影片
相关文章
呢间真系我食过最好味米线，唔系好浓味𠮶只，但系个麻酸辣猪骨汤系好好味，酸菜鱼有好多鱼！最钟意食佢嘅腐皮卡胶卷，即叫即炸脆卜卜，腐皮又多又好食，猪软骨又好入味。 每一碗都系即刻叫即刻整，热辣辣，仲有好多芫荽葱，正！ 加几蚊仲有杯冻奶茶，坐得舒服。每次去到都唔系好多人，星期六日都坐唔满，今日终于见到佢贴出嚟话要结业啦，真系好唔舍得。每星期都食2次，真系生意难做如果老细睇到，希望你可以去第二度开返一间啦，继续支持你，加油！
继续阅读
今日光顾时，有个男店员/？男店长/？老板 态度都几差劣😟我系外卖自取，我一落单时，已经指住个餐牌话要依个餐，然后开始讲要咩𩠌之类，之后我讲到小食要咩既时候，个男店员态度唔多好咁话：「下次要全日餐就一早讲！」我心谂其实我一早讲左啦，咁都算啦……😒叫完野食俾完钱后，因为成间铺头无咩人，只得两枱客，又无人系出面等，而且近门口果两枱都系无人坐，佢地都系用黎摆外卖，所以当我想坐最近门口张櫈时，个店员好大声咁讲：「小姐，系出面等啊！！」入面枱客都即刻望出黎睇下咩事 其实出面天气就三十几度，间铺就无咩人，我唔明点解唔可以俾我坐系到等一等个外卖，而且佢态度仲要咁无礼貌，如果店铺多人，我都唔会坐系到，阻人做生意而且依个男店员之前见到佢态度都已经一般般，黑口黑面，又从来唔会讲「多谢帮衬」之类既说话，仲有见过佢好恶咁骂厨房整野食既姐姐依间米线真心几好食，所以我光顾过好多次，但个男店员既 差劣态度，真系令人想再光顾的意欲大跌，所以希望个店员意识到自己既问题，唔好再帮忙倒米！
继续阅读
呢间米线见好多人推荐，今日终于去试咗虽然位与位之间唔算迫，但坐得唔舒服唔紧要啦，最主要野好食，打开餐牌见到有好多选择又想试水煮汤底，又想试酸菜汤底下，我最后叫咗泡椒老坛酸菜汤米线，友人就叫咗全日套餐，要酸辣猪骨浓汤米线。试咗呢几款食物:1️⃣麻辣猪大肠2️⃣蒜泥白肉3️⃣孜然炸鸡翼4️⃣酸辣猪骨浓汤米线5️⃣泡椒老坛酸菜汤米线店舖用QR Code自行落单落咗单无三分钟，凉拌小食就送到了麻辣猪大肠卖相真系好吸引，但一食落去真系超失望首先无麻，其次唔辣就算连啲辣椒仔一齐食都无麻辣味至于青瓜就算放系底，都一样无味之后黎既系蒜泥白肉叫咗半份，卖相同样唔错，但食落再次失望，同样系唔够味再黎既系孜然鸡翼炸得系好脆，热辣辣，但无孜然味的，只系普通炸单骨鸡翼咁酸辣猪骨浓汤米线份量好足，朋友叫咗中辣但觉得都系唔够辣，食得唔够过瘾汤底ok，唔算油至于我既泡椒老坛酸菜汤米线我觉得个汤好食过酸辣，而且比起外面系少油啲，份量亦足整体黎讲凉拌小食可以不用试，至于米线几好食，食完唔会话好口渴，不过呢间舖头啲酸辣/麻辣相对出面既系偏淡的。另外，希望店家改善既地方系，见到墙上贴住”请注重环保”，但却只提供木筷子使用，既不环保，而且亦米线夹起来亦唔方便呢
继续阅读
好啦！我又食米线喇😂今次揾到间良心米线试一试，地点唔系大街…所以都要揾一揾 🔸下午茶鸭血+鸡肉棒米线转泡椒老坛酸菜汤 送豆浆/汽水$48鸭血有三大件，都几滑～鸡肉棒有一条，个人不太喜欢🙈下午茶呢个价钱都好合理👍🏽泡椒老坛酸菜汤必定要小辣，个人觉得已经好够，再辣啲顶唔顺😂😂 味精方面超强烈，未食完已经觉得好口渴💧不过都预咗环境坐得舒适，下午茶人唔多，慢慢食Hea下都OK😎每个人口味都唔同，以上言论只供参考
继续阅读
系元州街觅食，见到一间tiffany blue既米线小店，好耐冇食过谭仔嘅我就走左入去食🍜平日中午12:30左右，店内竟然无人，心谂伏唔伏架?! 店内都整齐企理，又有霓虹灯既打卡装饰。佢地采用电子自助落单，拣汤底/凉拌米线或凉皮，再选择配料，又或者可以拣五宝过桥米线、老坛酸菜鱼米线。🔥麻辣猪骨浓汤米线 $30(配葱、芽菜、腐皮)见到佢地招牌系麻辣猪骨浓汤，更系要拣黎try try！辣度有6个程度，我就拣微辣。汤底骤眼睇几浓，忍唔住饮左一啖，几麻辣㖞！同平时食既谭仔麻辣汤唔同㖞，带少少猪骨味👍🏻👍🏻 麻既感觉刚刚好✨ 腐皮索哂汤超好食❤️配料就拣左2款+$12既🌟推介菜式！ ✨墨鱼头✨ 平时出面好少有呢款拣！超爽口同有咬口👍🏻 份量都算多❣️ ✨虾胶腐皮卷✨ 新鲜即炸起分碟上，出面腐皮炸得香脆，里面虾胶有粟米粒，弹牙好味😋埋单$54，跟餐饮品要+$8汽水+$9柠茶之类。唔算话好平，但味道唔错，几好食！绝对比谭仔好食（可能我食得太多😂食到厌？）
继续阅读