米飯班主 (已結業)

見有個二人餐$108,算幾抵,反正去茶仔都差唔多錢,試下新野前菜 芥香木耳 - 冷盤,好香麻油味主菜 糖醋魚塊 - 魚同汁分開上,味道尚可主菜 照燒牛柳 - 稍咸,牛柳有部分切唔開,好多夾起都仲連住一大舊時菜 肉醬生菜 - 肉醬=肉燥,所以d菜變得比較油左d飯類 肉燥飯&地瓜飯 - 兩個飯都好飽,地瓜冇另外調味飲品 熱桂圓紅棗茶&熱蜂蜜檸檬 - 對於飲品最驚喜係任何熱飲都唔洗加錢,凍飲+$2環境方面係冷氣太大,最初坐左一張4人枱,感覺到有d風吹住個頭後來佢叫我地轉左一張2人枱,風更大,除左個頭吹住之外連枱面o既紙巾都飄飄下,食物更加係轉個頭就吹到凍哂

放咗工,超肚餓,立即搵嘢食,其實我經過<米飯班主>好多次,但每次都過門而不入,因每次都無嘢吸引俄入去,但今日實在太肚餓,非入不可.未入去都覺得好光,而且新裝修,睇咗餐牌大約5分鐘,其實都唔知食咩好,為有選擇我應為最穩鎮嘅"雞翼米線".'雞翼米線'賣相唔錯,有炒過嘅椰菜,紅蘿蔔片做配菜,有兩件滷水豆腐,3件雞翼.多謝$33.00/整體個米線都ok,但件豆腐就好唔得,無味

原本入果頭係想食時新 點知行到既時侯睇住佢收鋪!周圍行下同係好肚餓既情況底下 比佢既炸豬大腸吸引左點左個2人套餐 ($108)小食 +2 餸 +2 飯/米線 +2 飲品炸豬大腸: 外層夠脆, 但有幾舊炸到入面都硬埋糖醋魚塊: 唔多掂! 個汁唔夠味黃金地瓜飯: 原來d地瓜係就咁鋪係面. 都唔係連埋一齊焗. 失望燥肉飯: 唔係我食. 但女朋友話幾香拍青瓜: 一向都係我最愛! 不過不失啦~不過以哩個價錢真係平架啦. 仲要食到好飽! 順帶一提個環境. 格局幾好. 好sharp同光猛! 修橫到衛生都好好 而且有電視睇

原本想去食時新ge漢堡，但去到山左門囧係極度肚餓ge情況下見到一間鋪面新淨，招牌幾大ge米飯班主就入左去食XD一入到去就有位(可能呢段時間唔多人行過掛)新裝修，環境乾爽，廁所唔似其他餐廳咁污糟，完全乾淨！讚！d清潔阿姐帶埋頭套，好衛生架~我地叫左個糖醋魚塊米飯+肉燥蛋米飯~糖醋魚係鮮炸，d魚都好新鮮~ 配埋醬汁好好味！飯就係一細碗肉燥蛋米飯~叫左杯野飲，凍華田，略嫌粉落得太少…淨肉燥蛋米飯仲有半隻滷蛋，味道ok啦 =v=d肉燥撈飯好鬼好味！！($22，又大碗又好味，勁爆好食)阿姨好nice 任我地坐都唔趕人餐廳整體都有樓上cafe/私家菜 feel鋪頭新開張，

理工大學飯堂食多了, 下紅磡找找新意思, 下午茶時段, 見新開張, 試一試吧… 記得舊店為十分古老的茶餐廳, 現改了台灣式的小食店, 其有"K"項下午茶, 但只有一款是飯類, 叫了 “台式肉燥蛋飯” 配奶茶, 肉燥味道不錯, 略淡, 而且不太肥, 把它混在飯一起, 可以吃三碗, 可惜是下午茶, 只得一小碗, 飯身頗乾, 一粒粒, 合格有餘, 唯一略差的是滷蛋, 半隻沒問題, 但蛋質十分硬和實, 外皮已有些少脫開, 應該放了太久之故, 奶茶一般, 合茶餐廳水準, 服務也不差, 阿姐甚有禮貌, 會再幫襯…