糖公子

小妹多年來喺Open Rice度搵食…就算唔太好食…都未嬲到要上嚟寫食評…話說尋晚同男友喺太子附近食完飯…諗住搵間甜品食下…去到哩間糖公子門口…見佢好似就嚟收工咁款…(入面一個客都無…門口雪櫃都清空左)細問之下…嗰個原來係放千層蛋糕既雪櫃…蛋糕已經賣哂…心太軟都係…(當時係9點啫)嘩…我地諗…咁好生意應該唔差既…入到去…選擇唔多…我地終於揀左兩個冰品…叫"齊天大聖"同"少女心事"…嚟到就知大鑊…先講"齊天大聖"…佢係一個以香蕉為主既冰品…嚟到時淨係見到啲奶水同一埋冰…佢張相係有4條蕉排喺碗邊…我地明白圖片只供參考…但唔係差咁遠呱…都算啦…入面除左奶水就係幾塊簿蕉片同西米…入口既感覺…真係好清…水…奶水…毫無甜味…我叫男友食完嗰幾塊蕉片算…我男友仲話明白點解會改哩個名…因為食完真係會嬲到好似馬騮咁跳…到我個"少女心事"係用士多啤梨為主…個樣唔算差太遠…但佢寫明入面有小丸子…一粒都無…成碗野又係無味…連基本酸味都係似有還無(係食中左啲果肉碎先有啲酸)…舊雪糕硬到匙羹都插唔入…好彩無敏感性牙齒…唔係唔知要等幾耐先咬得入…雪糕味道亦係淡…我即刻上OR睇下…真係oh shit！！原來唔係得我地覺得佢有問題囉～下次真係search 下先好去…大佬…佢都成$36碗…俾奶水人食…食個m記雪糕好過…或者佢嗰兩樣主打真係好食…但其他真係要諗過先好去…唔怪得見到啲人知道佢買哂啲千層蛋糕就走哂…最後我問佢地個侍應…有無試過哩度既野…佢話淨係試過個蛋糕…我都話佢醒目…順便叫佢幫我同廚房嗰個講…叫佢檢討下…唔好掛住撩女仔傾計…試下自己啲野有幾難食…何謂甜品！！…查看更多

榴槤金露主要是花奶溝水，極少榴槤肉，極淡楊枝金露花奶水和超細超小芒果肉，完全無芒果味多芒小丸子味道勁淡，無甜味同芒果味，小丸子只有麵粉味總結，從未食過這麼差的甜品，價錢不是特別便宜，可是絕非真材食料，而且以上三款不是難度高的甜品，以後無回頭。…查看更多

真係唔會再有下次，一到食一到少叫左楊枝金露，敦椰王鮮奶，椰王敦蛋白。一黎的楊枝金露同一般食的差好遠，色澤係似芒果西米露。又冇柚粒，芒果又得幾粒，個份量得好少，朋友食的敦椰王鮮奶，敦蛋白水汪汪，仲要$45。一d都唔直，未準備好道米開幕啦！…查看更多

🍮🍰 ❤️ 值 得 一 試❤️  🍰🍮🎊糖公子🎊係今年新開嘅 所以就去試下位置係太子花園街個頭 周圍都有好多餐廳食完晚餐 可以去食下😋見到門口玻璃窗有幾件班㦸🍰又幾得意就入左去我去個陣都幾早下，大約7點到已經有其他客人坐左係到等食👍個環境都ok 你抬頭會見到好多甜品相因為本小姐好想感受下心太軟有幾正，所以就叫左個朱古力心太軟🍫☺️ 同一件栗子班㦸同榴槤班戟 見到都幾多人叫 所以就想試下有幾正個心太軟就一早講左要等耐少少🍮個栗子同榴槤班㦸黎到就更係相機食先😏📷依個榴槤班㦸真係好正 好香榴槤味 又唔會好似好濟 2個人食岩岩好👍👍👍下次黎都會叫依個 價錢係$35 個人認真價錢ok 到個栗子班㦸 都係好好食 層次分明😋佢就唔似榴槤個個咁軟 佢個質感係實啲但又唔係好硬 我幾中意個口感甜味岩岩好 唔會太甜下次都會再點依個價錢係$32食哂兩樣個心太軟都未黎大約等多15分鐘到主角黎啦😭✨特別讚下佢啦 ✨個外貌真係唔錯嘅 睇得出係用心畫圖案👏👏不過我等你真係等得好苦呀😭 ~~~~~~當然 食心太軟就係要切開佢有朱古力流出黎啦好心急拎起把刀🍴 一切。。。。。果然🍫朱古力有流出黎 不過我就覺得個cake 仲可以再焗多少少 因為啲口感好似未熟 但整體上都有3個手指公👍👍👍價錢就$58總結下，榴槤班㦸就必須要食😏👍或者大家叫可以點佢地個班㦸類試下因為我見佢都幾多選擇，士多啤梨，石板街，芒果etc.個心太軟就未必一定要食😂榴槤班㦸4個手指公👍👍👍👍栗子班㦸3個手指公👍👍👍心太軟都係3個手指公👍👍👍…查看更多

上星期在太子經過一間糖水店新開將叫"糖公子"，哈…哈…個名又幾攪笑喎。仲要老板是位年青靚仔。我試左二款甜品有心太軟、栗子千層蛋糕，味道很好 之後仲買埋佢最出名的榴槤千層蛋糕外買給媽咪。她一試難忘榴槤果種香濃，要我帶她親身去再吃 真係好好味。…查看更多