糖三藏 (已結業)

我同阿媽見間野雖然冇咩人，但有唔少未試過既甜品，所以就走左入去試試喇，我同阿媽一人叫左一個"椰皇燉蛋白"，聞一聞就已經有好香既椰香味，d蛋白又燉得岩岩好，又滑而且個椰青又燉得幾焾，好用易食，不過分開食會覺得好滯，要蛋白同椰肉一齊食先唔會咁滯。

是我第一次寫食評，想同大家分享。九點幾食完晚飯，無無聊賴，一家人經過見有間糖水舖，個名都幾得意，不防入去試一試。(糖三藏)依間店新裝修都算ok,但環境都唔錯。店員禮貌都算OK,老爸叫佐個『月光寶盒』原來是椰汁桂花糕，味道，可以一試。媽叫個廚師推介，"" 椰皇燉蛋白 ""，味道有椰水、牛奶、蛋白，一食入口就知道新鮮，好好食~~~~一定要試)店員話每天限量發售。而我就叫佐碗紅豆沙，雖然比一D舊式糖水舖貴佐少少，但都唔錯有幾會再到西環，我一定會再試佢地D其它野食食完先記得要影相，唔怕下次再去，我一定會影D相比大家分享 ................

上個月去西環打邊爐 , 之後想食糖水 , 咁食新式糖水定係舊式好呢 ? 最後仔仔想食冰 , 咁行去左"糖三藏" !見個餐牌有好多野食 , 仔仔要 "士多啤梨刨冰" , 太太要 "芝麻糊" , 我要"棷王雪糕" 士多啤梨刨冰 一到 , 仔仔已經係咁食 (佢食得太快, 映唔切) , 我試左幾啖 , 比佢叫停 , 唔比我再試 !! (評語 : 好香 / 夠料 )"芝麻糊" 食得出是生磨的 , (評語 : 有質感 , 好滑 )"原個 棷皇 雪糕" 出來幾靚 , 生果新鮮 (評語 : 夠新鮮, 仲可以食埋d 棷皇肉 幾好味 )之後仔仔仲要追加多個 "朱古力奶涷" , 好滑 , 有奶香 ... 下次去開個邊再試其他野先

間舖頭環境都算係ok..不過有d舒服d既歌聽就會好d~~我地叫左三樣野一個"芒果棉棉冰"幾抵食..又大碟~!"芒果脹粉"就幾特別..!個"什果河粉"好滑同埋d生果又多~!喱排天氣轉熱返大家可以去試~!傾計係一個唔錯既地方~!