粥家莊

营业中

休息中

因為自己一個人帶小愛人上學，要等1小時，時間正好用來吃個早餐，吃膩了西式早餐，今天來個中式早餐。另外最主要是如果大愛人也在，他只會吃西式早餐，終於可以一個人吃中式早餐哦！我是第一次光顧這店。因為早餐我吃不多，我點了炸腸及熱豆漿。炸腸的味道是傳統懷舊味道，腸粉夠嫩滑，入面的油炸鬼也算是脆口，加上甜醬丶麻醬丶芝麻，味道十分可口。至於那熱豆漿，我則感到十分失望，顏色望上去明明是豆漿的顏色，但我完全喝不到黃豆的味道，只是甜的水，我最愛喝豆漿，每次也會喝光，但今天不得不放棄一半，健康quota有限，不想浪費！整體而言，見同枱的粥品也很靚仔，相信只要不喝豆漿，也是很好的一間粥店。

岩岩熟既豬膶仲好爽口，加胡椒粉食可以減輕內臟既味道，粥底軟綿有調味 而食粥加牛脷酥是常識吧？牛脷酥做到外脆內軟，食落甜甜地，合格。....#hkfood #hkfoodblogger #hkfoodreview #hkig #hkfoodie #travelhk#foodstagram #eatstagram #foodie #foodblog #foodig #instafoodie #foodporn #foodreview #foodhunt #foodbeast #life #comfortfood#먹방 #맛집 #인스타푸드 #홍콩 #먹스타그램 #일상#comida #delicioso #comer #gusto@eat_travel_weekly @ufoodhk

呢個星期食太多好西食到腸胃有d唔舒服經開粥家莊試試佢粥店黎講佢算乾淨企理！位都唔迫既！我嗌咗個柴魚花生粥加炸兩（$19+$10）落單後唔洗30秒有野食🤣🤣🤣快過光速餐！！好嘞粥底幾綿既，米夠！唔會好水但柴魚味唔太夠，亦都唔多柴魚花生就夠！唔難食但唔覺得特別好食！不過$19熱辣辣仲想點到炸兩凍！冰！冰！一早整定，連豉油都幫我落埋真係有懷疑係咪上手整多咗比我一夾腸粉斷開哂你睇，一塊塊跌哂落碟好在佢條油炸鬼又幾脆！唔會林！不過不失啦 ......但$10又真係好平哈哈！雖然食物普通，但佢又幾細心每枱都有紙巾，麻醬芝麻辣醬乜都齊至於服務就麻麻地啦D哥哥仔黑口黑面咁埋單$29真係抵到爛糧尾岩哂希望佢個炸兩可以改善下la!!!下次再黎試下我最愛既皮蛋碎牛先！！

今晚星期五 送咗兩張自助餐券 比 岳父岳母 今晚去食自助餐， 太太 同一班同事聚餐， 自己工作到七點幾， 一個人唔知食乜好， 諗起土瓜灣有美味嘅椰汁， 所以長驅直進 由石硤尾直到土瓜灣，見到有間粥家莊， 諗住一個人平平哋食粥，冇乜期望， 步行入去 粥家莊， 店舖非常光猛， 感覺亦很清潔衛生， 坐下來 沒有睇價錢 就叫了一碗 皮蛋碎牛粥和一碟炒麵， 三分鐘唔使， 皮蛋碎牛粥送到枱面， 熱辣辣、香噴噴。 唔使兩分鐘後， 大大碟炒麵亦都送到。皮蛋碎牛粥， 皮蛋香冇澀味， 食落啖啖牛肉碎， 如意料之外嘅出色 點 就係有香脆嘅花生， 粒粒爽口。大碟炒麵再加上芝麻，同少些少甜醬， 味道都一流， 分量非常足夠。本來孤單一夜， 孤寒的我， 花了31元， 就能得到人間美食。 打破平嘢冇好呢一個說法。轉頭食完粥 同炒麵， 我就去買一樽新鲜可口嘅鮮椰汁。去彌補我今晚嘅孤獨感。

自己食晚飯，仲要8:30pm先食原本想食粥清淡d，但忍唔到囗，order左炸兩。粥品正正常常，但炸兩唔得，成碟一d都唔熱，(連粉皮都係一絲既暖意都冇),中間既油炸鬼好淋唔建議係到食油器ps：唔知點解甜醬係啡色，味道都同平時唔同

呢排天氣好悶熱搞到個人都冇乜胃口戰鬥力超低 今晚就諗住食清啲睇下會唔會好啲 真係咁岩得咁橋行過見到有柴魚花生粥 唔係講笑我話要食都講咗幾年終於比我見到有!!直頭係童年回憶好想揾返細個嘅味道 唔係間間粥鋪都有柴魚花生粥嫁 唔知係咪我冇特登去搵呢終於有得食喇!!我仲叫多咗個牛脷酥碗粥好似係幾足料 印象中嘅牛脷酥應該係甜甜地不過呢個味道比較淡 雖然食落同細個食嘅味道都係唔一樣不過我都滿足架喇 成晚都好似得一個樓面做嘢咁 但係佢都超有禮貌有問必答 抵讚

第一次幫襯，粥底不錯，價錢相宜！環境清潔舒適，冷氣夠大，一邊吃粥也不覺得熱！腸粉不錯，炸兩夠脆！有齊兒時傳統的粥店美食，還有經典的紅豆、綠豆、芝麻糊，仲有豆腐花，是次惠顧豬紅碎牛粥，炸兩，腸粉，好味！勾起兒時回憶極力推薦，支持小店！

今日有突然的假期(颱風)，於是趁機會出去行下食下野，見好奈無食過粥，又吾想食飯麵，所以就去屋企附近的粥家莊。呢間係老字號，通常老字號的環境都吾太衛生。不過呢間就吾同，桌椅地板都好乾淨，令環境好舒服。

今日病左,成日腸胃唔舒服,醫生話腸胃炎,叫我食粥好了,我黎到依間粥店,叫左碗豬紅粥食,豬紅食落爽口,味道爽中帶甜,而粥方面,本人覺得味道較淡,但..是正常的,想味較濃的可加鼓油,而水和米的煮得均行,配合得唔錯!

自細被教導一個道理：「病了才吃粥」。故這幾天腸胃不適，乖乖的進入粥店，來個「清腸胃」行動。走入店內，都是街坊小舖特色，一班中女婦女「阿姐」作侍應，各有各忙，各施其職；反而在玻璃窗內的廚房，就有三位中年男士負責滾粥，造腸粉等工作。雖說是腸胃不適，但我總不會點白粥吧，橫豎腸胃炎，乾脆來個豬閏碎牛吧。沒錯，這裡的粥是任併的，凡在餐牌上有列出的材料，你都可以併上，豬閏碎牛也不止，我還加上一句「多薑蔥走花生」，任何變化，只要粥店有的，她都可以做到。碗內有豬閏約六塊，滾得剛剛好，沒有渣，沒怪味，難得。除了豬閏碎牛粥外，我還點了炒麵，（誰說腸胃炎不可吃炒麵？）這麼大碟才八大塊，不油膩，不太咸，推介。吃完了豐盛的粥餐後，我感到我的腸胃好了不少了，看來我的舊思想要從新調整，吃粥不止是病才吃的，久不久也可大快朵頤。

晚上九時多看完戲，因晚餐未吃，就來吃個粥當宵夜。(後來才知這粥店在區內已薄有名氣)要了個皮蛋瘦肉粥，加個腸粉。粥底很綿，料都夠多，一讚。腸粉都都不錯。吃完全身暖晒，當晚身心都飽足。

手術後的我.沒什麼東西可以吃,因為畢竟有傷口.吃東西要小心,免得會傷害到身體吃粥是最識合不過的選擇.其實是沒有吃的可選擇~T_T~~~嗚嗚嗚~當然粥都可以吃得好好味的.這粥店在區內已經很有名的.街坊街理都讚好味.去其他地方吃都無這店咁好食~我都認同的.

這間粥店是我最喜愛之一, 原因是味道好之餘, 吃完後不會很口渴, 有些粥店味道也很好, 但就勁多味精, 所以這会是入選在我再去吃的店！首先, 我很喜歡他們的生滾粥, 鲍片雞粥和牛肉粥是我常吃的, 雖然雞件很小磈, 但粥底夠绵和好味。接著, 必吃的便是炸両, 牛脷酥, 或油炸鬼, 炸得剛剛好, 又香又脆, 但不会過脆。最後, 我媽媽喜愛的芝麻糊。 沒錯！是芝麻糊！在粥店竟然有甜品, 至於炒麵和炒米粉, 我就覺得不太好吃, 雖然在那裡有很多人吃這個。還有, 那裡冷氣不夠涼, 夏天吃住熱粥会流汗呢！冬天去就perfect!

4／1／2013心血來潮,想去食粥。在這區，粥家莊就是我最好的選擇。首先，粥／小食／油器／款式多選擇，食材新鮮二）當然是價錢優惠，平日早上／下午茶好套餐,三）環境衛生好，店內裝修簡單，食具整潔。如果地方清潔差，食物味道好總是不會有胃口的。粥家莊店已經有十幾年時間了，中途有段時間關了門。我生病時，口淡淡，想去買粥吃時，沒開門。連好幾天都沒開，難道已經關業了(°_°)真失落，很難得可找到一間粥靚料多的粥店。~誰不知，其實是搬遷了。搬了前一條街，那我就可依舊去品嚐美味的粥。（≧∇≦）

最近由於多了跟太太送小友上學的關係，故此是有更多機會回到舊居一帶吃東西。這自不然是一件令人極高興之事....好像今天又回去從前常到的粥店"粥家莊"，與太太吃碗粥及炸両炒麵。能享受片刻之寧靜安安樂樂的食個早餐，現在對我倆來說，算是頗奢侈的....皮蛋瘦肉粥是滿滿的一大碗。好像是料還多過粥的，皮蛋不死實且有流黃的情況出現，澀瀝味不重的算是很不錯了；瘦肉絲就稍為嚡及味調得太鹹；粥底是一如以前般的下了師傅，所以不太方便多嚐....炸両內的油條帶脆而不膩，光有此優點已是不會太差；炒麵色水均勻而不太硬梆梆如在吃橡筋，麵條的味道反而不像粥的一般要靠人工化調味而是單純以生及老抽來調色與味，令人討好.....食至此肚子已被塞得滿滿....唯有邊嗝著氣，邊乘車回辦公室...