米線陣 (已結業)

米線陣 下午茶 $50 A+B套餐: 脆炸單骨雞翼$ 50重慶酸辣湯肉燥米線(細)(小辣)凍豆漿$ 3加香辣皮蛋(輕盈)$ 10酸辣粉正常發揮雞翼脆熱辣出爐 加埋酸辣醬好味😋豆漿都幾清新 唔會太甜但又唔會係平時飲支裝果啲味 健康之選👍🏻皮蛋中辣 凍凍地少甜環境闊落，坐耐啲都唔怕🤣下午茶餐啱晒乜都想食啲又細胃人士🫡

外賣盒中有明顯污跡，把食物也弄髒了，完全不符合衛生標準。員工服務態度差，會呼喝顧客，也會向有需要的顧客無顧黑面。食物一般，不難食也不是特別好食。如有需要，建議前往其他分店，或前往其他的米線店舖進食。

呢間啲麵叫特辣都係完全唔辣，其他分店就辣好多。其次，啲服務員好似眼疾噉舉勁耐手先肯行埋嚟睬你，而某個短髮女服務員態度離譜，唔講以為我爭佢錢唔還，黑面加皺眉語氣極不耐煩。仲有杯Horlicks一上嚟杯口有唇印係咩料，係咪冇洗過嚟，令我產生心理陰影。

中午去食個lunch 一行二人 ，一個點左個雞胸加一個送，同一個擔擔麵克汗（炸豬排）米線黎先，但個雞胸一望就見到係未熟， 通知經理返廚房再煮一煮出黎都係差少少，甘是但用湯浸熟啲算， 擔擔面食到一半，我匙羹畢起啖湯諗住飲，點知見到小強（細隻） 跟住叫經理，佢免收我個碗，問我要唔要整過碗，我已經無胃口食， 有個女員工（年齡40-50）竟然同我講，間間都係甘架⋯⋯到底係幾無腦至會講得出呢句？ 因為趕住走無理論，但唔會再光顧，間間都係甘？要食環做咩？

前排女友想食米線就行咗入黎食，我感覺好中伏，首先講吓佢個會員先，職員話只要50蚊就可以做會員，有野送有9拆之如仲可以存積分，我以為果50蚊係入卡食完再扣數，點知當我埋單先知果50蚊係入會錢，仲要冇得退。跟手講吓佢d食物，真心講好一般，冇乜突色，南記同譚仔三哥都比佢好食，而且野飲叫咗少甜都仲係勁甜，我都唔知係我味覺問題定佢杯野有問題，佢有碟小食係蒜泥白肉果類，放成堆蒜泥入口都係冇有乜味，應該濃味嘅野真心淡，我真心唔係咁想再去，以上為個人感覺。

嘢食係幾好食 但係店員啲服務態度認真幾差😣嗌咗兩個米線🍜個店員好似勁唔耐煩咁 問多少少就勁hea勁頹🙎🏻‍♀️🤷🏻‍♀️尤其係個短頭髮矮矮地嘅阿叔 聽唔清楚佢講嘢 要佢講多次就特登講到勁大聲 😥驚死全個餐廳聽唔到咁🤥

要食平早餐，唔駛一定要去連銷快餐店嘅，呢間推出左特惠早餐，餐單會改口味，今次見到係呢個厚切午餐肉配蛋湯麵!  可轉通粉/米粉，另配熱飲!早餐我歡喜食通粉，唔知點解會有早餐嘅感覺 (哈....)，要埋杯熱奶茶，成份早餐夠晒啦!午餐肉確係厚切，煎香左咬落食到肉碎感，幾重味加多隻煎蛋，蛋黃唔係全熟，仲有蛋汁流出，撈埋落D通粉一齊食都唔錯; 唯個湯底味道咸左D囉!食晒成個餐都相當飽肚，$24岩岩好!

唔知由幾時開始，#小秘書 愛上 #米線陣 嘅 四川麻辣湯底🤪 呢日我又去食佢哋嘅 #下午茶 #碎牛腩鮮菌米線、配 #四川麻辣湯，再加個 #可樂、#蜜糖檸檬豬扒。#米線 配 #四川麻辣湯 一向係我至愛，配埋啲 #什菌，湯底唔太辣，正合我意💙 不過件 #蜜糖檸檬豬扒 認真唔ok，#師傅 似整起好耐😑#豬扒 上枱嘅時候外面層 #炸漿 已經淋哂😤 口感好差🤨 好在我今次係用 #會員coupon，加埋可以減$15。嚟 #慈雲山店 又一次中伏，我以後都係去返觀塘先幫襯喇😕

以往嘅「十一國慶」，#小秘書 通常都會約埋 #屋企人同 #朋友 出去飲飲食食，好可惜今年 #大家 應該同 #小秘書 一樣「被軟禁」，唯有瞓到自然想麻醉自己🤪 不過就點都要食嘢嘅，好在我屋企嗰度尚算和平，坐架 #小巴 上去「慈雲山中心」都仲可以行吓。諗住未夠6:00仲可以食到「米線陣」嘅 #下午茶餐 啦🍜 明明個「下午茶餐牌」喺度，但係個伙記夾硬話無😏 咁既然都坐抵咗就照嗌啦🤔 我要咗個 #肥牛豬肉丸麻辣米線  + #蜜糖檸檬豬扒 同 #可樂，但係轉頭見到斜對面一對母女嚟到，佢哋得知無「下午茶餐」就起身走，點知嗰個伙記話「算啦算啦，做埋你哋啦」... 呢個世界有無咁唔公平啊？講到啲食物，點解麻辣湯底都冇味嘅？件 #豬扒 亦都係一個半熱一半凍咁，同平時我喺「觀塘鱷魚恤中心分店」食嘅質素相差好遠喎🤨

午飯時段黎試下 睇餐牌款式貌似幾多 連飯都有埋！價格比譚仔貴環境🌟算寬闊 幾乾淨下 態度🌟金色短髮女待應好似吾識聽廣東話甘 講左要只擔擔米線 連續三次重要問系咪大汗豬扒套餐好難溝通，其他店員好似未訓醒甘 全部暑期工個個起到扮工 想拎支飲管都要講三次先醒起俾客食品🌟叫左番茄牛肉蛋白飯 無圖甘吸引 番茄略酸 牛肉一般 無太大特別 蛋皮唔多滑身 唔會有第二次另外擔擔米線：味道唔錯 推介 感覺有些少喇沙味道帶微辣 建議要配野飲先爽另加配蜜汁豬扒 之前叫過大汗豬扒 辣既 配埋熱浪碎 幾特別 今次依個蜜汁豬扒肉身算厚 但炸粉過多 食到一舊舊炸粉搞到豬扒老晒。。。總括黎講下午茶黎食可能會抵d 因為甘既價格份量都唔系好多 重要無譚仔會配送下芽菜 豆皮之類 都系食譚仔抵好多

米線陣的確係一個食一人午餐嘅好地方，今日我就自己一個去咗食一碗麻辣番茄湯底肥牛魚腐米線！佢嘅麻辣蕃茄湯底好惹味，麻辣高辣度適中，配埋蕃茄酸酸甜甜岩岩好，一啖湯一啖米線，我最後飲晒成碗湯肥牛同魚腐連湯食都好正！另外我仲叫左一杯青檸薏米水，解辣一流！

今日約咗朋友食晏，但係之前嗰日太夜瞓唔知醒，於是轉咗食下午茶。呢個朋友係米線控，見親佢10次中有8次都係食米線。今次就去咗食米線陣，佢極力推介食個小食，就係大汗豬扒，我見個餐牌 都係有手指公嘅圖案，即係極力推介啦，之後我再嗌多個大汗雞扒。咁我望一望餐牌見到有個擔擔麵但有一個辣椒嘅圖案，而自己又唔係食得太辣，所以問咗個姐姐，姐姐就話唔會太辣嘅啫。於是就試一試啦，點知個米線送到嚟食落 出奇地意想不到地好味。。食落甜甜地少少辣，我唔食得辣嘅人都可以接受到。。。下次可以再食！

尋日唔使開工，又唔知去食咩好，去開朋友住果頭求其搵間米線食，見到米線陣，好耐未食過。見無咩人又唔做排隊攞位，就呢間啦。其實menu有好多野食揀，我見到有出埋飯餐。不過，我食黎食去都係果款，就係麻辣蕃茄牛肉魚腐米線，整個湯唔係好咸，又有辣。朋友就叫左擔擔麵湯底米線，我偷食一啖，原來都幾香口喎。我地仲另叫左一入大汗豬扒同大汗雞扒，最鐘意就係佢d辣粉，次次食完都出晒汗。原本想叫芒果鐵觀音，朋友唔俾我叫😭話要飲其他野，下次一定要叫埋芒果鐵觀音。

米線陣嘅~麻辣番茄湯米線 （竹笙，滑牛肉，雞脾肉，中辣）💖個人認為米線陣嘅番茄湯底比其他嘅米線店好食 👍😃番茄肉夠多夠濃，雖然番茄甜到有d假👈我覺得應該係浸過糖水 🤔不過佢勝在夠濃，唔會好似清湯加番茄咁 😂而且有麻辣 😚岩曬我配料方面都幾多選擇，比較推介嘅有豬軟骨，牛，鮮蝦雲吞，冬菇 😆😆我今次食左滑牛肉😝牛肉唔會太薄，夠厚身而且份量都足，夠淋同埋都新鮮 👌雞脾肉同樣大大舊，仲去埋皮，岩曬我呢d唔食皮嘅人 🤓😄竹笙份量都多，吸湯一流 💖😝每碗仲有腐皮，芽菜同大大舊番茄 👍整體黎講性價比都幾高 😎不過我食嘅慈雲山分店水準都“幾”唔穩定 😂有時會好難食而且份量唔足 😅去食嘅話要有心理準備同運氣

#小秘書 呢排愛上咗 #米線陣 嘅 #麻辣湯底線，有機會就心思思想去整返碗🤪 呢日早咗少少收工，屋企又無飯開，又係時候出發。#山長水遠 嚟到 #慈雲山中心，就係貪佢人少少，而且 #商場 入面有啲 #小店 都幾啱我行👣 食飽仲可以買啲 #日常用品 先返 #屋企🏡呢日 #小秘書 點咗 #豬腸金菇米線，由於我本來就唔鍾意 #酸辣口味，所以夾硬都要加錢轉返 #麻辣湯底😝 等咗一陣，大大碗麻辣湯米線喺我門前出現🍜 湯底好夠味、豬腸無臭味、肥嘟嘟咁😋 而家諗起都口水流呀😝 加埋罐 #可樂... 一個字「正」！