糖川甜品

上星期同阿妹去探親戚，探完後去黃大仙附近食甜品～未試過依間糖川甜品，於是入去試下望下餐牌，d甜品都幾有創意，但我都係鍾情芒果千層蛋糕蛋糕賣相ok,配合價錢唔算貴，可以一試…查看更多

“糖川”乃本人三年多前曾讚許並予以笑臉之甜品店，前日光顧竟要給一個喊面，讓食客有如此落差，怎可再去？週六晚上九時半，雖然當時掛著三號風球，但區內附近食肆皆門庭若市，加上踏入晚上十時該是吃甜品的黃金時段，糖川店內只得六位客人，本人入店即聞到一陣潮濕不乾淨的氣味，加上寥寥無幾食客人數，與以往同樣時段人流相差甚遠……每隔一段時間才來“糖川”，所以更感每次加價明顯，我與友人看著黏黏笠笠的餐牌數分鐘仍想不到吃什麼，身穿黑色便服的高大男店員已站在旁等著下單，令我們有點壓力，友人點了熱食椰汁黑糯米(HKD 21)，我則點了“芒果黑糖天使面” (HKD 35)。友人選擇穩打穩陣，我則中了伏。“黑糖天使面” 該是糖川自家研製，以黑糖整成條狀啫喱，口感像紅薯粉般彈牙。令我有感中伏的是芒果分量，店員端上來我未進食前，芒果分量少得似被人偷吃了一樣，一碗椰汁滿滿的黑糖天使面，僅得六粒體積不大於2 cm x 1 . 5 cm x 1 cm的芒果粒浮面，賣相不討好之餘，芒果分量少得可憐。***附件圖片則吃至一半才拍照，然而本人所講當時的芒果粒分量絕對如實，並無誹謗。看到餐牌當時一碗 “淨黑糖天使面” 售價HKD 20(如資料錯誤請指教)，如今這碗“芒果黑糖天使面” 有六小粒芒果，售價則是HKD 35，取價合理公道與否，各位自評。環境、食物、價錢與服務皆是大退步，本人不會再給自己喊面機會！…查看更多

食完晚飯緊唔少得既甜品，呢間新派甜品，但裡面既糖水款式好似曾相識咁，可能因為去幾間類似既甜品店，都係食緊呢d配搭既糖水，呢間只係榴槤夠出色，價錢一般唔叫實惠，份量都可以係正常份量，但唔算驚喜...今次一行五人，其中二個係榴槤友食左2款都唔錯，呢碗榴槤撈河，河粉好滑，3舊榴槤蓉好正榴槤至尊味道非常正，份量勁量，當然就會貴少少啦香蕉船兒時回憶，當然都係無未特別芒之戀一般普通啦，只係穩陣之選羅椰皇湯圓燉蛋白，蛋白夠滑，湯圓交黎既貨色總括黎講價錢少少貴，榴槤出色，其他就一般啦…查看更多

糖川隔離風信子冇位 唯有試下第間 一入到去即刻有位咁都好既 環境都唔錯 一開個餐牌就心諗 唔對路 咁貴既喂 呢個細細間唔算出名 細細碟都咁貴💩 唔怪得一入去冇咩客見佢唔太抵咁就是但叫碗綠豆沙朋友就叫左杯雜果唔知咩 同埋糖不甩 我就坐正係bar枱 睇住佢係冰格拎d綠豆漿出黎溝水 大佬你賣咁貴認認真真新鮮煲碗都唔過分呀上黎真係仲稀過粥水 風信子都冇咁過分 同埋硬係形住佢有陣味朋友個杯野就冇特別既 唔算好飲但就成29蚊杯個糖不甩勁耐都冇黎 所以吹一吹單個staff勁冇禮貌！！ 落單個時已經係咁做waitress好心你笑下啦 黑口黑面咁「得啦！咪焗緊！」 「多單嘛 等等啦」哇我比錢黎受氣？佢上左冇耐唔知係咪有人等 佢就叫我地走但隔離個d唔知係咪熟客坐勁耐都未走😅有客等 我明白 但我地都未食完！鬼叫你上得慢咩 佢成程係隔離等我地食完食甜品都係想傾下計都唔得 真係激死我！ 一定冇下次野又難食態度又差又趕人…查看更多

黃大仙區可以話係甜品荒漠，糖水店來來去去只有三數間。今日同朋友食完飯後就到了鳳凰村吃糖水。糖川係一家咩都有得食既街坊糖水店，中式、西式、綿綿冰、千層蛋糕真係你唸到既都有。腐竹薏米銀杏雪耳雞蛋糖水 $28我叫既腐竹薏米糖水好足料，一眼就見到有滿滿既腐竹，底下仲有薏米、雪耳碎同銀杏。不過唔知係咩原因，食某些材料時隱約食到一陣榴連味。可能儲存在雪櫃時的密封工作做得不夠好。糖水奶白色，一邊飲一邊食到滑溜既腐竹。我自己好少食糖水加蛋，總覺得格格不入，但呢到既糖水組合就係包埋隻蛋係入面，果然蛋還蛋，糖水還糖水，兩者還是分開食好。…查看更多

琴晚同朋友食完飯，想食下甜品，以前食過呢到，印象中係好似好食。以往必點既芒果腸粉，有三隻醬，黃色係芒果醬，黑色既係朱古力醬，紅色既係士多啤梨醬。腸粉既皮係椰汁整既，中既係泡芙加cream，最中間當然係芒果，最後撒上芝麻。唔知點解，好似同之前食差左甘，味道冇甘濃，又唔夠脆。芒果千層蛋糕，好多芒果肉，都好creamy，皮唔會話好厚。好軟，有少少煙um既。服務係正常，冇以前甘會同你傾下，介紹下。宜家勁冷淡…查看更多

因為近我屋企 食過都十次八次水準越來越差 .. 係求其左d 叫雜果涼粉d果唔鮮 個底係冇味嘅 完全冇甜味 加左花奶就係得d花奶味 就係叫d芒果味的糖水 味道係叫有保証d 價錢係依區都算貴 拍得住尖沙咀d糖水舖 但係佢勝在開得夜 今次叫左杯芒果汁成26 蚊 仲貴過許樓山 但人地係鮮渣 依間嘢竟然係落d 冰 跟住我睇住佢係個兜倒d芒果醬落去 就話係芒果汁 杯汁d 色仲要有少少啞色 唔知佢個d 醬係打定溝 但係睇d 色都係擺左成日個隻 當堂冇哂胃口... 錢我幫襯得就預左俾 但係請俾返d 食物質素我喇冇咩必要暫時都唔會再幫襯 如果負責人有睇到嘅麻煩改善下 thx…查看更多

糖水鋪周街都有 可以接受既有好多 但真正好味既就無幾間同朋友誤打誤撞到糖川食甜品 有意外收穫朋友叫左杯西瓜汁 我叫左個焦糖燉蛋外表無咩特別 但食落真係唔錯西瓜汁好fresh 好甜 會飲到最後一啖最驚係飲有色冇味既果汁 但好明顯呢杯西瓜汁值得一讚 果燉蛋都有80分 焦糖夠脆 燉蛋唔會太甜 夠蛋香 …查看更多

星期五飯後梗係要食甜品黎迎接星期六日啦~~!!!!糖川其實都幾偏僻~所以附近都唔會太多人~但食物質素真係好唔錯~性價比好高~大件夾抵食~我地都係跟住個餐牌嗌~食D推介甜品~我地叫左 1個糖川芒之戀 (唔錯架，必食推介) + 法式焦糖燉蛋 (OK啦~份量唔算多)  …查看更多

其實不是的一次來糖川吃甜點不過這次要特別推介一個非一般的甜品。那就是：芒果炸兩（$39）！炸兩賣相不但美、味道好、口感也十分有「脆」！ 雖然油炸鬼的脆比真正油條實而且腸粉皮彈好多但整個作品模仿得很像。腸粉皮有椰子味、餡是一粒粒鮮甜芒果肉。正！還有醬料配啊：草莓甜醬，巧克力醬油和芥辣醬。值得幾個讚 ！這就是我心目中的食物藝術！非常好！但有一件怪事：我吃腸粉或炸兩從來未試過有芥辣配、平常是芝麻醬。 好有趣喔！另一個賣相好的甜品就是朱古力心太軟伴雪糕（$40）。可惜雪糕太硬。應該是放在冰箱太久了。如果雪糕可以柔軟一點就好了。最後要評論的是木糠布甸。這個只能說比較貴、要$23。跟之前兩個甜品距離遠啊。但我承認它比餅店$5木糠布丁是好一點。店員也很用心去做布丁。而且我爸不能吃凍食物所以布丁是在環境溫度上檯的。整體來說我很enjoy這一次光顧。我也很想讚服事我們的甜品姐姐/妹妹。她看阿爸是個很會開玩笑的人就跟他講笑話了。感覺就很親切很真。好棒！…查看更多

黃大仙的甜品舖太少了(九龍城唔計)...突然想食心太軟，上次食過呢間外賣，都有返咁上下水準！今次堂食心太軟同綿綿冰(朱古力)..一樣咁正^^心太軟流心好得係甜左小小綿綿冰既朱古力味夠晒濃…查看更多

晚上十時許，岩岩喺黃大仙食飽飯，想去食甜品就諗起尼間甜品店 見佢之前新開又未食過，所以就同朋友一齊去試 雖然已經十點幾，但店內仍然熱鬧 有不少人都喺度食甜品更加增加左我對本店嘅信心 雖然好熱鬧但係唔洗等位真係格外興奮 我和我嘅朋友都係榴蓮狂迷，所以我倆都叫左榴蓮為主題嘅甜品 我就叫左榴蓮至尊有得揀一球雪糕而我自己就叫左綠茶味，而我朋友果個甜品個名就唔記得左……等侯時間一啲都唔耐，唔洗幾分鐘兩個甜品好快就出現喺我地面前 令我倆意外嘅係 每個甜品都有一湯碗咁多 興奮值瞬間升級！！！！兩個甜品嘅汁底都係用鮮榴蓮肉打成醬，我朋友更表示佢係飲緊榴蓮糊，非常濃滑好味  先講朋友的榴蓮甜品（＄46），內有一個拳頭咁大嘅新鮮榴蓮肉跟榴蓮汁底，榴蓮綿綿冰，小丸子同西米，份量適合，足以滿足榴蓮狂迷嘅榴蓮引 綿綿冰可口清新一啲都唔滯，小丸子煮得岩岩好，爽口彈牙，西米亦唔會過軟，煮得岩岩好，撈埋榴蓮汁底真係完美配合無得頂 再講埋榴蓮至尊（＄48） 同樣都有大大舊榴蓮肉同汁底，更配上涼粉，紅豆，黑珍珠，西米同雪糕，綠茶雪糕味道與街外普通的綠茶雪糕無異，有少許綠茶嘅甘甜，涼粉和西米配上榴蓮汁真係好好味，份量得以令人滿足，榴蓮肉嘅十分新鮮，令人不斷大大嘮咁食 紅豆煮得岩岩好，唔太沙唔太硬，正 總括而話今餐甜品好好食好滿足，一定一定會再幫襯 …查看更多

好味道已經食過兩三次 不得不好評下多款色不再講 試過幾樣都好味 榴鏈拿破倫 不凍不熱更帶出榴鏈的味道 外皮鬆軟 好味道 仲有得揀一球雪糕 認為清淡點的雪糕更加配襯味道比得上其他出名甜品店 而且樣貌靚之餘既平民價錢 又好味 經過的話不防一試可以話係鳳凰村中較新穎的甜品店…查看更多

飯後，與家人到鄰近新開幾個月的糖水舖享用飯後甜品。店舖裝修簡潔，有一部電視，牆上貼了許多甜品的圖片，幅幅都很吸引。店內座位約30個，檯與檯之間留有一定的空位，不會坐得太擠迫。我和家人共點了五款甜品糖水，分別是香滑豆花拼合桃糊（$24）、芒果班戟（$25）、手磨芝麻糊（$20）、綠豆沙（$18）、椰皇湯圓燉蛋白（$43）。香滑豆花拼合桃糊：我本來就不太喜歡吃合桃糊，總覺得它的味道怪怪的，而豆腐花吃起來真的挺香滑。芒果班戟：芒果不酸亦不太甜，芒果佔了班戟的大半，忌廉份量適中，吃起來不會膩得來又有芒果香味，不錯！手磨芝麻糊：就是普通的芝麻糊味，芝麻糊的香和滑都做到。綠豆沙：豆和糖水的比例頗平均，不會只有糖水，但就沒有起沙。另外，亦不會太甜，味道不差。椰皇湯圓燉蛋白👍：讚！椰子裡面層是椰汁，還有芝麻湯圓、西米和小丸子；底層是燉蛋白。首先，椰汁很香，同時西米和小丸子增加了口感（其實我覺得小丸子凍食比較好吃，熱食的小丸子太軟了，沒有𡁻口的感覺），芝麻湯圓也很好吃；底層的燉蛋白都能吃能蛋白的香味。如果喜歡吃椰肉，還可以把椰子內的椰肉刮出來吃，因為是熱的，所以很容易被刮出但椰肉沒甚麼味。加上暖粒粒，吃完很舒服，總括而言這個甜品真不錯。吃完甜品糖水後，店員收拾好我們的檯面，然後說先幫我們收拾，我們可以繼續坐。這間做街坊生意的糖水舖，服務、態度、味道好，一定會再光顧的。…查看更多

今天晚上約了四位好朋友到黃大仙晚飯後，經過鳳凰新邨銀鳳街16號地下，遇上新開業大約一個半月的甜品店-糖川甜品-，店內裝修整潔，我們從門外面看到收銀位的牆壁上掛着二幅美麗而柔和的甜品大畫，就是這樣我們被吸引了。而且剛剛又遇上毛毛細雨，在轉冷的天氣下，竟然給我想起一間可停下腳步的甜品店，於是，我們走進去，隨着我們各自的喜好，分別點了三個椰皇湯圓燉蛋白(椰香蛋白夠滑、足料)  ，一個三棗鮮奶燉花膠(感到鮮奶的香味和花膠的軟滑)  、另一個就是杏汁燕窩燉鮮奶蛋白(吃到有大量燕窩) ， 再加上一盒椰香芒果糯米卷(糯米卷着半個啖啖的芒果肉) 。  在這冷冷的毛毛細雨的晚上，讓我們享受一下暖粒粒的甜品﹗簡直是一種享受。我推薦我的朋友，再去品嚐﹗…查看更多