糖宮甜品專門店 (積信街)

营业中

休息中

從未食過一間甘難食既甜品店！！叫左個椰皇燉蛋白，難食，口感差！！狗都吾食！！叫埋個益多冰，冇貨又吾即時講出黎！係到等！！一句講哂，永不再光顧！！質素差，食物更差！

都有3個月冇去糖宮食甜品，今晚同老公去食，質素依然好～冇差過～我最愛食佢既波多野結冰同杧果拿破侖菠蘿肉夠甜，菠蘿棉花冰好棉、好滑～杧果拿破侖脆卜卜，杧果夠甜，如果大件d仲好

今日同朋友係大圍到食完酸辣米線之後，覺得辣辣地，想去食啲甜嘢中和下。行下行下，就搵到糖宮呢間頗為隱蔽嘅甜品店。當時大概10點鐘，所以人流唔算太多，唔使點樣等位。入到去， 餐廳唔想大，可以容納嘅客人亦都唔算多。餐廳有好多種唔同特色嘅甜品，有雪花冰、心太軟、芒果系列、榴槤系列等。咁我同我朋友就帶咗一個榴槤飄香同芒果三重奏。榴槤飄香個榴槤沙冰好濃郁，但不會話太甜，食得出係榴槤肉整出嚟嘅。另外佢仲有榴槤雪糕，西米露，榴槤肉，盛滿甜品個層次都好豐富。芒果三重奏芒果三重奏入邊有芒果布甸、芒果肉、芒果雪糕、爆爆珠、西米露。呢幾樣野嘅配搭都好夾，同埋都唔算話太甜。另外，佢啲芒果肉都幾新鮮。

飯後在大圍同一班朋友搵地方食糖水，見到佢啲甜品名好得意都幾吸引於是入去時刻。由於我哋好多人所以每人叫咗一個唔同款式嘅糖水諗住咩都可以試吓。甜品店都算幾大樓上仲有得坐。甜品賣相都唔錯，但味道就真係一般般，而且價錢都偏貴。我叫左個腐竹雞蛋糖水，正正常常，但有啲偏甜。朋友叫咗個水玄餅，得個樣，冇乜味道，但要用打卡一流。另外仲叫咗個芒果西米露，芒果份量都幾少，而且唔夠甜。雖然冇乜特別好味，但佢嘅好處就係可以坐好耐而且唔趕人走，可以慢慢傾計。而且即場like 佢Facebook或者Instagram仲有九折優惠。

31-Dec-2017點了一客 芒果Waffles, 一客熱冰糖雪梨。冰糖雪梨，完全無味，淡過水......雪梨心都唔切走，原個掉落去煮(?)，你不如唔好做中式啦！同時我又明白嘅，西式甜品店做中式糖水我都唔應該有期望。然後等咗35分鐘...芒果 Waffles 終於到！Waffles 係凍嘅，質地似毛巾！芒果粒係冰嘅！係呀。果粒中間仲係硬嘅冰！無一隻湯匙係乾淨嘅！節日期間仲加一收費，個係質素打折？叻呀！！！

今日番大圍去男友屋企做節，雖然食得好飽，不過番到大圍唔食番個糖水梗係爭啲野咁，所以飽到嘔都同男友行去積信街個頭先個頭好多地方都裝修緊門面，我地揀左呢間糖宮，因為望落好多人食好似仲有另一邊都係滿座左好多特色甜品，但都有最傳統既中式糖水，而且佢仲可以加花生湯圓，好多地方都只可以加芝麻湯圓咋Like and share 同follow佢地FB同IG都可以減2蚊白雪 $38椰汁滿滿，仲有芒果布甸，完全唔酸，芒果味啖啖都係，仲有好多芒果肉朱古力窩夫伴曲奇雪糕 $48說真的，本人非常討厭厚到死個啲窩夫。甜品係飯後食，都已經咁飽仲要我食咁厚，所以我大愛呢個窩夫，朱古力味重，厚薄適中，食落似朱古力餅，個雪糕唔會硬到完全食唔到，VERY NICE芒果汁 $26真材實料，可能我食完個窩夫飲所以覺得有少少酸，但證明無乜加糖，純天然食完都無飽到落唔到格既感覺，咁先係一個完美既飯後甜品嘛

星期六係大圍食完飯就同朋友去食甜品，行過個店完哥哥話有得食波多野結.....冰😂😂咁見個名咁得意，入去試試。有兩層，我地坐樓上，老細同店員都係後生仔，服務態度幾好，叫左幾樣甜品，去圖：個名叫白雪，幾得意，味道正路不過不失。西瓜西米露，西米露冇咩味道，西瓜唔夠甜。日式甜品，櫻花水玄信餅，賣相勁靚，打卡一流，個餅本身味道淡淡地，冇咩櫻花味，但有個甜甜地既汁，都ok。好出名既榴連爺爺，一黎到好香好有榴連味，但食落又係淡淡地，其實係咪呢間舖頭既特色？？？紅豆沙同花生湯丸，都係果句，唔夠味，唔知係唔係今日廚房冇糖用😐😐最後係香蕉窩夫加曲奇雪糕，賣相又係幾靚，真係睇得出師傅有心機做，不過味道又係唔夠甜，可惜左個賣相。總結：人均食左$40左右，以賣相黎講真係一流，可以同女朋友黎打卡。睇得出老細好有心機做落去，可惜既係我同朋友都覺得所有甜品唔夠甜味，淡左少少，或者係呢間野既特色。

晚飯後，我地一班後生仔女，被「波多野結冰」吸引不過我地無拜訪「波多野」，反而去探左「榴槤」個「爺爺」，原本以為會好重榴槤味，不過有少少失望，佢只係有雪糕嘅西米露，好少榴槤味其他糖水都好一般，不過佢地食完唔趕客，一班人傾下計都唔錯；而且服務員都幾nice

週末同朋友去大圍覓食；食完之後再食糖水是常識吧。途經糖宮被餐單吸引入去；嗌jor櫻花水玄信餅（無錯，打算影相呃下like）上jor黎之後真係跌眼鏡朵花...真係好單薄味道就...無味，全部都係黑糖味（唔知水玄信餅本身有無味呢）朋友都有嗌其他，包括榴槤椰椰、花生湯圓、玉桂香蕉窩夫伴雪糕...結論係全部都無味下次唔會再黎啦最後都like一like對方既facebook page；因為可以減2蚊。結論：唔會再黎啦，但係欣賞對方餐牌啲名好有創意。

其實上網成日見到大圍美食推介來來去去都係果幾間，好似忽略左好多其他既美食咁🤓今次同男朋友周圍走， 見到呢間叫糖宮既小店裝飾得好青春!連野食名都特別過人😆門外2張sofa 椅望落好捨意呀～～～其實我地大約四點倒經過已經開左門，入面都未有客人，所以我地二個膽粗粗就入左去😂😂款式真係令人花多眼亂😵😵😵店員見到我地二個望左勁耐都未決定到食咩，就過黎同我地介紹一下!佢話近排新出既小雜圓爺爺都好受歡迎!入面有好多丸子，仲有自製薑汁椰水，其實都好特別!不過可惜因為我唔太好薑味，所以無試，但我估如果冬天食應該一流🤤另外店員仲推介呢款菠多野結冰😂😂😂有三個系列喎! A) 暗黑亂入 B) 透明人間 C)一路向西 😂😂😂啲名好笑得黎又有啲意思喎!!所以，最後我地就叫左一個，我就叫左榴槤夢露🤤菠多野結冰既透明人間篇😂😂全個菠蘿上!!勁甜勁多汁!店員話菠蘿係日日新鮮既地捫菠蘿!日日親身去果欄買架🤤🤤菠蘿冰啖啖清香👍👍👍榴槤夢露睇個名以為得榴槤, 點知除左榴槤肉仲有榴槤冰，之後仲有芒果肉同芒果冰😵😵😵😍仲有西米露!!成件事好豐富同好好食👍👍估佢唔到個雲呢拿雪糕咁滑👍今次收獲豐富，環境仲播埋流行曲十分有感覺👍下次會

大圍的甜品店都彼多，糖宮在大圍已有1年的時間，便能可以得到認同確實不容易，也是靠著質素和美味的食物，才可以有著這樣的口碑。已經不是第1次前來，還是能給人有意外的驚喜。*****************************前來糖宮，剛巧還上了大廈維修，所以有棚架在圍著，但也不會影嚮食物的質素。此外，門外還加放了2張椅，如此秋涼的天氣之下，坐在門外也挺舒服。椰皇燉蛋白 HKD52，是每天限量即製，特別現在是秋涼天氣，會很快便沽清，有幸這夜前來還有，當然要一個好好品嚐。燉蛋白都沒什麼特別，在很多地方都有售，不知道糖宮的燉蛋白又有何不同。打開椰皇，燉蛋份量都幾滿，而沒想到入口的燉蛋滑溜無比，有如即溶旳口感一樣。而燉蛋除了有蛋白的味道，還有很清香鮮甜的椰皇水味道，完全和平常所吃的燉蛋白是有所分別，沒想到這個椰皇燉蛋白是用上椰皇水所製成，真材實料，確實給了我一份驚喜。櫻花水玄信餅 HKD38，看見餐牌這個甜品名字旁多了一個New，看著圖片都幾精美，便要了一份來一試。原來是啫喱之內加入了櫻花，還附上黑糖伴吃。單看這個啫喱賣相晶瑩剔透，還有櫻花在內，帶著淡淡的粉紅色已經很吸引目光了。再吃下一時，啫

今日入新界區經過一間甜品店，從餐牌上的甜品名稱覺得這個店主又有創意，畫的卡通人物又可愛，於是進去了店主推介了椰王燉蛋白 （HKD52) 冷熱同價椰殻上的公仔也是型男所畫已經很吸引，內裡的蛋白混合了3.6奶，難怪又白又滑，椰王味也很重！店主還跟客人有互動、研究其作品，很有heart! 爆茫 HKD48（有芒果布甸、金柚、爆爆珠、芒果乾、盧薈肉、小丸子，芒果雪糕）布甸柔軟程度適中，混合所有材料並一口咬落去，有多種層次 - 又煙勒，又凍，又帶甜。感到胺多酚的bar 是滿滿的啊！

難得早收工，又係Happy Friday, 嘆埋甜品先返屋企！出面好多糖水店款式都係大同小異，而且門外有得泊車，所以我好喜歡黎糖宮食，因為花款多得黎又會有季節限定，唔怕會悶親！而且大部分都係老闆試過再改良，實屬自家製，味道夠獨特！時間尚早，可以食每日限量發售既椰皇燉蛋白，今日仲係岩岩好新鮮燉好，天氣涼涼地，好適合食熱辣辣既椰皇! 椰香四溢，蛋白好濃椰子味，而且好細滑，水份相當充足，鐘意食埋椰子肉既朋友，一定要試下，因為好嫩滑！ 今日食唔到香蕉心太軟，唯有食返朱古力版，要讚一下糖宮既朱古力醬，係由老細親自調較，濃郁得黎好滑，而且真係好杰身，味道同g字頭朱古力有點相似，不過今日個外層就無平時咁鬆化，不過都好正呀！仲可以揀2球雪糕一齊食！ 冰火互融的確係心太軟最吸引之處！

食完晚飯沿著大圍內街散散步時，見到外面望落有啲Cyber feel既「糖宮」，原來係一間甜品店，款式又幾新幾多選擇!! 一於入去試下店員親切而且老闆會親力親為，原來小店好多野都係自家研製，餐牌上甜品配搭都係精心設計出黎。例如呢個芒果三重奏，入面既布甸係自家製，食落有點home made既味道，食得出奶同芒果既鮮甜不酸，混合埋爆爆珠，口感更上一層樓！因為本人大愛小丸子，所以自行另加上去！煙韌不痴牙，味道又添層次了！每日限定既椰皇燉蛋白, 送到埋黎時已經散發好香既椰子味，熱辣辣，椰水完全地同蛋白混為一體，口感非常幼嫰，連椰子肉都一樣好滑，邊食邊滲出椰子水，果然係鎮店之選呀！如果喜歡食椰子既朋友一定要早啲黎食呀！ 而家Like埋糖宮Fb專頁，每個仲可以減$2 ！眼闊肚窄既我已經諗定下次返黎要食邊款！

未試過呢間甜品舖，出面見到d甜品多選擇又吸引，入面座位又夠寬敞，所以決定入去一試!呢個熱椰王燉蛋白好好味，蛋白味同椰子味調配得啱啱好，味度濃郁，仲有食落好滑質感好好，食完仲好開胃好想食多杯添!我地仲試咗個小雜圓爺爺，上面係火焰雪山，實質僽層蛋白，撈埋下面d椰汁西米露好夾! 裏面仲有驚喜，有唔同顏色嘅芋圓，好有咬口，食完真係大滿足!下次黎大圍一定會試呢間，因為想再試下其他唔同款式嘅甜品😍😋😋😋