲要有優惠所以都幾正幾扺食。同最近上環有啲好靚既塗鴉場，食完仲可以去影相，周末好活動>_<! 係上環返工既你地又多個地方可以食野啦:-D

上環宜必思酒店二樓新開張糖心軒，今星期日和媽媽來吃晚飯，叫了花膠煲，炒莧菜，㰖角骨。三個菜也好好味，花膠完全冇腥味，連配菜的白蘿蔔也很入味。欖角骨也超好味，之前食過附近酒家的㰖角骨，又多粉又油又濃味，但這𥚃味道剛好，不油不多粉漿，好好送飯👍就連白飯也軟硬適中。媽媽不喜歡出外吃飯怕太重味，但也讃這𥚃味道啱哂口味。還叫母親節訂位食飯㖭。也許新開張，接待同侍應好好招呼，埋單後靚女接待員送出門，問我們滿唔滿意食物。希望好服務能保持。

知道上環新開左間酒樓，所以同呀媽試下食，因為都食嫌哂附近既酒樓。去到d服務員好有禮貌，帶左我地坐卡位，d位坐得好舒服，之後我地叫左兩隻鮑魚，兩碗翅同兩個小菜，值得一提既係個翅好大碗好足料！湯又唔咸，雞肉都唔韌好好味！另外本身食得唔多鮑魚，但係食依隻覺得好多汁好好味！d餸黎既時間都尚算適中，溫度都岩岩好，最後仲會有甜品送，有紅豆沙同蕃薯糖水，味道都還可以！食食下原來知道都會有點心食，下次同多d人一齊試下d點心先！

上環ibis 二樓有新酒樓開張, 有八五折優惠, 星期六晏晝同屋企人去做白老鼠。星期六都提供午市套餐,呢個"生意伙伴"四人套餐 有湯翅, 自選3款點心, 前菜, 小炒, 菜心, 仲有飯或麵加糖水。唔駛煩, 就試呢個套餐。雞湯金錢翅: 極足料, 翅粗大, 湯清甜 !前菜二揀一, 黑蒜陳醋花膠: 分量不少, 第一次試呢個做法的花膠,幾特別。有陳醋的酸甜開胃, 有花膠的口感, 不錯!美極牛仔柳: 水準ok, 牛柳足料主食 二揀一,鮮蝦荷葉飯: 一打開, 哇, 大量蝦, 飯有荷葉飄香, 好食還有鮑汁菜心同3個自選點心, 其中燒賣點心竟然係有六粒ga, 仲要粒粒多蝦, 正結尾還有蕃薯糖水或紅豆沙, 我揀左蕃薯, 雖然好飽,但係都好食到食哂。

舊的酒樓關了約3個月, 新的終於開, 叫糖心軒, 就跟朋友來試吓lunch. 一早已訂了位, 12:30來到, 看見仍有頗多空枱.新張期內, 全日85折. 因為只2人食, 不能試多些款式. 蝦餃, 真的好多蝦, 肥肉不多, 但皮就恨容易爛 叉燒腸粉, 一般, 皮厚了些, 不夠熱, 沒有什麼特別, 不是難食, 可接受. 燒腩仔, 皮脆肥肉已經剪掉, 不錯, 只是嫌食物不夠熱. 鮑汁雞粒炆飯, 都幾好食, 料都頗多, 最好是汁不是太多, 剛剛好呢, 不會變湯飯似的. 魚翅湯雞湯浸菜心, 這個最唔抵吃, 亦不覺好吃. 最後2 人吃了$300, 如果沒有85折, 將會更多, 還未試甜品呢, 所以趁新張有折, 會再來試.